ആദിയേട്ടന്റെ സ്വന്തം ശ്രീക്കുട്ടി 3

തുടർന്നു വായിക്കുക…

ഓഫീസിൽ എത്തിയിട്ടും ശ്രീക്കുട്ടിയുടെ ചിന്തകൾ എന്റെ മനസ്സുവിട്ടു പോയില്ല… തലക്കിട്ടൊരു തട്ട് കിട്ടിയപ്പോളാണ് ഞാൻ ആ ചിന്തയിൽ നിന്നും ഉണർന്നത്…

ഇതേത് തെണ്ടിയാടാ എന്ന് നോക്കിയപ്പോൾ ദാ കള്ളച്ചിരിയോടെ നിക്കുന്നു ലിയ. ഈ പെണ്ണിന് ഇതെന്തിന്റെ കേടാണോ എന്തോ എന്ന് ചിന്തിച്ചപ്പോഴേക്കും അവളുടെ വക ചോദ്യവും വന്നു…

“ എന്താടാ ഓഫീസിൽ വന്നിരുന്നാണോ ദിവാസ്വപ്നം കാണുന്നത് ”

ഇപ്പോൾ നിങ്ങൾ കരുതുന്നുണ്ടാകും ഇസ്രായേലുകാരി എന്താ മലയാളത്തിൽ സംസാരിക്കുന്നേ എന്ന്.

അതിന് കാരണം അവളുടെ അമ്മ ഇസ്രായേലുകാരിയും അച്ഛൻ ഇന്ത്യാക്കാരനുമാണ്. ഒരു തനിമലയാളി. കോട്ടയം പാലാക്കാരൻ അച്ചായൻ.

പണ്ട് ഇസ്രായേലിൽ ചുമ്മാ കറങ്ങാൻ പോയതാ പുള്ളിക്കാരൻ. അവിടുന്നു ലിയയുടെ അമ്മയെയും അടിച്ചോണ്ടിങ്ങു പോന്നു.

അതങ്ങനെയാണല്ലോ ഉടായിപ്പും തെണ്ടിത്തരങ്ങളും കാണിക്കാൻ നമ്മൾ മലയാളികളെ കഴിഞ്ഞല്ലേ മറ്റാരുമുള്ളൂ. എവിടെ പോയാലും ജീവിക്കാനുള്ള കഴിവും നമ്മൾ മലയാളികളുടെ മാത്രം പ്രേത്യേകത ആണല്ലോ. ലിയയുടെ അച്ഛനും അമ്മയും ഇപ്പോൾ ഇംഗ്ലണ്ടിലാണ്. ഇവൾ ജോലി എന്നുപറഞ്ഞു ipol

അപ്പോൾ പറഞ്ഞു വന്നത് ലിയക്ക് ഒരുപാട് ഭാഷകൾ അറിയാം. അതിൽ ഇസ്രായേൽ ഭാഷയായ “ഹീബ്രു”, ഇംഗ്ലീഷ്, പിന്നെ കുരച്ചു കുരച്ചു മലയാളം. 😂 പിന്നെ സ്പാനിഷ് എന്തോ അറിയാം. എന്നാലും മലയാളം നല്ല വ്യക്തമായൊന്നുമല്ല സംസാരിക്കുന്നത്. അതുകൊണ്ടായിരിക്കും ഇവൾ ശ്രീക്കുട്ടിയോട് ഇംഗ്ലീഷിൽ മാത്രം സംസാരിച്ചത്.

എന്റെ മറുപടി കിട്ടാത്തതുകൊണ്ടായിരിക്കും അവൾ ചോദ്യം വീണ്ടും ആവർത്തിച്ചു.

“ ടാ… നീ എന്താ ദിവാസ്വപ്നം കാണുകയാണോ എന്ന് ”

“അല്ലടി… ഞാൻ എന്തൊക്കെയോ ആലോചിച്ചു വെറുതെ ഇരുന്നതാ ” ശ്രീക്കുട്ടിയുടെ കാര്യം എന്തോ അവളോട്‌ പറയാൻ തോന്നിയില്ല.

“ മ്മ്മ് ” അവൾ അമർത്തിയൊന്നു മൂളി. ആ മൂളലിൽ നിന്നു വ്യക്തമാണ് എന്റെ മറുപടിയിൽ അവൾ ഒട്ടും തൃപ്തയല്ലന്ന്.

പിന്നെ അവൾ കിന്നാരം പറച്ചിൽ തുടങ്ങി. ഇവൾക്ക് വല്ല റേഡിയോയിലും ജോലി കിട്ടേണ്ടതായിരുന്നു എന്ന് തോന്നിപോകും. അതുപോലെയാണ് അവളുടെ സംസാരം. നാക്ക് ഒരു സമയവും വെറുതേയിരിക്കില്ല. ഈ രണ്ട് ദിവസംകൊണ്ട് അവളുടെ ജീവചരിത്രം മുഴുവൻ അവൾ എന്നോട് പറഞ്ഞു. അവൾ ജനിച്ചപ്പോൾ മുതലുള്ള കാര്യങ്ങളെല്ലാം ഇപ്പോൾ എനിക്ക് അറിയാം. ഇത് അങ്ങനൊരു സാധനം.

