💘മായകണ്ണൻ 5

സോറി തെറി പറയരുത്. തള്ള് കുറക്കാൻ പരമാവധി ശ്രമിച്ചു. പക്ഷെ രക്തത്തിൽ കലർന്നുപ്പോയി. ഈ പാർട്ടിലും അനേകം തള്ള് കാണും. ഷെമിക്കണോട്ടോ. പിന്നെ എനിക്കൊരു profile pic ഇടണം. അതെങ്ങനെയാണെന്ന് ഒന്ന് പറഞ്ഞുതരവോ കുറെ പേര് പറഞ്ഞു തന്നതാ. പക്ഷെ ഒന്നും അങ്ങോട്ട് ശെരിയാവുന്നില്ല. അറിയവുന്നവര് ഒന്ന് പറഞ്ഞ് തരണേ. അപ്പൊ ഒന്നൂടെ പറയുന്നു. താള്ളുണ്ടാവും ഷെമിക്കുക. ആശിർവാദിക്കുക.

മായകണ്ണൻ…..

പുറത്തെ ചെയറിൽ അവളിരുപ്പണ്ടായിരുന്നു. എന്നെ കണ്ടിട്ട് ആണെന്ന് തോന്നുന്നു അവൾ എഴുന്നേറ്റു. പക്ഷെയൊന്നും മിണ്ടില്ല. ഞാനൊന്ന് ആലോചിച്ചു, അല്ലെങ്കിൽ തന്നെ ഞാനെന്തിനാ വെറുതെ പേടിക്കണേ?? ഞാൻ ശ്വാസം ആഞ്ഞു വലിച്ചു.

“എന്താ മായ??”

“ചേച്ചി എന്നോട് ഒരു കാര്യം പറഞ്ഞു അത് സത്യമാണോന്ന് അറിയാന, വിളിച്ചേ.”

അത് കേട്ട് കാറ്റ് പോയ ബലൂണിന്റെ അവസ്ഥ ആയി എനിക്ക്.

“എന്ത്…, എന്ത് കാര്യാ??”

വിറയലോടെ ഞാൻ തിരക്കി.

“അഹ് കണ്ണൻ നന്നായിട്ട് പാടൂന്ന്. ശെരിയാണോ??”

അയ്യേ ഇതാണോ കോപ്പ് ഞാനിപ്പോ heart attack വന്ന് ചത്തേനെ. ആശ്വാസം കൊണ്ടാണെന്ന് തോന്നുന്നു ഞാൻ ചിരിച്ചു.

“അപ്പൊ സത്യാല്ലേ??”

എന്റെ ചിരി കണ്ട് അവള് പറഞ്ഞു.

“പാട്ട് പഠിച്ചിട്ടുണ്ടോ??”

“അങ്ങനെ പഠിച്ചിട്ടൊന്നും ഇല്ല. പാട്ടൊക്കെ കേക്കാൻ ഭയങ്കര ഇഷ്ട്ടാ. അങ്ങനെ കേട്ട് കേട്ട് ചെറുതായിട്ടൊക്കെ പാടും.”

ഒരു ചിരിയോടെ ഞാൻ മറുപടി കൊടുത്തു. എന്റെ ഉള്ളിൽ അപ്പോഴും മനസ്സിലാവാണ്ട് കിടന്ന കാര്യം ഇവളിപ്പോ എന്തിനാ ഇതൊക്കെ ചോദിക്കുന്നത് എന്നാ.

“കണ്ണൻ എന്നെ ഒന്ന് സഹായിക്കണം.”

ഈശ്വരാ എന്താണോ ആവോ??

“എന്താ മായാ എന്താ കാര്യം??”

“അത്, ഞാനും എന്റെ കുറച്ച് ഫ്രണ്ട്സും കൂടെ ഒരു music ഗ്രൂപ്പ് തുടങ്ങിട്ടുണ്ട്. ഇതിന്റെ പ്രധാന ലക്ഷ്യം പാവപ്പെട്ട കുട്ടികളെ സഹായിക്കുക എന്നതാണ്. എന്റെ ഒരു കൂട്ടുകാരി വഴി ഞങ്ങൾക്ക് ഒരു പ്രോഗ്രാം കിട്ടിട്ടുണ്ട്. ഇതൊന്ന് ക്ലിക്ക് ആയി കിട്ടണം.”

“ഇതില് ഞാനെന്താ ചെയ്യേണ്ടത്??”

“ഞങ്ങൾക്ക് ഒരു male singer വേണം. കണ്ണന്റെ പാട്ട് കെട്ടിട്ടില്ലേലും ചേച്ചി പറഞ്ഞ് എനിക്ക് വിശ്വസാ. Plz കണ്ണന് ഒന്ന് സഹായിച്ചൂടെ?? വെറുതെ വേണ്ട നല്ലൊരു തുക തരാം. പാവപ്പെട്ട കുട്ടികൾക്ക് വേണ്ടിട്ടല്ലേ??”

“മായ എനിക്കൊന്ന് ആലോചിക്കണം.”

പറ്റില്ല എന്ന് തീർത്ത് പറയാൻ എനിക്ക് തോന്നില്ല.

ഒരു കണക്കിന് എനിക്ക് ചിരിയാ വന്നേ. സംഗീതത്തിന്റെ abcd അറിഞ്ഞൂടാത്ത ഞാൻ music ഗ്രൂപ്പിൽ പാടണോന്ന്. ഞാൻ മൂറിയിലേക്ക് കേറി. പിന്നിന്ന് അവളും. ഞങ്ങള് വരുന്നത് കണ്ട് ചേച്ചി ചിരിക്കുന്നുണ്ടായിരുന്നു. ആ ചിരിയുടെ അർത്ഥം മനസ്സിലാക്കാൻ വല്യ പാട്പെടേണ്ടി വന്നില്ല.

“ഒരിക്ക എന്നെയും ഇതുപോലെ മോൻ സ്റ്റേജിൽ കേറ്റി പാടിച്ചതല്ലേ?? ഇത്തവണ മോനും ഒന്ന് സ്റ്റേജിൽ കേറ്.”

എന്റെ മുഖം കണ്ടതും അവള് ഒരു കളിയാക്കൽ ട്യൂണിൽ പറഞ്ഞു.

“നീ പക പൊക്കുവാണല്ലേ??”

അപ്പൊ എന്റെ വായിൽ വന്നത് ആ ഡയലോഗാ. അത് കേട്ട് അവൾ കുണുങ്ങി ചിരിച്ചു.

“എന്നാ ഞാനിറങ്ങട്ടെ മായേച്ചി, അത്യാവശ്യായിട്ട് ഒന്ന് രണ്ട് സ്ഥലത്തൂടെ പോവാനുണ്ട്‌.”

“ആണോ എന്ന ശെരി മോളെ. എനിയെന്നെ മോളെ നമ്മള് ഒന്ന് കാണുവാ??”

“ഇനി ഒരു ദിവസം ഞാൻ വീട്ടിലോട്ട് വരാം ചേച്ചി. അത് ചേച്ചിക്കൊരു സർപ്രൈസ് ആവും.”

അത് കേട്ടപ്പോ അവൾക്ക് സന്തോഷം. അതിനെക്കാളേറെ എനിക്ക് സന്തോഷം.

“പിന്നെ മോളെ ഇവന്റെ കാര്യം ഞാൻ ശെരിയാക്കിക്കോളം. ഇനിയൊരു പുതിയ singer നെ തപ്പി നടക്കണ്ട.”

അവളിറങ്ങാൻ നേരം ചേച്ചി അതൂടെ വിളിച്ച് പറഞ്ഞു. അത് കേട്ടപ്പോ മായയുടെ മുഖം 100 w ആയി പ്രകശിച്ചത് ഞാൻ കണ്ടു. അതുകൊണ്ട് തന്നെ ഒന്നും എതിർത്ത് പറയാൻ എനിക്ക് തോന്നില്ല.

“നീ എന്ത് ഉദ്ദേശിച്ച ചേച്ചി ഇതൊക്കെ ചെയ്യുന്നേ??”

അവളിറങ്ങിയതും ഞാൻ ചേച്ചിയോട് തിരക്കി.

“എന്റെ അനിയൻ ചോദിച്ചു അവളോട് എങ്ങനാ ഇഷ്ട്ടം തുറന്ന് പറയ്യ എന്ന്. ഞാൻ പറഞ്ഞു വഴിയുണ്ടാക്കാം എന്ന്. ആ വഴിയാ ഈ വഴി.”

അവളൊരു നിറഞ്ഞ പുഞ്ചിരിയോടെ പറഞ്ഞു.

“ഇതൊരുമാതിരി ഇടിഞ്ഞ വഴിയായി പോയി.”

“ടാ ചെക്കാ ഇതീ വല്യ ഐഡിയ ഒന്നും എന്റെ ഇല്ല.”

“സത്യത്തിൽ ഈയൊരു ഐഡിയ എങ്ങനാ കിട്ടിയേ??”

അതറിയാനുള്ള ആകാംഷ കൊണ്ട് ഞാൻ ചോദിച്ചു.

“ഞങ്ങള് ഓരോന്ന് സംസാരിക്കുവായിരുന്നു. അങ്ങനെ സംസാരിച്ചിരുന്നപ്പോ അവൾ തന്നെ പറഞ്ഞതാ, ഒരു music ഗ്രൂപ്പ് തുടങ്ങിട്ടുണ്ടെന്നും അതിന് ഒരു male singer നെ ആവശ്യം ഉണ്ടെന്നും ഒക്കെ. അപ്പൊ എനിക്ക് തോന്നിയ ഐഡിയാ ഇത്‌.”

“എന്നിട്ടിതൊന്നും ഞാൻ കേട്ടില്ലല്ലോ.”

“അഹ് എങ്ങനെ കേക്കാനാ?? ബോധം പോയത് പോലല്ലേ ഇവിടിരുന്നെ!”

അതും പറഞ്ഞവള് എന്നെ കളിയാക്കി ചിരിച്ചപ്പോ എനിക്കും ഒരു ചമ്മിയ ചിരി പാസാക്കാനെ ആയുള്ളൂ.

“അല്ലെടി ചേച്ചി നീ എന്ത് ധൈര്യത്തിലാ ഞാൻ നന്നായിട്ട് പാടൂന്നും ഞാൻ തന്നെ വരോന്നും ഒക്കെ പറഞ്ഞേ??”

“ഓഹ് ഇവനെ കൊണ്ട് തോറ്റല്ലോ ദേവി. എടാ മണ്ട, നീ നന്നായിട്ട് പാടൂന്ന് എന്റെ മുന്നീ വച്ചല്ലേ തെളിയിച്ചേ?? പിന്നെ ഇത്‌നല്ലൊരു അവസരം ആയിട്ട് വേണം നീ കാണാൻ. നീ നന്നായിട്ട് പാടി പാടി അവൾടെ മനസ്സിനുള്ളിൽ കേറി കൂടണം.”

“കേക്കാനൊക്കെ കൊള്ളാം. പക്ഷെ സംഗീതത്തിന്റെ abcd അറിഞ്ഞൂടാത്ത ഞാൻ തന്നെ?? നമ്മക്ക് ഗോഗുല് ചേട്ടനെ വിട്ടാലോ??”

“ദേ ചെക്കാ എന്റെ കൈന്ന് നല്ലത് വേടിക്കും നീ. അവളെ ഇഷ്ടപ്പെട്ടത് നിയോ അതോ ആ ഗോകുല് ചേട്ടാനോ??”

