💘മായകണ്ണൻ 4

ഞാൻ വീണ്ടും വന്നൂട്ടോ. അന്നെന്റെ birthday wish ചെയ്ത എല്ലാവർക്കും thanks. നിങ്ങൾ ഇടുന്ന കമന്റുകൾക്ക് replay തരണം എന്നുണ്ട്. പക്ഷെ തിരക്കുകൾ കാരണം പറ്റുന്നില്ല. ഈ part നിങ്ങൾക്ക് എത്രത്തോളം ഇഷ്ടമാവൂന്ന് എനിക്കറിയില്ല. ഇഷ്ട്ടയാൽ ഹൃദയം ചുവപ്പിക്കണെ. അഥവാ ഇഷ്ട്ടയില്ലേ ഒന്ന് ഉപദേശിച്ച് വിട്ടാൽ മതി. പാവോല്ലേ ഞാൻ

മായകണ്ണൻ……….

“മായ…..”

ഞെട്ടി ഇരിക്കുമ്പോളും എന്റെ വായിൽ നിന്നും അവളുടെ പേര് കൂടെ വീണു. അപ്പൊ അവളെന്നെ സൂക്ഷിച്ച് നോക്കി.

“കണ്ണൻ….”

സൂക്ഷിച്ച് നോക്കിയതിന് അർത്ഥം ഉണ്ടായി. അവളെന്റെ പേര് ഇപ്പോഴും ഓർത്തിരിക്കുന്നു എന്നറിഞ്ഞപ്പോ ചെറുതായിട്ട് എനിക്ക് സന്തോഷൊക്കെ തോന്നി.

“എന്താ ഇവിടെ??”

“എന്താ ഇവിടെ??”

ഞങ്ങൾ രണ്ടാളും ഒരേ പോലെ ചോദിച്ചു. അവള് ചിരിച്ചു. ഞാൻ മയങ്ങി.

“അഹ്, ഞാൻ എല്ലാ ഞായറും ഈ ഹോസ്പിറ്റലിൽ വരും. ഇവിടെ കിടക്കുന്ന മിക്ക പേഷ്യൻസിനും രാത്രിയിലുള്ള ഫുഡ് കൊടുക്കുന്നത് ഞാനാ. മാസത്തിൽ ഒരു ഞായർ ഉം donate ചെയ്യും. ഇന്ന് donate ചെയ്യേണ്ട ദിവസാ. അതാ നേരത്തെ എത്തിയെ.”

അവള് പറഞ്ഞതൊക്കെ കേട്ട് എന്റെ തലക്കകത്ത് കൂട് വച്ചിരുന്ന മരംകൊത്തി കൂടും കളഞ്ഞ് എങ്ങോട്ടോ പോയി.

“അല്ല കണ്ണൻ എന്താ ഇവിടെ??”

അവളുടെ ചോദ്യം ആണ് എന്റെ പറന്ന് പോയ മരംകൊത്തിയെ തിരികെ കൊണ്ട് വന്നത്.

“അഹ് അത് ഒരു ആക്സിഡന്റ് പറ്റി അഡ്മിറ്റാ.”

പോയ മരംകൊത്തി തിരിച്ച് വന്നെങ്കിലും എനിക്ക് മൊത്തമായി വെളിവ്‌ വന്നില്ല.

“എഹ് എന്താ??”

എന്റെ വെളിവില്ലാത്ത സംസാരം കേട്ടിട്ട് ആണെന്ന് തോന്നുന്നു അവള് വീണ്ടും ചോദിച്ചു.

“ഛീ തെറ്റിപ്പോയി. ചേച്ചി ബാത്‌റൂമിൽ തെന്നി വീണു. നെറ്റി ചെറുതായി ഒന്ന് പൊട്ടി. ഇവിടെ അഡ്മിറ്റാ.”

ഇപ്രാവശ്യം ഏതായാലും തെറ്റിലാ.

“നമ്മടെ ലക്ഷ്മി ചേച്ചിക്കോ?? എന്നിട്ട് ഡോക്ടർ എന്ത് പറഞ്ഞു??”

ഇവളെ ഓരോ നിമിഷവും അടുത്തറിയുന്തോറും എനിക്ക് ഇവളോടുള്ള സ്നേഹം കൂടുവാണ്. ഇന്ന് രാവിലെയാ ആദ്യയി ഞാൻ കാണണേ. അപ്പൊ തന്നെ ആരോടും ചോദിക്കാതെ ഇവളെന്റെ ഹൃദയത്തിൽ കേറി. ഇവളെന്നെ ഓർക്കുന്നു, എന്റെ ചേച്ചിയെ ഓർക്കുന്നു. ആർക്കും വിട്ട് കൊടുക്കില്ല ഇവളെ ഞാൻ.

“ഏയ് കണ്ണാ….”

അവളുടെ വിളിയാണ് എന്നെ കൂടുതൽ ആലോചനകളിൽ നിന്ന് തടസ്സപ്പെടുത്തിയത്.

“അഹ്. ഇപ്പൊ കുഴപ്പം ഒന്നുമില്ല.”

“Mm. എവിടെയാ കിടക്കണേ??”

“Second floor.

”

“അഹ് ഞാൻ പിന്നെ വന്ന് കണ്ടോളം. donate ചെയ്യണം. ഞാൻ അങ്ങോട്ട് ചെല്ലട്ടെ.”

“അതെവിടെയാ??”

“ദോ ആ കാണുന്ന ഡ്രസിങ് റൂമിന്റെ വലത് സൈഡ്.”