വൈകുന്നേരം ജോലി കഴിഞ്ഞു പതിവുപോലെ വീട്ടിലേക്ക് പോകാൻ ഇറങ്ങുമ്പോളാണ് ലിയ ഒന്നു കറങ്ങിട്ടു വരാമെന്നു പറഞ്ഞത്.

ആദ്യമൊക്കെ ഞാൻ ഒഴിഞ്ഞുമാറാൻ ശ്രമിച്ചെങ്കിലും അവളുടെ നിർബന്ധത്തിനു മുന്നിൽ ഞാൻ സ്നേഹപൂർവ്വം കീഴടങ്ങി.

ആൽബെർട്ടയിലുള്ള ബാൻഫ് നാഷണൽ പാർക്കിലാണ് ഞങ്ങൾ പോയത്.

പറയാതിരിക്കാൻ വയ്യ.. ഒരു രക്ഷയുമില്ലാത്ത സ്ഥലം. പ്രകൃതി ഭംഗികൊണ്ടും ആ ഒരു കാലാവസ്ഥകൊണ്ടും ഒരു അസാമാന്യ വൈബ്.

അവിടെയെത്തി ഞങ്ങൾ വെറുതെ നടക്കാൻ തുടങ്ങി. അപ്പോളാണ് മൊബൈൽ റിങ് ചെയ്യാൻ തുടങ്ങിയത്. മൊബൈൽ എടുത്തപ്പോൾ ശ്രീക്കുട്ടി എന്ന പേര് സ്‌ക്രീനിൽ തെളിഞ്ഞു നിക്കുന്നു. കൂടാതെ നമ്മുടെ സുന്ദരിക്കുട്ടി ചിരിച്ചുകൊണ്ടു നിൽക്കുന്ന ഒരു ഫോട്ടോയും. വീട്ടിൽ വച്ചു ഞങ്ങൾ കുറച്ചു സെൽഫികൾ എടുത്തിരുന്നു.

“ആരാ” ? ലിയയുടെ ചോദ്യം

“ശ്രീക്കുട്ടിയാ”

“Who ?…. ആരാ ഈ ശ്രീക്കുട്ടി” ?

അപ്പോളാണ് ഞാൻ ഓർത്തത് അവളുടെ പേര് ശ്രീദേവി എന്നേ ലിയക്ക് അറിയാവൂ . ശ്രീക്കുട്ടി എന്ന് അറിയില്ല.

“നിന്നോട് ഞാൻ അന്ന് അവളുടെ പേര് ശ്രീദേവിയെന്നാണല്ലേ പറഞ്ഞത്. അവളെ ഞാൻ വിളിക്കുന്ന പേരാണ് ശ്രീക്കുട്ടി”.

“ആഹാ… ഓക്കേ.. അവൾ ഇപ്പോൾ എന്തിനാ വിളിക്കുന്നത്. ”

“ഓഫീസ് ടൈം കഴിഞ്ഞില്ലേ…. അതുമല്ല ഞാൻ അവിടെ എത്തേണ്ട ടൈം കഴിഞ്ഞു. അതുകൊണ്ട് കാണാത്തതുകൊണ്ട് വിളിക്കുന്നതാ..”

“അതാണോ”

“അതെ”

“അവളോട്‌ ഓഫീസിൽ ഓവർടൈം വർക്ക്‌ ഉണ്ടെന്ന് പറ..”

“അത് എന്തിനാ കള്ളം പറയുന്നത്..”

“എടാ ഒരു സീരിയസ് കാര്യമുണ്ട്…. അതുകൊണ്ടാണ് അങ്ങനെ പറയാൻ പറഞ്ഞത്..”

“എന്ത് സീരിയസ് കാര്യം.. നീ മനുഷ്യനെ ടെൻഷൻ ആക്കാതെ കാര്യം പറ ലിയ”

“അതൊക്കെ പറയാം… നീ കോള് കട്ട്‌ ആകുന്നതിനു മുൻപ് എടുത്തു സംസാരിക്ക്….”

ഒന്നും മനസ്സിലാകാതെ ഞാൻ കോള് അറ്റന്റ് ചെയ്തു.

“ ഏട്ടാ എവിടെയാ… ഓഫീസിൽ നിന്ന് ഇറങ്ങിയില്ലേ… ഞാൻ വീട്ടിൽ എത്തി… ഏട്ടൻ എത്താറായോ… വേഗം വാ ഏട്ടാ ”

കോള് എടുത്തതും എനിക്ക് സംസാരിക്കാൻ സമയം തരാതെ അവൾ ചറ പറാ ചോദ്യശരങ്ങൾ എയ്തു.

“ ശ്രീക്കുട്ടി… എനിക്ക് ഓവർടൈം ഉണ്ട്. കുറച്ചു കഴിയും ഓഫീസിൽ നിന്നും ഇറങ്ങാൻ.”

“മ്മ്മ്… ജോലി കഴിഞ്ഞു പെട്ടന്ന് വരണേ ഏട്ടാ”

“വരാം ശ്രീക്കുട്ടി… നീ ഫോൺ വച്ചോ”

ഇനിയും അവളോട്‌ കള്ളം പറയാൻ വയ്യാത്തത് കൊണ്ട് ഞാൻ ഫോൺ കട്ട്‌ ചെയ്തു. എന്നെ ഇത്രയും കണ്ണടച്ച് വിശ്വസിക്കുന്ന അവളോടാണല്ലോ ഞാൻ കള്ളം പറഞ്ഞത് എന്നാലോചിക്കുമ്പോൾ ചെറിയൊരു വിഷമം. ഞാൻ സംസാരിച്ചതെല്ലാം കൗതുകത്തോടെ നോക്കി നിൽക്കുകയായിരുന്നു ലിയ.