ഞാനൊന്ന് ആലോചിച്ചു, പാട്ട് കേക്കാൻ ഇഷ്ട്ടം ഉള്ളത് കൊണ്ട് തന്നെ കേട്ട പാട്ടുകള് വീണ്ടും വീണ്ടും കേക്കും. അങ്ങനെ കാണാപാഠം പഠിച്ചത് പോലെ അതെന്റെ മനസ്സിൽ തന്നെ ഉണ്ട്. വരികള് തെറ്റാണ്ട് പാടാനും അറിയാം. ഇത് വരെ ട്യൂണ് മനസ്സിലാ ഇട്ടേ. ഇനിയിപ്പോ അതും വേണ്ട, ട്യൂണ് ഇടാനും ആളുണ്ട്.

“നീ എന്താ അലോചിക്കുന്നെ??”

“ഇതിനെ പറ്റി തന്നെയാ.”

“ഇതിനെ പറ്റി കൂടുതലൊന്നും ആലോചിക്കാനില്ല. നീ പോവുന്നു. ഇതിനിനി വേറെ അഭിപ്രായം ഇല്ല.”

അവള് ഓർഡർ ഇട്ടു. പിന്നെ അപ്പീല് ഇല്ല. അഹ് ഒരു വിധത്തിൽ പറഞ്ഞാൽ പാടാൻ എനിക്കും വല്യ താല്പര്യം ആണ്. പക്ഷെ എന്തോ ഒരു പേടി.

“പിന്നെ വേറൊരു കാര്യം കൂടെയുണ്ട്. ഈ ഗ്രൂപ്പിന്റെ female singer ആരാന്ന് അറിയോ?? മായ.”

നല്ല വെടിപ്പായിട്ട് ഞാൻ ഞെട്ടി. ഈ ഗ്രൂപ്പിന്റെ female singer ആരാന്ന് അറിയോ?? മായ. ചേച്ചിയുടെ ശബ്‌ദം കാതുകളിലേക്ക് എക്കോ പോലെ കേട്ടുകൊണ്ടിരുന്നു.

“വാവേ….”

ചേച്ചി എന്റെ കാലിൽ പിച്ചി വിളിച്ചു. ഞെട്ടല് മാറി മനസ്സിൽ മഞ്ഞു പെയ്യുന്ന സുഖം തോന്നി.

“സത്യാണോടി??”

“അഹ് സത്യം തന്നെയാ. ഇനി പോവാതിരിക്കാൻ എന്തെങ്കിലും എസ്ക്യൂസ്‌ പറയോ??”

“എന്തിന്?? എനിക്ക് പോവാൻ നൂറല്ല ആയിരം വട്ടം സമ്മതാ.”

ഞാനതും പറഞ്ഞ് നല്ലൊരു ചിരി അങ്ങ് പാസ്സാക്കി. അവളോടൊത്തുള്ള വരും ദിനങ്ങൾ സ്വപ്നം കാണാമെന്ന് വിചാരിച്ച് ഞാനിരുന്നു. പക്ഷെ അത് തടസ്സപ്പെടുത്തി അച്ഛനും അമ്മയും വന്നു.

“വാവേ വാ കാന്റീനിൽ പോവാം.”

അവരെ കണ്ടപാടെ ചേച്ചി പറഞ്ഞത് ഇതാണ്.

“എന്താ മോനെ അവൾക്കൊന്നും വേടിച്ച് കൊടുത്തില്ലേ??”

അത് കേട്ട പാതി കേക്കാത്ത പാതി അമ്മ ചോദിച്ചു.

“എങ്ങനെ വേടിച്ച് കൊടുക്കും. 8 മണി ആയപ്പോഴേക്കും കൈയിലിരുന്ന പൈസ മുഴുവൻ തീർന്നു.”

“ഇവളെ കൊണ്ട് വല്യ കഷ്ട്ടയല്ലോ ഭഗവതി.”

അമ്മ തലയിൽ കൈ വച്ച് പറഞ്ഞു.

“മക്കളെ ഇനിയിപ്പോ ഡോക്ടർ കുറച്ച് കഴിഞ്ഞ് വരും ഡിസ്സ്‌ചാർജ് തരും. അത് കഴിഞ്ഞ് നമ്മക്ക് കാന്റീനിൽ പോയി വല്ലതും കഴിക്കാം. മരുന്നൊന്നും ഇല്ലല്ലോ??”

“മരുന്നൊന്നും ഇല്ലായിരുന്നച്ഛാ. വെളുക്കവെളുക്ക ട്രിപ്പ് ആയിരുന്നു.”

ഞാൻ മറുപടി കൊടുത്തു. ഏതായാലും അച്ഛൻ വായിട്ടലച്ചതിന് ഉപകാരം ഉണ്ടായി പെണ്ണൊന്ന് പൊടിക്ക അടങ്ങി. 11 മണിയോടെ ഡോക്ടർ വന്നു. ഡിസ്സ്‌ചാർജ് തന്നു. പുറകെ ഒരു നേഴ്‌സ് വന്നു, ട്രിപ്പ് ഇട്ടിരുന്ന കൈയിലെ സൂചിയൂരാൻ. ഞാൻ പതിയെ അവിടുന്ന് മാറി. ഒന്നാത്തെ കാര്യം ആ സമയത്തെ അവൾടെ മുഖം കാണാൻ എനിക്കാവില്ല. രണ്ടാമത്തേത് അവിടെ നിന്ന എന്റെ തൊലി എളവും. നെറ്റിയിലെ മുറിവ് ചെറുതായി കരിഞ്ഞ് തുടങ്ങി. എന്നിരുന്നാലും പൊടിയടിച്ചാലോ എന്ന് പേടിച്ച് ഒന്നൂടെ ഡ്രെസ്സ് ചെയ്തു. പിന്നെ അവിടെയുള്ള ബില്ല് എല്ലാം pay ചെയ്ത് നേരെ ഉണ്ണിവയർ നിറക്കാൻ കാന്റീനിലേക്ക്. 11 മണി കഴിഞ്ഞത് കൊണ്ട് ലൈറ്റ് ആയിട്ട് എന്തെങ്കിലും ആവന്ന് വിചാരിച്ച കേറിയെ. അമ്മേം അച്ഛനും മസാല ദോശ. ഞാൻ 2 ബറോട്ട. പക്ഷെ എല്ലാം തെറ്റിച്ച് കൊണ്ട് ചേച്ചി 4 ബറോട്ട. ഞങ്ങളെല്ലാരും അതിശയിച്ചു. ചേച്ചിയുടെ ബറോട്ടമേലുള്ള ആക്രമണം കണ്ടപ്പോ ഞാൻ കസിൻസ് സിനിമയിലെ ആ രംഗം ഒന്നോർത്തുപ്പോയി.

“ചേച്ചി ഒന്ന് പതിയെ തിന്നെടി. അതെല്ലാം നിനക്കുള്ളത് തന്നാ. ആൾക്കാരൊക്കെ ശ്രദ്ധിക്കുവാ.”

അവൾ കേൾക്കെ രീതിയിൽ ഞാൻ പറഞ്ഞു.

“ഒന്ന് പോയെടാ ചെർക്കാ മനുഷ്യന് ഇവിടെ വിശന്നിട്ട് അണ്ഡം കത്തുവാ.”

അതായിരുന്നു മറുപടി.

ഇവൾടെ തീറ്റയെ പറ്റി ഞാൻ ആരോടെങ്കിലും പറഞ്ഞ അപ്പൊ തള്ളാന്ന് പറയും എല്ലാരും. അവരൊക്കെ വന്ന് ഇതൊക്കെ ഒന്ന് കണ്ട് നോക്കണം. തീറ്റ മത്സരത്തിന് കൊണ്ടിരുത്തിയ first അഹ്. ഏതായാലും 2 മിനിറ്റ് കൊണ്ട് തന്നെ finishd. അപ്പോഴും എന്റെ പ്ളേറ്റിൽ ഒന്ന് ബാക്കിയുണ്ട്. അവള് കഴിച്ച് കഴിഞ്ഞ് എന്നെ ഒരു പുച്ഛം നിറഞ്ഞ നോട്ടം. അതിന്റെ അർത്ഥം എന്താണോ ആവോ.

“അതേ ഇനി കൈ എന്തിനാണാവോ കഴുകണേ??”

എല്ലാം കഴിഞ്ഞ് കൈ കഴുകനായി അവളെഴുന്നേറ്റപ്പോ ഞാൻ ചോദിച്ചു. അവളെന്നെ സംശയത്തോടെ നോക്കി.

“അല്ല കൈ മൊത്തം നക്കി വടിച്ച് വൃത്തിയാക്കിയല്ലോ. ഇനി കഴുകാണോന്നൊന്നും ഇല്ല.”

ഒരു കളിയാക്കൽ രീതിയിൽ ഞാൻ പറഞ്ഞു.

“ഇത് കണ്ടോ അച്ഛാ….”

ഞാൻ കളിയാക്കി എന്ന് മനസ്സിലായതും അവൾ കുഞ്ഞു കുട്ടികളെ പോലെ അച്ഛനെ വിളിച്ചു.

“ടാ അടി. മോള് പോയി കൈ കഴുക്.”

എന്റെ നേരെ അടിക്കാൻ കൈ ഓങ്ങിക്കൊണ്ട് അച്ഛൻ പറഞ്ഞു. ഞാൻ ചിരിച്ചു. അവിടെന്നിറങ്ങി നേരെ ഓട്ടോ സ്റ്റാന്റിലേക്ക്. കേറിയപാടെ പെണ്ണെന്റെ തോളിൽ ചാഞ്ഞു. ചെറുതായിട്ട് മയങ്ങി. പിന്നെ വീട്ടിൽ എത്തിയപ്പളാ തട്ടി എഴുന്നേല്പിക്കണെ.

“നിന്നെ, നിന്നെ.”

അവളേം എടുത്ത് നേരെ റൂമിലേക്ക് നടക്കാനൊരുങ്ങിയ എന്നെ അവൾ തടഞ്ഞു. ഞാൻ എന്തേ എന്നര്ഥത്തിൽ അവളെ നോക്കി.

“എങ്ങോട്ടാ??”

“നിനക്ക് കിടക്കണ്ടേ??”

” ബാത്റൂമിലേക്ക് പോ.”

“അവള് order ഇട്ടു.”

പാവം അത്യാവശ്യം ആയിരിക്കും. ഞാൻ അവളെ കൊണ്ട്പ്പോയി ക്ലോസെറ്റിൽ കൊണ്ടിരുത്തി. എന്നിട്ട് അവളെ സപ്പോർട്ട് ചെയ്യാനായി കൈയിലും പിടിച്ചു.

“ഇതെന്താ??”

“എഹ് അപ്പൊ അതിനല്ലേ??”

“ഇങ്ങോനൊരു മണ്ടൻ! എന്റെ പൊന്ന് വാവേ കുളിപ്പിക്കാനാടാ.”

“ഇപ്പഴേ കുളിക്കണോടി??”

“വയ്യ വാവേ എനിക്ക്. ദേഹം മൊത്തം നാറുന്നു. ശ്വാസം മുട്ടുന്നപ്പോലെ. ഒന്ന് കുളിപ്പിച്ച് താടാ.”

പാവം. ഒരു ദിവസം പോലും കുളിക്കാണ്ടിരിക്കുന്നവളാ. ഇപ്പൊ രണ്ട് ദിവസായി. എനിക്കാകെ വിഷമം തോന്നി.