അവൾ അങ്ങോട്ടേക്ക് വിരൽ ചൂണ്ടി കാണിച്ചു. എന്നിട്ട് അവിടേക്ക് നടന്നു. അപ്പോഴും എനിക്ക് മനസ്സിലാവാത്തത് ഇവളെന്തിനാ എന്നെ പിന്നിന്ന് വിളിച്ചത് എന്നാ. ഞാനും പിന്നൊന്നും ആലോചിക്കാതെ ചേച്ചിയുടെ അടുത്തേക്ക് നടന്നു. ചൂടോടെ ഈ പപ്‌സ് അങ്ങോട്ടേക്ക് കൊടുക്കണം. അതായിരുന്നു എന്റെ അപ്പളത്തെ ലക്ഷ്യം. മായയെ ഇനിയും കാണാൻ പറ്റോലോ എന്ന സത്തോഷത്തോടെ ഞാൻ നടന്നു. റൂമിന് വെളിയില് അച്ഛനേം അമ്മയെം കണ്ടില്ല. അവിരിരുന്ന ചെയറിൽ വേറാരോ ഇരിക്കുന്നു. ഞാൻ മുറിക്കുള്ളിലേക്ക് കേറി. അവിടെ കണ്ട കാഴ്ച ശെരിക്കും പറഞ്ഞാൽ എനിക്ക് സന്തോഷത്തിനപ്പുറം വേറെന്തോ ഫീൽ ആണ് തന്നത്. അച്ഛന്റെ തോളിൽ തല ചായിച്ച് കിടക്കുന്ന എന്റെ ചേച്ചി. ഒരു ഓറഞ്ച് പൊളിച്ച് അതിന്റെ അല്ലി അവൾടെ വായിക്കുള്ളിൽ വച്ച് കൊടുക്കുന്ന അമ്മ. കുറച്ച് നേരത്തേക്ക് ഞാൻ അതും നോക്കി നിന്നു. ആ ഒരു കാഴ്ച കൂടുതൽ നേരം കണ്ട് ആസ്വദിക്കാൻ എന്റെ ചേച്ചിപെണ്ണ് സമ്മതിച്ചില്ല. പപ്സിന്റെ മണം കിട്ടിട്ട് ആണെന്ന് തോന്നുന്നു അവൾ വാതിൽകലേക്ക് നോക്കി അപ്പൊ എന്നെ കണ്ടു.

“എന്താ വാവേ കൈയില്??”

കയ്യിലെ പൊതി കണ്ടിട്ട് അവളെന്നോട് തിരക്കി. അപ്പോഴേക്കും അച്ഛനും അമ്മയും അവിടുന്ന് എഴുന്നേറ്റിരുന്നു.

“പപ്‌സ് ആയിരിക്കും.”

അമ്മ ഒരു കളിയാക്കൽ രീതിയിൽ ചിരിച്ചുകൊണ്ട് പറഞ്ഞു. നേരത്തെ കണ്ട അമ്മയെ അല്ല ഇത്‌. ഞാനും ചിരിച്ചു. അത് കണ്ട് അച്ഛനും ചിരിച്ചു. പിന്നെ ചേച്ചിയും.

“രാമേട്ടാ വാ നമ്മുക്ക് ഒരു ചായ കുടിച്ചിട്ട് വരാം.”

“അഹ്. കണ്ണാ നീ കുടിച്ചോ ടാ??”

“ഇല്ലച്ഛാ.”

“Mm നിങ്ങൾക്കുള്ളത് വാങ്ങിച്ചിട്ട് വരാം.”

അത്രയും പറഞ്ഞ് അവര് പുറത്തേക്ക് പോയി.

“വാവേ പപ്‌സ് ആണൊടാ അത്??”

അവരങ്ങോട്ട് ഇറങ്ങിലാ അതിനുമുന്നേ എത്തി കൊതിച്ചി പാറൂന്റെ ചോദ്യം.

“അഹ്‌ടി കൊതിച്ചി.”

“എത്രണ്ണം ഉണ്ട്??”

“എത്രണ്ണം വേണം??”

“ഒരു ഏഴെട്ടെണ്ണം എങ്കിലും വേണം.”

“അത്രയും മതിയോ??”

“അഹ് തൽക്കാലത്തേക്ക് അത്രയും മതി.”

ഞാൻ ചിരിച്ചു. കാളയെ പോലെ വളർന്നു. എന്നിട്ടും കുസൃതിക്ക് ഒരു കുറവും ഇല്ല. ഞാനാ പൊതി അവൾക്ക് കൊടുത്തു. ഈ തൽകാലം എന്നത് കൂടി പോയ 5 മിനിറ്റ് വരെ കാണൂ. അത് കഴിഞ്ഞാൽ പിന്നേം വിശക്കുന്നു എന്ന് പറയും. ഏതായാലും പൊതി കിട്ടിയപ്പോ പെണ്ണ് ഹാപ്പി. കവിളത്തൊരു ഉമ്മേം കിട്ടി. രണ്ടേ രണ്ട്‌ മിനിറ്റുകൊണ്ട് അവള് എണ്ണം എടുക്കാണ്ട് ഒരേ ഇരുപ്പിൽ തിന്നു. അവള് എണ്ണം എടുത്തില്ലേലും എനിക്ക് എടുത്തല്ലേ പറ്റു രണ്ട് മിനിറ്റ് കൊണ്ട് ആറെണ്ണം.

“മതി വാവേ ബാക്കി നീ കഴിച്ചോ.”

“ഷോ ആറെണ്ണം അല്ലേ ആയുള്ളൂ. ഒരു രണ്ട് എണ്ണം കൂടെ പോവും.”

“ഇനി വയറ്റിൽ സ്ഥലം ഇല്ല വാവേ. അമ്മ എന്നെ കൊണ്ട് ദേ നീ വരുംമുൻപ് നാല് ഓറഞ്ചാ തിറ്റിച്ചേ. ഇപ്പൊ ദേ ആറ് പപ്സും. ഇനിയും തിന്നാ എന്റെ വയർ മിക്കവാറും പൊട്ടും.”

ഓഹോ അപ്പൊ നാല്‌ ഓറഞ്ചാ ആള് കേറ്റിയെ. ചുമ്മാതല്ല ഇന്ന് ആറില് ഒതുക്കിയെ.

“Mm ഇങ്ങ് താ.”

ചിരിച്ചുകൊണ്ട് ഞാനാ പൊതി അവളിൽ നിന്നും വാങ്ങിച്ചു. എന്നൊട് തിന്നാൻ പറഞ്ഞെങ്കിലും എനിക്ക് അത് തിന്നാൻ തോന്നില്ല. ബെണ്ടിന്റെ ഒരു സൈഡിലായി ഞാനത് മാറ്റി വച്ചു.

