സ്വന്തം ശ്രീക്കുട്ടി

പിണക്കം

” അവൻ വന്നില്ലെ മോളെ ??…. ” ” ഇല്ലമ്മാവാ..വരില്ല.   എന്തോ തിരക്കാന്നാ പറഞ്ഞെ…… ” സങ്കടം പുറത്തു കാട്ടാതെ മുഖത്തൊരു പുഞ്ചിരി വരുത്തി ഞാൻ അമ്മാവന് മറുപടി കൊടുത്തു. ” ശ്യോ കഷ്ടം ആയി പോയല്ലോ മോളെ..  കുടുംബത്തിൽ ഒരു നല്ലകാര്യം നടക്കുമ്പോൾ അവൻ മാത്രം ഇല്ലെന്നു പറഞ്ഞാൽ എങ്ങനെയാ…?  ” അമ്മാവന് മറുപടി കൊടുക്കാൻ നിൽക്കാതെ ഒന്ന്കൂടി പുഞ്ചിരിച്ചു ഞാൻ ചിന്നുവിനെയും വലിച്ചുകൊണ്ട് വീടിന് അകത്തേക്ക് കടന്നു. ” ഹോ ! വരുന്നവർക്കും പോകുന്നവർക്കും എല്ലാ അയാളെ കണ്ടാൽ മതി…  അതെന്താ എന്നെ കുറിച്ച് ഒന്നും ചോദിക്കാൻ  ഇല്ലേ ഇവർക്ക് ?  …  അതിനു മാത്രം  എന്താ അയാളിൽ ഇത്ര കാണാൻ ഇരിക്കുന്നത്..  രണ്ടു മത്തകണ്ണും ജനിച്ചിട്ടിതുവരെ വടിക്കാത്ത ആ വൃത്തികെട്ട  താടിയും അല്ലെ…? അയാൾ വന്നാലും വന്നില്ലെങ്കിലും ആ കിളവനെന്താ….  കല്യാണം എന്റെ അമ്മാവന്റെ മോളുടെ അല്ലെ?  അയാൾ വന്നില്ലെങ്കിൽ ഈ കല്യാണം നടക്കാതെ ഇരിക്കുവോന്നും ഇല്ലല്ലോ?  ” ഉള്ളിലുള്ള അമർഷം എല്ലാം ഒന്ന് പറഞ്ഞു തീർത്തപ്പോൾ തന്നെ മനസ്സിനൊരു  ആശ്വാസം തോന്നി….  പറഞ്ഞു നിർത്തി ചിന്നു വിന്റെ മുഖത്തേക്ക് നോക്കുമ്പോൾ പൊട്ടൻ കൂത്തു കാണാൻ പോയ അതെ അവസ്ഥയിൽ അവളെന്നേയും നോക്കി നിൽക്കെയാണ് ……..

” എന്തുവാടീ ഈ കണ്ണ് മിഴിച്ചു നിൽക്കുന്നെ ?  ” ” ഇതൊക്കെ എന്തിനാ ചേച്ചി   എന്നോട് പറയുന്നേ….?  ” അന്തിച്ചു നിന്ന അവളുടെ ചോദ്യം ഉയർന്നു. അതു ശരിയണല്ലോ.. ഇതൊക്കെ ഞാൻ എന്തിനാ അവളോട്‌ പറയുന്നത്?…. മനസ്സിൽ തോന്നിയ വെറുപ്പ് അപദ്ധവശാൽ പുറത്തേക്കു വന്നതാണ്… ഇനി ഇവൾക്ക് വല്ലതും മനസ്സിലായി കാണുമോ? ” ഏയ്… ! ” എന്റെ ചമ്മിയ മുഖം അവളെ കാണിക്കാതെ ഞാൻ വേഗം തിരിച്ചു നടന്നു… ” അപ്പൊ ഏട്ടൻ വരില്ലേ കല്യാണത്തിന് ?  ” ചിന്നു വിളിച്ചു ചോദിച്ചു……. മറുപടി ഒന്നും പറയാൻ നിൽക്കാതെ ഞാൻ വേഗത്തിൽ നടന്നു. അപ്പോഴും  അവളെന്നെ തന്നെ നോക്കി അവിടെ നിൽക്കുന്നുണ്ടായിരുന്നു…. ” അയാൾ വന്നില്ലെങ്കിൽ ഇവൾക്കെന്താ? ” പിറുപിറുത്തു ചുണ്ടും കോട്ടി നേരെ അടുക്കളയിലേക്ക് ഞാൻ  നടന്നു കയറുമ്പോൾ അമ്മയടക്കം എല്ലാ സ്ത്രീ ജനങ്ങളും അവിടെ തടിച്ചു കൂടിയിരുന്നു…

അകത്തു കയറി എന്റെ  മുറിയുടെ കതകു തുറന്നതും.  കോഴികൂടു തുറക്കാൻ കാത്തു നിന്ന കോഴിക്കുഞ്ഞുങ്ങളുടെ കണക്കെ  കുറെ പിള്ളേര് മുറിയിൽ നിന്നു ചാടി ഇറങ്ങി എന്നേം തട്ടി മാറ്റി പലയിടത്തേക്ക് ആയി ചിതറി ഓടി … ” ഓഹ് ഈ തലതെറിച്ച പിള്ളേര്  ….  ഇതുങ്ങളിന്നു ഈ വീട് തലകുത്തി വക്കുമെന്ന തോന്നുന്നേ… ” ” നീ ഇതാരുടെ കാര്യമാ പെണ്ണെ പറയുന്നേ?  ” അതുങ്ങളെയും പഴിച്ചു കതകടച്ചു കുറ്റിയിടുന്നതിനിടയിൽ കട്ടിലിൽ കിടക്കുന്ന കുഞ്ഞേച്ചിയുടെ എന്റെ സ്വന്തം കൂടപ്പിറപൊട്ടിന്റെ ശബ്ദം ഉയർന്നു.

. ” വേറെ ആരുടെ നിങ്ങടെ രണ്ടു കുരുപ്പിന്റെ കാര്യം തന്നെ..  പിന്നെ കല്യാണം പ്രമാണിച്ചു  അമ്മായിമാരുടേം പിള്ളേര് കൂടി വന്നിട്ടുണ്ടല്ലോ.. അപ്പൊ പിന്നെ  തീരുമാനം ആയില്ലേ?  ” കട്ടിലിൽ കിടക്കുന്ന കുഞ്ഞേച്ചിയെ നോക്കി ഞാൻ പറഞ്ഞു.  അവരെന്നെ നോക്കി ഒന്ന് പുഞ്ചിരിച്ചു. ” ഇതെന്ന ഇങ്ങനെ കിടക്കുന്നെ.? കുഞ്ഞേച്ചിക്കെന്താ  പറ്റിയെ. ?  പുറത്തെന്തു പണി ഉണ്ടെന്നറിയുവോ?  എന്നിട്ടിതിനകത്തു കയറി ഇരുന്നാൽ എങ്ങനെയാ..?  ” ” വയ്യാഞ്ഞിട്ടാടീ പെണ്ണെ…. ഭയങ്കര തലവേധന…. ” ” ആഹ് കിടന്നോ കിടന്നോ….  എല്ലാം ചെയ്യാനും നോക്കാനും ഞാൻ ഒരുത്തി ഇവിടെയുണ്ടല്ലോ    ” ആരോടെന്നില്ലാതെ വെറുപ്പ് കൂട്ടി കലർത്തി  പറഞ്ഞു ഞാൻ വിദൂരതയിലേക്ക് നോക്കി. ” പിന്നേ പണിയെടുക്കുന്ന ഒരു സാധനം… അവനോടുള്ള ദേഷ്യം നീ എന്തിനാടീ പെണ്ണെ എന്റെ അടുത്ത് ഇറക്കുന്നേ?  ” “ദേ …  എനിക്ക് ആരോടും വെറുപ്പും കുറുപ്പും ഒന്നുല്ല.. കുഞ്ഞേച്ചിക്ക് വെറുതെ തോന്നണതാ…. ” മേശ വിരിപ്പ് തുറന്നു വിക്സ് എടുത്തു ചേച്ചിയുടെ നെറ്റിയിൽ പുരട്ടുന്നതിനിടയിൽ ഞാൻ പറഞ്ഞു ഒപ്പിച്ചു… ” അപ്പോൾ അവൻ  വരില്ലേ മോളെ കല്യാണത്തിന് ” മറ്റുള്ളവരുടെയാ  ചോദ്യത്തിന് മുന്നിൽ മനസ്സ് തളരാതെ നിന്ന എനിക് ചേച്ചിയുടെ മുന്നിൽ മാത്രം പിടിച്ചു നിൽക്കാനായില്ല….  മനസ്സ് വല്ലാതെ തകർന്ന് വീണ പോലെ ഞാൻ കുഞ്ഞേച്ചിയുടെ തോളിലേക്ക് ചാഞ്ഞു…. ” എനിക്ക് അറിയില്ല കുഞ്ഞേച്ചി….. ഇത് വരെ എന്നെ ഒന്ന് വിളിച്ചിട്ടു കൂടിയില്ല… .. … ഞാൻ  ഇവിടെ വന്നിട്ട് എത്ര ദിവസം ആയി….  സോറി…  പറഞ്ഞുള്ള ഒരു കാൾ …  പോട്ടേ ഒരു മെസ്സേജ് പോലും എനിക്കിതു വരെയും അവിടെന്നു വന്നിട്ടില്ല.. ” സങ്കടം സഹിക്കാനാവാതെ ഞാൻ കുഞ്ഞേച്ചിയുടെ തോളിലേക്ക് ചരിഞ്ഞു..  എന്റെ കണ്ണുകൾ നിറഞ്ഞു വന്നത് ഞാൻ അറിഞ്ഞു. ” നിനക്കൊന്നു വിളിക്കാരുന്നില്ലേ മോളെ അവനെ  ?  ” എന്റെ പുറത്തു കൂടി തലോടി കുഞ്ഞേച്ചി ചോദിച്ചു.. ” എന്തിനു .?   ഇങ്ങോട്ടു വിളിക്കാൻ തോന്നിയില്ലല്ലോ,  പിന്നെ ഞാൻ മാത്രം എന്തിനാ അങ്ങോട്ട്‌ വിളിക്കുന്നെ…..  എനിക്കുമുണ്ട് വാശി ഒക്കെ… ” എന്റെ മിഴികൾ നിറഞ്ഞു ഒഴുകി കുഞ്ഞേച്ചിയുടെ സാരീ നനച്ചു… ” നിങ്ങൾ തമ്മിൽ എന്താ ശെരിക്കും പ്രശ്നം.. പറഞ്ഞു തീർക്കാവുന്നതാണെങ്കിൽ ഞാൻ സംസാരിക്കാം അവനോട്… ” ചേച്ചി എന്നെ അനുനയിപ്പിക്കാൻ ഉള്ള ശ്രമത്തിൽ ആണെന്ന് തോന്നി.. “എന്നോട് ഒന്നും ചോദിക്കണ്ട  ചേച്ചി…   സംസാരിച്ചൽ  തീരുന്ന പ്രശ്നം ഒന്നും അല്ല അതു… ”

ഞാൻ ചേച്ചിയെ മുറുകെ കെട്ടി പിടിച്ചു  …  പണ്ട് മുതലേ എന്ത് പ്രശ്നം ഉണ്ടെങ്കിലും ഈ നെഞ്ചിൽ ഇങ്ങനെ തല വച്ചു കിടക്കുമ്പോൾ കിട്ടുന്നത് വലിയ ഒരാശ്വാസം ആണ്… ഇന്നും എനിക്ക് എന്റെ സങ്കടങ്ങൾ പറയാൻ ഈ കുഞ്ഞേച്ചിയെ ബാക്കിയുള്ളു എന്നാ സത്യം ഞാൻ തിരിച്ചറിഞ്ഞു.

.  എന്റെ ഈ പാവം പിടിച്ച കുഞ്ഞേച്ചിയും അമ്മയും പിന്നെ ചങ്ക്  ചിന്നുവും ഒക്കെ ആയിരുന്നു എന്റെ ലോകം..  അയാൾ എന്റെ ജീവിതത്തിലേക്ക് കയറി വരുന്നത് വരെ…..   എന്റെ കിച്ചുവേട്ടൻ ….അല്ല ഇന്ന് അങ്ങേരെന്റെ   അല്ലല്ലോ … ! നേഴ്സിങ്  പഠിക്കുമ്പോൾ ആണ് ഞാൻ അങ്ങേരെ ആദ്യമായി കാണുന്നത്.. പഠിക്കാൻ വന്നതല്ലട്ടോ  മറിച്ചു രോഗിയായിട്ട്….ഒരു  ആക്‌സിഡന്റ് കേസ് ആയിരുന്നു. .

തല്ലുണ്ടാക്കാൻ പോയതാണ് കക്ഷി .. പകരം  ആരോ തല തല്ലി പൊളിച്ചു….. പാവം….  ഇത്രയും വലിയ തല്ലുകൊള്ളിക്ക് സൂചി കണ്ടാൽ പേടി ആണ്..  കൂട്ടുകാരികൾ എല്ലാം അങ്ങേരുടെ കാര്യം  പറഞ്ഞു ചിരിക്കുന്നതും മറ്റും  കേട്ടാണ് ഞാനും പുള്ളിയെ ശ്രദ്ധിച്ചു തുടങ്ങിയത്.  സുന്ദരനൊക്കെ ആണ്. പക്ഷെ ആ താടി.. അതാണ് സഹിക്കാൻ പറ്റാത്തത്..  അതങ്ങനെ വൃത്തികേടായിട്ടു ആ  മുഖത്തു ഇപ്പോളും ഉണ്ട് …  പൗരുഷത്തിന്റെ പ്രതീകം ആണത്രെ…….  പക്ഷെ അതൊന്നും അല്ല രസം..  പുള്ളിക്കാരൻ അവിടെ വരാനുണ്ടായ സാഹചര്യം ആണ്..