“ഞാൻ എണ്ണ എടുത്തിട്ട് വരാം.”

“നല്ല വാവ. വേഗം പോയിട്ട് വാ.”

പുള്ളിക്കാരിക്ക് സന്തോഷമായെന്ന് ആ പറച്ചില് കേട്ട അറിയാം. ഞാൻ അടുക്കളേ കേറി. അവൾക്ക് മാത്രം പ്രതേകിച്ച് പാരഷൂട്ടിന്റെ എണ്ണയുണ്ട്, അതേ തേക്കൂ. വേറെ ആരെങ്കിലും അത് തേക്കുന്ന കണ്ട അത് മതി പെണ്ണിന് വഴക്കാവൻ. എന്ന് വിചാരിച്ച് ഞാൻ തേക്കുന്നതിൽ പുള്ളിക്കാരിക്ക് ഒരു കുഴപ്പോം ഇല്ല. എണ്ണ മാത്രം അല്ല സോപ്പ്, ചിപ്പ്, കണ്ണാടി, പൗഡർ, പൊട്ട്, ക്രീം എന്ന് വേണ്ട സകല സാധനോം അവൾക്ക് പ്രതേകം ഉണ്ട്.

“ടാ തല കുളിപ്പിക്കണ്ട. മേല് ഒന്ന് നനച്ചെടുത്ത മതി. നെറ്റിയില് ഡ്രെസ്സ് ചെയ്തിരിക്കുവല്ലേ??”

അടുക്കളെന്ന് എണ്ണ എടുത്തിട്ട് തിരിയാൻ നേരം അമ്മ പറഞ്ഞു. ശെരിക്കും അപ്പഴ ഞാനത് ഓർക്കുന്നപ്പോലും.

“ഓഹ് അത് ഞാനങ്ങ് മറന്നു. അച്ഛനെവിടെ അമ്മേ??”

“ജംഗ്ഷൻ വരെ പോയെക്കുവാ.”

എടുത്ത എണ്ണക്കുപ്പി തിരിച്ച് വച്ച് ഞാൻ നേരെ ബാത്റൂമിലേക്ക് കേറി. വെറും കൈയോടെ വരുന്ന എന്നെ കണ്ട് ചേച്ചി ഒരുമാതിരി ഒരു നോട്ടം.

“ഇന്നെത്തേക്ക് തല കുളിക്കണ്ട ചേച്ചി. നെറ്റിയില് ഡ്രെസ്സിങ് ഉള്ളതല്ലേ??”

അവളും അക്കാര്യം അപ്പഴാ ഓർക്കുന്നതെന്ന് അവൾടെ മുഖം കണ്ടാലറിയാം.

“എന്റെ മുടി നോക്കിയേ വാവേ ആകെ മൊത്തം ജടപിടിച്ച് കിടക്കുവാ.”

“അതാണോ നിന്റെ പ്രശ്നം?? അത് നമ്മക്ക് ശെരിയാക്കാം.”

“എങ്ങനെ??”

“അതൊക്കെ ഉണ്ട്. ഇപ്പൊ നമ്മക്ക് കുളിക്കാം.”

സാധാരണ വീട്ടിൽ നിക്കുമ്പോഴും മറ്റും അവളിടുന്നത് ഷർട്ടോ ബനിയനോ ഒക്കെയായിരിക്കും. ഇപ്പോഴും അവളുടെ വേഷം ഒരു പുള്ളി ഷർട്ടണ്.

“രണ്ട് ദിവസായി ഈ ഷർട്ട് തന്നെ ഇട്ടേക്കുന്നു. ആകെ വിയർപ്പ് നാറ്റാ. പെട്ടന്ന് ഊരി കളഞ്ഞേ വാവേ.”

“ഓഹ് ഒന്നടങ്ങേടി ചേച്ചി.”

ഞാനവളുടെ ഷർട്ടിന്റെ ബട്ടണുകൾ ഓരോന്നായി അഴിച്ചു. ക്ലോസെറ്റിൽ ഇരിക്കുന്ന അവൾക്കൊരു താങ്ങ് കൊടുത്ത് ഞാനാ ഷർട്ട് അവൾടെ ദേഹത്ത് നിന്നൂരി എടുത്തു. അത് ഞാൻ ഒരു മൂലയിലേക്കിട്ടു. പിന്നീട് അവൾക്ക് മുന്നിൽ മുട്ടു കുത്തിയിരുന്ന് ഞാനാ പാവാടയും ഊരിയെടുത്തു. ആ സമയം ബാലൻസിനായി അവളെന്റെ തോളിൽ പിടിച്ചിരുന്നു. വീട്ടിൽ നിക്കുമ്പോ ഇന്നേഴ്‌സ് ഒന്നും അവളിടാറില്ല. പാവാടയും ഷർട്ടിന്റെ കൂട്ടത്തിലിട്ട് ഞാനൊന്ന് നെടുവീർപ്പിട്ടു.

“എന്താ വാവേ നാറുന്നുണ്ടോ??”

ഞാനൊന്ന് ആഞ്ഞു വലിച്ചു.

“നല്ല മണം.”

“അയ്യേ വൃത്തിക്കെട്ടത്.”

ചേച്ചിയെന്നെ അടിക്കാൻ കൈയൊങ്ങി. പക്ഷെ ബാലൻസ് തെറ്റി. വീഴാനായി പോയ അവളെ ഞാൻ ചേർത്തു പിടിച്ചു.

“വല്ലാത്ത എതക്കേട് തന്നല്ലേ ചേച്ചി നിനക്ക്??”

അവള് ചമ്മി ചിരിച്ചു. ഞാനവളെ ക്ലോസറ്റിലേക്ക് ചാരിയിരുത്തി. ബക്കറ്റിൽ വെള്ളം പിടിച്ചു. എന്നിട്ട് അവൾടെ മുടി പിടിച്ച് കെട്ടിവച്ചു. അവള് പറഞ്ഞത് നേരാ, മുടിയൊക്കെ ജട പിടിച്ച് ഒരു കോലമായി കിടക്കുന്നു. സാധാരണ കൂടിപ്പോയ പത്തോ പതിനഞ്ചോ മിനിറ്റ് കുളി. അത്രേ ഉണ്ടാവുള്ളൂ. പക്ഷെ ഇന്ന് കൃത്യം ഒരുമണിക്കൂർ അഹ് അവളെ കുളിപ്പിച്ചെടുത്തെ. ദേഹം മൊത്തം സോപ്പ് തേച്ച് അത് കഴുകി കളയുമ്പോ പിന്നേം അവള് സോപ്പ് തേക്കും. അങ്ങനെ ഒരു സോപ്പിന്റെ മുക്കാഭാഗവും അങ്ങനെ തീർന്നു. ടൗവല് കൊണ്ട് ദേഹം മൊത്തം ഒപ്പിയെടുത്തു. എന്നിട്ടത് തന്നെ ചുറ്റി അവളേം എടുത്ത് നേരെ മുറിയിലേക്ക് കേറി. നല്ലൊരു ഷർട്ടും പാവാടയും അവൾക്കിട്ടു കൊടുത്തു. ഇപ്പൊ സുന്ദരിയായി എന്റെ ചേച്ചി.

“വാവേ…”

“ഓ…”

“മുടി.”

“അതിപ്പോ ശെരിയാക്കിത്തരം.”

ഞാനതും പറഞ്ഞ് അവളുടെ മേക്കപ്പ് സാധാനങ്ങൾ വച്ചിരിക്കുന്ന മേശമേലിരിക്കുന്ന പാരഷൂട്ട് ജാസ്മിൻ ഹയർ ഓയിൽ എടുത്തു. കുറച്ച് കയ്യിൽ എടുത്ത ശേഷം അത് രണ്ട് കൈയിലുമായി തേച്ചു പിടിപ്പിച്ചു. എന്നിട്ട് അവൾടെ മുടിയിൽ നല്ല രീതിയിൽ തേച്ചു. ഉടക്കൊക്കെ എടുത്ത് വൃത്തിയാക്കി. മുടി വിരിച്ചങ്ങ് ഇട്ടു. അങ്ങനെ അതും കഴിഞ്ഞു. ഇനി ഒന്ന് നടു നിവർക്കണം.

“എന്താ വാവേ ഉറക്കം വരുന്നുണ്ടോ?? വാ ചേച്ചീടെ മടി കിടന്നോ.”

ഇതെന്റെ ചേച്ചി മാത്രോല്ല. എന്റെ അമ്മേം കൂടിയാ. എനിക്ക് കിടക്കാനായി അവൾ നേരെ ഇരുന്നു. ഒരു അർത്ഥത്തിൽ അമ്മയുടെ മടിയിൽ കിടന്നതിനെക്കാൾ കൂടുതൽ ഞാനെന്റെ ചേച്ചിയുടെ മടിയിൽ കിടന്നിട്ടുണ്ട്. കിടക്കാൻ ആഗ്രഹിക്കുന്നുമുണ്ട്. അവള് വിളിക്കണ്ട താമസം ഞാൻ പോയി മടി കിടന്നു. എല്ലാവരും ചെയ്യുമ്പോലെ അവളും എന്റെ തലയിൽ തലോടി.

“കുറെ കഷ്ടപ്പെട്ടല്ലേ എന്റെ വാവ??”

“പിന്നെ ഞാനാകെ തളർന്നു. കുളിപ്പിക്കുന്നെന് ഇത്രയും പാടാണെന്ന് ഇപ്പള മനസ്സിലായെ. ചകിരിക്ക് പിടിച്ച് എന്റെ കൈ തേഞ്ഞ്. ”

ഞാൻ ചിരിച്ചുകൊണ്ട് പറഞ്ഞു. അവൾടെ മേത്തുള്ള അഴ്ക്ക് പോവാൻ ചവിരിക്ക തേച്ചേ. അഴുക്ക് പോവുന്നതിനൊപ്പം എന്റെ കൈയിലെ തൊലിയും പോയി.

“അച്ചോടാ പോട്ടേട്ടോ ചേച്ചിക്ക് വേണ്ടിട്ടല്ലേ സാരല്ല. തൊലിയല്ലേ പിന്നും വന്നോളും.”

എന്ത് സ്നേഹമുള്ള ചേച്ചി.

“ചേച്ചി….”

“ഓ..”

“എനിക്കിപ്പോ ഒരൈഡിയ തോന്നുന്നു. നമ്മക്ക് ഇവിടെ ഒരു ഫാം ഉണ്ടാക്കിയാലോ?? പട്ടിയും പൂച്ചയും മുയലും പ്രാവും മീനും ഒക്കെയായിട്ട്.”

“അയ്യോ ഓര്മിപ്പിക്കല്ലേ പൊന്നേ! പണ്ട് മോൻ ഇവിടൊരു ഫാം തുടങ്ങിയത് ഓർമയുണ്ടോ??”

“അന്ന് പ്രാവ് മാത്രോല്ലേ ഉണ്ടായിരുന്നുള്ളൂ??”

“മതിലോ. നിന്റെ പ്രാവുകള് പോയി എവിടുന്നൊക്കെ വേറെ പ്രാവുകളേം വിളിച്ചോണ്ട് വന്ന് അവരുടെ ഒടമസ്ഥര് ഇവിടെ വന്ന് വഴക്കിട്ട് എന്റെ പൊന്നേ എന്തൊക്കെ ബഹളം ആയിരുന്നു?? മോൻ വീണ്ടും അതൊക്കെ ആവർത്തിക്കാൻ പോവാ??”