“എന്താ അത് മാറ്റി വച്ചേ??”

ഞാൻ മാറ്റി വച്ചത് കണ്ടതും അപ്പളെത്തി ആശത്തിടെ ചോദ്യം.

“അവിടെ ഇരിക്കട്ടെ. ഞാൻ പിന്നെ കഴിച്ചോളാം.”

അതായിരുന്നു അവളുടെ ചോദ്യത്തിന് ഞാൻ കൊടുത്ത ഉത്തരം.

“പിന്നില്ലേ വാവേ ഇന്നെനിക്ക് എന്തോരം സന്തോഷമുള്ള ദിവസാന്ന് അറിയോ??”

“Mm എന്താ??”

അവൾടെ സന്തോഷത്തിന്റെ രഹസ്യം എനിക്കറിയാം എങ്കിലും ഞാനത് അറിയില്ലെന്ന് നടിച്ചു.

“അതില്ലേ വാവേ നീ അങ്ങോട്ട് ഇറങ്ങി കുറച്ച് കഴിഞ്ഞപ്പോ അച്ഛനും അമ്മയും ഇങ്ങോട്ട് വന്ന് എന്നോട് ഒരുപാട് സംസാരിച്ചു. കുറെ കാര്യം പറഞ്ഞ് അമ്മയും അച്ഛനും ഇരുന്ന് കരയേം ചെയ്തു. പിന്നെ എന്നെ കെട്ടിപ്പിടിച്ചു, ഉമ്മ തന്നു. ഏറ്റവും വല്യ കാര്യം എന്താന്ന് ചോദിച്ചാ അവര് പറയുവാ ഇനി മോള് പറയാതെ മോളെ വിവാഹത്തിന് ആരും നിര്ബന്ധിക്കില്ലെന്ന്. ഇതെല്ലാം കൂടി കേട്ടപ്പോ സന്തോഷം കൊണ്ട് എനിക്ക് എറങ്ങി ഓടനാ തോന്നിയെ. അല്ലേലും ഞാനിങ്ങനെയാ! നടക്കാൻ പറ്റില്ലെന്ന് അറിയാങ്ങിലും വെറുതെ ഓരോ സ്വപ്നങ്ങൾ കാണും. ഇല്ലേ വാവേ?????”

“ചേച്ചി മതി…. നിർത്ത്. നിനക്ക് ഇപ്പളല്ലേ ഇങ്ങാനൊന്ന് ഉണ്ടായത്. ജന്മനാ നടക്കാൻ കഴിയാത്തവരും കാലില്ലത്തവരും ആയി എത്ര പേരാ ജനിക്കണെന്ന് അറിയോ???? എന്റെ ചേച്ചിക്ക് ഞാനില്ലേ?? നിനക്ക് ഓടാണോ??? ഞാൻ എടുത്തോണ്ട് ഓടും. വീൽചെയർ ഉണ്ടെങ്കിലും എന്നെ കൊല്ലനായി കച്ചകെട്ടി ഇറങ്ങിയതല്ലേ എന്റെ പുന്നാര. വാ, എടുക്കട്ടേ ഒരു റൗണ്ട് ഓടിട്ട് വരാം.”

ചിരിച്ചുകൊണ്ട് സാംസരിച്ച് തുടങ്ങിയ അവള് അവസാനം കരയും എന്നായപ്പോ ഞാൻ അങ്ങാനൊക്കെ അങ്ങ് പറഞ്ഞു. ഉള്ളിൽ അവളെക്കാൾ ഏറെ സങ്കടം അനുഭവിക്കുന്നുണ്ട് എങ്കിലും അത് പുറത്ത് കാട്ടാതെ ഞാനൊരു നിറഞ്ഞ പുഞ്ചിരിയോടെ അവളെ നോക്കി.

“വാവേ….”

ഈ വിളിയിൽ സങ്കടം ഇല്ല. വേറെന്തോ ആണ്.

“എന്താടി???”

“ആ മാറ്റി വച്ച പപ്‌സ് നിനക്ക് വേണ്ടെങ്കിൽ ഒന്നൂടെ തായോ.”

മുഖത്ത് ഒരു കള്ളച്ചിരിയോടെ അവളത് പറഞ്ഞപ്പോ സത്യം പറഞ്ഞാൽ ഞാനാദ്യം നോക്കിയത് അവളുടെ വയറിലേക്കാ. ഇപ്പളും ഒട്ടികിടക്കുവാ. ഞാനറിയാതെ ചിരിച്ചുപ്പോയി. കളിയാക്കാൻ തോന്നില്ല. കൊടുത്തു ഒന്നല്ല ആ പൊതിയോടെ.

“അപ്പൊ നിനക്ക്??”

പൊതി കൈക്കലാക്കിയാ ശേഷം അവൾ തിരക്കി.

“ആദ്യം നിന്റെ ഈ ഉണ്ണിവയറ് നിറയട്ടെ. എന്നിട്ട് ഞാൻ തിന്നോളം.”

അവൾടെ വയറ് തൊട്ട് കൊണ്ട് ഞാൻ പറഞ്ഞു.

“ഷോ, നീ ഇങ്ങനെ കണ്ണിട്ട് കണ്ണിട്ട് എനിക്കിപ്പോ പണ്ടത്തെ പോലെ കഴിക്കാനെ പറ്റുന്നില്ല.”

ഒന്നും പറയാൻ എനിക്കായില്ല. നിർവികാരനായി ഞാനിരുന്നു.

“എടി ചേച്ചി എനിക്കും നിന്നെപ്പോലെ ഒത്തിരി സന്തോഷമുള്ള ദിവസാ ഇന്ന്.”

നേരെത്തെ നടന്ന കാര്യങ്ങളെല്ലാം ഞാൻ അപ്പാടെ മറന്നു. മായയുടെ കാര്യം ചേച്ചിയെ അറിയിക്കണം അതായിരുന്നു എന്റെ അടുത്ത ലക്ഷ്യം.

“Mm എന്താ വാവേ??”

“ചേച്ചി ഞാൻ വീണ്ടും ആ അരയന്നത്തെ കണ്ടു.”

“അരയന്നോ ഏത് അരയന്നം??”