ഏതോ ആത്മാർഥ കൂട്ടുകാരന്റെ ആത്മാർത്ഥ പ്രണയിനിയെ  അവളുടെ വീട്ടിൽ നിന്നിറക്കി കൊണ്ട് വരാൻ ഹെല്പ് ചെയ്തതാണ്.ചെന്നതിന്റെ  പിറ്റേന്ന്  ആ പെണ്ണിന്റെ കല്യാണം ആയിരുന്നുത്രെ .  വിളിച്ചിറക്കാൻ ചെന്ന് കയറിയിടത്തു നിന്നു പൊതിരെ തല്ലു കിട്ടി…  പക്ഷെ അതൊന്നും പോരാഞ്ഞു തന്റെ ആത്മാർഥ പ്രണയം ആണെന്ന് പറഞ്ഞു കൂട്ടികൊണ്ട് പോയ ആ കൂട്ടുകാരനെ ആ പെണ്ണ് അറിയുക പോലും ഇല്ലയിരുന്നുത്രെ.   കക്ഷിയുടെ വൺസൈഡ് ലവ്  ആയിരുന്നു എന്ന്….  പിന്നെ പറയേണ്ടതില്ലല്ലോ..  കിച്ചെട്ടനേം   കൂട്ടുകാരനേം പെണ്ണിന്റെ ബന്ധുക്കൾ എല്ലാം കൂടി കെട്ടിയിട്ടു തല്ലി… എന്നിട്ടു അവര് തന്നെ   ഇവിടെ ഹോസ്പിറ്റലും ആക്കി……

ഈ കഥ കെട്ടു ഹോസ്പിറ്റലിൽ ചിരിക്കാത്തവർ ആയി ആരും ഉണ്ടായിരുന്നില്ല.  ആള് നല്ല ഫലിത പ്രിയനാണ്…  സംസാരം കൊണ്ട്  പെണ്ണുങ്ങളെ വീഴത്തൻ  മിടുക്കൻ….. കക്ഷിക്ക്‌ ആരും ഉണ്ടായിരുന്നില്ല.  അമ്മയും അച്ഛനും നേരത്തെ മരിച്ചു .   പിന്നെ അകന്ന ബന്ധുവിന്റെ സഹായം കൊണ്ട് പഠിച്ചു ടൗണിൽ ചെറിയൊരു കടമുറി വാടകക്കെടുത്തു ഇപ്പോൾ  ഗിഫ്റ്റ് ഷോപ്പ്  നോക്കി നടത്തുന്നു. അന്ന് ഒരാഴ്ചയോളം ആളും കൂട്ടുകാരനും ഹോസ്പിറ്റലിൽ ഉണ്ടായിരുന്നു..  ഉണ്ടായിരുന്ന അത്ര ദിവസം കൊണ്ട് തന്നെ എല്ലാവരുടെയും മനസ്സിൽ പുള്ളി ഇടം പിടിച്ചിരുന്നു…  എന്റെയും. !

അങ്ങനെ ഒരു നല്ല ചെക്കനെ വിട്ടു കളയുന്നതിൽ ഉള്ള വിഷമം കൊണ്ടൊന്നും അല്ല അങ്ങനെ ഒരു ചെക്കനെ വേറെ ഒരുത്തിക്കും കിട്ടാതിരിക്കാൻ ഉള്ള കുശുമ്പ് കൊണ്ട് തന്നെ  ആണ് കിച്ചുവേട്ടനെ   തേടി കണ്ടു പിടിച്ചു ഞാൻ പ്രൊപ്പോസ് ചെയ്തത്…..  പിന്നെ ഞങ്ങളുടെ ദിവസങ്ങൾ ആയിരുന്നു.  സന്ദോഷത്തിന്റെ ദിനങ്ങൾ…..  കിച്ചുവേട്ടനെന്നെ സ്നേഹത്തിന്റെ നെറുകയിൽ എത്തിച്ചു…അതുവരെ കിട്ടാത്ത എന്തൊക്കെയോ ആരൊക്കെയോ ആവുകയയിരുന്നു പിന്നീട് കിച്ചുവേട്ടൻ എനിക്ക്…..  ഒടുവിൽ എല്ലാം വീട്ടിലറിഞ്ഞപ്പോൾ ഒരു അനാഥ ചെറുക്കന് എന്നെ കെട്ടിച്ചു കൊടുക്കില്ലെന്ന് അമ്മാവന് ആയിരുന്നു അന്ന് കട്ടായം പറഞ്ഞത്.

അനാഥ ചെക്കനെ കെട്ടിയാൽ അമ്മായിയമ്മ പോരുണ്ടാവില്ലെന്ന കുഞ്ഞേച്ചിയുടെ അനുഭവിച്ചറിഞ്ഞ സത്യവും ഇഷ്ടപ്പെട്ട ചെക്കന്റെ കൂടെ ജീവിക്കാൻ ഉള്ള അമ്മയുടെ മൗന സമ്മതവും കൂടി ആയപ്പോൾ ഞാൻ കിച്ചേട്ടന്റെ   കൂടെ ഇറങ്ങി പോയി…..  അന്ന് മുതൽ ഒരു കുറവും വരുത്താതെ എന്നെ നോക്കി അയാൾ  …..  എല്ലാവരും ഉണ്ടായിരുന്ന എനിക്ക് എന്റെ കിച്ചുവേട്ടൻ   മാത്രം ആണ് ലോകം എന്ന അവസ്ഥയിൽ കൊണ്ടെത്തിച്ചു…..തെണ്ടി !   എന്നും രാത്രി കിച്ചേട്ടന്റെ  നെഞ്ചിൽ തല ചേർത്തുറങ്ങുന്ന സുഖം ഒന്ന് വേറെ തന്നെ ആയിരുന്നു…   …..

” എടീ….  പെണ്ണെ…  എഴുന്നേറ്റെ…  എന്ന കിടപ്പാ ഇത്….  എഴുന്നേൽക്കു….. ” ” ഇത്തിരി നേരം കൂടി കിച്ചേട്ടാ……  പ്ളീസ്    … ” ” കിചേട്ടനോ…..  എടീ…  എഴുന്നേറ്റു മാറിക്കെ …. ” എന്നെ തള്ളി  കട്ടിലിൽ നിന്നു ആരോ താഴെക്ക് ഇട്ടപ്പോളാണ് കൂടെ ഉണ്ടായിരുന്നത് കുഞ്ഞേച്ചി ആണെന്ന ബോധം എനിക്ക്  വന്നത്… ” വഴക്കും വക്കാണവും ആണേലും സ്വപ്നത്തിൽ പോലും അവനില്ലാതെ പറ്റില്ല പെണ്ണിന്.. അല്ലെ.. ” കുഞ്ഞേച്ചിയുടെ കളിയാക്കലേറ്റു വാങ്ങി തലയും ചൊരിഞ്ഞു ചെറിയൊരു ചമ്മലോടെ ഞാൻ എഴുന്നേറ്റു….. ” വാ പോകാം ….  അവിടെ ചിന്നു ഒറ്റക്കല്ലേ ഒള്ളു… ” ” അവളവിടെ ഒറ്റക്കൊന്നും അല്ല..  കല്യാണപ്പെണ്ണിനെ കാണാൻ കൂട്ടുകാരികൾ ഒക്കെ വന്നിട്ടുണ്ട്.. ” ” എന്നുകരുതി.. നമ്മുടെ വാല് പോലെ  നടന്ന പെണ്ണല്ലേ അവൾ… അവളുടെ കല്യാണത്തിന് നമ്മൾ കൂടെ കാണണ്ടേ.. എപ്പോളും…  നീ വാ പെണ്ണെ…. ” ” ഞനില്ല കുഞ്ഞേച്ചി..  അവിടെ ചെന്നാൽ എനിക്ക് വട്ടു പിടിക്കും. കിച്ചേട്ടൻ വന്നില്ലേന്ന് ചോദിച്ചു ഉള്ള സമാധാനോം കൂടി കളയും അവറ്റകൾ…. ” ” അതൊക്കെ ഞാൻ നോക്കി കൊള്ളാം നീ വാ… ” ചേച്ചി എന്നെയും വലിച്ചു കൊണ്ട് വീണ്ടും കല്യാണ വീട്ടിലേക്കു നടന്നു . മനസ്സില്ല മനസ്സോടെയാണ് കല്യാണ വീടിന്റെ പടികൾ ഞാൻ കയറി….

” ചിന്നുവിന്റെ  കല്യാണം വരെ ആയി.  നമുടെ  അനുശ്രീക്ക് നല്ല  ഒരു ചെക്കനെ നോക്കണ്ടേ ശ്യാമളെ.    എന്റെ അടുത്തൊരു നല്ല ചെക്കൻ ഉണ്ട്..നമുക്കൊന്ന് ആലോചിച്ചാലോ .. ”

കയറി ചെന്നതു  അമ്മയോട് കുശലം പറയുന്ന അകന്ന ബന്ധുവിന്റെ മുന്നിലേക്കാണ്… അതും നല്ല അടിപൊളി കുശലം. … ” അതിനിവളുടെ കല്ല്യണം കഴിഞ്ഞിട്ട് വർഷം ഒന്ന് ആവാറായി.. .ചേച്ചി .. ” കയറി വന്ന എന്നെ ചേർത്തു പിടിച്ചമ്മ അവർക്കു മറുപടി കൊടുക്കുമ്പോൾ അവരുടെ മുഖം ഒന്നു കറുത്തു.. ” എന്നിട്ടു നമ്മളെ ഒന്നും അറിയിച്ചില്ലല്ലോ ശ്യാമളെ നീയ് …..  എന്താ  മോളെ …നീയും ഇനി ന്യൂജെൻ പിള്ളേരെ പോലെ ചാടി പോയത് വല്ലതും ആണോ..  ?  ” നേരിട്ട ചമ്മൽ പുറത്തു കാട്ടാതിരിക്കാൻ അവരെന്നെ നന്നായി ഒന്നു കളിയാക്കി.. ആ മാനസികാവസ്ഥയിൽ എനിക്കതത്ര ബോധിക്കുന്നതായിരുന്നില്ല.

” എന്റെ  അടുത്ത കല്യാണതിനു വിളിക്കാം അമ്മായി..ഉടനെ ഉണ്ടാകും ..  അതു വരെ അമ്മായി ഉണ്ടായിരുന്ന മതി ട്ടോ…  ഏതായാലും ആ പറഞ്ഞാ ആലോചന കളയണ്ടാ.. വീട്ടിൽ ഒരുത്തി വന്നിരിപ്പില്ലേ കെട്ട്യോനെ വേണ്ടാന്നും പറഞ്ഞു….. നിങ്ങടെ മോൾ.. ആവശ്യം വരും…. ” അമ്മയുടെയും അവരുടെയും കണ്ണുകൾ ഒരുമിച്ചു മിഴിച്ചു വരുന്നുന്നത് ഞാൻ  കണ്ടു….ആ.തള്ളയുടെ മുഖത്തു നോക്കി അത്രയും പറഞ്ഞപ്പോൾ ആണ് മനസിനൊരാശ്വാസം തോന്നിയത്..   മുതിർന്നവരോട് അഹങ്കാരം പറഞ്ഞത് കൊണ്ടാകാം കൈയിൽ ഒരു പിച്ചും തന്നു കുഞ്ഞേച്ചി വേഗത്തിൽ എന്നെയും വലിച്ചു കൊണ്ട് ചിന്നുവിന്റെ മുറിയിലേക്ക് നടന്നു…. ” വന്നു വന്നു നാവിനെല്ലില്ലാണ്ടായിട്ടുണ്ട് പെണ്ണിന്… ” ” പിന്നെ അവര് പറഞ്ഞത് കേട്ടില്ലേ.  ഞാൻ വേലി ചാടിയതാണോ എന്ന്?  വൃത്തികെട്ട തള്ള…  ഞാൻ കുഞ്ഞേച്ചിയോട് പറഞ്ഞതല്ലേ ഞാൻ വീട്ടിലിരുന്നോളാമെന്നു….. ”

പിന്നെ കുഞ്ഞേച്ചി ഒന്നും മിണ്ടിയില്ല…. മുറിയുടെ കതകു തുറന്നകത്തേക്കു കയറി. ” നിന്റെ കൂട്ടുകാരൊക്ക പോയോ…  ” മുറിയിൽ ഒറ്റക്കിരിക്കുന്ന ചിന്നുവിനെ കണ്ട് കുഞ്ഞേച്ചി ചോദിച്ചു.. ” അവരൊക്കെ എപ്പോഴേ പോയി…. നാളെ വരും…. ” ഞാനവരുടെ ഇടയിലൂടെ നടന്നു കട്ടിലിൽ കയറി ഇരുന്നു.  അപ്പോഴും ശോകം തളം കെട്ടി നിൽക്കുകയായിരുന്നു  എന്റെ മുഖം… ” ഈ ശ്രീയേച്ചിയുടെ  വിഷമം ഇനിയും മാറിയില്ലേ?  ” എന്റെ മുഖം കണ്ടിട്ടാകാം ചിന്നു ചോദിച്ചു.