“അപ്പൊ പ്രാവ് വേണ്ട. ബാക്കി ആവലോ??”

“Mm ഇനി നിന്റെ ഐഡിയ പരിഗണിച്ചില്ലെന്ന് വേണ്ട നമ്മക്ക് ആലോചിക്കാം.”

“എന്റെ പുന്നാര ചേച്ചി.”

അവൾടെ കവിളിൽ ഞാൻ എന്റെ ചുണ്ടമർത്തി.

“എന്റെ പുന്നാര അനിയൻ.”

അതേ നാണയത്തിൽ തന്നെ തിരിച്ച് പറഞ്ഞ് അവൾ എന്റെ കവിളിലും ചുണ്ടമർത്തി. നല്ല ഉറക്കം വരുന്നുണ്ടായിരുന്നു. അതിന്റെ സൂചകമായി ഞാനറിയാതെ തന്നെ എന്റെ ഉള്ളിൽ നിന്നും കോട്ടുവാ പുറത്തേക്ക് വന്നു.

“ഇനി എന്റെ വാവ സംസാരിക്കണ്ട. ഉറങ്ങിക്കോ.”

ഞാനെണിയിക്കാൻ പോയി.

“എങ്ങോട്ടാ?? ഇവിടെ കിടന്ന മതി.”.

അവൾ വീണ്ടും എന്നെ അവളുടെ മടിയിലേക്ക് പിടിച്ച് കിടത്തി. അവളുടെ വിരലുകൾ എന്റെ തലമുടിയൂടെ ഇഴഞ്ഞ് നടന്നപ്പോ എന്റെ കണ്ണുകൾ താനെ അടഞ്ഞു. ഒരു നല്ല സ്വപ്നത്തെ തേടി ഞാനലഞ്ഞു.

“അങ്ങനെ സെമിഫൈനലിന്റെ അവസാന പാദമത്സരം. കേരള ബ്ലാസ്റ്റേഴ്‌സ് നേരിടുന്നു fc ഗോവയെ. ഈ ആവേശകരമായ മത്സരത്തിന് സാക്ഷ്യം വഹിക്കാൻ കമന്ററി ബോക്സിൽ ഞാൻ ഷൈജു ദാമോദരൻ എന്നോടൊപ്പം എന്റെ പ്രിയ സുഹൃത്ത് മുൻ ഇന്ത്യൻ ഇന്റർനാഷണൽ താരം ജോപ്പോൾ അഞ്ചേരി.”

“Thanku ഷൈജു. ഈ മാച്ചില് എടുത്ത് പറയേണ്ട സാന്നിധ്യം നമ്മുടെ കണ്ണൻ തിരിച്ച് വന്നിരിക്കുന്നു എന്നതാണ്. ഇതേ ടീമിനോട് മുൻപ് കളിച്ചപ്പോളാണ് കണ്ണന് പേശി വലിവ് അനുഭവപ്പെട്ട് കളിയിൽ നിന്നും പോകുന്നത്. വീണ്ടും സെമിഫൈനൽ വേദിയിൽ കണ്ണൻ എത്തിയിരിക്കുകയാണ്.”

“അപ്പ്സല്യൂട്ടിലി ജോ. കണ്ണനെ നമ്മുക്ക് അറിയാം. ഈ സീസണിൽ ഏറ്റവും കൂടുതൽ ഗോൾ നേടിയ player കൂടിയാണ് കണ്ണൻ. ഗോൾഡൻ ബൂട്ട് race ൽ ഒന്നാം സ്ഥാനത്താണ് ഈ മലയാളി ചൂണകുട്ടി. 19 ഗോളുകളാണ് കണ്ണൻ കേരള ബ്ലാസ്റ്റേഴ്‌സിന് വേണ്ടി സംഭാവന ചെയ്തിട്ടുള്ളത്.”

………………….

…………………..

…………………..

“15 മിനിറ്റ് പിന്നിടുമ്പോൾ കേരത്തിന് അനുകൂലമായി ഒരു free kick ലഭിച്ചിരിക്കുവാണ്. ഒരിഞ്ച് കൂടെ അകത്തയിരുന്നുവെങ്കിൽ അതൊരു sure പെനാൽറ്റി ആയി മാറിയേനെ. Free kick എടുക്കാൻ വരുന്നത് കണ്ണനാണ്. ഈ അവസരത്തിൽ എനിക്ക് ചോദിക്കാൻ ഉള്ളത് ജോയോടാണ്. ജോ, കണ്ണൻ ഈ free kick ഗോൾ ആക്കുമോ??”

“അതില് ആലോചിക്കാൻ ഒന്നുമില്ല ഷൈജു. ഈ free kick കണ്ണനാണ് എടുക്കുന്നതെങ്കിൽ അത് 100% ഗോൾ ആണ്.”

“കണ്ണന്റെ free kick വരുന്നു, കണ്ണൻ……………………..”

“വാവേ മോനെ എത്രനേരമായടാ കിടക്കണ്?? എഴുന്നേറ്റേ.”

“ചേച്ചി ഒരു 10 മിനിറ്റ് കൂടി ഇത്‌ ഗോൾ ആയോന്ന് ഒന്ന് നോക്കട്ടെ.”

“ഗോളോ പിച്ചും പേയും പറയാതെ എണീറ്റേ ചെക്കാ.”

അല്ലെങ്കിലും ഈ സ്വപ്നം പൂർത്തിയക്കാൻ ഇതുവരേം എന്നെക്കൊണ്ട് പറ്റിട്ടില്ല. ഇനി പറ്റൊന്നും തോന്നണില്ല. ഞാൻ എണീറ്റ് പോയി മുഖം കഴുകി.

“വാവേ ആരോ വിളിക്കുന്നു.”

“നീ എടുക്കെടി.”

ഞാൻ ഫ്രഷ് ആയി വെളിയിലേക്ക് വന്നു. അപ്പോഴേക്കും അവൾ ഫോൺ വച്ചിരുന്നു.

“ആരാടി വിളിച്ചേ??”

“നിന്റെ ആള് തന്നെയാ.”

“എഹ് മായയോ?? എന്താ പറഞ്ഞേ??”

“ഓഹ് എന്താ ആവേശം, നാളെ നമ്മടെ ലൈബ്രറിലോട്ട് ചെല്ലാൻ പറഞ്ഞു.”

“ഏത് ലൈബ്രറി??”

“എടാ പൊട്ടാ നമ്മടെ ബസ്സ് സ്റ്റാന്റിന്റെ അടുത്തുള്ള ലൈബ്രറി.”

“പുതിയതായിട്ട് തുടങ്ങിയതാ??”

“Mm. നീ ജനിക്കും മുൻപ് തുടങ്ങിയതാ. തുടങ്ങിയ സമയത്ത്‌ അത് പുതിയതായിരുന്നു.”

“അല്ലെങ്കിൽ തന്നെ ഈ ലൈബ്രറിയൊക്കെ ആര് ശ്രദ്ധിക്കാൻ??”

“അത് ശെരിയാ. നിന്റെ പ്രായത്തിൽ ഞാൻ ഫുൾ ടൈമും ലൈബ്രറിയിൽ

ആയിരുന്നു അറിയോ. എനിക്ക് വായന എന്ന് പറയണതെ ഭ്രാന്തയിരുന്നു.”

“നി അങ്ങനെന്നെ കൊച്ചക്കണ്ട. ഞാനും വായിക്കുന്നുണ്ട്.”

“ഓഹ് അത് ഞാൻ മറന്നു. ബാലരമ, കളിക്കുടുക്ക, .മിന്നാമിന്നി. ഇതൊക്കെ തന്നല്ലേ??”

“ഒന്നൂടെയുണ്ട്. ബാലഭൂമി.”

“അഹ് സോറി മറന്ന് പോയതാ.”

എന്ത് പറഞ്ഞാലും പട്ടി താറ്റും പരിഹാസവും ആണല്ലോ ഈശ്വരാ.

“വാവേ….”

ഞാൻ മിണ്ടില്ല.

“ടാ വാവേ….”

“അഹ്,”

“നേരത്തെ അമ്മ വന്നിരുന്നു, ചായയും കൊണ്ട്. നീ എണിച്ചിട്ട് മതീന്ന് ഞാൻ പറഞ്ഞു. വാ നമ്മക്ക് അങ്ങോട്ട് പോവാം.”

“എനിക്കൊന്നും വേണ്ട ചായ.”

“നിനക്ക് വേണ്ടെങ്കിൽ വേണ്ട. എനിക്ക് വേണം. എന്നെ അങ്ങോട്ട് കൊണ്ട് പോ.”

അവള് ആജ്ഞാപിച്ചു. ഞാനനുസരിച്ചു. അവളേം കൊണ്ട് താഴേക്ക് ചെന്നു. സോഫായിൽ അച്ഛനും അമ്മയും ഇരിക്കുന്നുണ്ട്. എന്തോ കാര്യയിട്ടുള്ള ചർച്ചയിലാ.

“ചേച്ചി പിടിച്ചിരുന്നോ.”

അവൾക്ക് കാര്യം മനസ്സിലാവുന്നതിന് മുൻപേ തന്നെ ഞാൻ അച്ഛന്റെ മടിയിൽ അവളുടെ തലയും അമ്മയുടെ മടിയിൽ കാലും ആക്കിയിരുന്നു. പെട്ടന്നുള്ള ആ നീക്കത്തിൽ അവളെപ്പോലെ തന്നെ അവരും ഞെട്ടി. ഞെട്ടല് പിന്നെ വാത്സല്യത്തിലേക്ക് വഴി മാറി. അച്ഛൻ അവളുടെ മുടി തടവാനും അമ്മ അവളുടെ കാല് തടവാനും തുടങ്ങി. ഇതൊക്കെ കണ്ട് അവളുടെ കണ്ണ് ചെറുതായി നനഞ്ഞുവോ?? ആവോ അറിയില്ല. ഏതായാലും ചേച്ചി ഹാപ്പി. ഞാനും അടുത്തുള്ള സോഫയിലേക്ക് മറിഞ്ഞു.

“പതുക്കെ ചാടെടാ നീ ചാടി ചാടി അത് തൊട്ടിലും പുള്ളേം ആയി.”

അമ്മ ഇങ്ങനെയാ. ഞാൻ എന്തെങ്കിലും കുരുത്തക്കേട് കാണിച്ച അപ്പൊ പറയും നമ്മള് ആരും കേട്ടിട്ടില്ലാത്ത വാക്കുകള്. ‘തൊട്ടിലും പുള്ളേം’ ഇതൊന്നും ചാമ്പവാന്റെ കാലത്ത് പോലും റിലീസ് ആയിട്ടില്ല.

“ഓഹ്…….”

4 ടിപ്പർ പുച്ഛം വരിയെറിഞ്ഞ് ഞാനങ്ങനെ കിടന്നു. എന്ത് സുഖം. ജോലിക്കും കുലിക്കും പോവാതെ അച്ഛൻ കൊണ്ട് വരുന്ന കാശും ഓസി

സുഖമായിട്ടിരിക്കണം. ആഹാ അന്തസ്സ്.

“ടാ കണ്ണാ….”

“Mm”

“നിന്റെ അച്ഛന്റെ കൂട്ടുകാരൻ രാധാകൃഷ്ണന്റെ വർക്ക്ഷോപ്പിൽ പോണ നീ??”

“ബൈക്ക് വർക്ക്ഷോപ്പ് ആണോ??”

ഞാൻ ആവേശത്തോടെ തിരക്കി.