അവളെ വർണിച്ചത് അല്പം കൂടിപ്പോയെന്ന് തോന്നുന്നു.

“ചേച്ചി, മായയെ കണ്ടൂന്ന്.”

ഇത്തവണ വർണിക്കാൻ പോയില്ല.

“ഇവിടെ വച്ചോ?? പോ വാവേ ചുമ്മ കളിപ്പിക്കാതെ.”

“എന്റെ പൊന്ന് ചേച്ചി അവള് donate ചെയ്യാൻ പോയെക്കുവാ. അത് കഴിഞ്ഞ് ഇങ്ങോട്ട് വരാന്ന പറഞ്ഞേ.”

“ donate ചെയ്യാനോ എനിക്കൊന്നും മനസ്സിലാവുന്നില്ല വാവേ”

ഞാൻ നടന്നത് എല്ലാം അവളോട് പറഞ്ഞു.

“സത്യാണോ വാവേ??”

എല്ലാം കേട്ടിട്ടും വിശ്വാസം വരാത്തപോലെ അവളെന്നോട് ചോദിച്ചു.

“സത്യാടി”

“എന്താ മോനെ ഒരിളക്കം??”

മുഖത്ത് ഒരു കുസൃതി ചിരിയോടെ അവളെന്നോട് ചോദിച്ചു.

“എന്ത് ഇളക്കം?? ഒരിളക്കോ ഇല്ല.”

“Mm mm…”

ഈ മൂളലിന് വേറൊരു അർത്ഥം ഇല്ലേ??

“അവള് നല്ല കുട്ടിയാ വാവേ. ഇന്ന് രാവിലെയാ അതിനെ കാണണ തന്നെ. എന്തോ ഒരുപാട് ഇഷ്ട്ടപ്പെട്ടു എനിക്ക്. ഒരു ചേച്ചിയായിട്ട് തന്നെ ഞാൻ പറയുവാ, അതിനെ വിടാണ്ട് പിടിച്ചോ.”

ആ പറഞ്ഞതിന്റെ അർത്ഥം എനിക്ക് മനസ്സിലായില്ല. പക്ഷെ അത് കേട്ടപ്പോ സന്തോഷോക്കെ തോന്നുന്നുണ്ട്. അഹ് എല്ലാം നല്ല രീതിയിൽ അവസാനിച്ച മതിയായിരുന്നു.

“എന്താ വാവേ ആലോചിക്കുന്നെ??’

“ഏയ് ഒന്നൂല്ല ചേച്ചി.”

“അവളെ പറ്റിയാ??”

അതിന് മറുപടി കൊടുക്കും മുൻപ് കാന്റീനിൽ പോയ അച്ഛനും അമ്മയും തിരിച്ച് വന്നിരുന്നു. പിന്നെ ആ സംസാരം അവിടെ വച്ച് ഞങ്ങള് അവസാനിപ്പിച്ചു. ഇതിനോടകം കക്ഷി പപ്‌സ് മുഴുവൻ തീർത്തിരുന്നു. അതും പോരാഞ്ഞ് അച്ഛൻ വാങ്ങിച്ചോണ്ട് വന്ന നല്ല ചൂട് പരിപ്പ് വടയും അങ്ങ് പറഞ്ഞയച്ചു. ദൈവമേ ഇനി പറഞ്ഞത് പോലെ വല്ലോ അനകോണ്ടയും ആണോ വയറ്റിൽ??

“മോനെ കണ്ണാ…..”

കുറച്ച് നേരത്തിന് ശേഷം അച്ഛൻ എന്നെ വിളിച്ചു.

“എന്താ അച്ഛാ??”

“അപ്പൊ ഞങ്ങള് ഇറങ്ങുവാ. ഇരുട്ട് വീഴും മുന്നേ വിട് പിടിക്കട്ടെ.”

“എഹ് നിങ്ങള് പോവാണോ??”

“അഹ് നേരത്തെ ഡോക്ടർ വന്നു. നാളെ ഡിസ്സ്‌ചാർജ് ചെയ്യാം എന്ന് പറഞ്ഞു. ഇന്ന് രാത്രി ചിലപ്പോ trip ഇടും. ഇന്ന് രാത്രി ഞാൻ നിക്കാന്ന് വിചാരിച്ചതാ അപ്പൊ ഇവളാ പറഞ്ഞേ നീ നിന്നോളൂന്ന്.”

അത് കേട്ടതും ഞാനവളെ നോക്കി. എന്റെ നോട്ടം കണ്ടതും തലയും ചൊറിഞ്ഞ് അവളകാശത്ത്നക്ഷത്രം നോക്കുന്നു. അപ്പോ ഇന്നത്തെ ഉറക്കം ഗോവിന്ദ. ഈ മറുതക്ക് വേണ്ടി ഉയിര് വരെ കൊടുക്കാൻ ഞാൻ തയ്യാറാ, അത് വച്ച് നോക്കുമ്പോ ഉറക്കൊക്കെ എന്ത്.

“എന്നാ പിന്നെ ഞങ്ങള് ഇറങ്ങട്ടെ, രാവിലെ വരാം മോളെ. പോട്ടെ.”

“Mm”

അവളോട് യാത്രയും പറഞ്ഞ് അവര് പുറത്തേക്കിറങ്ങി. കൂടെ ഞാനും.

“പോട്ടെ കണ്ണാ”

ഞാൻ തലയാട്ടി.

“മോനെ കണ്ണാ അമ്മേടെ സ്വഭാവം അറിയാലോ നിനക്ക്?? ഞാൻ നേരത്തെ പറഞ്ഞത് കുറച്ച് കൂടി പോയെന്ന് അറിയാം. പോട്ടെട്ടോ. നീ അവളെ സ്നേഹിക്കുന്ന കാണുമ്പോ ചിലസമയത്ത് എനിക്ക് പോലും അസൂയ തോന്നിട്ടുണ്ട്. ഒന്നും മനസ്സിൽ വച്ചേക്കണ്ടട്ടോ. ഞങ്ങള് ഇറങ്ങുവാ. നാളെ രാവിലെ വരാം. അവളെ നോക്കിക്കോണം എന്ന് പറയണ്ട ആവശ്യം ഇല്ല, എന്നാലും പറയുവാ ഒന്ന് ശ്രദ്ധിച്ചോണെ.”