” ഇനി ഇപ്പൊ ശ്രീയേച്ചി  എന്ത് പറഞ്ഞാലും കുച്ചുവേട്ടൻ കല്യാണത്തിന് വന്നില്ലേ ഞാൻ മണ്ഡപത്തിൽ കേറില്ലട്ടോ പറഞ്ഞേക്കാം… ” ” ആഹ് എന്ന മോളു കെട്ടണ്ട…  അങ്ങേരു വന്നാൽ ഞാനീ കല്യാണം കൂടില്ല…. ” ചിന്നുവിന് മറുപടിയായി ഞാനും തറപ്പിച്ചു പറഞ്ഞു.. ” എന്ത് കഷ്ടം ആണിത്….  നിങ്ങൾ രണ്ടും ഇല്ലാതെ പിന്നെ എങ്ങനെയാ….. ?  ” ചിന്നുവിന്റെ ചോദ്യത്തിന് എന്റെ പക്കൽ മൗനം മാത്രമേ ഉണ്ടായിരുന്നുള്ളു.  കാരണം എന്റെ ആ തീരുമാനം ഉറച്ചതായിരുന്നു…. ” എന്റെ ചക്കര ചേച്ചിയല്ലേ….  നിങ്ങടെ കുഞ്ഞനിയത്തി അല്ലെ ഞാൻ…..  എനിക്ക് എന്റെ ശ്രീകുട്ടിം ദേ ഈ   കുഞ്ഞേച്ചിയും കഴിഞ്ഞാൽ പിന്നെ ഏറ്റവും ഇഷ്ടം കിച്ചുവേട്ടനെ ആണെന് ചേച്ചിക്കറിയാലോ…  എന്റെ ആകെയുള്ള ആഗ്രഹം അല്ലെ….. ശ്രീയേച്ചി  പ്ലീസ്…..  ഈ ഒരൊറ്റ തവണ സമ്മതിക്കു….  കിച്ചുവേട്ടനും കൂടി വന്നോട്ടെ കല്യാണത്തിന്… …പ്ലീസ്…..  പ്ലീസ്….. ”

ചിന്നു എന്റെ അടുത്ത് വന്നു എന്നെ ഉടുമ്പടക്കം കെട്ടിപ്പിടിച്ചു കെഞ്ചി….  അവളുടെ സോപ്പിങ്ങിൽ വീഴാതിരിക്കാൻ എനിക്കായില്ല…  ഞാനവൾക് അർദ്ധ സമ്മതം മൂളി…… ” ഞാനിത്രക്കു ലോല ഹൃദയ ആയിരുന്നോ ദൈവമേ….  ” ഒന്ന് ചിന്തിച്ചു പോയി… ” ഞാൻ വിളിക്കില്ല ട്ടോ അങ്ങേരെ…  വേണേൽ നിങ്ങൾ ആരെങ്കിലും വിളിച്ചോണം.. ” ഞാനെന്റെ അഭിപ്രായം രേഖപ്പെടുത്തികൊണ്ടു പറഞ്ഞു. ” അതൊക്കെ ഞാൻ  നേരത്തെ വിളിച്ചിട്ടുണ്ട്…  ” സന്തോഷത്തിനിടയിൽ ചിന്നു പറഞ്ഞു . ” അപ്പോൾ എല്ലാം പുള്ളിയുടെ  പ്ലാൻ  ആണല്ലേ….  ശെരിയാക്കി തരാം…. ”   മനസ്സിൽ പറഞ്ഞു അങ്ങേരുടെ വരവിനായി ഞാൻ കാത്തിരുന്നു….

കിച്ചേട്ടന്റെ അനിയത്തി കുട്ടിയാണ് ചിന്നു…  ഞങ്ങൾ തമ്മിൽ പ്രേമിച്ചു നടക്കുമ്പോൾ മുതൽ ചിന്നുവിന് കിച്ചേട്ടനെ അറിയാം..  അന്ന് മുതലേതന്നെ അങ്ങേരു  ഒരു അനിയത്തി കുട്ടിയെ കിട്ടി എന്ന് പറഞ്ഞു   തലയിൽ വച്ചു നടക്കുമായിരുന്നു ഇവളെ ..  അതുകൊണ്ട് തന്നേ അവരുടെ ബന്ധം വച്ചു,  ചിന്നു മുൻപ് പറഞ്ഞത് പോലെ  കിച്ചേട്ടൻ എത്തിയില്ലേ ചിലപ്പോൾ പെണ്ണ് മണ്ഡപത്തിൽ കയറിയില്ല എന്നും വരാമെന്ന് കരുതിയാണ് ഞാൻ അതിനു സമ്മതിച്ചത് തന്നെ…. ഇപ്പോ തന്നെ കല്യാണത്തിന് നേരെത്തെ എത്തിയില്ല എന്ന് പറഞ്ഞു കൊതികുത്തിയിരിക്കയായിരുന്നു പെണ്ണ്.

****===****====****

കല്യാണ വീട്ടിലെ തിരക്ക് ക്രമാധീതമായി വർധിച്ചു തുടങ്ങിയിരുന്നു.  കല്യാണത്തിന് ഇനിയും ഒരു ദിവസം കൂടി ബാക്കി ഉണ്ട്.  എങ്കിലും അടുത്ത ബന്ധുക്കളെ കൊണ്ടും അയൽക്കാരെ കൊണ്ടും വീട് നിറഞ്ഞിരുന്നു..  പാചകം നമ്മുടെ വീടിന്റെ പിന്നിൽ ആയത് കൊണ്ട് അവിടെയും തിരക്കിന് ഒരു കുറവും  ഉണ്ടായിരുന്നില്ല….

കല്യാണ പെണ്ണിന്റെ ചേച്ചി എന്ന നിലയിൽ നിന്നുകൊണ്ട്  അതിന്റെ വില കളയാതെ ഉള്ള എല്ലാ ജോലികളും ഞാൻ മുന്നിൽ നിന്നു തന്നെ നയിച്ചു ഓരോരുത്തരെ കൊണ്ട് ചെയ്യിപ്പിച്ചു ക്ഷീണിച്ചിരുന്നു…  ചിന്നു ആണെങ്കിൽ എന്റെ അടുത്ത് നിന്നു മാറാതെ എപ്പോളും കൂടെ ഉണ്ട്… അവൾക് നല്ല പേടി ഉണ്ടായിരുന്നു..   കുഞ്ഞേച്ചിയും ഞാനും കൂടി അവൾക്ക് ക്ലാസ്സ്‌ ഒക്കെ എടുത്തു ….  ഞങ്ങളുടെ അറിവുകളും അനുഭവങ്ങളും എല്ലാം അവൾക്കും പകർന്നു നൽകി….

വൈകുന്നേരം ആയപ്പൊളേക്കും വന്നവർക്കുള്ള ഭക്ഷണം തയ്യാറാക്കാനും മറ്റുമായി അല്പം പണിയെടുക്കേണ്ടി വന്നു..  പിന്നെ ചിന്നുവിന് മൈലാഞ്ചി ഇടണമെന്ന് പറഞ്ഞവിടെ നിന്നും മുങ്ങി.  പൊതുവെ പണിയെടുക്കാൻ മടിയൊന്നും ഉണ്ടായിട്ടല്ല. പക്ഷെ ഇങ്ങനെയൊരു മാനസികാവസ്ഥയിൽ എനിക്കെന്തോ ഒന്നിനും കഴിയുന്നുണ്ടായിരുന്നില്ല……..

” കിച്ചുവേട്ടനെ കണ്ടിട്ട് ഇന്നേക്ക് ഒരാഴ്ച അടുത്തകാറായി… .  എന്നെ മറന്നു കാണുംവോ എന്തോ?  ” വല്ലാത്തൊരു വിഷമം മനസിന്‌..  . ” അതിനു സുന്ദരി അല്ലെ ഞാൻ…..” മുറിയിലെ കണ്ണാടിയിലേക്ക് നോക്കി ഞാൻ  സ്വയം ചോദിച്ചു… എന്നെ വിലയിരുത്തി. ” ആണല്ലോ.  പിന്നെ എന്താ   അങ്ങേർക്കു എന്നെ ഒന്ന് വിളിച്ചാൽ …. മനുഷ്യനായാൽ ഇത്രക്ക് വാശി പാടില്ല….  ഇങ്ങോട്ടു തന്നെ അല്ലെ വരുന്നേ… ശരിയാക്കി കൊടുക്കുന്നുണ്ട് ഞാൻ……..  ”

” ചേച്ചി ഇതരോടാ ഈ ഇരുന്നു പിറുപിറുക്കുന്നെ…. ” കുളികഴിഞ്ഞിറങ്ങി വന്ന ചിന്നു എന്റെ ഇരിപ്പു കണ്ടു ചോദിച്ചു… ” കിച്ചുവേട്ടനെ കാണാഞ്ഞു വട്ടായോ?  ” മുടിയൊതുക്കി കണ്ണാടിയുടെ മുന്നിൽ കയറി നിന്നവൾ ചോദിച്ചു.. ” കാണാൻ കൊതിക്കാൻ അങ്ങേരാരു കാമ ദേവനോ?   ഹും…. ” മുഖത്തൊരല്പം പുച്ഛം വിതറി ഞാൻ അതുപറഞ്ഞപ്പോൾ കണ്ണാടിയിൽ നോക്കി തന്നെ എന്റെ ചെയ്തി കണ്ടവൾ ഒന്ന് ചിരിച്ചു… ” നിങ്ങടെ സ്നേഹം എനിക്കറിയാവുന്നതല്ലേ ചേച്ചി…. കിച്ചേട്ടനെ കാണുന്ന വരെയെ ഒള്ളു ചേച്ചിടെ ഈ വഴക്കൊക്കെ….  ”

” പിന്നെ അതു നിന്റെ തോന്നലാ…. ഒരാഴ്ച ആയിട്ട് ഒന്ന് തിരിഞ്ഞു പോലും നോക്കിട്ടില്ല.  എന്നിട്ടു സ്നേഹം ആണ് പോലും….  അങ്ങനെ ഉള്ള സ്നേഹം ഒന്നും ഈ അനുവിന്  വേണ്ട…. ” എന്റെ ഉറച്ച വാക്കുകൾ കെട്ടു അവൾ ഒന്ന് അമ്പരന്നു..  തിരിഞ്ഞവളെന്റെ അടുത്ത് കട്ടിലിൽ വന്നിരുന്നു…. ” ശെരിക്കും എന്താ ചേച്ചി നിങ്ങൾ തമ്മിൽ പ്രശ്നം.?  ആദ്യമായിട്ടാ ചേച്ചി ഇങ്ങനെ ഒക്കെ കിച്ചേട്ടനെ കുറിച്ച് പറയുന്ന കേൾക്കുന്നെ ….  അല്ലെങ്കിൽ നിങ്ങടെ വഴക്ക് ഇത്രക്കൊന്നും പോകുന്നതല്ലല്ലോ….  കിച്ചുവേട്ടനോട് ചോദിച്ചിട്ട് ഒട്ടു പറയുന്നുമില്ല….. ” മറുപടി പറയാൻ കഴിയാതെ ഞാൻ അവളുടെ തോളിലേക്ക് ചെരിഞ്ഞു…  കണ്ണുനീർ അലപം പൊടിഞ്ഞു അവളുടെ ചുരിധാറിനെ നനച്ചു….

” പറ ചേച്ചി…  എന്താ പ്രശ്നം.   നിങ്ങളുടെ സ്നേഹം ഒക്കെ കണ്ടിട്ട് അസൂയ തോന്നിട്ടുണ്ട് പലപ്പോഴും.  എന്നിട്ട് ഇപ്പൊ എന്താ നിങ്ങൾക് പറ്റിയത്… ” ” എന്നെ കൊണ്ട് ഇനി പറ്റില്ല ചിന്നു..  അയാളുടെ കൂടെ… എന്റെ വാക്കിന് ആ വീട്ടിൽ ഒരു വിലയും ഇല്ല..  എല്ലാം അയാള് പറയും പോലെ തന്നെ നടക്കണം…  എനിക്ക് വയ്യ….  ഇനി… അതെന്താ എനിക്കും ആഗ്രഹങ്ങൾ ഒന്നും ഇല്ലേ ? … എനിക്ക് ഒന്നും പറയാൻ അനുവാദം ഇല്ലെന്ന് വച്ചാൽ….  ” എന്റെ വിഷമങ്ങൾ എല്ലാം ഞാൻ എന്റെ മനസാക്ഷി സൂക്ഷിപ്പ് കാരിയോട് പറഞ്ഞാശ്വസിച്ചു.. ” അങ്ങേരുടെ സ്നേഹം മുഴവനും അഭിനയം ആണ്….  എന്റെ ആഗ്രഹങ്ങൾക്ക് വിലയില്ലാത്തിടത് പിന്നെ എന്തിനാ ഞാൻ നിൽക്കുന്നെ….. ”

” ശ്രീയേച്ചി  ഇതെന്തൊക്കെയാ ഈ പറയണേ…..  എനിക്കൊന്നും

”  കിച്ചുവേട്ടൻ വിളിച്ചോ ചേച്ചി…  ?  ” പെട്ടന്നവൾ അയാളുടെ കാര്യം എടുത്തിട്ടതിൽ എനിക്കല്പം ദേഷ്യം തോന്നി. ” എന്നെ ഒരു ഏട്ടനും വിളിച്ചില്ല…  എന്താ ഇപ്പോ നിന്റെ ചേട്ടന്?  ” ഡിമാൻഡ് അല്പം പോലും കുറയാതെ ഞാൻ ഗൗരവത്തിൽ തന്നെ ചോദിച്ചു. ” അവിടുന്ന് പോന്നിട്ടുണ്ട് എന്ന് പറഞ്ഞു വിളിച്ചിട്ടു കുറെ നേരം ആയി.. .. ഇപ്പൊ എത്തേണ്ട സമയം ആയില്ലേ…… … ” ” അതെവിടെ എങ്കിലും കറങ്ങി നടപ്പുണ്ടാകും നീ ഒന്നുകൂടി വിളിച്ചു നോക്ക്……  ” ” ഇല്ല..  ഞാൻ വിളിച്ചു…  റിങ് പോകുന്നുണ്ട് എടുക്കുന്നില്ല….. ” അങ്ങേരോടുള്ള ദേഷ്യത്തിന്റെയും വെറുപ്പിന്റെയും മേൽ ഒരു കാർമേഘം വന്നു മൂടുന്നത് പോലെ കരണമറിയാത്തൊരു ഭയം മനസിലേക്ക് ഇരച്ചു കയറി വന്നു..

