ഓഫീസ് പ്രണയം 1

ഓഫീസിൽ സ്ഥിരം സംവദിക്കുന്ന പല സഹപ്രവർത്തകർക്കിടയിൽ ഒരാളായി മാത്രമേ ഞാൻ അവളെ കണ്ടിരുന്നുള്ളൂ. പക്ഷെ എന്നാണെന്നറിഞ്ഞില്ല,  വെളുത്തു മെലിഞ്ഞു കൊലുന്നനെയുള്ള ആ പെണ്ണ്,  പ്രണയത്തിന്റെ  പിരിമുറുക്കം എന്റെ മനസ്സിൽ ഉണ്ടാക്കിയത്?

ഒരു പക്ഷെ ആ ഓഫീസിൽ മലയാളം സംസാരിക്കുന്ന രണ്ടു പേര് തമ്മിലുള്ള വളരെ സ്വാഭാവികമായ ഒരു ഇണക്കം എന്ന് മാത്രമായിരിക്കുമോ അവളുടെ മനസ്സിൽ. പക്ഷെ അങ്ങേയറ്റം ആത്മവിശാസത്തോടെ മാത്രം, ഒരു പക്ഷെ ഒരു പുരുഷനെ പോലെ തന്നെ, തല ഉയർത്തിപ്പിടിച്ചു, എല്ലാവരോടും പെരുമാറുന്ന അവൾ പലപ്പോഴും ഒരു പൂച്ചക്കുട്ടിയെ പ്പോലെ ചുരുണ്ടു  കൂടിയിരുന്നു, ചിലമ്പിച്ച സ്വരത്തോടെ  എന്നോട് സംസാരിച്ചിട്ടില്ലേ ?, പല തവണ. അപ്പോളവളുടെ കണ്ണുകളുടെ ആഴങ്ങളിൽ പ്രണയത്തിന്റെ ആർദ്രതയും, തീക്ഷണതയും ഒരേ സമയം കണ്ടത് എന്റെ വെറും തോന്നലായിരിക്കുമോ.  തന്റെ ഓഫീസിൽ ഡെസ്കിൽ ഫയലുകളുടെ തിരക്ക് അവശേഷിക്കുമ്പോഴും, എന്റെ അടുത്ത് നിന്നും തുടർച്ചയായി സംസാരിക്കാനുള്ള  അവളുടെ വെമ്പൽ, നിഷ്കളങ്കമായ സൗഹൃദം മാത്രമായിരിക്കുമോ?

പക്ഷെ സൗഹൃദ സംഭാഷണങ്ങൾക്കിടയിലെ അവളുടെ പൊട്ടിച്ചിരികളും, പല വികാരപ്രകടനങ്ങൾക്കുമനുസരിച്ചു കുറുകുകയും വികസിക്കുകയും ചെയ്യുന്ന തിളങ്ങുന്ന കണ്ണുകളും, പിങ്ക് നിറമുള്ള നനുത്ത ചുണ്ടുകളും, ഇടയ്ക്കിടെ നെറ്റിയിലേയ്ക്കൂർന്നു വീഴുന്ന വെട്ടിയിട്ട നനുത്ത മുടിയിഴകളും, അത് മാടിയൊതുക്കുന്ന അവളുടെ കൂർത്ത നീണ്ട വിരലുകളും എല്ലാം എന്റെ മനസ്സിൽ വല്ലാത്ത ചലനമുണ്ടാക്കി . പലപ്പോഴും മുഖത്ത് വീഴുന്ന അനുസരണയില്ലാത്ത മുടിയിഴകളെ മാടിയൊതുക്കി കൊടുക്കുവാൻ എന്റെ കൈകൾ തരിച്ചു.

ഒരു പക്ഷെ , നമ്മൾ രണ്ടു പേരും, വിവാഹിതരല്ലായിരുന്നെങ്കിൽ, എന്റെ പ്രേമം അവളോട്  ഞാൻ എന്നേ  തുറന്നു പറഞ്ഞേനെ. ഇതിപ്പോ രണ്ടു പേരും വിവാഹിതരും ഓരോ കുഞ്ഞുങ്ങളുടെ മാതാ പിതാവുമാണ്. അതെന്നെ, പുസ്തകങ്ങളും, ആഹാരവും, പാട്ടും, ഫോട്ടോകളും ഒക്കെ പരസ്പരം പങ്കു വായിക്കുമ്പോഴും, ചിന്തകൾ നിയന്ത്രണാതീതമാവാതിരിക്കാൻ മനസ്സിനെ പിന്നോട്ട് പിടിച്ചു വലിച്ചു കൊണ്ടേയിരുന്നു. പിന്നെ പ്രേമമെങ്ങാനും വായീന്നു വീണാൽ, ” അത് ശരി, നിങ്ങളെക്കുറിച്ചു ഇങ്ങനെയൊന്നുമല്ല ഞാൻ കരുതിയത്” , എന്നും പറഞ്ഞു അവൾ തിരിഞ്ഞു നടക്കുകയും, പിന്നീട് ഇപ്പോഴുള്ള സൗഹൃദം തന്നെയും മുറിഞ്ഞു പോകുമോ എന്നും ഞാൻ ഭയന്നു. മാത്രമല്ല, നാല്പതു വയസ്സോടടുക്കുന്ന ഞാനും മുപ്പത്തി രണ്ടു കഴിഞ്ഞ അവളുടെയും ബന്ധം അത്തരത്തിൽ  വികസിച്ചു നാട്ടാരും വീട്ടുകാരും അറിഞ്ഞാൽ, ദുർഗന്ധം മാത്രം വമിക്കുന്ന മറ്റൊരു അവിഹിതമായി അറിയപ്പെടാൻ ഒട്ടും താമസം വേണ്ട, രണ്ടു പേരുടേയും ആരോഗ്യകരമായ ദാമ്പത്യം തകരാൻ മറ്റൊന്നും വേണ്ട.