അമ്മയുടെ വാക്കുകൾക്ക് സന്തോഷപൂർവം ഞാൻ തലയാട്ടി. അത്രയും പറഞ്ഞ് അവരവിടെ നിന്നിറങ്ങി. അവര് പോകുന്നതും നോക്കി ഞാനവിടെ നിന്നു. പിന്നെ തിരിച്ച് റൂമിനുള്ളിലേക്ക് കേറി. അവിടെ കണ്ട കാഴ്ച്ച എന്നെ ഞെട്ടിച്ചു കളഞ്ഞു. അച്ഛൻ എനിക്ക് തിന്നാൻ തന്ന വട. ഞാൻ പിന്നീട് തിന്നാനായി മാറ്റി വച്ചതായിരുന്നു. അത് ആസ്വദിച്ച് കഴിക്കുന്ന എന്റെ പുന്നാര പെങ്ങൾ. കരഞ്ഞുപ്പോയി ഞാൻ.

“ടി……”

ഞാനലറി. ഹോസ്പിറ്റൽ ആണെന്ന് പോലും നോക്കില്ല. എന്റെ അലർച്ച കേട്ട് അവളൊന്ന് ഞെട്ടി.

“എന്താ വാവേ….”

“നീ എന്താ ഈ കാണിച്ചേ??”

“എന്തോന്ന്??”

“നിനക്കൊന്നും അറിയില്ല അല്ലെ?? നീ എന്തിനാ എനിക്കുള്ള വടയും കൂടെ എടുത്ത് വിഴുങ്ങിയെ??”

“ഓഹ് അതാണോ! അത് പറഞ്ഞപ്പോളാ ഇതിന് എന്തൊരു ടെസ്റ്റ് അഹ് വാവേ?? ഇവിടുത്തെ ക്യാന്റീനിന്നാ അച്ഛൻ വേടിച്ചോണ്ട് വന്നേ. ഇനിയിപ്പോ നീ ഒരു കാര്യം ചെയ്യ് അവിടെ പോയി ഇനിയും ഒരു നാലെഞ്ചേട്ടം വേടിച്ചിട്ട് വാ. ചെല്ല്.”

“നാലെഞ്ചേട്ടം മതിയോ??”

“അഹ് തൽകാലം മതി. വേണോങ്ങി ഞാൻ പിന്നെ പറയാം.”

“പൊക്കോണം. എന്റെ വട തിന്നതും പോര. ഇനിയും വേടിച്ച് കൊടുക്കണം പോലും.”

“കൊതികൊണ്ട് അല്ലെ വാവേ.”

അവൾ ദയനീയമായി പറഞ്ഞു. അത് കേട്ട് എനിക്ക് ആകെ വല്ലാണ്ട് ആയി.

“ഇപ്പൊ വേണോ നിനക്ക്??”

“ഇപ്പൊ വാങ്ങിട്ട് വരോ??”

“പോണേ പ്രശ്നം ഒന്നൂല്ല. പക്ഷെ അപ്പളെങ്ങാനും ഡോക്ടർ വന്നാ??”

അത് കേട്ടപ്പോ അവളുടെ മുഖം ചെറുതായി ഒന്ന് വാടിയോ?? ഇങ്ങനൊരു കൊതിച്ചി.

“നീ വിഷമിക്കാതെ. ഇന്നെന്തായാലും വാങ്ങിച്ച് തന്നിരിക്കും ഞാൻ. പോരെ.”

“അഹ്.”

ആ മൂളലിന് ഒരു ശക്തി കുറവ് പോലെ.

“അഹ് വിഷമിക്കാതെടോ.”

“ചേച്ചി……………”

പെട്ടന്ന് പിന്നിന്ന് ഒരു വിളി. ഞാനും അവളും ഒരേപോലെ തിരിഞ്ഞ് നോക്കി. അവിടെ നിക്കുന്ന ആളെ കണ്ട് പൂ ചോദിച്ച എനിക്ക് പൂക്കാലം കിട്ടിയ പോലായി. എന്റെ മായ. അവിടെ കിടന്ന് ഡാൻസ് ചെയ്യാനാ എനിക്ക് തോന്നിയെ. അവള് അടുത്തേക്ക് നടന്ന് വന്നുകൊണ്ടേയിരുന്നു. എന്റെ ഹൃദയമിടിപ്പ് അതിനനുസരിച്ച് കൂടിക്കൊണ്ടേ ഇരുന്നു. അവളടുത്ത് എത്തിയതും ഞാൻ യാന്ത്രികമായി എഴുന്നേറ്റു.

“ഇപ്പൊ എങ്ങനുണ്ട് ചേച്ചി??”

ഒരു സുന്ദരനും സുമുഖനും ആയ ചെറുപ്പക്കാരൻ പയ്യൻ മുന്നിൽ നിന്നിട്ടും might പോലും ചെയ്യാത്തതിൽ എനിക്ക് നല്ല സങ്കടം തോന്നി.

“ഇപ്പൊ കുഴപ്പൊന്നും ഇല്ല മോളെ.”

“ദാ കണ്ണാ.”

അവള് ഒരു ബാഗിൽ നിന്ന് രണ്ട് പൊതി എടുത്ത് എനിക്ക് നേരെ നീട്ടി. പെട്ടന്ന് അവളുടെ നാവിൽ നിന്നും എന്നെ കണ്ണാന്ന് വിളിച്ചപ്പോ എന്റെ മനസ്സ് കുളിരണിഞ്ഞു. ഞാൻ ആ പൊതി വാങ്ങി.

“എന്താ ഇത്??”

“രാത്രിയിലേക്കുള്ള ഫുഡാ.”

“അല്ല മോളെ സാധാരണ പേഷ്യന്റിന് മാത്രോല്ലേ ഇങ്ങനെ ഫുഡ് ഒക്കെ കൊടുക്കുന്നേ?? ഇതെന്താ കൂട്ടിരിക്കുന്ന ആൾക്കും??”