” നീ എന്തൊക്കെയാ ചിന്നു ഈ പറയുന്നേ…  ദേ എന്നെ വെറുതെ പേടിപ്പിക്കല്ലേ.. . ട്ടോ…. ” ” അതിനു പേടിക്കാനൊന്നും ഞാൻ പറഞ്ഞില്ലല്ലോ.. ഏട്ടൻ  ചേച്ചിയെ വിളിച്ചിരുന്നോ എന്നല്ലേ ചോദിച്ചത്… ” ഇല്ല എന്നെ വിളിചിട്ടില്ല….  എന്നാലും കിച്ചേട്ടൻ  എവിടെ പോയതായിരിക്കും.. എങ്ങോട്ട് പോയാലും ഫോൺ വിളിച്ചാൽ എടുക്കുന്നതാണല്ലോ….. എന്നിൽ ഭയം ഇരട്ടിച്ചു വരുന്നത് ഞാൻ അറിഞ്ഞു.  എന്നെ പതിയെ വിറക്കുന്നുണ്ടായിരുന്നു

“ഇനി വല്ല അപകടവും…..?  . ” മനസ്സറിയാത്ത മന്ദ്രിച്ചു……  ” എന്റെ ദേവി….. ” ഞാനവരെ രണ്ടുപേരെയും തട്ടിമാറ്റി ചിന്നുവിന്റെ മുറിയിലേക്ക് ഓടി..  മേശപ്പുറത്തിരുന്ന   ഫോൺ എടുത്തു നോക്കി    ഇല്ല..   കാൾ ഒന്നും വന്നിട്ടില്ല ..  പിന്നെ ഈ മനുഷ്യൻ എവിടെ പോയികിടക്കുകയാണോ എന്തോ  .?  ” എന്റെ ദേവി ഒന്നും വരുത്തരുതേ….. ” മനസ്സിൽ ഉള്ളുരുകി പ്രാർഥിച്ചു കിച്ചുവേട്ടന്റെ നമ്പർ എടുത്തു ഡയൽ ചെയ്തു…… ” ചേച്ചി ദേ കിച്ചുവേട്ടൻ വന്നു…… ” മുറിയുടെ വാതിൽക്കൽ എത്തി  ചിന്നു വിളിച്ചു പറഞ്ഞപ്പോൾ ആണ് പോയ ജീവൻ തിരിച്ചു കിട്ടിയത്…  അവളതും വിളിച്ചു പറഞ്ഞു താഴേക്കോടി….  ഞാൻ നേരെ ബാൽക്കണിയിലേക്കും….. മുറ്റത്തു കാർ വന്നു നിർത്തിയിട്ടുണ്ട്   ….  ” ഹോ… ” അറിയാതെ ഒരു ദീർഘ നിശ്വാസം എന്നിൽ നിന്നുയർന്നു   …..

” എവിടെ പോയി കിടക്കുവായിരുന്നോ എന്തോ ..  മനുഷ്യനെ വെറുതെ തീ തീറ്റിക്കാൻ  …പട്ടി….   തെണ്ടി..ചെറ്റ…. ..  എങ്കിലും ആ ഫോൺ ഒന്ന് എടുത്താൽ എന്താ അങ്ങേർക്കു….. ഉള്ള ജീവനും കൂടി പോയി …ഇങ്ങോട്ടു വരട്ടെ ഇതിനുള്ളത് കൂടി ഞാൻ തരുന്നുണ്ട്… പണ്ടാരം…   ” മനസ്സിൽ തോന്നിയ എല്ലാ ചീത്തവാക്കുകളത്രയും ഞാനാ ബാൽക്കണിയിൽ നിന്നു തന്നെ അയാളെ വിളിച്ചു . ഉറക്കെ ..  ഇല്ലെങ്കിൽ ഒരു സമാധാനം ഉണ്ടാവില്ല എനിക്ക്… കണ്ണുനീർ പൊടിഞ്ഞു വന്ന കണ്ണ് തുടച്ചു ഞാൻ ചുറ്റും നോക്കി. അടുത്തെങ്ങും ആരും ഇല്ലെന്ന ധൈര്യത്തിൽ അല്പം ഉച്ചത്തിൽ തന്നെ ആണ് എല്ലാം  ഞാൻ വിളിച്ചു പറഞ്ഞതു തന്നെ..അതു ആരും കേട്ടില്ലെന്നു അറിഞ്ഞപ്പോൾ തന്നെ ഒരു സമാധാനം…

നോക്കുമ്പോൾ .  ചിന്നു ഓടി ഇറങ്ങി അങ്ങേരുടെ അടുത്തേക്ക്  ചെല്ലുന്നുണ്ട്. പിറകെ കുഞ്ഞേച്ചിയും.. ”  ഓടി ചെല്ല്… താലപ്പൊലിയും നിലവിളക്കും എല്ലാം കൊണ്ട് ചെല്ല്.. തമ്പുരാനെഴുന്നള്ളാൻ….. ഹും ” കുറച്ചു മുൻപുണ്ടായ സങ്കടവും ദേഷ്യവും എല്ലാം അടക്കി ഞാൻ ആരോടെന്നില്ലാതെ പറഞ്ഞു ..  പെട്ടന്ന് അടുത്ത് നിന്നു ആരുടെയോ  അടക്കി പിടിച്ച ഒരു ചിരി ഉയരുന്നത് കേട്ടു വേഗത്തിൽ ഞാൻ ഞെട്ടി തിരിഞ്ഞു നോക്കി… ” ദൈവമേ ഉള്ള മാനവും കാറ്റിൽ പറന്നല്ലോ…  ” ചിന്തിച്ചു ചുറ്റും നോക്കിയിട്ടും  പക്ഷെ ആരെയും ഞാൻ കണ്ടില്ല… ” ഭാഗ്യം.. ” എങ്കിലും ഞാൻ ആ ചിരി ശെരിക്കും കേട്ടതാണല്ലോ എന്ന് ഓർത്തു പുകഞ്ഞ തല ചൊറിയാൻ കൈ ഉയർത്തിയപ്പോളാണ് കാര്യം മനസിലായത്..  കിച്ചുവേട്ടന് ഡയൽ ചെയ്ത കാൾ കട്ട്‌ ചെയ്യാൻ മറന്നിരുന്നു.കാൾ അറ്റന്റ് ചെയ്തു ഞാൻ പറഞ്ഞതെല്ലാം അങ്ങേര്  കേട്ടതിന്റെ ചിരിയാണ് അതെന്നു  തിരിച്ചറിഞ്ഞ ആ നിമിഷം   നിന്ന നിൽപ്പിൽ ഭൂമിയിലേക്ക് താണ്‌ പോയിരുന്നു എങ്കിൽ എന്ന് ഞാൻ ആഗ്രഹിച്ചു പോയി …. ”  അയ്യേ നാണക്കേട്… ” ചമ്മിയ മുഖം മറക്കാനാവാതെ  ഞാൻ നിന്നുരുകി പോയി…  ഫോൺ ഓഫ്‌ ആക്കി ബാൽക്കണിയിൽ നിന്നും ഓടി ഞാൻ കതകിനു പിന്നിലേക്ക് ഒളിച്ചു….

” കോപ്പ്..  എല്ലാം അങ്ങേരു കേട്ടു കാണും…..  ഉണ്ടായിരുന്ന വില കൂടി പോയി കിട്ടി ..  ച്ചെ….  കാൾ കട്ട്‌ ചെയ്യാൻ മാത്രം ഓർക്കാഞ്ഞത് എന്താണോ ?   ഞാൻ എന്താ അത്രക്ക് പൊട്ടി ആണോ?  ”

ചെയ്ത മണ്ടത്തരത്തിനു എന്നെത്തന്നെ സ്വയം പഴിച്ചു തലയ്ക്കു  ഒരു കിഴുക്കും കൊടുത്തു കതകിനിയിലോടെ ഞാൻ പതിയെ തല പുറത്തേക്കിട്ടു മുറ്റത്തേക്ക് കണ്ണോടിച്ചു….

ചിന്നു ഓടി ചെന്ന് പുള്ളിയെ കെട്ടിപ്പിടിക്കുന്നുണ്ട്. അങ്ങേരാണെങ്കിൽ  ചിന്നുവിനെ എടുത്ത് ഒന്ന് വട്ടം കറക്കി അവളെ നിലത്തേക്ക് നിർത്തി…. ” ഹും…  ഒരു പെങ്ങള് സ്നേഹം,  നമ്മളോടൊന്നും ഒരു സ്നേഹവും ഇല്ല… ഇല്ലെങ്കിൽ വന്ന ഉടനെ എന്നെ കാണാൻ അല്ലെ വരണ്ടേ..?  കെട്ട്യോൻ ആണ് പോലും…… ” മനസിലൊരൊന്നു ഓർത്തു ഞാൻ കിറികോട്ടി  …

മുറ്റത്തു നിന്നു കിച്ചുവേട്ടനെ ചിന്നു വലിച്ചു അകത്തേക്ക് കയറ്റി. ഇരുട്ടിൽ നിന്നു വെളിച്ചത്തിലേയ്ക്കു എത്തിയ കിച്ചുവേട്ടനെ കണ്ടു ഞാൻ ഞെട്ടി .   ആഹ് താടി… ! മുഖത്തു ഉണ്ടായിരുന്ന ആ വൃത്തികേടിപ്പോൾ കാണാനില്ല ..  ഞാൻ  ഒരു നൂറു തവണ പറഞ്ഞിട്ടുണ്ട് അതൊന്നു നീളം കുറച്ചു അല്പം വൃത്തിയായിട്ട് നടക്കാൻ.  കേട്ടഭാവം നടിച്ചിട്ടില്ല.  എന്നിട്ടിപ്പോൾ ആര് പറഞ്ഞിട്ടാണോ എന്തോ ഇങ്ങനെ…? അതും ക്ലീൻ ഷേവ്…    ” ഏതോ പെണ്ണ് പറഞ്ഞിട്ട് തന്നെയാ…. എന്റെ കെട്ട്യോൻ വഴി പിഴച്ചു പോയൊ ദൈവമേ….  ” ആ നിമിഷം ചെകുത്താൻ കുഞ്ഞു മനസിന് അകത്തെവിടെയോ ഇരുന്നു പറഞ്ഞതെന്റെ കാതിൽ മുഴങ്ങി…

” ആയിരിക്കും ഏതോ പെണ്ണ് തന്നെ ആണ്.  അതും ക്ലീൻ ഷേവ് ചെയ്യാൻ മാത്രം ഏത് പെണ്ണും ആയിട്ടാണോ  ഇങ്ങേർക്ക് ബന്ധം…?  വെറുതെ അല്ല ഒരാഴ്ചയായിട്ടുമെന്നെ തിരിഞ്ഞു കൂടി നോക്കാത്തത്….. ” ചെകുത്താൻ കുഞ്ഞിനെ സപ്പോർട്ട് ചെയ്യാൻ പോന്നതായിരുന്നു എന്റെ ചിന്തകളും….  എന്റെ മുഖത്തേക്ക് സങ്കടവും അസൂയയും വിഷമവും ഒന്നിച്ചു ഇരച്ചു കയറി…

” ആ പെണ്ണിപ്പോൾ അയാളേം വിളിച്ചോണ്ട് വരും ഇങ്ങോട്ടു…  എനിക്ക് അയാളെ കാണണ്ടാ…  എനിക്ക് ദേഷ്യമാ…..  ഇങ്ങോട്ടു വരട്ടെ എന്നോട് മിണ്ടാനായിട്ടു..  മൈൻഡ് പോലും ചെയ്യില്ല ഞാൻ.  നോക്കിക്കോ…. ” മനസ്സിൽ ഉറച്ച തീരുമാനം എടുത്താണ് കട്ടിലിലേക്ക് ഇരുന്നത്… പ്രതീക്ഷിച്ചത് പോലെ ചിന്നു അയാളേം കൊണ്ട് മുറിയിലേക്ക് തന്നെ ആണ് വന്നത്…  അവരോട് ചിരിച്ചു കളിച്ചു  കയറി വന്ന അയാളോട് ആദ്യം തോന്നിയത് ദേഷ്യം ആണ്.  പക്ഷെ ആ മുഖത്തേക്ക് നോക്കിയാ എന്റെ മനസ്സ് പതറി പോകുന്നത് പോലെ തോന്നി….  ആ പഴയ ഓമനത്വം തിരിച്ചു കിട്ടിയ  കിച്ചുവേട്ടന്റെ മുഖത്തേക്ക് നോക്കാതിരിക്കാൻ എനിക്ക് ആയില്ല… എന്തൊക്കെയോ ഒളിപ്പിച്ചു വച്ചതു പോലെ ഉള്ള ആ ചിരി കൂടി ആയപ്പോൾ എന്റെ പാതി ശൗര്യം എവിടെയോ ഒലിച്ചു പോയത് പോലെ… ”  ഇല്ല ഞാൻ തളരില്ല..  ‘ എന്നു മനസ്സിൽ നൂറു തവണ പറഞ്ഞു ഞാനാ മുഖത്തു നിന്നു കണ്ണ് തിരിച്ചു..   എപ്പോഴും എന്നെ മെരുക്കാൻ ഉപയോഗിക്കുന്ന കിച്ചുവേട്ടന്റെ  ഒരു ആയുധമാണാ പുഞ്ചിരി…

” ഇതിലൊന്നും ഈ അനുശ്രീ  വീഴില്ല മോനെ…. ” എന്ന് ഞാൻ മനസ്സിൽ പറഞ്ഞു ചിരിച്ചു… ഒരാഴ്ചയായി ഞാനിവിടെ വന്നിട്ട് ഒന്ന് തിരിഞ്ഞു പോലും നോക്കാത്ത ദുഷ്ടൻ …..  അയാളെ മനസ്സിൽ അറിയാവുന്ന  ചീത്തയും  വിളിച്ചു  വീണ്ടും മനസ്സിൽ അയാളോടുള്ള വെറുപ്പിലുളവാക്കാൻ ഞാൻ ശ്രമിച്ചു കൊണ്ടിരുന്നു… ചിന്നുവിനോടും കുഞ്ഞേച്ചിയോടും സംസാരിക്കുന്നതിനിടയിൽ എന്നെ അങ്ങേരു പാളി നോക്കുന്നുണ്ടായിരുന്നു..

” ഇയ്യാളീ  കണ്ണിനകത്തു വല്ലതും വച്ചിട്ടുണ്ടോ….?  നോക്കുമ്പോൾ തന്നെ എനിക്ക് എന്തോ  വല്ലാതാവുന്നു…. വൃത്തികെട്ടവൻ …..  നോക്കുന്ന കണ്ടില്ലേ….. ” ആ മുഖം കാണാതിരിക്കാൻ ആയി  ഞാൻ തിരിഞ്ഞു നിന്നു… “ഹും ഇവിടെ ഒരുത്തി വഴക്കും ഉണ്ടാക്കി വീട്ടിൽ നിന്നും വന്നു നിൽക്കുവാ.   എന്നിട്ട് നമ്മളെ ഒന്ന് മൈൻഡ് കൂടി ചെയ്യുന്നു കൂടി ഇല്ല……..  എന്റെ ദേവി…..  ” എനിക്ക് നല്ലത് പോലെ ദേഷ്യം ഇരച്ചു കയറുന്നുണ്ടായിരുന്നു…..  എന്തോ അയാളുടെ സാമിപ്യം എന്നെ വല്ലാതെയാക്കുന്നത് പോലെ.. തോന്നി..