“നീ എന്തിനാ അവളോട്‌ ഓവർടൈം ഉണ്ടെന്ന് കള്ളം പറയാൻ എന്നോട് പറഞ്ഞത്. എന്താ നീ പറഞ്ഞ സീരിയസ് കാര്യം.” ഞാൻ അവളോട്‌ കാര്യം തിരക്കി.

“അയ്യോ അത് വിശ്വസിച്ചോ…. ഞാൻ ചുമ്മാ പറഞ്ഞതാ” എന്ന് പറഞ്ഞവൾ പൊട്ടിച്ചിരിക്കാൻ തുടങ്ങി.

ഞാൻ വേദനയോടെ ആ സത്യം മനസ്സിലാക്കി…. ഈ ക്യാനഡയിലെ ചിത്തരോഗി ഇവള് തന്നെ. വെറും സൈക്കോ.

“ എന്റെ കൂടെ എവിടെയെങ്കിലും വരുമ്പോൾ ഫുൾ ടൈം എന്റെകൂടെ നിൽക്കണം. നീ ചിലപ്പോൾ പെട്ടന്ന് തിരിച്ചു പോയാലോ… അതുകൊണ്ടാണ് ഞാൻ ഒരു സീരിയസ് കാര്യമുണ്ടെന്ന് കള്ളം പറഞ്ഞത്.” അവൾ പാതി കുസൃതിയോടെയും പാതി കാര്യമായിട്ടും പറഞ്ഞു.

എനിക്ക് കുറച്ചു ദേഷ്യം വന്നെങ്കിലും ബുദ്ധിയില്ലാത്ത പിള്ളേരെ അടിക്കുന്നത് ശരിയല്ലല്ലോ എന്നുകരുതി ഞാൻ വെറുതേ വിട്ടു. പാവം ജീവിച്ചു പൊയ്ക്കോട്ടേ അല്ലേ…..

ഞങ്ങൾ അവിടെ നടന്നു ആ ഭംഗിയെല്ലാം ആസ്വദിച്ചു. ലിയ പലതവണ ഇവിടെ വന്നിട്ടുണ്ട്. അതുകൊണ്ട് അവൾക്കൊരു ഗൈഡിന്റെ റോൾ ആയിരുന്നു. ആ സ്ഥലങ്ങളെല്ലാം വളരെ വിശദമായിതന്നെ അവൾ എനിക്ക് പരിചയപ്പെടുത്തി.

എനിക്ക് സംസാരിക്കാനുള്ള അവസരമൊന്നും ഇല്ലായിരുന്നു… കാരണം ഒരു റേഡിയോ ആണല്ലോ എന്റെ കൂടെയുള്ളത്. പതിവുപോലെ ആ ലിയ റേഡിയോ വായ തോരാതെ പ്രവർത്തിച്ചുകൊണ്ടിരുന്നു…

ഈ പെൺകുട്ടികളെല്ലാം ഇങ്ങനെയാണോ…. ലിയ ഒരു റേഡിയോ ശ്രീക്കുട്ടി ഒരു വായാടി… രണ്ടുപേരും തമ്മിലുള്ള വ്യത്യാസം എന്താന്നുവച്ചാൽ.., ശ്രീക്കുട്ടി സംസാരിക്കുമ്പോൾ എനിക്ക് തിരിച്ചു അങ്ങോട്ട്‌ സംസാരിക്കാൻ അവസരം കിട്ടും. പക്ഷെ.., ലിയ സംസാരിക്കുമ്പോൾ ആ അവസരം കിട്ടില്ല. അതാണ്‌ ശ്രീക്കുട്ടിയെ വായാടിയായും ലിയയെ റേഡിയോയായും ഉപമിക്കാൻ കാരണം.

ലിയ കൂടെയുള്ളപ്പോൾ സമയം പോകുന്നത് അറിയില്ല… വളരെ പെട്ടന്നുതന്നെ സമയം കടന്നുപോയി. ഇപ്പോൾ സമയം 7 മണി. ഞങ്ങൾ ഇവിടെ 5 മണിക്ക് വന്നതാണ്.

“നമ്മുക്ക് പോകാം ആദി”

“ആ… പോകാം”

ഞങ്ങൾ അവളുടെ കാറിൽ എന്റെ വീട്ടിലേക്ക് തിരിച്ചു…. അപ്പോളും അവളുടെ സംസാരത്തിന് ഒരു കുറവുമില്ല.. പെട്ടന്നായിരുന്നു അവളുടെ ചോദ്യം.

“നിനക്ക് ലവ്വർ ഉണ്ടോടാ…”

“ഇതുവരെ ഇല്ല” എനിക്ക് അങ്ങനെ പറയാനാണ് തോന്നിയത്. എന്തോ ശ്രീക്കുട്ടിയുടെ കാര്യം ഇവളോട് പറയാൻ സമയമായിട്ടില്ല എന്നൊരു തോന്നൽ.