“അഹ് പോവോ നീ??”

എന്റെ ആവേശം കണ്ട് ഞാനവിടെ പോവോന്ന് വിചാരിച്ച് അമ്മ തിരക്കി.

“അയ്യേ ബൈക്ക് വർഷാപ്പ് ആണാ അതെനിക്ക് ഇഷ്ട്ടല്ല. വെൽഡിങ് വർഷാപ്പ് ആയിരുന്നെ പോവായിരുന്ന്.”

ഇതാണ് ഞാൻ. ജോലി കാര്യം പറഞ്ഞ് കഴിഞ്ഞാൽ ഏത് വിധേനയും അതീന്ന് ഒഴിഞ്ഞ് മാറും. സത്യത്തിൽ മടിയാ പണിക്ക് പോവാൻ.

“നീ പണിക്ക് പോയിട്ട് വേണം അച്ഛന് വിശ്രമിക്കാൻ.”

“എങ്കി പിന്ന അച്ഛൻ വിശ്രമിച്ചത് തന്നെ!”

“നീ നന്നാവില്ലടാ ഒരു കാലത്തും നന്നാവില്ല.”

പിന്നെ ഇതൊക്കെ ഞാൻ ഒരുപാട് കേട്ടിട്ടുള്ളതാ.

“നിങ്ങള് രണ്ടാളും കൂടി എന്റെ വാവയെ കുറ്റപ്പെടുത്തുന്ന എന്തിനാ??”

“ഓഹ് വന്നല്ലോ രണ്ടാനമ്മ.”

“അഹ് ഞാൻ രണ്ടാനമ്മ തന്നെയാ. ഏതായാലും അമ്മെയെക്കാളും അവനിഷ്ടം എന്നെ തന്നെയാ.”

അതും പറഞ്ഞ് അവളൊന്ന് തലയുയർത്തി കിടന്നു..

“Mm നീയാ ഈ കാളയെ ഇങ്ങനെ വശളാക്കുന്നെ.”

“എന്നാ അമ്മേം അച്ഛനും എന്റെ ചെവീ നുള്ളിക്കോ. ഇവൻ നാളെ തൊട്ട് നിങ്ങളൊക്കെ വിചാരിക്കുന്നതിലും ഉയരത്തിൽ എത്തിയിരിക്കും. നാളെ മുതൽ ഇവൻ വെറും കണ്ണനല്ല. ഗാനഗന്ധർവ്വൻ കാളിദാസ് ആഹ്.”

ഇവളിത് എന്ത് കണ്ടിട്ടാണ് ഈ തള്ളണത്?? അവസാനത്തെ മാസ്സ് ഡയലോഗ് കൂടെയായപ്പോ വയറും പൊത്തി ചിരിക്കുന്ന രണ്ട് പേരെയാണ് ഞാനും പിന്നെ ഇത്രക്ക് തള്ളി കേറ്റിയ എന്റെ പുന്നാര പെങ്ങളും കാണണത്.

“നിങ്ങള് രണ്ടാളും എന്തോത്തിനാ ഇങ്ങനെ കിണിക്കണെ??”

അവള് അവരോട് ചോദിച്ചു.

“നിങ്ങടെ രണ്ടുപേരുടേം കല്യാണം കണ്ടിട്ട് വേണം ഞങ്ങൾക്ക് സ്വസ്തമായിട്ട് ഒന്ന് മരിക്കാൻ. അതാ ഞങ്ങടെ ആഗ്രഹം. അതിന് മുന്നേ ഈ ഗാനഗന്ധർവ്വൻ ഞങ്ങളെ ചിരിപ്പിച്ച് കൊല്ലൊടി??”

അത്രയും പറഞ്ഞ് അമ്മ എന്നെ നോക്കി വീണ്ടും പൊട്ടിച്ചിരിച്ചു. അപ്പോഴും അമ്മ എന്താ പറഞ്ഞത് എന്ന് മുഴുവനായും എനിക്ക് മനസ്സിലായില്ല.

“വാവേ വാടാ ഇവരിപ്പൊ ചിരിക്കും. പക്ഷെ നാളെ നിനക്ക് വേണ്ടി

കൈയടിക്കും.”

“അതേ ഗാനഗന്ധർവ്വാ ചായ കുടിച്ചിട്ട് പോവാം.”

അവളേം എടുത്ത് റൂമിലേക്ക് പോകാനൊരുങ്ങിയ എന്നോടമ്മ പറഞ്ഞു. സത്യം പറഞ്ഞാൽ ഇങ്ങോട്ട് വന്നതെ ചായ കുടിക്കാനാ.

“ഞങ്ങൾക്ക് വേണ്ട.”

എടുത്തടിച്ചത് പോലെ അവള് മറുപടി കൊടുത്തു.

“എന്താ വാവേ??”

എന്നിട്ടും അവിടെ നിക്കുന്ന കണ്ട അവളെന്നോട് ചോദിച്ചു.

“മ്ച്യൂ”

ഒന്നും ഇല്ലാന്ന് ചുമൽക്കൂച്ചി ഞാൻ അവളേം കൊണ്ട് റൂമിലേക്ക് പോയി. അപ്പോഴും ചെറുതായി അവരുടെ ചിരിയെനിക്ക് കേക്കമായിരുന്നു. ബെണ്ടിൽ അവളെ കൊണ്ട് കിടത്തുമ്പോഴും എന്റെ ചിന്ത നാളത്തെ കുറിച്ചായിരുന്നു.

“നീ പിന്നും അത് തന്നെ ആലോചിക്കാണ്ട് വേറെ വല്ലതും നോക്ക് ചെക്കാ.”

എന്റെ മനസ്സ് അതേ പടി വായിച്ച് അവൾ പറഞ്ഞു.

“എന്നാലും എനിക്കെന്തോ പേടിപ്പോലെ.”

“അതിന് നാളെ തന്നെ നിന്നെ സ്റ്റേജിൽ കേറ്റി പടിക്കത്തൊന്നും ഇല്ല. അവൾടെ ഫ്രണ്ട്സിനെ just പരിചയപ്പെയപ്പെടുന്നു. തിരിച്ച് പോരുന്നു.”

“അവളെ ഫ്രണ്ട്സിനെ പരിചയപ്പെടുത്താൻ ആണെന്ന് അവള് പറഞ്ഞോ??”

“അഹ്.”

“പിന്ന കൊഴപ്പോല്ല.”

അത് കേട്ടപ്പോ ഒരു ആശ്വാസം തോന്നി. പിന്നെ രാത്രിലത്തെ ഫുഡും കഴിച്ച് good night ഉം പറഞ്ഞ് ഒരുമ്മേം കൊടുത്ത് ഞാൻ എന്റെ റൂമിലേക്കും പോയി. തിരിഞ്ഞും മറിഞ്ഞും കിടന്നിട്ടും നിദ്രദേവിക്ക് ഒരുലോഡ് പുച്ഛം മാത്രം. ഉച്ചക്ക് ഒരുപാട് കിടന്ന് ഉറങ്ങി അതായിരിക്കും കാരണം. അൽസമയം നേരെയും ചരിഞ്ഞും കിടന്നു. അവസാനം പുച്ഛം മാറ്റി വച്ച് നിദ്രദേവി എന്നെ അനുഗ്രഹിച്ചു. നല്ലൊരു സ്വപ്നം ഞാനെന്റെ കൈക്കുള്ളിൽ ആക്കി. ഷൈജു ഏട്ടന്റെയും ജോപ്പോൾ ഏട്ടന്റെയും കമന്ററി. ചുറ്റും കൈയടികളോടെ മഞ്ഞപ്പട. ചുറ്റിനും എന്നിൽ പ്രതീക്ഷ വച്ചിരിക്കുന്ന എന്റെ ടീംസ്. റെഫറിയുടെ വിസിലിന്റെ ശബ്‌ദം എന്റെ കാതിലേക്ക് നുഴഞ്ഞു കേറി.

എന്റെ കഴുകൻ കണ്ണുകൾ ഞാൻ ഗോൾ പോസ്റ്റിൽ ലക്ഷ്യം വയ്പ്പിച്ചു. ശ്വാസം ഒന്നാഞ്ഞു വലിച്ചു. എന്റെ കാലിലെ മസ്സിൽസും എന്റെ കണ്ണിലെ തിക്ഷ്ണതയും ഗോവയുടെ ഗോൾ

കീപ്പർ ധീരജ് സിങിനെ അടിമുടി വിറപ്പിച്ചു.

“കണ്ണൻ………….”

അങ്ങ് കമന്ററി ബോക്സിൽ ഇരിക്കുന്ന ഷൈജു ഏട്ടന്റെ തൊണ്ട കിറിയുള്ള അലർച്ച ഇങ്ങ് സ്റ്റേഡിയത്തിൽ കളിക്കുന്ന എന്നെപ്പോലും ഞെട്ടിച്ചു. ഇനിയൊട്ടും സമയം പാഴക്കാനില്ല. ഞാൻ ഗോൾ പോസ്റ്റിന്റെ വലത് വശത്ത് എന്റെ ഇടത് കാലുകൊണ്ട് ഒരു ബുള്ളറ്റ് ഷോട്ട്. ധീരജ് മുൻകൂട്ടി കണ്ടത് പോലെ വലത്

വശത്തേക്ക് തന്നെ ചാടി. എന്റെ കണ്ണുകളിൽ ബോളും ധീരജിന്റെ കൈകളും. അപ്പോഴാണ് സ്റ്റേഡിയം ഒട്ടാകെ എന്റെ ഫോണിലെ ring tune കേക്കാൻ തുടങ്ങിയത്. പെട്ടന്ന് ഞാൻ കണ്ണ് തുറന്നു.

എന്റെ ഈശ്വരാ എന്തിനാ എന്നെ ഇങ്ങനെ പരീക്ഷിക്കണേ?? ഏത് അലവലാതിയാടാ ഈ നേരത്ത്?? എന്റെ സ്വപ്നത്തെ ഇല്ലാതാക്കിയത് ആരായാലും ഇന്ന് രണ്ട് പറഞ്ഞിട്ടേ ബാക്കി കാര്യവുള്ളൂ.

“ഹലോ….”

ദേഷ്യം കൊണ്ട് വിറച്ചാണ് ഞാൻ ഫോൺ എടുത്തത്.

“ഹാലോ കണ്ണാ ഞാൻ മായയാ.”

സബാഷ്. ഒരു നിമിഷം ഞാൻ എന്നെ തന്നെ തലേ കൈവച്ച് ശപിച്ചു.

“ഹലോ കണ്ണാ ഹലോ….”

മറുവശത്ത് നിന്ന് അവളുടെ മൃദുലമായ ശബ്‌ദം കേൾക്കുന്നുണ്ടെങ്കിൽ പോലും എനിക്ക് ഒന്നും മറുപടി കൊടുക്കാൻ സാധിച്ചില്ല.

“കണ്ണാ ഹലോ…”

“അഹ് മായ ഒന്ന് ഹോൾഡ് ചെയ്യണേ.”

അവസാനം ഞാൻ സൗമ്യമായി പറഞ്ഞു. അവൾടെ മറുപടിക്ക് കാത്തുനിക്കാതെ ഞാൻ ഫോൺ ബെണ്ടിൽ വച്ച് എന്റെ തലക്കിട്ട് കൊട്ടാൻ തുടങ്ങി. എന്റെ രണ്ട് കവിളിലും മാറി മാറി അടിച്ചു.