” എന്റെ പൊന്നു കിച്ചു.. ദേ അതിനെ കൂടി ഒന്ന് ഗൗനിക്കട്ടോ…   ഇല്ലെങ്കിൽ പിന്നെ അതു മതി…..  രാവിലെ തുടങ്ങിയതാ നിന്നേം ചീത്ത വിളിച്ചോണ്ട് നടക്കാൻ …..  ” “ഈ കുഞ്ഞേച്ചിക് എന്താ…  വെറുതെ മനുഷ്യനെ നാണം കെടുത്താനായിട്ടു .” . മനസ്സിൽ ഞാൻ ചിന്തിച്ചു… . ആ നിമിഷം എല്ലാം മനസ്സിൽ പറയ്യാനെ  എനിക്ക് കഴിഞ്ഞുള്ളു… തിരിഞ്ഞവരെ ഒന്നു നോക്കാൻ ഉള്ള ശേഷി നഷ്ടപ്പെട്ടത് പോലെ….. ” അല്ല നിങ്ങൾ എന്തിനാ ശെരിക്കും വഴക്കുണ്ടാക്കിയെ?  എന്തോ വലിയ കാര്യമാണെന്ന് മാത്രെ എന്നോട് പറഞ്ഞോളു……   ” ചിന്നുവിന്റെ ശബ്ദം. ” അതെ .  നീ വിളിച്ചില്ല മിണ്ടിയില്ല എന്നൊക്കെ ആയിരുന്നു പരാതി…. ” ” എന്റെ കുഞ്ഞേച്ചി…  ഞാൻ വിളിക്കഞ്ഞിട്ടൊന്നും അല്ല.  ഇവൾ ഫോൺ ഓഫ്‌ ചെയ്തു വച്ചിരിക്ക ആയിരുന്നു..  എത്ര തവണ വിളിച്ചെന്നറിയുവോ ഞാൻ….. ” ” അയ്യോ വലിയ കാര്യമായി പോയി…  എന്നോട് വഴക്കുണ്ടാക്കിട്ടല്ലേ….  സഹിച്ചോ…. ”

” ഹും .  അയാളുടെ ഒരു ചിരിയും കളിയും…അതും കൊണ്ട് .ഇങ്ങു വരട്ടെ കാട്ടികൊടുക്കുന്നുണ്ട് ഈ അനുശ്രീ ആരാന്ന്… ” പകുതി നടന്നു എത്തി തിരിഞ്ഞു നോക്കിയിട്ടും അവരെ ആരെയും പുറത്തേക്കു കണ്ടില്ല. ഇനി എന്റെ കുറ്റം വല്ലതും പറയുന്നതാണോ?   ശബ്ദം ഉണ്ടാക്കാതെ ഞാൻ ആ മുറിയുടെ മുന്നിലേക്ക് നടന്നു വാതിലിനോട് ചേർന്ന് നിന്നു കാത് കൂർപ്പിച്ചു. “കുഞ്ഞേച്ചി ഏട്ടൻ എവിടെ?  ” കിച്ചുവേട്ടന്റെ ശബ്ദം. ” അപ്പുറത്ത് ഉണ്ടെടാ….  രാവിലെ മുതൽ ഏട്ടൻ  നിന്നെ അന്ന്വേഷിക്കുന്നുണ്ടായിരുന്നു…  ” ” പിന്നെ നിങ്ങടെ കെട്ട്യോൻ അന്ന്വേക്ഷിക്കുന്നത് സ്നേഹം കൊണ്ടൊന്നും അല്ലല്ലോ…  വെള്ളമടിക്കാൻ കമ്പനിക്ക് അല്ലെ…  ” കുഞ്ഞേച്ചിക്കുള്ള മറപടിയായി  ഞാൻ മനസ്സിൽ  പറഞ്ഞു പഴിച്ചു. … ” ഏതായാലും ആ മീശയും താടിയും ഒക്കെ കളഞ്ഞപ്പോൾ സുന്ദരൻ ആയിട്ടുണ്ട്..അല്ലെ ചിന്നു….? … ” വീണ്ടും കുഞ്ഞേച്ചിയുടെ ശബ്ദം. ” ഈ കുഞ്ഞേച്ചിക്കെന്ന…കുഞ്ഞേച്ചിക്ക്  കുഞ്ഞേച്ചിടെ കെട്ട്യോന്റെ സൗന്ദര്യം നോക്കിയാൽ പോരെ.  കിച്ചുവേട്ടനെ നോക്കാൻ ഇവിടെ ഞാനില്ലേ… ? “അവർക്ക് മറുപടി കൊടുത്തില്ലെങ്കിൽ മനസ്സമാധാനം കിട്ടില്ല….. ഒരുതരം തരിപ്പ് ദേഹമാസകലം ഇരച്ചു കയറുന്ന പോലെ… ” അതെ എന്റെ കഴിവാണ്….   താടീം മുടീം ഒക്കെ വടിച്ചല്ലാതെ ഇങ്ങോട്ടു വന്നാൽ കല്യാണത്തിന് കൂട്ടില്ലെന്ന് ഞാൻ പറഞ്ഞു…അതാണ്‌… . ” അതും പറഞ്ഞു ചിന്നു ഒന്ന് ചിരിച്ചു.  അപ്പോൾ ആണ് എനിക്ക് ഒന്ന് സമാദാനം ആയതു..  വേറെ പെണ്ണിന് വേണ്ടി അല്ലല്ലോ ചിന്നു പറഞ്ഞിട്ടല്ലേ….  ” ആശ്വാസം ആയി… ” അറിയതെ കൈകൾ നെഞ്ചിൽ വച്ചു ഞാൻ പറഞ്ഞു. ” ഏതായാലും ചുള്ളൻ ആയിട്ടുണ്ടല്ലേ കുഞ്ഞേച്ചി….  പുള്ളിക്കാരിക്കും അങ്ങ് പിടിച്ചു..  ആ നോട്ടം കണ്ടില്ലായിരുന്നോ?  പിന്നെ അഭിമാനം സമ്മതിക്കാതൊണ്ട ഇറങ്ങി പോയതാണ്….. ” ചിന്നുവിന്റെ തമാശക്ക് എല്ലാവരും ആർത്തു ചിരിച്ചു….  എനിക്കതിനത്ര ചിരിയൊന്നും വന്നില്ല…. ” ഞ ഞ ഞ  ….. ” അവളുടെ തമാശ ഏറ്റു വാങ്ങിയെന്ന വണ്ണം ഒന്നു കൊഞ്ഞനം കുത്തി കാട്ടി… “ഏയ്…  പതിയെ…  പറയാൻ  പറ്റില്ല.  ചിലപ്പോൾ പുറത്തു നിന്നു എല്ലാം ഒളിഞ്ഞു കേൾക്കുന്നുണ്ടാകും കക്ഷി….. ” ചിരി നിർത്തി കിച്ചുവേട്ടൻ ഗൗരവത്തിൽ പറഞ്ഞു…  ” അയ്യോ..കണ്ടുപിടിച്ചു . ” ഏതായാലും പിടിക്കപ്പെടുന്നതിനു മുൻപ് തന്നെ ഞാൻ അവിടെ നിന്നോടീ അടുക്കളയിലേക്കു കയറി…

അവിടെത്തെ തിരക്ക് കഴിഞ്ഞിറങ്ങിയപ്പോൾ അല്പം തമാസിച്ചു  ..  വീടിന്റെ പരിസരങ്ങളിൽ ഒക്കെ അങ്ങേരുടെ മുഖം ഒന്ന് ഓടിച്ചു നോക്കി  .. പക്ഷെ കണ്ടില്ല.  എവിടെ പോയോ എന്തോ?

ഒന്നും മിണ്ടാതെ അടുക്കളയിലേക്കു നടന്നു .   സമൃദ്ധമായ വിഭവങ്ങളിൽ നിന്നു ഏട്ടനിഷ്ടമുള്ള ചോറും തോരനും സാമ്പാറും പിന്നെ രണ്ടു പപ്പടവും പ്ലേറ്റിൽ ആക്കി നേരെ അങ്ങേരുടെ മുന്നിലെ ടേബിളിൽ കൊണ്ട് പോയി വച്ചു. ഒന്നും മിണ്ടാതെ അങ്ങേരതെടുത്തു കഴിച്ചു.  നല്ല വിശപ്പുണ്ടായിരുന്നെന്നു തോന്നുന്നു.  എടുത്തു തരാനാവശ്യപ്പെടാൻ ആരെയും പരിചയമില്ലല്ലോ കക്ഷിക്ക്‌ …  പിന്നെ തന്നേ എടുത്തു കഴിക്കുന്ന ശീലം പണ്ടേ ഇല്ല താനും….. അൽപനേരം ഞാൻ അവിടെ തന്നെ നിന്നു.

” വിളിച് അന്ന്വേഷിക്കാൻ ആദ്യം നീ ആ ഫോൺ ഓൺ ആക്കണം..  പിന്നെ പേടിക്കണ്ട കാര്യമില്ലല്ലോ..  അന്ന്വേഷിക്കാൻ നീ നിന്റെ വീട്ടിലേക്കല്ലേ പോന്നത്.. ” അങ്ങേരുടെ മറുപടി ഒന്നും കേൾക്കാൻ ഉള്ള ഒരു മൂഡിൽ ആയിരുന്നില്ല ഞാൻ.  കിച്ചുവേട്ടനെ  തട്ടിമാറ്റി ഞാൻ മുറിക്കകത്തേക്കു കയറി  .  കിച്ചുവിട്ടന്റെ വാക്കുകൾ ഒന്നും എനിക്ക് അംഗീകരിക്കാൻ കഴിയുന്നതായിരുന്നില്ല…  അല്ലെങ്കിൽ ഒന്നും മനസിലാക്കാൻ ഉള്ള മനസായികാവസ്ഥയിൽ ആയിരുന്നില്ല ഞാൻ….  നല്ല ക്ഷീണം ഉണ്ടായിരുന്നത് കൊണ്ട് നേരെ ചെന്ന് കട്ടിലിലേക്ക് കിടന്നു..

വന്നു കിടന്നിട്ടും സമാധാനം ഉണ്ടായിരുന്നില്ല..  പറഞ്ഞത് അല്പം കൂടിപ്പോയൊ എന്ന ചിന്ത വല്ലാതെ അലട്ടുന്നുണ്ടായിരുന്നു.. പക്ഷെ അതിനെ എല്ലാം മറികടന്നത് ഒരാഴ്ച മുൻപ് നടന്ന ആ സംഭവം തന്നെ ആയിരുന്നു…

ആരുമില്ലെന്നറിഞ്ഞിട്ടും പ്രാണനെ പോലെ സ്നേഹിച്ചില്ലേ..  ഞാൻ… എല്ലാം ഉപേക്ഷിച്ചു കൂടെ വന്നില്ലേ..  എന്തിനു എപ്പോഴും കൂടെ ഉണ്ടാവാൻ സമയം കിട്ടില്ലെന്ന്‌ കണ്ടു സ്വന്തം ജോലി പോലും വേണ്ടെന്നു വച്ചില്ലേ ഞാൻ…  എന്നിട്ടും എനിക്ക് എന്താ കിച്ചേട്ടൻ വില തരാത്തെ.. എന്നെ അപ്പോൾ ഇഷ്ടല്ലാത്ത കൊണ്ടല്ലേ….

” ഞാൻ എത്ര കൊതിച്ചതാണെന്നോ അതു…  ഈ നളത്രയും ഞാൻ വേറൊന്നും ആവശ്യപ്പെട്ടിട്ടില്ലല്ലോ….? ” ” അപ്പൊ അതിനു തൊട്ടു മുൻപല്ലേ സിനിമയ്ക്കു പോണം കൂട്ടുകാരിയെ കാണണം  എന്നൊക്കെ പറഞ്ഞു വാശിപിടിച്ചു അങ്ങേരേം വലിച്ചു  കൊണ്ട് പോയിട്ട് വന്നത്.?  ” ചിന്തകൾക്കിടയിൽ മനസാക്ഷി ഉറക്കെ എന്നോട് ചോദിച്ചു.

” അതൊക്കെ എന്റെ കുഞ്ഞി ആഗ്രഹങ്ങൾ അല്ലെ?  പക്ഷെ ഇത് വലിയ ആഗ്രഹമായിരുന്നില്ലേ.അത് അങ്ങേർക്കും അറിയാലോ..?   എല്ലാം നടത്തി തരാൻ അറിയ്യാമല്ലൊ. അപ്പോൾ ഇത് കൂടി നടത്തി തന്നാൽ എന്താ അങ്ങേർക്കു?…  എല്ലാം പോരാഞ്ഞിട്ട് എന്നെ തല്ലുകൂടി ചെയ്തില്ലേ..   ” മനസാക്ഷിയോട് അങ്ങോട്ടൊരു ചോദ്യം ഉന്നയിച്ചപ്പോൾ അവളും മിണ്ടാതെ പത്തി മടക്കി.. ” എന്നിട്ടും അങ്ങേർക്കു അങ്ങേരുടെ ഇഷ്ടം പ്രധാനം ആണ് പോലും. സഹിക്കാൻ പറ്റാത്തോണ്ടാ നാലു തെറിയും വിളിച്ചു പിറ്റേന്ന് രാവിലെ തന്നെ ഇങ്ങോട്ടു പോന്നത്..  അവിടെ ഒറ്റയ്ക്ക് കിടക്കുമ്പോൾ പഠിക്കുമെന്നു കരുതി.  പക്ഷെ ! ഒരാഴ്ച ഒക്കെ ഞാനില്ലാണ്ടാ മനുഷ്യൻ അവിടെ കഴിഞ്ഞില്ലേ. എന്നിട്ടു നാണം കെട്ടു വന്നിരിക്കുന്നു എന്നോട് സംസാരിക്കാൻ..  മിണ്ടില്ല ഞാൻ….  മിണ്ടില്ലന്ന് പറഞ്ഞാൽ മിണ്ടില്ല…. ” ” ഒന്ന് മിണ്ടാണ്ട് കിടന്നുറങ്ങാമോ…  മനുഷ്യനെ ഉറങ്ങാനും സമ്മതിക്കില്ലല്ലോ ഈ പെണ്ണ്….. ”

അരികിൽ നിന്നും കിച്ചേട്ടന്റെ ശബ്ദം കേട്ടു ഞാൻ ഞെട്ടി എഴുന്നേറ്റു…  സത്യമാണ്..  അരികിൽ കട്ടിലിൽ എന്റെ ഒപ്പം കിടക്കുന്ന കിച്ചുവേട്ടനെ കണ്ടു ഞാൻ ചാടി എഴുന്നേറ്റു… ഇങ്ങേർ എപ്പോൾ ഇവിടെ വന്നു കിടന്നു   ?