പലപ്പോഴും അവളുടെ നീണ്ട നനുത്ത വിരലുകളെ ഗ്രഹിച്ചു അവയെ ചുംബിക്കാനും അവളുടെ നേർത്ത ഉടൽ മാറോടു ചേർത്ത് കെട്ടിപ്പിടിക്കാനും എന്റെ ഉള്ളം തുടിച്ചു കൊണ്ടിരുന്നു. ഈ സുന്ദര സ്വപ്നങ്ങളും പൂഴ്ത്തി വച്ച് കൊണ്ട്, ഒരു കള്ളാ കാമുകനായി ഞാൻ സൗഹൃദം മാത്രം നടിച്ചു പോന്നു.

പ്രേമമവും കാമവും ഇഴ പിരിച്ചെടുക്കാവുന്നതിനും അപ്പുറം ഇണ ചേർന്നിരിക്കുന്ന ഘടകങ്ങളാണ്. പ്രേമത്തിനൊപ്പമോ ഒരു പക്ഷെ അതിനു മുമ്പോ ഉടലിനോടുള്ള ആസക്തിയും ഉണ്ടാകും. ഇതിലേതാ ആദ്യം ഉണ്ടാകുന്നതെന്ന് മാത്രമാണ് ചോദ്യം. അവളുടെ മെലിഞ്ഞു നനുത്ത ശരീരത്തെ ഞാൻ പല തവണ ഭോഗിച്ചു, സ്വപ്നങ്ങളിൽ.

പുതുവത്സരാഘോഷങ്ങൾക്കു ഓഫീസിൽ എല്ലാവരും സകുടുംബം എത്തണമെന്ന  നിര്ദേശമുണ്ടായിരുന്നെങ്കിലും, ഭാര്യ നാട്ടിലായിരുന്നതിനാൽ എനിക്കും, ഭർത്താവ് വിദേശ ടൂറിനായതിനാൽ അവൾക്കും ഒറ്റയ്ക്കായി പാർട്ടിയിൽ പങ്കെടുക്കാനായുള്ളു. വൈകിട്ട് ആറരയായപ്പോഴേക്കും അവൾ ബാഗുമായിറങ്ങി, ഇനിയും താമസിക്കേണ്ടാ എന്നും പറഞ്ഞു കൊണ്ട്. പാർട്ടിക്കിടയിലും എന്റെ കണ്ണ് അവളുടെ നീക്കങ്ങളിൽ മാത്രമായതു  കൊണ്ട്  ഞാനും ഇറങ്ങി അവള്ക്കൊപ്പം. സ്റ്റേഷൻ  വരെ കാറിൽ ലിഫ്റ്റ് ഓഫർ ചെയ്തു, അവൾ കാറിൽ കയറി. അഞ്ചു മിനിട്ടു കൊണ്ട് സ്റ്റേഷൻ എത്തി. അവൾ കാറിൽ നിന്നും ഇറങ്ങാൻ ഭാവിക്കുമ്പോഴേക്കും, അവളുടെ നനുത്ത കരതലം കവർന്നു ഒരു ചുടു ചുംബനം, ഒറ്റ നിമിഷത്തിൽ കൊടുത്തു. അവളുടെ അമ്പരപ്പും ദേഷ്യവും ഇന്നും അതുപോലെയോര്മയുണ്ട്. ഒന്നും മിണ്ടാതെ ഉരിയാടാതെ അവൾ ഡോർ വലിച്ചടച്ചിട്ടു  ഇറങ്ങി പോയി.

ഇന്ന്ആറേഴു മാസങ്ങൾക്കിപ്പുറം, എനെറെ അപ്പാർട്മെന്റിലെ പതു – പതുത്ത മെത്തയിൽ, ആലസ്യത്തോടെ മയങ്ങുന്ന പൂർണ നഗ്നമായ അവളുടെ ആ സുന്ദര ശരീരത്തെ, കുറച്ചു നേരമൊന്നു മാറി നോക്കി ആസ്വദിച്ചിട്ടു, അവളുടെ ഇളം മേനിയിലോട്ടു, പുതപ്പു ഒന്ന് നീക്കിയിട്ട്, നിലത്തു കിടന്ന, ലുങ്കിയൊന്നു അരയിൽ ചെറുത്തു  കേറ്റി, ഒരു പുകയും വിട്ടു കൊണ്ട് ബാൽക്കണിയിൽ നിന്ന്, തെളിഞ്ഞ ആകാശത്തിൽ മിന്നുന്ന തിളങ്ങുന്ന നക്ഷത്രങ്ങളെയും, കണ്ണെത്താ ദൂരത്തോളം, നഗരത്തെ അലങ്കരിച്ചു നിറുത്തുന്ന വൈദ്യുത ദീപങ്ങളെയും കണ്ടാസ്വദിച്ചു കൊണ്ട് നിൽക്കുമ്പോൾ, എന്റെ മനസ്സിൽ നിറയെ സ്ത്രീ-പുരുഷ ബന്ധത്തിനറെ വൈവിധ്യവും, അങ്ങേയറ്റം സങ്കീർണവും, അവയുടെ  കൗതുകകരമായ മാനങ്ങളായിരുന്നു. നിസ്സാരമെന്നു തോന്നുമ്പോഴും പ്രവചങ്ങൾക്കതീതം.

തുടരും