അവള് പറഞ്ഞതും ശെരിയാ. അന്നത്തെ ആ ഒരു അക്സിഡന്റിന് ശേഷമുള്ള ഹോസ്പിറ്റൽ ജീവിതം എന്റെ മനസ്സിലേക്ക് ഓടി വന്നു. അന്നും ഞാനായിരുന്നു കൂട്ടിരുന്നത്. രാവിലെ ചേച്ചിക്ക് പാലും മുട്ടയും ബ്രെഡും ഒക്കെ കൊടുക്കും. ആരും കാണാതെ അവളെനിക്കും അതൊക്കെ വീതിച്ചിരുന്നു. ചില ദിവസങ്ങളിൽ പകലായിരിക്കും ഫുഡ് കൊണ്ട് വരുവാ. എനിക്കും കിട്ടുമെന്ന് ഞാൻ പ്രതീക്ഷിച്ചിരിക്കും. പക്ഷെ അവൾക്ക് മാത്രം കൊണ്ട് കൊടുക്കും. അപ്പളോക്കെ നല്ല വിഷമം എന്റെ മനസ്സിൽ തട്ടിട്ടുണ്ട്. പക്ഷെ അത് മനസ്സിലാക്കി. ആ ഒരു പൊതി തുറന്ന് ഓരോ പിടി വാരി തരുമായിരുന്നു അവൾ. ചില ദിവസങ്ങളിൽ ചമ്മന്തി മാത്രം ആയിരിക്കും ഉണ്ടാവുക. അവള് വാരി തന്ന് കഴിഞ്ഞാൽ ചമ്മന്തിക്ക് പോലും ചിക്കന്റെ രുചിയായിരുന്നു. ഇപ്പോഴും അതൊക്കെ ഓർക്കുമ്പോ കണ്ണ് നിറയും. ഞാനേതായാലും പഴയ ഓർമകളിൽ നിന്നും തിരിച്ച് വന്നു.

“അങ്ങനെ തന്നെയാ ചേച്ചി മിക്കവരും. പക്ഷെ ഞാൻ അങ്ങനെ അല്ലാട്ടോ. പേഷ്യന്റിന് മാത്രേ ഈ വിശപ്പും ദാഹവും ഒക്കെ കാണുളോ?? കൂട്ടിരിക്കുന്ന ആൾക്കും ഇതൊക്കെ ഉണ്ടാവില്ലേ?? ഞാനൊരുപാട് പേരെ കണ്ടിട്ടുണ്ട് ചേച്ചി, മിക്കതും ഈ ഓപ്പറേഷൻ ഒക്കെ കഴിഞ്ഞു കിടക്കുന്നവരെയാ. ഓപ്പറേഷൻ കഴിഞ്ഞ എത്രയോ മണിക്കൂർ ഒന്നും കഴിക്കാൻ പറ്റില്ല അവർക്ക്. Full ട്രിപ്പ് മാത്രം. അവരുടെ കൂടെ ഇരിക്കുന്നത് അച്ഛനോ അമ്മയോ ഒക്കെ ആണെങ്കിൽ അവര് എങ്ങനെയാ ചേച്ചി വല്ലതും കുടിക്ക്യാ?? എന്റെ ഒരു കാഴ്ചപ്പാടില് ആഹാരം കൊടുക്കുവാണെ പേഷ്യന്റിനും കൂട്ടിരിക്കുന്ന ആൾക്കും കൊടുക്കണം. ഒരു നേരത്തെ ആഹാരം കൊടുക്കുന്നയാളാ യഥാർത്ഥ ദൈവം. എനിക്കങ്ങനെ ദൈവം ഒന്നും ആവണ്ട. പക്ഷെ ഞാൻ കാരണം ഒരാളുടെ വയർ നിറയോങ്ങി അതില്പരം സന്തോഷം വേറെയില്ല.”

അവള് പറഞ്ഞ് നിർത്തി. എന്റെ നേരത്തെ പറന്ന് പോയ മരംകൊത്തി വീണ്ടും എങ്ങോട്ടോ പോയി. ചേച്ചിയെ നോക്കിയപ്പോ അവൾടെ അവസ്ഥയും അത് തന്നെയാ. അപ്പോഴും ഞാൻ എന്റെ മനസ്സിനെ പറഞ്ഞ് പഠിപ്പിച്ചോരു കാര്യം ഇവളെ ഞാനാർക്കും വിട്ടുകൊടുക്കില്ല എന്നതായിരുന്നു.

“അല്ല എന്താ പെട്ടന്ന് ഓഫ്‌നേജിന്ന് പോന്നേ?? എന്തെങ്കിലും അത്യാവശ്യം ഉണ്ടായിരുന്നോ??”

“അഹ് ചെറിയൊരു കാര്യം ഉണ്ടായിരുന്നു.”

ചേച്ചിയാണ് അതിന് മറുപടി കൊടുത്തത്. നേരത്തെ പറന്ന് പോയ കിളി ഇപ്പോഴും തിരിച്ച് വരാത്തതിനാൽ എനിക്കൊന്നും പറയാൻ സാധിച്ചില്ല.

“ഇനിയിപ്പോ എന്നാ ഡിസ്സ്‌ചാർജ്??”

“നാളെ തരൂന്ന പറഞ്ഞേ.”

“അഹ്. ഇവിടെ വന്ന് കണ്ണനെ കണ്ടപ്പളാ കാര്യങ്ങൾ ഒക്കെ അറിയണെ. അതുകൊണ്ട് കാര്യായിട്ട് ഒന്നും വാങ്ങാൻ പറ്റിലാ.”

“ഏയ് എന്തിനാ മോളെ വെറുതെ പൈസ കളയണെ??”

“ചേച്ചി, ഇന്ന് ഒറ്റ ദിവസം കണ്ട പരിചയമേ നമ്മക്കിടയിൽ ഉളളൂ. പക്ഷെ നിങ്ങളൊക്കെ എന്റെ സ്വന്തം ആണെന്ന് ആരോ ഉള്ളിലിരുന്ന് പറയുമ്പോലെ. എന്നെ ഒരനിയത്തി ആയി തന്നെ കണ്ടോ ചേച്ചി.”