“നിങ്ങളെന്താ ഇവിടെ?  ഇവിടെ വന്നു കിടക്കാൻ ആരാ പറഞ്ഞെ..?  ” ” പിന്നെ ഞാൻ എവിടെ പോയി കിടക്കാനാ..? ”

ശേഷം ആ കൈകൾ എന്റെ കഴുത്തിലേക്കിറങ്ങി..  ഇക്കിളിയോട് കൂടിയ ഒരു അനുഭൂതി ശരീരം ആകെ പടർന്നു കയറുന്നത് ഞാൻ അറിഞ്ഞു. എൻറെ ഏറ്റവും വിഗാര ഭാഗം. തൊട്ടാൽ കുളിരേകുന്ന എന്റെ കഴുത്തിൽ കിച്ചേട്ടൻ മനപ്പൂര്വ്വം വിരലുകൾ ഓടിച്ചു തുടങ്ങി..  എന്നെ വല്ലാതെ തിളച്ചു തുടങ്ങിയതായി എനിക്ക് തോന്നി തുടങ്ങി.  അത്ര നേരവും ഞാൻ കാട്ടിയ പോരുകളെല്ലാം ആ ഒരൊറ്റ വിരലുകൊണ്ട് കിച്ചേട്ടൻ പൊരുതി ജയിച്ചിരിക്കുന്നു..

കിച്ചേട്ടന്റെ ചുണ്ടുകൾ എന്റെ ചുണ്ടിനോട് ചേർന്ന് വരുന്നതറിഞ്ഞും ആ നിമിഷം ഒരു ചുംബനത്തിനായി ഞാനും കൊതിച്ചുവോ…  വിറയ്ക്കുന്ന ചുണ്ടുകൾക്ക് മേലെ കിച്ചേട്ടന്റെ ചുണ്ടുകൾ പതിയുമ്പോൾ അറിയതെ തന്നെ ഞാൻ ഒന്നു വിറച്ചു പോയി..  എന്നും എനിക്ക് അവകാശപ്പെട്ട ആ ചുംബനം… നീണ്ട ഒരാഴ്ചക്കു ശേഷം എനിക്ക് കിട്ടുന്ന ആ ചുംബനം ഞാൻ വല്ലാതെ ആസ്വദിച്ചു..  ചുണ്ടുകൾ കൊണ്ടുള്ള യുദ്ധത്തിൽ ഇടയിലെപ്പോഴോ ഞാനും പങ്കാളി ആയി..  എന്റെ കീഴ്ചുണ്ട് മൊത്തമായി കിച്ചേട്ടൻ മൊത്തി വലിക്കുമ്പോൾ ഞാനെന്റെ നാവു കിച്ചേട്ടന്റെ വായിലേക്ക് തള്ളി കയറ്റി..  പറഞ്ഞറിയിക്കാനാവാത്ത എന്തൊക്കെയോ ഒരനുഭൂതി ആ ചുംബനത്തിൽ ഉണ്ടെന്ന് ഞാൻ തിരിച്ചറിഞ്ഞു…  ചുമ്പനത്തിന്റെ ആഴം കൂടി വന്നു ..  കണ്ണുകൾ അപ്പോഴും ഇറുകെ അടച്ചു ഞാനതു വല്ലാതെ ആസ്വദിച്ചു….  ഇടക്കെപ്പോഴോ കിച്ചേട്ടന്റെ കൈകൾ എന്റെ മാറിൽ അമർന്നു…  വല്ലാത്തൊരു സുഖത്തോടൊപ്പം എന്നിൽ നിന്നും ഒരു മൂളൽ ഞാൻ പോലുമറിയത്തെ പുറത്തേക്കു വന്നു…

പെട്ടെന്നെനിക്കു ബോധം വന്നു..  യാഥാർഥ്യത്തിലേക്ക് ഞാൻ കണ്ണുകൾ തുറന്നു.. എന്റെ മുന്നിൽ എന്നെ ചുംബിക്കുന്നത് എന്റെ പഴയ കിച്ചേട്ടൻ അല്ലെന്ന സത്യം ഞാൻ തിരിച്ചറിഞ്ഞു…  ചുംബനത്തിൽ പൂർണമായും ശ്രദ്ധ തിരിച്ച കിച്ചേട്ടനെ ഞാനെന്റെ ദേഹത്ത് നിന്നു ശക്തിയായി തള്ളി മാറ്റി.  ചാടി എഴുന്നേറ്റു…. എല്ലാമൊറ്റ നിമിഷങ്ങൾ കൊണ്ടു സംഭവിച്ചു.. ” എന്താടീ…. എന്ത് പറ്റി… ”

” കിച്ചേട്ടന് വിഷമം ആയി കാണുമോ… ഒത്തിരി സങ്കടം ആയി കാണുമോ?  ചെറു വഴക്കുകളൊക്കെ ഞങ്ങൾക്കിടയിലും  സാധാരണ ആണെങ്കിൽ കൂടി ഒരു നോട്ടം കൊണ്ടു പോലും കിച്ചേട്ടനെന്നെ ഇതുവരെ നോവിച്ചിട്ടില്ല… ആ കിചേട്ടനാണ് ഇന്നലെ എന്റെ കാല് തല്ലി ചതച്ചുവെന്ന്  എല്ലാവർക്കും മുന്നിൽ വച്ചു ഞാൻ നുണ പറഞ്ഞത്… കല്യാണം കഴിഞ്ഞിത്ര നാളായിട്ടും കിച്ചേട്ടൻ കാരണം എന്റെ കണ്ണ് നിറഞ്ഞിട്ടില്ല..  നിറയാൻ കിച്ചേട്ടൻ അവസരമൊരുക്കിയിട്ടില്ല… എല്ലാ മാസവും ഞാൻ വേദനഎടുത്തു പുളയുമ്പോഴും കണ്ടു നിൽക്കാനാവാതെ ആ കണ്ണുകൾ നിറയുന്നത് പലപ്പോഴായി ഞാൻ കണ്ടിട്ടുള്ളതാണ്.. ചിന്നു പറഞ്ഞത് നേരാണ് കിച്ചുവേട്ടനില്ലാതെ എനിക്കോ ഞാൻ ഇല്ലാതെ കിച്ചുവിട്ടാനോ ജീവിക്കാൻ പറ്റില്ല….  കിച്ചുവേട്ടൻ തന്നെയാണ് എന്റെ ലോകം.. “നീ ഇതെന്താലോചിച്ചു നിക്ക..  ദേ താലി കെട്ടാൻ നേരായി..  മണ്ഡപത്തിൽ ചിന്നുവിന്റെ അടുത്ത് ചെന്നു നിൽക്കു…  ” അമ്മ എന്നെ മണ്ഡപത്തിലേക്ക് തള്ളി കയറ്റി വിടുമ്പോഴും മനസ്സെവിടെയോ ആയിരുന്നു…

കെട്ടിമേളവും കരഘോഷങ്ങളും കേൾക്കെ നിറഞ്ഞ സദസിനെ സാക്ഷിയാക്കി എല്ലാവരുടെയും അനുഗ്രഹ ആശീർവാദത്തോടെ എന്റെ ചിന്നുവിന്റെ കഴുത്തിൽ താലി വീഴുന്ന ആ മുഹൂർത്തത്തിൽ എപ്പോഴോ കണ്ണുകൾ ഉടക്കിയത് കിച്ചുവേട്ടനിലാണ്..കിച്ചുവേട്ടനെ കണ്ടപ്പോൾ തന്നെ മനസിന്‌ ഒരു ആശ്വാസം തോന്നി…   ഒരു പുഞ്ചിരിയോടെ മണ്ഡപത്തിനടുത് മാറി നിൽക്കുന്ന കിച്ചേട്ടനെ കണ്ടു എന്റെ കണ്ണുകൾ വിടർന്നു  ..  ഒന്നു നോക്കി ചിരിച്ചു.  പക്ഷെ എന്നെ കിച്ചേട്ടൻ ശ്രദ്ധിക്കുന്ന കൂടി ഇലായിരുന്നു .. എന്നെ കണ്ടതായി കൂടി ഭാവിക്കാതെ കിച്ചേട്ടനെന്റെ മുന്നിൽ നിന്നും നടന്നകലുന്നത്  ചെറിയൊരു വിഷമത്തോടെ ഞാൻ നോക്കി നിന്നു…

കിച്ചേട്ടൻ പിണങ്ങി കാണുമോ.. ?  എങ്കിൽ പിന്നെ തീരുമാനം ആയി.  പൊതുവെ ആരോടും വഴക്കിനോ ദേഷ്യപ്പെടാനോ പോകാത്ത സ്വഭാവക്കാരനാണ് കിച്ചേട്ടൻ..  പക്ഷെ ദേഷ്യപ്പെട്ടൽ പിന്നെ ചെകുത്താൻ കയറിയ പോലെ ആണ്..  ആരു പറഞ്ഞാലും അടങ്ങില്ല.. എന്തായാലും വരുന്നിടത്തു വച്ചു കാണാം എന്ന് കരുതി.. പലപ്പോഴായി കിച്ചേട്ടനെ കണ്ടെങ്കിലും എന്നെ ശ്രദ്ധിക്കാതെ ഉള്ള അങ്ങേരുടെ പോക്ക് കണ്ട് എനിക്ക് സംശയം തോന്നിയതാണ്…  പെണ്ണിന്റെയും ചെക്കന്റേയും കൂടെ ഫോട്ടോ എടുക്കാൻ നിന്ന നേരം എന്റെ അരികിൽ നിന്നു കിച്ചേട്ടൻ മാറി നിന്ന ആ നിമിഷം ഞാൻ അത് തീർച്ചപ്പെടുത്തി..  കിച്ചേട്ടൻ കൊതികുത്തിയിരിക്കുന്നു…അതും  ഈ പാവം ശ്രീകുട്ടിയോട്….

കല്യാണ വണ്ടിക്കു പിന്നാലെ കാറ്‌ പായുമ്പോൾ കണ്ണ് പറിക്കാതെ ഞാൻ കിച്ചേട്ടനെ തന്നെ നോക്കി ഇരുന്നു..  അതറിഞ്ഞിട്ടു കൂടി എന്നെ ഒന്നു തിരിഞ്ഞു നോക്കാൻ പോലും കിച്ചേട്ടൻ കൂട്ടാക്കാഞ്ഞത് എന്നെ നന്നായി ചൊടിപ്പിച്ചു. ” ഓഹ്..  എന്നാലും ഇത്ര ഗമ പാടില്ലട്ടോ…?  ” ഞാൻ ആരോടെന്നില്ലാതെ പറഞ്ഞു കിറികോട്ടി പുറത്തേക്ക് തല തിരിച്ചു.. ” എന്താ…? ” കേട്ടപാടെ ചേച്ചിയുടെ ശബ്ദം ഉയർന്നു. ” ഞാൻ കുഞ്ഞേച്ചിയോടൊന്നും പറഞ്ഞില്ല…ഞാൻ എന്റെ കിചേട്ടനോടല്ലേ പറഞ്ഞെ. ഒന്നു മിണ്ടാതെ ഇരിക്കാമോ ?   ” കിചേട്ടനോടുള്ള ദേഷ്യവും അമർഷവും ഞാൻ കുഞ്ഞേച്ചിയിൽ തീർത്തു. ” ഈ പെണ്ണിനീതെന്താ….? കുറച്ചു ദിവസം ആയി തുടങ്ങിയിട്ട്…..  എന്താ മോനെ പ്രശ്നം?  ” അത്ര നേരവും ഒന്നും മിണ്ടാതിരുന്ന അമ്മയുടെ ശബ്ദവും ഉയർന്നു. ” അവൾക്കു വട്ടാണമ്മേ … അമ്മ അത് കാര്യമാക്കണ്ട…  ” കിചേട്ടനത് പറയുമ്പോൾ ഞാൻ ഞെട്ടി പോയി. പ്രിയപ്പെട്ടവന്റെ നാവിൽ നിന്നും കേൾക്കാൻ ആഗ്രഹിക്കാത്ത വാക്കുകൾ കേട്ടു സങ്കടവും ദേഷ്യവും ഒരുമിച്ചു വന്നെന്റെ കണ്ണ് നിറച്ചു. കിച്ചേട്ടനെ ഞാൻ സൂക്ഷിച്ചു നോക്കുമ്പോൾ ആ മുഖത്തുണ്ടായ കള്ള ചിരി എന്നിൽ വീണ്ടും ദേഷ്യം ഉണ്ടാക്കി. ” പോടാ. ദുഷ്ടാ…. ” ആ ചിരി കണ്ടു നിൽക്കാൻ ഉള്ള ശേഷി ഇല്ലാതെ… ഞാൻ കിച്ചേട്ടന്റെ തോളിൽ ആഞ്ഞിടിച്ചു….  ഒന്നല്ല.  പല തവണ.  എന്റെ കലിയടങ്ങുന്നത് വരെ. ” ആർക്കടാ കൊരങ്ങാ വട്ടു..?  ” കിച്ചേട്ടനൊട്ടും പ്രതീക്ഷിക്കാതെ  ഉള്ള എന്റെ നീക്കം കിച്ചേട്ടന്റെ ശ്രദ്ധ തെറ്റിച്ചു.  വണ്ടി ചവിട്ടി നിർത്തി പെട്ടന്ന് തന്നെ എന്റെ കൈയിൽ കയറി പിടിച്ചു… ” അടങ്ങിയിരിക്കെടീ പെണ്ണെ…. ” ” ഇല്ല…  പോ….  എന്നോട് മിണ്ടണ്ടാ… എനിക്ക് വട്ടല്ലേ…? ” കിച്ചേട്ടന്റെ കൈ ശക്തിയിൽ തട്ടി മാറ്റി ഞാൻ മുഖം വീർപ്പിച്ചു തിരിഞ്ഞിരുന്നു..  എല്ലാം കണ്ടു ഞെട്ടിത്തരിച്ചിരിക്കയായിരുന്നു അമ്മയും ചേച്ചിയും…  കിച്ചേട്ടനെ തല്ലുന്നത് കണ്ടു ചേച്ചിയുടെ കുരുപ്പുകൾ ആർത്തു ചിരിക്കുന്നുണ്ടായിരുന്നു… എന്റെ ഇരിപ്പു കണ്ടിട്ടും ഒന്നും മിണ്ടാതെ ഇരുന്ന കിച്ചേട്ടനെ ഒന്നു പാളി നോക്കി.  പുഞ്ചിരിയിൽ ഒരു മാറ്റവും വരുത്താതെ എന്നെ തന്നെ നോക്കി നോക്കിയിരിക്കയായിരുന്നു കിച്ചേട്ടൻ..  പക്ഷെ എന്നോട് മിണ്ടനോ എന്നെ സമാധാനിപ്പിക്കാനോ അങ്ങേരു  കൂട്ടാക്കാഞ്ഞത് എന്നെ അത്ഭുതപ്പെടുത്തി.