“നിനക്കോ” ? ഞാൻ തിരിച്ചും ചോദിച്ചു.

“എന്റെ മനസ്സിന് ഇഷ്ടപ്പെട്ട ഒരാളെ ഇതുവരെ കണ്ടു കിട്ടിയിട്ടില്ലായിരുന്നു”

“എന്നിട്ട്…. ഇപ്പോൾ കണ്ടു കിട്ടിയോ”

“കിട്ടിയെന്ന് തോന്നുന്നു”

“ആഹാ… ആരാ ലിയകുട്ടിക്ക് ഇഷ്ടപ്പെട്ട ആ കക്ഷി”

“അയ്യട… അത് ഇപ്പോൾ പറയാൻ സമയമായിട്ടില്ല. പക്ഷെ ഞാൻ അത് ആദ്യം നിന്നോട് തന്നെയായിരിക്കും പറയുന്നത്. അത് പോരേ.”

“മ്മ്മ്… മതി”

എന്നിട്ട് ലിയയോട് ഒരു വാൾമാർട്ടിന് മുന്നിൽ കാറ് നിർത്താൻ പറഞ്ഞു. അതനുസരിച്ചു അവൾ കാറ്‌ നിർത്തി. അവിടുന്ന് രണ്ട് ജാബ്‌സൺസ് ചിക്കി പീനട്ട് ഗുഡ് വാങ്ങി. നമ്മുടെ ശ്രീക്കുട്ടിയുടെ ഭാഷയിൽ പറഞ്ഞാൽ കപ്പലണ്ടി മിട്ടായി. ഒന്ന് ലിയയ്ക്ക് കൊടുത്തു. മറ്റേതു ശ്രീക്കുട്ടിക്ക് വേണ്ടി കയ്യിൽ കരുതി.

ലിയ അത് കയ്യിൽ കിട്ടിയ ഉടൻ തുറന്നു കഴിപ്പ് തുടങ്ങി. പുള്ളിക്കാരി ആദ്യമായി ആണെന്നു തോന്നുന്നു ഇതു കാണുന്നതും കഴിക്കുന്നതും. അതിന്റെയെല്ലാം ഒരു കൗതുകം അവളുടെ മുഖത്ത് പ്രകടമാണ്. അവളുടെ ആസ്വദിച്ചുള്ള കഴിപ്പിൽ അവൾക്കത് ഇഷ്ടമായെന്നു എനിക്ക് മനസ്സിലായി.

അല്ലെങ്കിലും ഈ പെൺകുട്ടികൾക്ക് വിലകൂടിയ ഗിഫ്റ്റിനെക്കാളും ഇഷ്ടം ഇതുപോലുള്ള ചെറിയ എന്തെങ്കിലും സ്നേഹസമ്മാനങ്ങളായിരിക്കും. അവൾ അതിലൊരു പീസ് മിട്ടായി എന്നിക്കെടുത്ത് വായിൽ വച്ചുതരികയും ചെയ്തു.

കുറച്ചുകൂടി കഴിച്ചശേഷം അവൾ കാറ്‌ എടുത്ത് നേരെ എന്റെ വീട്ടിലേക്ക് വിട്ടു.

വീട്ടിലെത്തിയപ്പോൾ സമയം 7:30 ആയി… ലൈറ്റുകൾ കത്തികിടക്കുന്ന കണ്ടപ്പോൾ ശ്രീക്കുട്ടി വീട്ടിനകത്തുണ്ടെന്ന് മനസ്സിലായി…

ലിയ യാത്ര പറഞ്ഞു തിരിച്ചുപോയി…

വീടിന്റെ അകത്തുകയറി “ശ്രീക്കുട്ടിയേ……..” എന്ന് നീട്ടിവിളിച്ചപ്പോൾ അടുക്കളയിൽ നിന്നും നമ്മുടെ കുഞ്ഞുമണി പറന്നെത്തി…

“എന്താ ഏട്ടാ….” എന്ന് ഈണത്തിൽ വിളികേട്ടുകൊണ്ടാണ് അവൾ വന്നത്. അവളുടെ ഏട്ടാ എന്നുള്ള വിളി കേൾക്കുമ്പോഴേ ഞാനങ്ങു അലിഞ്ഞുപോകും. അത്രക്ക് സുഖമാണ് അത് കേൾക്കാൻ.

“നിനക്ക് നിന്റെ കപ്പലണ്ടി മിട്ടായി തരാൻ വിളിച്ചതാടാ”

പെട്ടന്ന് ആ മുഖത്ത് സന്തോഷവും സങ്കടവും കൂടികലർന്ന ഒരു മിസ്രിതഭാവം തെളിഞ്ഞു. കൂടാതെ…, ഞൊടിയിടകൊണ്ട് അവൾ വന്നു എന്നെ കെട്ടിപിടിച്ചു.