വൃത്തിക്കെട്ടവൻ, കച്ചറ, പട്ടി, തെണ്ടി ഒരു പെണ്ണിനോട് അതും നീ ഇഷ്ട്ടപ്പെടുന്ന പെണ്ണിനോട് എങ്ങനെ തോന്നിടാ ഇങ്ങനെ ദേഷ്യപ്പെടാൻ?? തുഫ്‌!

ഇതെല്ലാം എന്റെ മനസ്സിനോട് ഞാൻ തന്നെ ചോദിച്ചതാ. ഇനിയും ഫോൺ എടുത്തില്ലേ അവള് വച്ചിട്ട് പോവോന്ന് പേടിച്ച് ഞാൻ ഫോൺ എടുത്തു.

“ഹലോ മായ…”

“അഹ് കണ്ണാ ഞാൻ വിളിച്ച് ബുദ്ധിമുട്ട് ഉണ്ടാക്കിയോ??”

“ഏയ്യ്‌ മായ എന്താ ഇങ്ങനൊക്കെ പറയുന്നേ?? എനിക്കെന്ത് ബുദ്ധിമുട്ട്??”

“ഉറങ്ങുവായിരുന്നോ??”

“അഹ് ചെറുതായിട്ട്! എങ്ങനെ മനസ്സിലായി??”

“അത് ആദ്യം ഹലോ പറഞ്ഞപ്പോളേ മനസ്സിലായി.”

“സോറി മായാ. പെട്ടന്ന് ഉറക്കം പോയ വിഷമത്തില്., ഞാനാണെങ്കിൽ നമ്പറും സേവ് ചെയ്ത് ഇട്ടിട്ടില്ല.”

“ഏയ്യ് അതൊന്നും സാരല്ല. ശെരിക്കും സോറി പറയെണ്ടത് ഞാനാ. സമയോം കാലോം നോക്കാതെ വിളിച്ചതിന്!”

“അതിന് മണി 10 അല്ലെ ആയുള്ളൂ!”

“ഞാൻ കിടക്കുമ്പോ 11 മണിയൊക്കെ കഴിയും. ഞാൻ വിചാരിച്ചു കണ്ണൻ കിടന്ന് കാണില്ലെന്ന്.”

“ചിലപ്പോളൊക്കെ ഞാനും ഏതാണ്ട് 11, 12 മണി കഴിഞ്ഞാ കിടക്കുവാ. അതുവരെ സിനിമ വല്ലതും കാണും.”

“Mm. കണ്ണനോട് സംസാരിച്ച സമയം പോവുന്നതെ അറിയില്ല.”

Ya ya ya vooooooooo അത് കേട്ടപ്പോ എന്റെ മനസ്സ് സന്തോഷം കൊണ്ട് അപ്പറത്തെ കുട്ടപ്പൻ മാമന്റെ പണ വഴിയൊടി.

“അഹ് പിന്നെ കണ്ണാ ഞാൻ വിളിച്ചത് നാളത്തെ കാര്യം പറയാനാ. വൈകിട്ട് വിളിച്ചപ്പോ ചേച്ചിയാ എടുത്തെ.”

“അഹ് അവള് പറഞ്ഞിരുന്നു. ഞാൻ എപ്പളാ വരണ്ടേ??”

“Oru 10, 10.30 ആവുമ്പോ ലൈബ്രറിയിൽ വന്ന മതി.”

“അഹ്. വേറെ കുഴപ്പൊന്നും ഇല്ലല്ലോ അല്ലെ??”

“എന്ത് കുഴപ്പം?? Just എന്റെ ഫ്രണ്ട്സിനെ ഒക്കെ പരിചയപ്പെടുത്തണം. പിന്നെ ചേച്ചി പറഞ്ഞു കണ്ണന് കുറെയേറെ പാട്ട് കാണാണ്ട് അറിയാന്ന്. അതില് ഏതേലും ഒരെണ്ണം പാടി അവരെ imbress ചെയ്യിക്കണം. അത്രേയുള്ളൂ.”

ഞാനിവള്ടെ അനിയൻ തന്നല്ലേ?? എന്നിട്ടും അവസരം കിട്ടുമ്പോളൊക്കെ ഇവള് എനിക്കിട്ട് പണിയുവണല്ലോ ഈശ്വരാ.

“അപ്പൊ ശെരി കണ്ണാ നാളെ രാവിലെ ഇറങ്ങും മുന്നേ എന്നെയൊന്ന് വിളിക്കണേ.”

“Mm”

“അപ്പൊ good night.”

“Good night.”

അവള് ഫോൺ വച്ചു. എന്റെ ഫോണിൽ ഞാൻ record എപ്പളും on ആക്കി ഇടും അതിപ്പോ ഉപകാരമായി. ഞാനവളുടെ voice കേട്ടോണ്ടിരുന്നു. ഇടക്കിടക്ക് ഫോണിൽ അവളുടെ നമ്പർ നോക്കി ഉമ്മ വാക്കാനും. ഓരോരോ വട്ടുകളെ. പിന്നെ നമ്പർ സേവ് ചെയ്തു. മായയെന്നൊന്നും അടിക്കാൻ പോയില്ല. ഒരു love ചിഹ്നത്തിൽ ഒതുക്കി. മായയെ ഓർത്തോർത്ത് ഞാനെന്റെ കണ്ണുകൾക്ക് ഷട്ടർ ഇട്ടു.

എന്തോ ഇന്ന് അവളെ കാണാൻ പോവുന്നത് കൊണ്ടാവണം, അമ്മ വിളിക്കാണ്ട് തന്നെ നേരത്തെ എഴുന്നേറ്റു. മടിച്ച് മടിച്ചാണെങ്കിലും കുളിച്ചു. രാവിലെ കുളി പതിവില്ല. എന്നിരുന്നാലും കുളിച്ചു. ഒരു സ്ക്രാച്ച് പെന്റും അതിന് യോജിച്ച ജീൻസ്‌ ഷർട്ടും എടുത്തിട്ടു. മുഖത്ത് ക്രീമും പൗഡറും ഒന്നും ഇടാൻ നിന്നില്ല. ഞാൻ എപ്പളും പറയുമ്പോലെ സുന്ദരനെന്തിനാ പൊട്ട്?? പൗഡർ ഒന്നും ഇട്ടില്ലേലും ഞാൻ സുന്ദരൻ ആണെന്ന് ചേച്ചി എപ്പളും പറയും. അത് തന്നെ എനിക്ക് വല്യ അംഗീകരം ആണ്. കണ്ണാടിയിൽ നോക്കി ഒന്നൂടെ തൃപ്തി വരുത്തി. നേരെ ചേച്ചീടെ റൂമിലേക്ക്.

“ആഹാ ഇന്ന് നേരത്തെ എഴുന്നേറ്റ് സുന്ദരകുട്ടപ്പൻ ആയല്ലോ.??”

എന്നെ കണ്ടപാടെ അവള് ഒരു കളിയാക്കൽ ട്യൂണിൽ ചോദിച്ചു.

“ഇന്ന് അവളെ കാണാൻ പോവേണ്ടതല്ലേ??”

ഞാനൊരു ചിരിയോടെ പറഞ്ഞു.

“Mm mm”

അവളാക്കി മൂളി.

“അല്ല നീയും നേരത്തെയാണല്ലോ??”

സാധാരണ ഞാനും അവളും 10 മണി കഴിഞ്ഞാലേ എഴുന്നേക്കു. മായയെ കാണാനുള്ള ആക്രാന്തത്തിൽ ഞാൻ നേരത്തെ എഴുന്നേറ്റു. പക്ഷെ ഇവള്??

“അഹ് അതെനിക്ക് അറിയായിരുന്നു. നീ ഇന്ന് ഉറങ്ങാണ്ട് നേരം വെളിപ്പിക്കൂന്ന്. നീ രാവിലെ എണിച്ച് വരുമ്പോ ഞാനും എണിച്ചിരുന്ന അത് നിനക്ക് എളുപ്പം ആവൂലോ?? അതുകൊണ്ട് ഇന്നലേ അലാറം വച്ചിട്ടാ കിടന്നെ.”

അവള് പറഞ്ഞത് ശെരിക്കും അങ്ങോട്ട് മനസ്സിലായില്ല. പക്ഷെ ആ പറഞ്ഞതിന്റെ അർത്ഥം നന്നായി മനസ്സിലായി. എന്റെ മനസ്സറിഞ്ഞ് എന്നെ എങ്ങനെ സ്നേഹിക്കുന്ന ചേച്ചിയെ കിട്ടിയത് എന്റെ ഏറ്റവും വല്യ ഭാഗ്യമാ. പിന്നെ ഇടക്കിടക്ക് ചെറുതായി ഓരോ പണിയും തരും.

“ഇന്നലെ മായാ വിളിച്ചപ്പോ നീ വേറെ എന്തേലും പറഞ്ഞോ??”

ഞാനവൾടെ മുഖത്ത് നോക്കി ചോദിച്ചു.

“ഞാനൊന്നും പറഞ്ഞില്ല.”

അവളെങ്ങോട്ടോ നോക്കി മറുപടി പറഞ്ഞു.

“എടി കള്ളി സത്യം പറ, നീ പറഞ്ഞില്ലേ അവന് എല്ലാ പാട്ടും കാണാണ്ട് അറിയാന്ന്!”

“എല്ലാ പാട്ടും എന്ന് പറഞ്ഞില്ല, ചില പാട്ടൊക്കെ എന്നേ പറഞ്ഞുളൂ.”

അത് പറയുമ്പോ അവൾടെ മുഖത്ത് ഒരു കള്ളച്ചിരി വ്യക്തമായിരുന്നു.

“ഇങ്ങനെ പണി തരരുത്!”

“എന്റെ വാവേ നിനക്കൊരു പാട്ട് പാടുന്നതിൽ ഇപ്പൊ എന്താ കുഴപ്പം??”

“എനിക്ക് പേടിയാ!”

“അയ്യട ഒരു പേടി. നീ നന്നായി പാടൂന്ന് എനിക്കറിയാം. അത് ഞാൻ മാത്രം അറിഞ്ഞാൽ പോരല്ലോ. മായയും അവൾടെ ഫ്രണ്ട്സും ഒക്കെ അറിയട്ടെ. നീ അതും ഇതും പറയാതെ എന്നെ ബാത്റൂമിൽ കൊണ്ട് പോ.”

പിന്നെ ഞാനും കൂടുതലൊന്നും പറയാൻ പോയില്ല. നേരെ ക്ലോസെറ്റിൽ കൊണ്ടിരുത്തി മുഖം കഴുകി ബ്രഷില് പേസ്റ്റ് തേച്ച് കൊടുത്തു. 10 മിനിറ്റ് വരെ ഒരേ തേപ്പയിരുന്നു. ഇങ്ങനെ തേച്ച പല്ല് തേയും ബ്രഷിന്റെ. പിന്നെ അവിടുന്ന് പൊക്കി നേരെ താഴേക്ക്. നേരത്തെ എഴുന്നേറ്റ് വരുന്ന മക്കളെ കണ്ട് അമ്മേടേം അച്ഛന്റേം മുഖം കാണണോയിരുന്ന്. ഞെട്ടലാണോ അത്ഭുതമാണോ സന്തോഷമാണോ എന്താണോ ആവോ??

“ആഹാ രണ്ടും നേരത്തെ ആണല്ലോ?? രാമേട്ടാ പുറത്തോട്ട് ഒന്നിറങ്ങി നോക്കിയേ, കാക്ക എങ്ങാനും മലന്ന് പറക്കണുണ്ടോന്ന് അറിയാലോ??”