” ശ്രീ.. നീ എന്നോട് വഴക്കണോ?  ” അല്പനേരത്തിനു ശേഷം കിച്ചേട്ടന്റെ ചോദ്യം ഉയർന്നു… ” അതേ… ! ” ഞാനും പറഞ്ഞു… ” ഉറപ്പാണോ…?  ” ” അതേ….. !” ” എങ്കിൽ ഞാനും അതേ….  ” ” ആഹ് … ശരി….എന്നോട് ഇനി മിണ്ടാൻ വരണ്ട…  ” ” ഇല്ല… വരുന്നില്ല…   ” എന്റെ സ്വഭാവം നന്നായി അറിയാമായിരുന്നിട്ടു കൂടി എന്നെ ചൊടിപ്പിക്കാൻ കിച്ചേട്ടൻ മനപ്പൂർവം പറഞ്ഞതാണെന്ന് അറിഞ്ഞു തന്നെ ഞാൻ ഞങ്ങളുടെ പുതിയ വഴക്കിനുള്ള വഴി തുറന്നു. കാർ ഒന്നു ഇരപ്പിച്ചു കിച്ചേട്ടൻ വണ്ടി മുന്നോട്ടു കുതിപ്പിച്ചെടുത്തു.. .  ഞാൻ തിരിഞ്ഞും ഇരുന്നു…. എന്താണ് നടക്കുന്നതെന്ന് പോലും അറിയാതെ കാറിനുള്ളിൽ ഉള്ളവരെല്ലാം പരസ്പരം നോക്കി .

പിന്നീട് അങ്ങോട്ടൊരു പോരാട്ടം ആയിരുന്നു. പരസ്പരം വെറുപ്പണെന്ന് കാട്ടാനുള്ള വെപ്രാളം ആയിരുന്നു…  എല്ലാറ്റിനും ചുക്കാൻ പിടിച്ചത് ഞാനും.  കിച്ചേട്ടനെ എങ്ങനെ എങ്കിലും എന്റെ വരുതിയിൽ എത്തിക്കാൻ ഞാനും എന്റെ പഠിച്ച പണി പലതും നോക്കി .  നടന്നില്ലെന്ന് മാത്രമല്ല..  കിച്ചേട്ടനെന്നെ തിരിഞ്ഞു കൂടി നോക്കാതെ ആയി.. വിരുന്ന് കഴിഞ്ഞു തിരികെ പോരുമ്പോൾ പോലും കിച്ചേട്ടൻ എന്നോടൊന്നു മിണ്ടുക പോലും ചെയ്യാതിരുന്നത് എന്നെ വല്ലാതെ വിഷമിപ്പിച്ചു.

” മടുത്തു ഞാൻ..  ഓർക്കുമ്പോൾ സങ്കടം വരുന്നു …  ഇങ്ങനെ ഒന്നും ആയിരുന്നില്ലല്ലോ എന്റെ കിച്ചേട്ടൻ…  അങ്ങേരു ഒത്തിരി മാറി പോയി…  ഇല്ലെങ്കിൽ ശ്രീക്കുട്ടി എന്നും പറഞ്ഞു പിറകെ നടക്കുന്ന മനുഷ്യൻ ആണ്..  ഇതിപ്പോൾ ശ്രീയും ഇല്ല കുട്ടിയും ഇല്ല…  ഒരു ഐസ്ക്രീം കഴിക്കണം എന്ന് ആഗ്രഹിക്കുന്നത് അത്രക്ക് തെറ്റാണോ…  അതിന് ഇത്ര വഴക്ക് ഉണ്ടാക്കേണ്ട കാര്യം ഉണ്ടോ അങ്ങേർക്കു….എന്നെ തല്ലിയില്ലേ….   അല്ലെങ്കിലും ഈ ആണുങ്ങൾ എല്ലാം ഇങ്ങനെയാ….  ഞങ്ങൾ പെണ്ണുങ്ങൾ വേണം നാണം കേട്ടു പിറകെ ചെല്ലാൻ…  ഞാൻ പോവില്ല…  അഭിമാനവും കക്ഷത്തിൽ വച്ചങ്ങേര്‌ അവിടെ ഇരിക്കത്തെ ഒള്ളു.. ”

ആ രാത്രി മനസ്സിൽ ഉറച്ച തീരുമാനം എടുത്തു കിടക്കുമ്പോഴും നിദ്രാദേവി കടാക്ഷിക്കുന്ന ലക്ഷണം ഇല്ല… ” പണ്ടാരം…. ” പുറത്തു നിന്നു കല്യാണത്തിന്റെ അവസാന ഭാഗമായ മദ്യ സൽക്കാരത്തിന്റെ  പാട്ടും കൂത്തും ആർപ്പുവിളികളും ഒക്കെ കാതടപ്പിക്കുന്നതായി തോന്നി… സഹികെട്ടു അടുത്തേക്ക് പോലും എത്തിനോക്കാത്ത ഉറക്കത്തെയും പഴിച്ചു പുറത്തേക്കിറങ്ങി ഞാൻ നടന്നു..  ആരുമില്ലാത്ത ബാൽക്കണിയിൽ നിന്നും ഇളം കാറ്റ് എന്നെ തൊട്ട്  തലോടി പോകുമ്പോൾ ആണ് അമ്മാവന്റെ വീട്ടിന്റെ ഒരു മൂലയിൽ കുറെ പെണ്ണുങ്ങൾ കൂടി നിൽക്കുന്നതു ശ്രദ്ധയിൽ പെട്ടത്… ഏതൊക്കെയോ ബന്ധുക്കളുടെ മക്കൾ ആണ്.. ” ഇതുങ്ങൾക്കൊന്നും ഉറക്കവും ഇല്ലേ…? ” പിറുപിറുത്തു അവരെ തന്നെ നോക്കി നിൽക്കുമ്പോഴാണ് അവരുടെ ഇടയിൽ നിന്ന ആളെ ഞാൻ തിരിച്ചറിഞ്ഞത്.. ” കിച്ചേട്ടൻ.. എന്റെ കെട്ട്യോൻ…… ! ” ചക്ക പഴത്തിൽ ഈച്ച വന്നു കൂടുന്നത് പോലെ കിച്ചേട്ടന്റെ ചുറ്റും നിറയെ പെണ്ണുങ്ങൾ….  അതെനിക് സഹിക്കാവുന്നതിലും അപ്പുറം ആയിരുന്നു. ” എന്റെ ദൈവമേ..  ഈ മനുഷ്യൻ ഇതെന്ത് ഭാവിച്ചാണാവോ…. വന്നു വന്നു… എന്തും ആവന്നായോ….?  ” വേറെ എന്തും ഞാൻ സഹിക്കും..  പക്ഷെ കിച്ചേട്ടൻ വേറെ ഒരു പെണ്ണുനോട് മിണ്ടുന്നതു പോട്ടേ ഒരുത്തിയെ ഒന്നു നോക്കുന്നത് പോലും എനിക്ക് ഇഷ്ടമല്ല…  അത് ആ കാലനും അറിയാം..  എന്നിട്ടാണ്……. ” ശരിയാക്കി തരാം…  ഞാൻ… ” ഉടനെ തന്നെ ഫോൺ എടുത്തു കിച്ചേട്ടന്റെ നമ്പറിലേക്ക് ഡയല് ചെയ്തു…  റിങ് പോകുന്നുണ്ട്.. എന്റെ മുന്നിൽ വച്ചു തന്നെ കിച്ചേട്ടൻ എന്റെ കാൾ കട്ട്‌ ചെയ്യുന്നത് ഞാൻ എന്റെ കണ്ണുകൊണ്ട്  കണ്ടു.. അത്രയും മതിയായിരുന്നു എനിക്ക്… ” ഇന്നിയാളെ ഞാൻ കൊല്ലും…… ” സാരിയുടെ തുമ്പ് എളിയിലേക്കു ചേർത്തു കുത്തി പിന്നെ ഒരു ഓട്ടമായിരുന്നു അങ്ങോട്ട്‌..  കൂടി നിന്ന പെണ്ണുങ്ങളെ എല്ലാം തട്ടി മാറ്റി കിച്ചേട്ടന്റെ കൈയിൽ പിടിച്ചു വലിച്ചു ഞാൻ പുറത്തേക്കു നടന്നു..  ആദ്യം ഒന്നു പതറി എങ്കിലും എന്തൊക്കെയോ ചോദിച്ചെന്റെ ഒപ്പം വരുന്ന അങ്ങേരുടെ വാക്കുകൾ ഒന്നും ഞാൻ ശ്രദ്ധിച്ചില്ല…. നടന്നു നടന്നു ഞങ്ങൾ കാറിനടത്തെത്തി…

” കേറൂ… ” ഞാനാവശ്യപ്പെട്ടു.. ” എങ്ങോട്… ” ” കാറിൽ കയറാൻ… നമുക്ക് നമ്മുടെ വീട്ടിൽ പോകാം… ” ” എന്താ കാര്യം…?  ” ” കിച്ചേട്ടൻ ഇവിടെ നിന്നാൽ ശരിയാവില്ല അത്ര തന്നെ… ” ” നീ കാര്യം എന്താന്ന് തെളിച്ചു പറ…. ” ” നിങ്ങളിവിടെ കല്യാണത്തിന് വന്നതാണോ അതോ കണ്ട പെൺപിള്ളേരോട് ശൃംഗരിക്കാൻ വന്നതോ… വെറുതെ എന്നെ ദേഷ്യം പിടിപ്പിക്കാതെ വണ്ടിയിൽ കേറൂ.  നമുക്ക് നമ്മുടെ വീട്ടിൽ പോകാം…. ”

” സത്യായിട്ടും ഇനി ഞാൻ എന്റെ കിചേട്ടനോട് വഴക്കിടില്ല…  ഇനി ഒരു ആഗ്രഹവും പറഞ്ഞു ഞാൻ വാശി പിടിക്കില്ല……. ” “‘ ഉറപ്പാണോ.. …” ” ആഹ്..  ഉറപ്പു…  വാ കിച്ചേട്ടാ..  നമുക്കു വീട്ടിൽ പോകാം ….  ” എന്റെ അവസാനത്തെ അടവ് ഏറ്റു..  ആ മുഖമൊന്ന് തെളിഞ്ഞു..  അല്ലെങ്കിലും ഈ ശ്രീക്കുട്ടി ഒന്നു മനസ്സറിഞ്ഞു സ്നേഹിച്ചാൽ  തീരുന്നതേയുള്ളൂ കിച്ചേട്ടന്റെ പിണക്കങ്ങൾ…. പിന്നൊന്നും പറയാതെ ഞാൻ കാറിൽ കയറി. കിച്ചേട്ടനും… ആരോടും പറയാൻ നിന്നില്ല…  വണ്ടി നേരെ വീട്ടിലേക്കു വച്ചു പിടിച്ചു.  ഞങ്ങളുടെ സ്വർഗത്തിലേക്ക്….

ഒരാഴ്ചയോളം ആയി  കിച്ചേട്ടന്റെ നെഞ്ചിൽ തല വച്ചു കിടന്നിട്ട്……  കാതുകളിൽ മുഴങ്ങുന്ന ഈ ഹൃദയ താളം കേട്ടിട്ട്.  നെഞ്ചിൽ പൊടിഞ്ഞ ഈ വിയർപ്പു മണം ആസ്വദിച്ചിട്ടു… കിച്ചേട്ടന്റെ കൈകൾ ഇതുപോലെ ഒന്നെന്നെ പൊതിഞ്ഞു പിടിച്ചിട്ട്… അന്നൊരു മഴയുള്ള രാത്രിയായിരുന്നു ദേ.. ഇത് പോലെ കിചേട്ടന്റെ ചൂടറിഞ്ഞു ചേർന്ന് കിടക്കാൻ അത്തരം രാത്രികളിൽ ഒരു പ്രത്യേക സുഖം ആണ്. അന്ന് പകൽ മുഴുവൻ കിചേട്ടനോടൊപ്പം കറങ്ങി നടന്നു സിനിമയും കണ്ടു വഴിയിൽ വച്ചു കണ്ട എന്റെയൊരു കൂട്ടുകാരിയോടൊത്തു ഭക്ഷണവും കഴിച്ചു തിരികെ എത്തി കിചേട്ടനോടൊപ്പം ഒരു പുതപ്പിനുള്ളിൽ ഇഴഞ്ഞു കയറി കിച്ചുവേട്ടന്റെ ചൂട്പറ്റി ചുരുണ്ടു കൂടുമ്പോൾ ഞാൻ ശെരിക്കും ഒരു കുഞ്ഞി കുട്ടിയായി മാറിയിരുന്നു…. കിച്ചേട്ടന്റെ ശ്രീകുട്ടി. ! ആ ഒരു നിമിഷത്തേക്ക്….