“പണ്ട് എന്റെ അച്ഛൻ മരിക്കുന്നതിന് മുൻപ് എന്നും ജോലി കഴിഞ്ഞു വരുമ്പോൾ കപ്പലണ്ടി മിട്ടായി വാങ്ങി വരുമായിരുന്നു . അച്ഛൻ മരിച്ചിട്ട് പിന്നെ ഇപ്പോഴാ കപ്പലണ്ടി മിട്ടായി കഴിക്കാൻ പോകുന്നേ….. ഒരു വർഷത്തിന് ശേഷം…”

ശ്രീക്കുട്ടിയുടെ മുഖത്തെ സന്തോഷം അപ്പോൾ ഒന്ന് കാണേണ്ടത് തന്നെയാണ്. നമ്മൾ ഇഷ്ടപ്പെടുന്നവരുടെ മുഖത്തെ സന്തോഷം കാണുന്നത് ഒരു പ്രേത്യേക ഫീൽ തന്നെയാണ്. ഈ ലോകം മുഴുവൻ നമ്മുടെ കാൽകീഴിൽ വന്നാലും ഈയൊരു ഫീൽ കിട്ടില്ല.

എന്റെ നെഞ്ചിൽ നനവ് പടർന്നപ്പോഴാണ് പെണ്ണ് കരയുകയാണെന്ന് മനസ്സിലായത്. എന്റെ മാറിൽ നിന്നും അവളെ വിടുവിച്ചപ്പോൾ കണ്ടത് ശ്രീക്കുട്ടിയുടെ കണ്ണുനീർ കൊണ്ട് നിറഞ്ഞ മിഴികളാണ്.

“ദേ ശ്രീക്കുട്ടി നിന്നോട് ഞാൻ പറഞ്ഞതല്ലേ കരയരുതെന്ന്. ഇനിയും കരഞ്ഞാൽ എന്റെ കയ്യീന്ന് നല്ല അടി വാങ്ങും നീ..”

അപ്പോൾ ചെറിയൊരു ചിരി ആ ചെഞ്ചുണ്ടിൽ വിരിഞ്ഞു. അതുകൂടി കണ്ടപ്പോൾ എന്റെ കണ്ട്രോൾ മുഴുവൻ പോയി…

എന്റെ ചുണ്ടുകൾ അവളുടെ അധരങ്ങളിലേക്ക് ചേർത്ത് മെല്ലെ ആ ചാമ്പയ്ക്ക ചുണ്ടുകൾ ഞാൻ നുണഞ്ഞുനോക്കി… അവളുടെ കണ്ണുകൾ കൂമ്പിയടഞ്ഞുപോയി. നല്ല സ്ട്രോബെറിയുടെ രുചി. ഞാൻ അവളുടെ കീഴ്ചുണ്ട് വിഴുങ്ങിയിറക്കി.

അധരങ്ങൾ തമ്മിൽ വിട്ടുമാറി കിതയ്ക്കുമ്പോൾ പെണ്ണിന്റെ മുഖം നാണംകൊണ്ടു ചുമന്ന് തുടുത്തിരുന്നു. ആ മുഖത്ത് അപ്പോൾ നാണവും സ്നേഹവും അല്ലാതെ വേറൊരു വികാരവും ഇല്ലായിരുന്നു.

അങ്ങനെ അതും സംഭവിച്ചു. എന്റെയും അവളുടെയും ആദ്യചുംബനം. ഞങ്ങളുടെ ആദ്യചുംബനം. ഞങ്ങൾക്കെന്നും ഓർമ്മയിൽ സൂക്ഷിക്കാൻ മാത്രം അത്രേയും മനോഹരമായിരുന്നു ആ നിമിഷം.

നാണംകൊണ്ട് അവിടെ നിൽക്കാൻ വയ്യാതെ പെണ്ണ് അടുക്കളയിലേക്ക് ഓടി. അവളുടെ പുറകേപ്പോയി കൂടുതൽ നാണിപ്പിക്കണ്ട എന്നു കരുതി ഞാൻ കുളിക്കാൻ പോയി.

കുളികഴിഞ്ഞു ഒരു ടീഷർട്ടും ട്രാക്‌സ്യൂട്ടും എടുത്തിട്ട് ഞാൻ താഴേക്ക് ഇറങ്ങി. ഡൈനിങ്ങ് ടേബിളിൽ ഫുഡ്‌ റെഡിയായിരിക്കുന്നു. നല്ല ആവിപറക്കുന്ന പുട്ടും കടലയും പപ്പടവും. അത് മൂന്നും കൂട്ടിയൊരു പിടിപിടിച്ചാൽ…… ആഹാ അന്തസ്സ്.

കുഞ്ഞുമണിയെ അവിടെയൊന്നും കാണാനില്ലായിരുന്നു.

പെട്ടന്നാണ് അടുക്കളയിൽ നിന്നും കൈയ്യിലൊരു ജഗ്ഗ് വെള്ളവുമായി ശ്രീക്കുട്ടിയുടെ രംഗപ്രവേശനം. എന്റെ കണ്ടയുടൻ അവളുടെ മുഖം നാണംകൊണ്ട് മൂടി. ഇങ്ങോട്ടുള്ള നടത്തത്തിന്റെ വേഗതയും കുറഞ്ഞു.

അടുത്തെത്തി ജഗ്ഗ് മേശപ്പുറത്തു വച്ചതും അവളുടെ ഇടുപ്പിലൂടെ കൈചുറ്റി ഞാൻ അവളെ എന്നിലേക്ക് അടുപ്പിച്ചു.