“അങ്ങനെ തന്നെയാ ഞങ്ങൾക്കും. നീ പറയാതെ തന്നെ ഞാൻ നിന്നെ അനിയത്തിയായി കണ്ടുകഴിഞ്ഞു.”

“ഞാൻ ചേച്ചിക്ക് എന്തെങ്കിലും വേടിച്ചിട്ട് വരട്ടെ??”

“എനിക്കൊന്നും വേണ്ട മോളെ.”

“അത് പറഞ്ഞ പറ്റില്ല. ഞാൻ ക്യാന്റീനിന്ന് നല്ല ചൂട് ഉഴുന്ന് വട വാങ്ങിട്ട് വരാം.”

“വാവേ……ടാ.”

സത്യം പറഞ്ഞാൽ നേരത്തെ പോയ കിളി ചേച്ചി വിളിച്ചപ്പോള തിരിച്ചെത്തിയെ. അവര് പറഞ്ഞതൊക്കെ ഒരു സ്വപ്നം പോലെ ഞാൻ കേൾക്കുന്നുണ്ടായിരുന്നു. ഞാൻ നോക്കിയപ്പോ മായ പോകാൻ പോണു. അവളെന്നെ നോക്കി ചിരിച്ചു. എനിക്കും അവളെ നോക്കി ചിരിക്കണം എന്നുണ്ടായിരുന്നു. പക്ഷെ അവള് ചിരിച്ചപ്പോ തന്നെ എന്റെ ശരീരം ആകെമൊത്തം മരവിച്ച അവസ്ഥയിലായി. അവള് പോയപ്പോ എന്തോ നല്ല മണം ആയിരുന്നു. അതേത് പൂവിന്റെയാണ് എന്നൊന്നും അറിയില്ല. പക്ഷെ എനിക്കിഷ്ട്ടയി. അവള് പോയിട്ടും ഞാനാ വാതിൽക്കലേക്ക് നോക്കി നിന്നു.

“വാവേ……”

ചേച്ചിയുടെ ഒരുമാതിരിയുള്ള വിളി കേട്ടാണ് ഞാൻ തിരിഞ്ഞ് നോക്കുന്നെ. അപ്പൊ കണ്ടത് ഒരാക്കിയ ചിരിയും മുഖത്ത് ഫിറ്റ് ചെയ്ത് എന്നെ തന്നെ നോക്കിയിരിക്കുന്ന അവളെയാണ്.

“ഊറ്റിയത് മതിട്ടോ. അവള് പോയിട്ട് കുറേനേരമായി.”

“ഓഹ്.”

“അല്ല എന്താ മോൻ സ്വപ്നം വല്ലോം കാണുവായിരുന്നോ??”

ഞാനതിന് മറുപടി കൊടുത്തില്ല. പകരം രൂക്ഷമായി അവളെ നോക്കി.

“അല്ല, കുറച്ച് നേരായിട്ട് ശ്രദ്ധിക്കുവാ. അവളെ തന്നെ കണ്ണിമ വെട്ടാതെ നോക്കുന്നു. കണ്ണൊന്ന് ചിമ്മുന്ന പോലുമില്ല. അവള് പറയുന്നതും ഞാൻ പറയുന്നതും ഒന്നും നീ കേൾക്കുന്നില്ലാന്ന് എനിക്ക് മനസിലായി. എന്താണ് അവളെ കണ്ടപ്പളെ ഉള്ള ഫ്യൂസ് അടിച്ച് പോയോ??”

“പോയിന്നാ തോന്നണെ.”

ഞാനൊരു ചമ്മലോടെ പറഞ്ഞു.

“എന്ത് ക്യൂട്ടാ അവള് അല്ലെടാ??”

“ഓഹ് നിന്റെ അത്രയൊന്നും ഇല്ലടി.”

“ഓഹ് എന്തിനാ സോപ്പിടണെ?? എന്തെങ്കിലും കാര്യം സാധിക്കാനുണ്ടോ??”

അവളെയൊന്ന് ചെറുതായിട്ട് പതപ്പിക്കാൻ നോക്കിയതാ. പക്ഷെ കൈയോടെ തൂക്കി.

“എന്താ മോനെ കാര്യം?? എന്താണേലും പറയ്യ്‌.”

“അവളോട് എങ്ങനെയാ ചേച്ചി ഞാനെന്റെ ഇഷ്ട്ടം തുറന്ന് പറയാ??”

ഞാനെന്റെ ഉള്ളിലുള്ളത് അങ്ങ് പറഞ്ഞു. ഒന്നും ഒളിക്കുന്ന ശീലം ഞങ്ങൾക്കിടയിൽ ഇല്ല. പക്ഷെ അവളിൽ നിന്നും ഞാൻ ഒരു കാര്യം മറക്കുന്നുണ്ട്. അതവളോട് പറഞ്ഞാൽ അവളെന്നെ വെറുക്കും.

“ഓഹ് അതാണോ?? അപ്പൊ ഇതിനാണ് മോൻ ഞാൻ സുന്ദരിയെന്നൊക്കെ പറഞ്ഞേ അല്ലെ??”

“പോടി ചേച്ചി. അവളെ എനിക്ക് ഇഷ്ട്ടൊക്കെ തന്നെയാ. പക്ഷെ ഞാൻ തലയിൽ തൊട്ട് സത്യം ചെയ്യാം അവളും സുന്ദരിയാ എന്റെ ചേച്ചിയും സുന്ദരിയാ.”

ഞാൻ പറഞ്ഞതും സത്യം തന്നെയാ. മായയെ കണ്ട് ഞാൻ മയങ്ങി. അതവളുടെ സൗന്ദര്യം മാത്രം കണ്ടല്ല. അവളുടെ മനസ്സും സ്നേഹവും ഒക്കെ കണ്ടാ.

“വാവേ…..”

ഏറെ നേരത്തെ ആലോചനക്ക് ശേഷം എന്തോ ഐഡിയ തലയിൽ ഉതിച്ചപ്പോലെ ചേച്ചി എന്നെ വിളിച്ചു.

“എന്തെങ്കിലും ഐഡിയ കിട്ടിയോടി??”

എന്റെ ആകാംഷ കണ്ട് അവൾ ചിരിച്ചു.