” കിച്ചേട്ടാ….. !” ” മം…. ” ” അമ്മയൊക്കെ ചോദിച്ചു തുടങ്ങി. ” ” എന്ത്…? ” ” കല്യാണം കഴിഞ്ഞിത്ര നാളായില്ലേ..  കുട്ടികളൊന്നും വേണ്ടേ എന്ന്….. ” വിരലുകൾ കിച്ചേട്ടന്റെ നെഞ്ചിലൂടെ പരതി നടക്കുമ്പോൾ കിച്ചേട്ടൻ ചിരിക്കുകയായിരുന്നു.

ശ്യേ….  ഓർക്കുമ്പോൾ എനിക്ക് തന്നെ ചിരി വരുന്നു ..  എന്തിനോ വേണ്ടി ഒരു വഴക്ക്…  ഒന്നും വേണ്ടിയിരുന്നില്ല….. ഏറെ നേരം കിചേട്ടനോട് ചേർന്ന് ഞാൻ അങ്ങനെ കിടന്നു..

” കിച്ചേട്ടാ …. “. ” ഉം … ” ” ഇന്ന് നമ്മുടെ ചിന്നുന്റെ ആദ്യ രാത്രിയാണല്ലേ… ” ” അതേ അതിനെന്താപ്പോൾ ..?  ” ” നമ്മടെ കൈ തൂങ്ങി നടന്ന ആ കുഞ്ഞി പെണ്ണിനെയാ എനിക്കിപ്പോഴും ഓർമ്മ വരുന്നത്….  കിചേട്ടനോർമയുണ്ടോ നമ്മുടെ ആദ്യ രാത്രി…. ” ” അതിന് അതൊക്കെ ഒരു ആദ്യ രാത്രി ആയിരുന്നോ…? ” ” അതെന്താ…  എന്തായിരുന്നു കുഴപ്പം…?  ” ” ഒരു കുഴപ്പവും ഇല്ലായിരുന്നു…  അന്ന് കട്ടിലിന്റെ ഒരു വശത്തു നീയും ഇപ്പുറത്തു ഞാനും സുഖമായിട്ടു കിടന്നുറങ്ങി…… ” ” അത് പിന്നെ അന്ന് എനിക്ക് ഭയങ്കര ടെൻഷൻ ആയിരുന്നു അതുകൊണ്ട് നേരത്തെ ഉറങ്ങി പോയതല്ലേ….  ഞാൻ ഉദ്ദേശിച്ചത് അതല്ല..  പിറ്റേന്ന്… അന്നായിരുന്നില്ലേ നമ്മുടെ ശരിക്കുമുള്ള ആദ്യരാത്രി…  അത് ഓർക്കുന്നുണ്ടോ കിച്ചേട്ടൻ.. ഒരു കട്ടിലിനിന്റെ കാലൊക്കെ അന്ന് ഇളകി പോയി…….എന്ത് രസം ആയിരുന്നല്ലേ അന്നു…. . ” ” പിന്നെ മറക്കാൻ പറ്റുമോ..  അന്ന് നിന്നോട് ഒരു നൂറു തവണ പറഞ്ഞതാ..  കട്ടിലിന്റെ താഴെ ഇറങ്ങി ഡാൻസ് കളിക്കാൻ.  നല്ല ഒരു കട്ടിലും നശിപ്പിച്ചിട്ടു  നല്ല രസം ആയിരുന്നു പോലും ….. ” ” ഓഹ്….  ഈ കിച്ചേട്ടൻ ഒട്ടും റൊമാന്റിക് അല്ല…..  പോ…. ”

കിച്ചേട്ടന്റെ അരികിൽ നിന്നു അടർന്നു മാറി ഞാൻ തിരിഞ്ഞു കിടന്നു… പക്ഷെ എന്റെ നേരെ തിരിഞ്ഞു ഞൊടിയിടയിൽ തന്നെ എന്നെ കിച്ചേട്ടൻ ചേർത്തു പിടിച്ചു.  എങ്കിലും തിരിഞ്ഞു കിച്ചേട്ടനെ നോക്കാൻ എനിക്ക് തോന്നിയില്ല..  അങ്ങേരുടെ ശ്വാസം എന്റെ ചെവിയിൽ തട്ടിയ നിമിഷം ഞാനൊന്ന് പുളഞ്ഞു.. ” ഞാൻ റൊമാന്റിക് അല്ല എന്ന് നീ തന്നെ പറയണം കേട്ടോ …?” കിച്ചേട്ടന്റെ പതിഞ്ഞ സ്വരം എന്റെ കാതിൽ മുഴങ്ങി. ” ഞാൻ പറയും…. ” കുസൃതി നിറഞ്ഞ സ്വരത്തിൽ ഞാനതു പറയുമ്പോഴേക്കും എന്നെ ശക്തിയിൽ തിരിച്ചു കിടത്തി കിച്ചേട്ടന്റെ മുകളിൽ കയറിയിരുന്നിരുന്നു… ” ആഹാ..  എന്നാൽ അതൊന്നു തിരുത്തണം അല്ലോ…. ” അതും പറഞ്ഞു അങ്ങേരെന്റെ മുഖത്തേക്ക് മുഖം അടുപ്പിക്കുമ്പോൾ ഞാൻ എതിർക്കാതെ കണ്ണടച്ച് കിടന്നതേ ഉള്ളു….. ഒരാഴ്ചയായ് എനിക്ക് അന്യമായ കിച്ചേട്ടന്റെ ചൂടും സ്നേഹവും ഞാനും കൊതിക്കുന്നുണ്ടായിരുന്നു…. കിച്ചേട്ടന്റെ ചുണ്ട് ആദ്യം പതിച്ചത് എന്റെ കഴുത്തിലാണ്…  അറിയതെ തന്നെ എന്നിൽ നിന്നൊരു ശബ്ദം ഉയർന്നപ്പോൾ ഞാൻ ഒന്നു പുളഞ്ഞു പോയി….   കിച്ചേട്ടൻ എൻറെ കഴുത്തിൽ എന്തോ മന്ത്രിച്ചു വച്ചിട്ടുണ്ടെന്ന് തോന്നി…

പെട്ടന്ന് ഉറക്കം കെടുത്തുന്ന ശബ്ദവും ആയി ഫോൺ ഉച്ചത്തിൽ ശബ്‌ദിച്ചു…  ഞെട്ടി എഴുന്നേറ്റു ഒരു നിമിഷം കൊണ്ട് ചാടി കിച്ചേട്ടൻ എന്റെ ഫോൺ എടുത്തു.. ” ചേച്ചിയാണ്….. ” അതു പറഞ്ഞു കിച്ചേട്ടൻ ഫോൺ അറ്റന്റ് ചെയ്തു ലൗഡ്സ്പീക്കറിൽ ഇട്ടു…. ” ഹലോ… ” ” നീ ഇതെവിടെയാടീ പെണ്ണെ….  നിന്നെ തിരയാനിനി ഇവിടെ ഒരിടം ബാക്കി ഇല്ല…. ” എന്റെ ശബ്ദം കേട്ടതേ കുഞ്ഞേച്ചിയുടെ ശബ്ദം ഫോണിൽ ഉയർന്നു കേട്ടു. ” ചേച്ചി എന്തിനാ എന്നോട് ചൂടാവുന്നെ…  ഞാൻ വേറെ ആരുടേം കൂടെ അല്ല…  എന്റെ കെട്ട്യോന്റെ കൂടെ എന്റെ വീട്ടില….  ” ” ഇത് നല്ല കൂത്തു….  പോവുമ്പോൾ എന്ന നിനക്ക് ഒക്കെ ഒന്നു പറഞ്ഞിട്ട് പോയി കൂടെ…..  ” ” ചേച്ചിക് ഇപ്പോൾ എന്താ വേണ്ടേ…  ” ” എനിക്ക് ഒന്നും വേണ്ടായേ…. ഈ തലതെറിച്ച പെണ്ണ് എവിടെ പോയി എന്നറിയാതെ പേടിച്ചു ദേ.. അമ്മ പറഞ്ഞിട്ട് വിളിച്ചത ഞാൻ….. ” ചേച്ചി നല്ല കലിപ്പിൽ ആണെന്ന് തോന്നുന്നു..  ശബ്ദത്തിനൊക്കെ വല്ലാത്ത കനം തോന്നി.. ” ആഹ് എന്നാൽ അമ്മയോട് പറഞ്ഞേരെ… ആ തലതെറിച്ചവൾ കെട്ടിയോനേം കെട്ടിപിടിച് കിടന്നുറങ്ങി എന്ന് …….. ” ” ആഹ്..  ആയിക്കോട്ടെ…..  എന്നിട്ട് എപ്പോളാ വരുന്നേ തിരിച്…. ” ” ഇനി എന്തിനാ വരുന്നേ  …. ?  ” ” ദേ പെണ്ണെ എന്നെകൊണ്ട് ഒന്നും പറയിപ്പിക്കണ്ടാ….  നാളെ രാവിലെ ഇങ്ങോട്ട് വന്നോണം…  വന്നവർ ഒന്നും പോയിട്ടില്ല.  രാവിലെ നീ എവിടെ എന്ന് ചോദിച്ചാൽ നാണം കെടാൻ എനിക്ക് പറ്റില്ല……  ”

” ശ്രീ നമുക്ക് വീട്ടിലേക്ക് തിരിച്ചു പോകണ്ടേ….? ” അല്പനേരത്തിനു ശേഷമുള്ള  കിച്ചേട്ടന്റെ ചോദ്യം കേട്ടു ഞൻ സംശയരൂപേണ കിച്ചേട്ടനെ നോക്കി. ” അമ്മയൊക്കെ അന്ന്വേക്ഷിക്കല്ലേ…  പറയാതെ പോന്നതല്ലേ…..  ?  ” ” വേണ്ട കിച്ചേട്ടാ..  പോവണ്ട..  നമുക്ക് ഇങ്ങനെ കിടക്കാം……. ” ” എങ്കിലും അത് മോശം അല്ലെ,?  ” ” നമ്മള് വിളിച്ചു പറഞ്ഞില്ലേ കിച്ചേട്ടാ…  ഇനി നിർബന്ധം ആണേൽ നാളെ രാവിലെ പോകാന്നേ….. ” അതിന് കിച്ചേട്ടൻ സമ്മതം മൂളിയതും ഞാൻ വീണ്ടും കിച്ചേട്ടന്റെ നെഞ്ചിലേക്ക് കയറി കിടന്നു.. ഉറക്കം പിടിച്ചു വന്നതായിരുന്നു…. പെട്ടന്നാണെനിക്ക് ആ കാര്യം ഓർമ വന്നത്… ഞാൻ കിചേട്ടനിൽ നിന്നും ചാടി എഴുന്നേറ്റു മാറി ഇരുന്നു  .. ” എന്താടീ…  എന്ത് പറ്റി……?  ” ” സത്യം പറ…  എന്തിനാ വീട്ടിൽ പോണത് …?  ” എന്റെ ചോദ്യത്തിനർദ്ധം മനസ്സിലാവാത്ത വണ്ണം കിച്ചേട്ടൻ ചോദിച്ചു   …. ” അല്ലേൽ എന്റെ വീട്ടിൽ പോണ കാര്യം പറഞ്ഞാൽ കലിയിളകണ ആളാ…..  ഇന്നെന്താ ഇത്ര പ്രത്യേകത …?  ” ” എന്ത് പ്രത്യേകത…. ?  ‘

”  സത്യം പറ മനുഷ്യാ..  നിങ്ങൾക് ആ പെൺപിള്ളേരെ കാണാൻ അല്ലെ പിന്നേം പോകാം എന്ന് പറയുന്നത്.. ?  ” ” ശ്രീക്കുട്ടി……. ”

ഞെട്ടലോടെയുള്ള കിച്ചേട്ടന്റെ വിളി കെട്ടു എന്റെ ഗൗരവം നിറഞ്ഞ മുഖത്തേക്ക് പുഞ്ചിരി ഊറി നിറഞ്ഞു… ” നീ നന്നാവില്ലെടീ പുല്ലേ……  ”

പറയാൻ വന്നതത്രയും എന്നിൽ തന്നേ ഒതുക്കി വാക്കുമ്പോഴേക്കും കിച്ചേട്ടൻ എന്നെ നെഞ്ചിലേക്ക് വലിച്ചിട്ടിരുന്നു… എന്നെ നെഞ്ചിലേക് ചേർത്തു പിടിച്ചു… എന്റെ പ്രതിഷേധങ്ങൾ എല്ലാം അവിടെ അവസാനികയായിരുന്നു…  എന്റെ തമാശകളും കുറുമ്പുകളും എല്ലാം അറിയാവുന്ന എന്റെ കിചേട്ടനിൽ എന്റെ മാത്രം കള്ളന്റെ മുന്നിൽ ഞാൻ ഒരു കൊച്ചു കുട്ടിത്തന്നെയ്യാണ്……… എന്നെനിക്കറിയാം എന്നെയല്ലാതെ കിച്ചേട്ടന് മറ്റൊരു പെണ്ണിനേയും ചിന്ദിക്കാൻ പോലും കഴിയില്ലെന്ന്. ആ ഹൃദയം നിറയെ ഈ ശ്രീക്കുട്ടി ആണെന്ന്.  അതിന്റെ തെളിവായിരുന്നു മേക്കപ്പിൽ ഞാൻ ഒളിപ്പിച്ചു വച്ച കവിളിലെ ആ അഞ്ചു വിരൽ പാടുകൾ.

കിച്ചേട്ടൻ പറഞ്ഞത് ശരിയാണ്.  ശ്രീക്കുട്ടി ഇനിയും നന്നാവില്ല.  അവളിൽ ഇനിയും കുസൃതിയും കുറുമ്പുകളും ബാക്കിയാണ്.. ആസ്വദിക്കാനും മനസ്സിലാക്കാനും ഒരു പെണ്ണിന്  കൂടെ ആളുണ്ടെന്ന് തോന്നിയാൽ അവളെന്നും അവർക്കൊരു കൊച്ചു കുട്ടി തന്നെ ആണ്….. ഇനി എന്ത് തന്നെ ആയാലും.. ഈ കിച്ചേട്ടനോട്‌ എത്ര വഴക്കിട്ടാലും എനിക്കൊന്നേ പറയാനുള്ളൂ…..

” എനിക്ക് കുസൃതി കാട്ടാൻ എന്റെ കിച്ചേട്ടൻ അല്ലാതെ വേറെ ആരാ ഉള്ളത്….?  ”

വില്ലി _🙏