പെണ്ണിന് ദിവസം പോകുന്തോറും ഭംഗി കൂടി കൂടി വരുന്നുണ്ട്. ഞാൻ അവളുടെ ചുണ്ടിൽ ചെറുതായൊന്നു മുത്തി. പെണ്ണിന് വീണ്ടും നാണം.

“എന്തൊരു ഭംഗിയാടി നിന്നെ കാണാൻ….”

“കടിച്ചു തിന്നാൻ ഞാൻ വല്ല ആപ്പിളും ആണോ”

“അതേല്ലോ…. നല്ല കശ്മീരി ആപ്പിൾ… കടിച്ചു തിന്നാൻ നല്ല രുചിയായിരിക്കും..” എന്നു പറഞ്ഞു ഞാൻ അടിമുടിയൊന്നു നോക്കി.

ആദ്യം കത്തിയില്ലെങ്കിലും എന്റെ നോട്ടം കണ്ടപ്പോൾ അവൾക്ക് ഞാൻ പറഞ്ഞതിലുള്ള ഡബിൾ മീനിങ്ങ് മനസ്സിലായി

“അയ്യേ…. പോ അവിടുന്ന്… എന്തൊക്കെയാ ഈ പറയുന്നേ. ഒരു നാണവും ഇല്ലാത്ത മനുഷ്യൻ” ഇതു പറയുമ്പോഴും അവൾ എന്നോട് ചേർന്ന് നിൽക്കുകയായിരുന്നു.

“ഞാൻ എന്തിനാടി നാണിക്കേണ്ടത്…. എന്റെ പെണ്ണിനോടല്ലേ ഞാൻ പറഞ്ഞത്…. പക്ഷെ ഇനിയും ഇങ്ങനെ നിന്നാൽ ഞാൻ എന്തെങ്കിലും ചെയ്ത് പോകും”

“അയ്യടാ ഇങ്ങു വാ…. നല്ല കുത്ത് വച്ചുതരും ഞാൻ” എന്നു പറഞ്ഞവൾ കുലുങ്ങിച്ചിരിക്കാൻ തുടങ്ങി…

എന്നിട്ട് എന്നെ വിട്ടുമാറി… ഒരു പ്ലേറ്റിൽ കപ്പലണ്ടി മിട്ടായിയെല്ലാം നല്ല ഭംഗിയായി എടുത്തു വച്ചിരിക്കുന്നു. അതിൽ നിന്നും അവൾ ഒരു കപ്പലണ്ടി മിട്ടായി എടുത്തു എന്റെ വായിൽ വച്ചുതന്നു.

ഞാൻ അത് വായിലാക്കി അവളുടെ ആ വിരലുകളിൽ ഒരു ഉമ്മയും കൊടുത്തു.

പിന്നെ അവൾ അവിടെയിരുന്ന് അത് കഴിക്കാൻ തുടങ്ങി. ഞാൻ എന്റെ മൊബൈലും നോക്കി അവളുടെ അടുത്തിരുന്നു. അവൾ വളരെ ആസ്വദിച്ചാണ് അത് കഴിക്കുന്നത്. നമ്മൾ ആർക്കെങ്കിലും അവർക്ക് ഏറെ ഇഷ്ടപ്പെട്ട എന്തെങ്കിലും വാങ്ങി കൊടുക്കുമ്പോൾ അവരുടെ മുഖത്തുള്ള സന്തോഷം കണ്ടു നമ്മുക്കൊരു സംതൃപ്തി ഉണ്ടാകാറില്ലേ… ആ സംതൃപ്തിയുടെ സുഖം ഞാനും അനുഭവിച്ചറിഞ്ഞു.

അങ്ങനെ ശ്രീക്കുട്ടിയെ നോക്കിയിരിക്കുമ്പോഴാണ് എന്റെ മൊബൈലിലേക്ക് ലിയയുടെ കോള് വരുന്നത്. ഞാൻ കാൾ അറ്റന്റ് ചെയ്തു വീടിന്റെ പുറത്തേക്ക് ഇറങ്ങി.

“എന്താ മോനേ പരിപാടി”

“ഒന്നുമില്ലടി ഇങ്ങനെ വെറുതേ ഇരിക്കുന്നു”

“ആണോ…”

“അതെ… നിനക്ക് എന്താ പരിപാടി”

“ഞാനോ….. ഞാൻ ഒരു പൊട്ടനെ ഫോൺ ചെയ്യുവാ”

“പൊട്ടൻ നിന്റെ അപ്പൻ തെണ്ടി”

അവളുടെ പൊട്ടിച്ചിരി ആയിരുന്നു അതിനുള്ള മറുപടി… ബുദ്ധിയില്ലെങ്കിലും ആളൊരു പാവമാണ്.