മാതസ്ത്രിയുടെ സ്ഥിരം കളിയാക്കൽ!

“നീയൊന്ന് പോയേ യശു. എന്താ മക്കളെ എവിടേലും പോവുന്നുണ്ടോ??”

അല്ലേലും അച്ഛൻ ഇങ്ങനെയാ. അമ്മ ഞങ്ങളെ കളിയാക്കിയാൽ അച്ഛനത് സഹിക്കുലാ. ഈ അമ്മയെ പേര് ചുരുക്കി യശുന്നാ അച്ഛൻ വിളിക്കണേ. പക്ഷെ ചില സമയങ്ങളില് യേശു മാറി യൂദാസ് ആവൂന്നുണ്ട്.

“അഹ് പോവുന്നുണ്ട്. ഞങ്ങൾ അല്ല ഇവൻ മാത്രം.”

എന്റെ കൈക്കുള്ളിൽ കിടന്ന ചേച്ചി അശരീരി പോലെ പറഞ്ഞു. ഞാനവളെ സോഫായിലേക്ക് ഇരുത്തി.

“നീ എങ്ങോട്ടാ കണ്ണാ??”

അച്ഛൻ ചോദിച്ചു.

“ഒരാളെ കാണാനുണ്ട്. ഇന്നലെ ഇവള് പറഞ്ഞപ്പോലെ ചിലപ്പോ ഞാനും ഒരു പാട്ട്ക്കാരൻ ആയാലോ??”

കുറച്ച് ഗമയിൽ ഞാൻ പറഞ്ഞു.

“അപ്പൊ ഇന്നലെ വെറുതെ പറഞ്ഞതല്ലേ ഇവള്??”

“അല്ല. ഈ ലക്ഷ്മി അങ്ങനെ ഒന്നും വെറുതെ പറയാറില്ല.”

“എന്നാലും മോനെ നീ പാടാൻ പോവാന്ന് വച്ച?? അതും പാട്ട് പോലും പടിച്ചിട്ടില്ലാത്ത നീ??”

അമ്മ എന്നെ തളർത്തിയിരുത്തി.

“ദേ അമ്മേ വെറുതെ ഓരോന്ന് പറയല്ലേ. എന്റെ വാവ നന്നായിട്ട് പാടും. അതെനിക്കുറപ്പാ. വാവേ നീ അമ്മ പറയണ കേട്ട് അതാലോചിച്ചോണ്ട് നിക്കണ്ട. വെറുതെ എന്റെ കൊച്ചിന്റെ ധൈര്യം കളയാനായിട്ട്!”

എന്നോടും അമ്മയോടുമായി ചേച്ചിയത് പറയുമ്പോ തളർന്നിരുന്ന എനിക്ക് അത് വലിയൊരു ആശ്വാസമായി. പിന്നെയൊരുമിച്ചിരുന്ന് ആഹാരം കഴിച്ചു. അമ്മ പതിവ് തെറ്റിച്ചില്ല, ഇന്നും പുട്ടും കടലേം. കഴിക്കുമ്പോഴും ഇത് തന്നെയായിരുന്നു സംസാരവിഷയം. അമ്മ ഓരോന്ന് പറഞ്ഞ് ഇതിൽ നിന്നും എന്നെ പിൻന്തിരിപ്പിക്കാൻ നോക്കുമ്പോ എന്റെ രണ്ടാനമ്മ എനിക്ക് കൂടുതൽ ആത്മവിശ്വാസം നൽകുന്നു. ഇതിനിടയിൽ എപ്പഴോ ഉള്ളിൽ പതിഞ്ഞുപ്പോയ ഒരു കാര്യമായിരുന്നു എനിക്ക് നല്ലൊരു പാട്ട്ക്കാരൻ ആവണം എന്നുള്ളത്. പാട്ട് പടിച്ചിട്ടില്ലാത്ത എത്രയോ പേർ പാട്ട് പടിച്ചിട്ടുള്ളവരെക്കാൾ നന്നായ് പാടുന്നുണ്ട്. എന്നാ പിന്നെ എനിക്കെന്തേ പടിക്കൂടാ??

“എന്താ വാവേ ആലോചിക്കുന്നെ??”

“ഒന്നൂല്ല.”

കഴിച്ച് കഴിഞ്ഞ് കുറച്ച് നേരം കൂടി അവിടേം ഇവിടേം ഒക്കെ ചുറ്റി പറ്റി നിന്നു. പിന്നീട് എല്ലാരോടും യാത്രയും പറഞ്ഞ് പുറത്തേക്കിറങ്ങി. സൈക്കിള് എടുക്കാൻ ഷെണ്ടിൽ പോയി നോക്കിയപ്പോളാ അന്നത്തെ കാര്യം ഓർമ വന്നേ. സൈക്കിള് ഗോകുല് ചേട്ടന്റെ വീട്ടിൽ ഇരിക്കുവാണല്ലോ. പിന്നെ അച്ഛനെ സോപ്പിട്ട് അച്ഛന്റെ വണ്ടിയിൽ കേറി കൂടി. Main road കടന്നതും ഞാനെന്റെ love വിന്റെ നമ്പർ dial ചെയ്തു. എന്തോ എന്റെ call കാത്ത് നിന്നപ്പോലെ ഒറ്റ റിങിൽ തന്നെ അവൾ ഫോണെടുത്തു.

“ഹലോ ഇറങ്ങിയോ കണ്ണാ??”

“ദേ ഇപ്പൊ ഇറങ്ങിയെയുള്ളൂ.”

“അഹ് ശെരി. ഞാനും ഇറങ്ങുവാ. അവിടെത്തിട്ട് കാണാം.”

“Ok”

ഞാൻ ഫോൺ cut ചെയ്തു.

“അച്ഛനിന്ന് ഓട്ടം ഉണ്ടോ??”

“അഹ് ഒരു ട്രിപ്പ് ഉണ്ട്. ഒന്ന് രണ്ട് അമ്പലങ്ങളിൽ. എന്തേ??”

“ഇപ്പളാ??”

“Night അഹ്.”

“രാത്രി ആരെങ്കിലും അമ്പലത്തിൽ പോവോ??”

“എടാ മണ്ട ഇത് ഇവിടെ എങ്ങും ഉള്ള അമ്പലം അല്ല. ഇന്ന് രാത്രി ഇവിടുന്ന് തിരിച്ച നാളെ വെളുക്ക വെളുക്ക അവിടെയെത്തും.”

“അഹ് അങ്ങനെ പറ.”

“അല്ല എന്താ ഇപ്പൊ ഒരു കാര്യം അന്വേഷിക്കല്??”

“അല്ല, എന്തായാലും 18 വയസ്സ് ഒക്കെ കഴിഞ്ഞല്ലോ??”

“അത് കഴിയും. എന്നും 5 വയസ്സിൽ തന്നെ നിക്കുലല്ലോ. അടുത്ത വർഷം 19 ആവും പിന്നെ 20 ആവും.”

“അതല്ല അച്ഛാ. ഇനിയൊരു 3 മാസം കൂടി കഴിഞ്ഞ എനിക്ക് 19 വയസ്സാവൂല്ലോ!”

“അതിന്??”

“എനിക്കൊരു ബൈക്ക്!”

“ഓഹ് അതാണ് കാര്യം.”

“Mm”

“ആദ്യം മോൻ licence എട്ക്ക്. എന്നിട്ട് നമ്മക്ക് ആലോചിക്കാം.”

“Licence എടുക്കാനുള്ള പൈസ??”

“സംഘടിപ്പിക്കാം., ആട്ടെ ഏത് ബൈക്കാ വേണ്ടേ??”

“Duke.”

“ഡ്യൂക്കോ അതേത്.??”

“അന്ന് എനിക്ക് പനി പിടിച്ച് കെടന്നപ്പോ നമ്മള് സൂര്യടെ ഒരു സിനിമ കണ്ടില്ലേ?? അതില് സൂര്യ ഓടിക്കണ ഒരു ബൈക്ക് ഉണ്ടല്ലോ?? ബിൾണ്ടിങ്കിന്റെ മണ്ടെന്ന് എടുത്ത് ചാടണ.”

“പൊക്കോണം. ഒരു duke. കാലന്റെ വണ്ടിയാ അത്. അച്ഛൻ ബജാജിന്റെ നല്ലൊരു വണ്ടി മക്കക്ക് വേടിച്ച് തരാം.”

“ബജാജ് ആണേ NS വേണം. അതിലിനി ഒരു മറ്റോം ഇല്ല.”

“ഏത്‌ അപ്പറത്തെ ശിവന്റെ മോന്റെ ഇരിക്കണ വണ്ടിയോ??”

“അഹ് അത് തന്നെ.”

“അച്ഛൻ കുറച്ച് പൈസ മാറ്റി വച്ചിട്ടുണ്ട്. അടുത്ത മാസത്തെ ചിട്ടി കൂടെ കിട്ടുവാണേ നമ്മക്ക് ലോണിനൊരു വണ്ടി എറക്കം.”

“എന്റെ പൊന്ന് അച്ഛാ ഉമ്മ.”

“മതി മതി. സോപ്പിട്ടത്. നിന്നെ എവിടെയാ ഇറക്കണ്ടേ??”

“ലൈബ്രറി.”

“എന്നാ മോൻ ഇവിടെ ഇറങ്ങിക്കോ. ദേ ആ കാണുന്നതാ ലൈബ്രറി. എനിക്ക് വേറൊരാളെ കാണാനുണ്ട്.”

അച്ഛൻ വണ്ടി സൈഡ് ഒതുക്കി. ഞാനിറങ്ങി.

“ഇറങ്ങുമ്പോ അച്ഛനെ വിളിച്ച മതി.”

“അഹ്.”

അച്ഛൻ വണ്ടി തിരിച്ച് വേറൊരു റോഡിലേക്ക് കേറി. എന്ത് പാവ എന്റെ അച്ഛൻ. മനസ്സിലുള്ളത് വാങ്ങിച്ച് തരൂന്ന് ഉറപ്പില്ലാഞ്ഞിട്ടും ചോദിച്ചു. പക്ഷെ ഇത്രപെട്ടന്ന് എനിക്ക് വണ്ടി വാങ്ങി തരൂന്ന് സ്വപ്നത്തിൽ പോലും ഞാൻ വിചാരിച്ചില്ല. ഇപ്പൊ മനസ്സിന് വല്ലാത്ത സന്തോഷം. നേരെ ലൈബ്രറിയിലേക്ക് നടന്നു. ഇവിടെ ജനിച്ച് വളർന്നവനാ ഞാൻ. ആ എനിക്ക് ഇവിടുള്ള ഒരു ലൈബ്രറി അറിയില്ല. അല്ലെങ്കിൽ തന്നെ ഇതൊക്കെ ആര് ശ്രദ്ധിക്കുന്നു?? ചേച്ചി പറഞ്ഞത് പോലെ എനിക്ക് വായിക്കാൻ ഇഷ്ട്ടേ അല്ല. ലൈബ്രറിയുടെ മുന്നിൽ എത്തിയപ്പോ തന്നെ അവിടെയൊരു കിളവനെ കണ്ടു. അങ്ങേര് എന്നെ ഒരേ നോട്ടം.

“അതേ membership ഉണ്ടോ??”