“മ്മ്മ്…. പിന്നെ കഴിച്ചോ ആദി”

“ഇല്ല കഴിക്കാൻ പോകുന്നേയുള്ളൂ…”

“നീ കഴിച്ചോ”

“ആ… ഞാൻ ബർഗർ കഴിച്ചു… അവിടെ എന്താ കഴിക്കാൻ”

“ഇവിടെ നല്ല അരിപുട്ടും കടലയും പപ്പടവും…. നീ ഇന്ത്യൻ ഫുഡ്‌ കഴിച്ചിട്ടുണ്ടോ”

“അച്ഛന്റെ നാട്ടിൽ (കോട്ടയം) പോയപ്പോൾ കഴിച്ചിട്ടുണ്ട്… പിന്നെ അച്ഛൻ രണ്ടു മൂന്നു തവണ കുക്ക് ചെയ്തു തന്നിട്ടുമുണ്ട് ഇന്ത്യൻ ഫുഡ്‌…. ദോശ, പുട്ട്, കപ്പ അങ്ങനെ കുറേ ഐറ്റംസ്…”

“എന്നിട്ട് എങ്ങനെയുണ്ടായിരുന്നു”

“അടിപൊളിയാടാ…. എനിക്ക് ഒരുപാട് ഇഷ്ടപ്പെട്ടു… അവിടെ നീ ഉണ്ടാക്കുന്നതാണോ ഫുഡ്‌…”

“ഞാൻ ഫുഡ്‌ ഉണ്ടാക്കാറുണ്ട് പക്ഷെ അത് കഴിച്ചാൽ ബാത്‌റൂമിൽ നിന്ന് ഇറങ്ങാൻ സമയം കിട്ടില്ലെന്നേയുള്ളൂ… ഇത് ശ്രീക്കുട്ടി ഉണ്ടാക്കിയതാ…”

“അതൊരു പാവം കുട്ടി ആണല്ലേ… അവളാണോ നിന്റെ കെയർടേക്കർ”

“ഏയ്…. അവൾക്ക് കുക്കിംഗ്‌ ഒരുപാട് ഇഷ്ടമാണ്… പിന്നെ അവൾ ഉണ്ടാക്കുന്ന ഫുഡ്‌ ഉണ്ടല്ലോ മോളേ ഒരു രക്ഷയുമില്ല…. നീ ഫോൺ വച്ചിട്ട് വേണം എനിക്ക് പോയി ആ പുട്ടും കടലയും കഴിക്കാൻ. അത് ആലോചിക്കുമ്പോഴേ വായിൽ വെള്ളമൂറുന്നു.”

“പോടാ പട്ടി കൊതിപ്പിക്കാതെ…. ടാ ഞാൻ ഇപ്പൊ വന്നാൽ എനിക്കും കുറച്ചു കഴിക്കാൻ തരുവോ… കൊതിയായിട്ട് വയ്യടാ”

“എങ്കിൽ നീ വേഗം വാ… താമസിച്ചാൽ ഞാൻ മുഴുവൻ കഴിച്ചു തീർക്കും”

“എങ്കിൽ നാളെ നമ്മുടെ ഓഫീസിൽ എല്ലാവരും കറുത്ത ബാഡ്ജ് വച്ചു നടക്കേണ്ടി വരും”

“ആരെങ്കിലും മരിച്ചാൽ അല്ലേ അങ്ങനെ ചെയ്യുന്നേ…. പുട്ട് കിട്ടിയില്ല എന്ന് പറഞ്ഞു നീ എന്താ മരിക്കാൻ പോകുന്നോ”

“നിന്നെ കൊല്ലും എന്നാടാ തെണ്ടി പറഞ്ഞത്…”

“ആഹാ…. അത്രക്ക് ധൈര്യം ഉണ്ടോ നിനക്ക്… 15 മിനിറ്റ് തരും അതിനുള്ളിൽ വന്നില്ലെങ്കിൽ നിനക്ക് പുട്ട് കിട്ടില്ലടി”

“ഞാൻ ഇതാ എത്തി” എന്നു പറഞ്ഞവൾ വേഗം ഫോൺ കട്ട്‌ ആക്കി.

ലിയ വരുന്ന കാര്യം ശ്രീക്കുട്ടിയോട് പറയാൻ വേണ്ടി ഞാൻ അകത്തേക്ക് കയറി. കുഞ്ഞുമണി ഇപ്പോഴും കപ്പലണ്ടി മിട്ടായി കഴിക്കുന്ന തിരക്കിലാണ്.

ഞാൻ അവളോട്‌ കാര്യം പറഞ്ഞപ്പോൾ ആള് കുറച്ചു ആക്റ്റീവ് ആയി. ഒരു അഥിതി വരുന്ന സന്തോഷം ആയിരുന്നു അവളുടെ മുഖത്ത്.

ഇവൾ ഉണ്ടാക്കിയ ഫുഡ്‌ കഴിക്കാനാണ് ലിയ വരുന്നത് എന്നുള്ളതുകൊണ്ട് ആൾക്ക് ചെറിയ ടെൻഷനും ഉണ്ട്. ലിയയുടെ അഭിപ്രായം അറിയുന്നതുവരെ ഈ ടെൻഷൻ ഉണ്ടാകും.

10 മിനിറ്റ് ആയപ്പോൾ ലിയയുടെ കാറ്‌ വന്നു നിൽക്കുന്ന സൗണ്ട് കേട്ടു…

വന്നു കയറിയ ഉടൻ അവൾ നേരെ ഡൈനിങ്ങ് ടേബിളിൽ പോയിരുന്നു.

“പോയി കൈ കഴുകിയിട്ട് വാടി”

“കൈ വീട്ടിൽ നിന്നും കഴുകിയിട്ടു തന്നെയാ വന്നത്…”

അപ്പോളേക്കും ശ്രീക്കുട്ടി പ്ലേറ്റുമായി എത്തി. എനിക്കും ലിയക്കും വിളമ്പി. ഞാൻ ഒരു പ്ലേറ്റ് കൂടി എടുത്തു ശ്രീക്കുട്ടിക്കും വിളമ്പി അവളെയും ഞങ്ങളുടെ കൂടെ ഇരുത്തി.

“wow… So delicious….. Sreedevi it’s awesome” ലിയയുടെ അഭിപ്രായം എത്തി.

“താങ്ക്സ്….”

ലിയ ശ്രീക്കുട്ടിയോട് ഇംഗ്ലീഷിലാണ് ഇപ്പോഴും സംസാരിച്ചത്. ലിയക്ക് മലയാളം അറിയാമെന്ന് ശ്രീക്കുട്ടിക്കും അറിയില്ല. അതുപോലെ ശ്രീക്കുട്ടി അടുത്തുള്ളപ്പോൾ ലിയ എന്നോടും ഇംഗ്ലീഷിലാണ് സംസാരിക്കുന്നത്. അത് എന്തിനാണെന്ന് എനിക്ക് മനസ്സിലായില്ല.. ആ എന്തെങ്കിലും ആകട്ടെ.

പിന്നെ അവിടെയൊരു അംഗമായിരുന്നു. ഒരു ടീമിൽ ലിയയും മറ്റേ ടീമിൽ പുട്ടും കടലയും. ഒരു ശത്രുവിനെ കൈയിൽ കിട്ടിയതുപോലെയാണ് അവൾ പുട്ട് കുഴക്കുന്നത്.

ഏറെനേരത്തെ യുദ്ധത്തിനുശേഷം ലിയ തന്നെ വിജയിച്ചു.

ഒരുപാട് കഴിച്ചു അവളുടെ വയറു പൊട്ടാറായി എന്നു അവളുടെ നടത്തത്തിൽ നിന്നും മനസ്സിലാകുന്നുണ്ട്.

ഞങ്ങളും കഴിച്ചുകഴിഞ്ഞു പ്ലേറ്റ് എല്ലാം കഴിക്കിവച്ചിട്ട് മൂന്നുപേരും ഒരുപാട് നേരം സംസാരിച്ചിരുന്നു.

ലിയ ഫുൾ ഇംഗ്ലീഷിലാണ് സംസാരിക്കുന്നത്. ഒരു മലയാളം വാക്ക് പോലും ഉപയോഗിക്കുന്നില്ല. ഞാനായിട്ട് അവളോട്‌ മലയാളത്തിൽ സംസാരിച്ചു അവളുടെ അഭിനയം കുളമാക്കണ്ട എന്നുകരുതി ഞാനും ഇംഗ്ലീഷിൽ തന്നെ സംസാരിച്ചു…

ഒരു 9 മണി ആയപ്പോൾ സംസാരം മതിയാക്കി ലിയ പോകാനിറങ്ങി. പോകുമ്പോൾ നല്ല അടിപൊളി ഫുഡ്‌ കഴിച്ചതിന്റെ നന്ദി സൂചകമായി ശ്രീക്കുട്ടിയെ കെട്ടിപിടിച്ചിട്ടാണ് അവൾ പോയത്.

ലിയ പോയശേഷം ശ്രീക്കുട്ടിക്ക് നെറ്റിയിൽ ഒരു ചൂട് ചുംബനം കൂടി കൊടുത്തു അവളെയും കോട്ടേഴ്‌സിലേക്ക് യാത്രയാക്കി.

ഉറങ്ങാൻ കിടക്കുമ്പോൾ ക്യാനഡയിൽ വന്നതിന് ശേഷമുള്ള കാര്യങ്ങളെല്ലാം ഞാനൊന്നു ആലോചിച്ചു നോക്കി.

വന്നിട്ട് മൂന്ന് നാല് ദിവസം ആയതേയുള്ളൂ… പക്ഷെ എനിക്ക് എന്റെ ജീവന്റെ പാതിയെ കിട്ടി. പിന്നെ ചങ്ക് പോലെയൊരു കൂട്ടുകാരിയെ കിട്ടി.

ഇനി വരാൻ പോകുന്ന നല്ല നിമിഷങ്ങൾ ഓർത്തു ഞാൻ ഉറക്കത്തിലേക്ക് വീണു.

****************************

രാവിലെ ഉണർന്നു വർക്ക്‌ഔട്ട് എല്ലാം തീർത്തു. അപ്പോളും ശ്രീക്കുട്ടി എത്തിയിട്ടുണ്ടായിരുന്നില്ല… അല്ലെങ്കിൽ രാവിലെ നേരത്തെ എത്തുന്നതാണ്. ചിലപ്പോൾ ഉറങ്ങി പോയിട്ടുണ്ടാവും.

അതും ചിന്തിച്ചു അകത്തേക്ക് കയറാൻ തുടങ്ങുമ്പോൾ….. ഏട്ടാ എന്ന ശ്രീക്കുട്ടിയുടെ വിളി കേട്ടു തിരിഞ്ഞു നോക്കിയതും അവൾ ഓടി വന്നു എന്നെ കെട്ടിപിടിച്ചു പൊട്ടികരയാൻ തുടങ്ങിയതും പെട്ടന്നായിരുന്നു.

തുടരും