ഞാൻ അങ്ങേരെ might ചെയ്യാതെ അകത്തേക്ക് കേറി പോവാൻ ഒരുങ്ങിയതും അങ്ങേര് തന്നെ ഇങ്ങോട്ട് ചോദിച്ചു. membership അതും എന്നോട്! ഈ ലൈബ്രറിയെ ആദ്യയിട്ടാ കാണണേ.

“വാഹിദേട്ടാ അതെന്റെ ഫ്രണ്ടാ.”

അകത്തുനിന്നും അവളുടെ ശബ്‌ദം. ഞാനങ്ങോട്ടേക്ക് നോക്കി. ഞാൻ കണ്ടിട്ടുള്ള ദിവസങ്ങളിൽ എല്ലാം അവൾ ചുരിദാർ ആയിരുന്നു ഇട്ടിരുന്നത്. പക്ഷെ ഇന്ന് ഒരു moden look ലാ പെണ്ണ്. ചുവന്ന ചെക്കിന്റെ ഷർട്ടും ഒരു ജീൻസ്‌പാന്റും. എന്നും നന്നായി കെട്ടി വാക്കാറുള്ള മുടി ഇന്ന് അലങ്കോലമായി പിരുത്തിട്ടിരിക്കുന്നു. പഴയ ആ അശ്വര്യം മുഖത്ത് നിന്ന് പാടെ പോയിരിക്കുന്നു. എന്തായാലും ഈ look അവൾക്ക് ചേരുന്നില്ല.

“ആഹാ മായടാ കൂട്ടുക്കാരൻ ആണോ എന്നാ അത് ആദ്യമേ പറയണ്ടേ??”

ആ കിളവൻ എന്നെ നോക്കി ചിരിച്ചുകൊണ്ട് പറഞ്ഞു. എന്തോ ഇങ്ങേരെ കാണകാണ വെച്ചിടിച്ച് കൊടുക്കാൻ തോന്നുന്നു.

“വാ കണ്ണാ”

ഞാൻ പിന്നെ അവിടെ നിന്നില്ല. മായയോടൊപ്പം അകത്തേക്ക് ചെന്നു. വലിയൊരു ഹാൾ. അവിടെ മൊത്തം ബുക്ക്‌സ് വച്ചേക്കുന്ന ഷെൽഫുകൾ. ഞാൻ അതെല്ലാം കൗതുകത്തോടെയാണ് നോക്കിയത്. കാരണം ആദ്യയിട്ടാ ഇങ്ങനൊരു അനുഭവം.

“കണ്ണൻ ബുക്ക് ഒക്കെ വായിക്കാറുണ്ടോ??”

“അഹ് പിന്നെ.”

നുണ പറഞ്ഞ് ശീലമില്ല. പക്ഷെ എന്ത് ചെയ്യാം?? പറയാണ്ട് വേറെ വഴിയില്ല.

“കണ്ണാ കുറച്ച് സമയം ഒന്ന് wait ചെയ്യണേ. ഒന്ന് രണ്ട് ബുക്കുകള് എടുക്കാനുണ്ട്.”

“അഹ്.”

“ടെൻഷൻ ഉണ്ടോ കണ്ണാ??”

“ഇല്ലാതില്ല.”

അവൾ ചിരിച്ചു.

“ടെൻഷൻ ആവണ്ട കാര്യം ഒന്നുമില്ല. എനിക്കൊരു നാല് ഫ്രണ്ട്സ് ഉണ്ട്. ആതിര, ആവണി, അനൂപ്, റംസാൻ. ആതിര വയലിൻ, ആവണി പിയാനോ, അനൂപ് ട്രംസ്, പിന്നെ റംസാൻ ഗിറ്റാർ. ഞങ്ങൾക്ക് പ്രോഗ്രാം ഉള്ളപ്പോളൊക്കെ വേറെയും രണ്ട് മൂന്ന് പേര് വരും. അവരെയൊക്കെ വഴിയേ പരിചയപ്പെടാം. ഇവരെല്ലാം എന്റെ facebook ഫ്രണ്ട്‌സാ. ഇവര് പലരും പല സ്ഥലങ്ങളിൽ നിന്നും വരുന്നവരാ. പ്രോഗ്രാം ഉള്ളപ്പോ ഞാനവരെ വിളിക്കും. രണ്ട് ദിവസം മുന്നേ അവരിങ്ങേത്തും. ഇതിനുമുന്നേ male voice പാടിയിരുന്നത് അരുണെന്ന ഒരാളായിരുന്നു. കാണാൻ പഞ്ചപാവം. പക്ഷെ കൈയിലിരുപ്പ് ചെറ്റത്തരം. ഒരു കാട്ടുകോഴി. ഞങ്ങള് പെണ്ണുങ്ങളുടെ പുറകെ എപ്പളും ഒലിപ്പിച്ചോണ്ട് നടക്കും. അവസാനം റംസാനും അനൂപും കൂടെ അടികൊടുത്ത് പറഞ്ഞയച്ചു. പിന്നീട് ഒരുപാട് male singer മാരെ കൊണ്ട് വന്നു. പക്ഷെ ഈ അരുണും പിന്നെ അവന്റെ കുറെ കൂട്ടുകാരും കൊണ്ട്വരുന്നവന്മാരെ എല്ലാം ഭീക്ഷണിപ്പെടുത്തി പറഞ്ഞയച്ചു.”

“അല്ല ഈ അനൂപും റംസാനും ഉണ്ടായിട്ടും അരുണിന്റെ വിളച്ചില് മാറ്റാൻ പറ്റിയില്ലേ??”

“അരുണിനെ പേടിക്കണ്ട ആവശ്യം ഇല്ല. പക്ഷെ അവന്റെ കൂട്ടുകാര് അവരെ ഞങ്ങൾക്ക് എല്ലാവർക്കും പേടിയാ. കള്ളും കഞ്ചാവും ആയി നടക്കുന്നവരാ.”

ഇതിപ്പോ റൊമാന്റിക് മാറി ആക്ഷൻ ആവുവാണല്ലോ. ഏതായാലും നന്നായി. കൈയൊക്കെ ഒന്നാനങ്ങിയിട്ട് കുറെ കാലമായി.

“കണ്ണനെന്താ അലോചിക്കുന്നെ??”

“ഏയ് അപ്പോ അവരുടെ അടുത്ത ഇര ഞാനാണല്ലേ??”

ഞാനൊരു ചിരിയോട് കൂടി ചോദിച്ചു. അവളും ഒന്നും പറഞ്ഞില്ല.

“ഞാൻ വരാം.”

അവളെന്റെ മുഖത്തേക്ക് നോക്കി.

“എനിക്കീ ലോകത്ത് ആകെ പേടിയിലുള്ളത് ബലൂൺ പൊട്ടുന്നത് മാത്രാ. വേറെയൊന്നിനേം എനിക്ക് പേടിയില്ല. ഞാൻ വരാം. കുറെയേറെ കുഞ്ഞുങ്ങൾക്ക് സഹായത്തിന് വേണ്ടിയല്ലേ?? ഞാനുണ്ടാവും. എന്നും.”

അവളൊരു നിറഞ്ഞ പുഞ്ചിരി സമ്മാനിച്ചു.

“പക്ഷെ അറിയാലോ ഞാൻ പാട്ടൊന്നും പഠിച്ചിട്ടില്ല. അതുകൊണ്ട് എന്നില് കൂടുതല് വിശ്വാസം ഒന്നും വെക്കരുത്!”

“ആ കാര്യത്തിൽ കണ്ണനെ പോലെ തന്നെയാ ഞാനും. ഞാനും പാട്ടൊന്നും പഠിച്ചിട്ടില്ല.”

“മായയണല്ലേ female പാടുന്നെ??”

ചേച്ചി പറഞ്ഞറിയാം എങ്കിലും ഞാൻ വെറുതെ ചോദിച്ചു.

“ഓഹ് ഞാനത് പറയാൻ മറന്നു. ഞാനാ പാടുന്നെ. അപ്പൊ പിന്നെ നമ്മക്ക് അങ്ങോട്ട് പോയാലോ??”.

“എവിടാ സ്ഥലം??”

“ഇവിടുന്ന് കുറച്ച് പോണം. ഞാൻ എന്റെ വണ്ടിലാ വന്നേ. നമ്മക്ക് അതീ പോവാം!”

“അഹ്.”

അവൾ എടുക്കേണ്ട ബുക്കും എടുത്ത് പുറത്തേക്കിറങ്ങി. പിറകെ ഞാനും. വീണ്ടും ആ കിളവൻ എന്നെ നോക്കി ചിരിച്ചു. പോടോ കോപ്പെ എന്ന് മനസ്സിൽ പറഞ്ഞ് റോഡിലേക്കിറങ്ങി. അവിടെ ഒരു മഞ്ഞ dio പാർക്ക് ചെയ്തിട്ടിരുക്കുന്ന കണ്ടു. അവളതിനടുത്തേക്കാണ് പോയത്. സീറ്റ് പൊക്കി ബുക്ക് അതിനകത്ത് വച്ചു. എന്തോ വണ്ടി കണ്ടപ്പോ ഓടിക്കാനൊരു കൊതി. എങ്ങനെ ചോദിക്കും. നാണക്കേട് അല്ലെ?? അവള് മുൻസീറ്റിൽ കേറി വണ്ടി start ചെയ്തു. എന്നോട് കേറാൻ പറഞ്ഞു. എങ്ങനേലും ചോദിക്കണം.

“മായാ ബുദ്ധിമുട്ട് ഇല്ലേ ഞാൻ ഓടിച്ചോട്ടെ??”

നാണത്തിനെ കണ്ടം വഴിയോടിച്ച് ഞാൻ ചോദിച്ചു.

“ഓഹ് അതിനെന്ത് ബുദ്ധിമുട്ട്?? ദാ ഓടിച്ചോ.”

ഒട്ടും ആലോചിക്കാതെ അവൾ മറുപടി തന്നു. എന്നിട്ട് വണ്ടി സ്റ്റാൻഡ് ഇട്ടിറങ്ങി. ഞാൻ സന്തോഷത്തോടെ മുൻസീറ്റിൽ കേറി.

“വണ്ടിയോടിക്കാൻ ഒരുപാട് ഇഷ്ട്ടാ അല്ലെ??”

“Mm വണ്ടിയെന്ന് പറഞ്ഞ ഞാൻ മരിക്കും. അത്രക്ക് ഭ്രാന്തണ് ഈ സാധാനത്തോട്!”

“കണ്ണന് licence ഇല്ലേ??”

“ഇല്ല. ഇതുവരെ എടുത്തില്ല.”

അവള് വണ്ടി കേറി. രണ്ട് സൈഡും കാലിട്ട് ഇരിക്കാണ്ട് സാരിയുടുത്ത പെണ്ണുങ്ങൾ ഇരിക്കും മാതിരി ഒരു സൈഡിലായി ഇരുന്നു.

“ഇതെന്താ ഇങ്ങനെ ഇരിക്കണേ??”

“അഹ് എനിക്ക് ഇങ്ങനെ ഇരിക്കാനാ കൂടുതലിഷ്ടം.”

അവളെന്റെ തോളിൽ കൈ വച്ചാണിരുന്നത്. എന്റെ സാറേ ചുറ്റിനൊള്ളതൊന്നും കാണാൻ പറ്റിലാ.

“പോവാം.”

അവള് പറഞ്ഞതിന് മറുപടിയായി ഞാൻ വണ്ടി മുമ്പോട്ട് എടുത്തു. ഈ യാത്ര ഇനിയൊരിക്കലും അവസാനിക്കരുതെ എന്ന പ്രാർത്ഥനയുമായി…………..!