“അഹ്. ഒരു ഐഡിയ കിട്ടി.”

എനിക്ക് എന്തെന്ന് ഇല്ലാത്ത സന്തോഷമായി. മണ്ടിയാണെലും എന്റെ ചേച്ചിക്ക് ബുദ്ധിയൊക്കെയുണ്ട്.

“എന്താ ഐഡിയ??”

“ഞാനൊരു അവസരം ഒരുക്കിത്തരം നിങ്ങൾക്ക് സംസാരിക്കാൻ. നീ നിന്റെ മനസ്സിൽ ഉള്ളത് അവളോട് അങ്ങ് തുറന്ന് പറഞ്ഞോ!”

“നല്ല ഐഡിയ!”

“എന്തേ??”

“എടി ചേച്ചി അവളെ കാണുമ്പളേ എനിക്ക് ഞെട്ടലാ. ആ ഞാൻ എങ്ങനാ അവളോട് എനിക്ക് നിന്നെ ഇഷ്ട്ടണ് എന്ന് പറയ്യ??”

“അഹ് എനിക്ക് ഇങ്ങനുള്ള ഐഡിയയെ അറിയൂ.”

“നീ ഇങ്ങനുള്ളത് പറയാതെ നന്നായി ആലോചിച്ചിട്ട് നല്ലൊരു ഐഡിയ പറഞ്ഞ് താ.”

“നീ ഇതൊക്കെ പറയണതെ സ്വന്തം ചേച്ചിയോടാ.”

“അതിനിപ്പോ എന്താ??”

“ഒരു ചേച്ചിയോട് പറയുന്ന കാര്യണോ ഇതൊക്കെ??”

“എടി plz ചേച്ചി. നീ ഇങ്ങനൊക്കെ ചോദിച്ചാ ഞാൻ കുഴയും. ഇതൊക്കെ നിന്നോടല്ലെടി എനിക്ക് പറയാൻ പറ്റൂ??”

“ഞാൻ ചുമ്മാ പറഞ്ഞതാടാ വാവേ. എനിക്കറിഞ്ഞൂടെ നിന്നെ, നമ്മക്ക് എന്തെങ്കിലും ഒരു വഴിയുണ്ടാക്കാം.”

അവള് വീണ്ടും നല്ലൊരു ഐഡിയ കിട്ടാനായി ആലോചനയിലാണ്ടു.

“വാവേ…”

“അഹ്…”

“ഒരായ്‌ഡിയ കിട്ടി. പറയട്ടെ??”

“നേരത്തെ പറഞ്ഞത് പോലത്തെയാണോ??”

“അല്ലടാ.”

“എന്നാ വേഗം പറയ്യ്‌.”

“നീ ആദ്യം അവളോട് എന്തെങ്കിലും ഒക്കെ സംസാരിച്ച് നല്ല രീതിയില് കൂട്ട് അവൻ നോക്ക്. നിങ്ങള് തമ്മില് നല്ല രീതിയിൽ കൂട്ട് ആവണം. പതിയെ പതിയെ നിന്റെ ഇഷ്ട്ടം നീ അവളെ അറിയിക്കണം. എങ്ങനുണ്ട്??”

“ഐഡിയ ഒക്കെ കൊള്ളാം. പക്ഷെ എങ്ങനെ സംസാരിച്ച് തുടങ്ങും?? ഞാൻ പറഞ്ഞില്ലേ ടി അവളെ കാണുമ്പളേ ഞെട്ടലാ.”

“അതാദ്യം മാറ്റ്. അവളെ കാണുമ്പോ അതൊരു സ്വപ്നം ആണെന്ന് അങ്ങ് വിചാരിക്കണം. എന്നിട്ട് മനസ്സിലുള്ളത് എല്ലാം പറയണം.”

” ഛീ അതൊക്കെ ബോറാ ചേച്ചി.”

“പിന്നെ എന്താച്ച നീ ആയിക്കോ.”

“ചേച്ചി……..”

“വാവേ ചേച്ചി മോന്റെ കൂടെ തന്നെയുണ്ട്. നീ അവളോട് മനസ്സിലുള്ളത് അങ്ങ് പറഞ്ഞോ. ഒരു കാര്യത്തിൽ ഞാനുറപ്പ് തരാം. അവള് നിന്നെ ഇഷ്ടപ്പെടും.”

ചേച്ചിയുടെ ആ ഒരു വാക്ക് മതിയായിരുന്നു എനിക്ക് ധൈര്യം തരാൻ. ഞാൻ അവളെ നോക്കി പുഞ്ചിരിച്ചു. ഇനി ഞാൻ അവളെ കണ്ടാൽ ഞെട്ടില്ല എന്നുറപ്പിച്ചു. ചേച്ചി പറഞ്ഞപ്പോലെ നല്ല രീതിയിൽ കൂട്ടായി പതിയെ പതിയെ എന്റെ ഇഷ്ട്ടം ഞാനവളെ അറിയിക്കും. ഞാൻ മനസ്സിലുറപ്പിച്ചു. അവളെ പറ്റി അങ്ങനെ ആലോചിക്കുവായിരുന്നു ഞാൻ. പെട്ടന്ന് ചേച്ചി എന്റെ കൈയിൽ പിച്ചി. ഞാനവളെ നോക്കി. അവളെന്നെ കണ്ണുകൾ കൊണ്ട് നേരെ നോക്കാൻ ആംഗ്യം കാണിച്ചു. ഞാൻ നേരെ നോക്കി. കൈയിൽ ഒരു പൊതിയുമായി വരുന്നു എന്റെ അരയന്നം. ഇപ്രാവശ്യം ഞാൻ ഞെട്ടിയില്ല. ഞാൻ ബെണ്ടിൽ നിന്നും എഴുന്നേറ്റു. ഇത്തവണ അവള് ചിരിക്കും മുന്നേ ഞാനങ്ങ് ചിരിച്ചു. എന്റെ ചിരി കണ്ടില്ലാന്ന് തോന്നുന്നു, അവള് ചിരിച്ചില്ല. ഞാൻ ചമ്മി.

“ദാ ചേച്ചി നല്ല ചൂടുള്ള ഉഴുന്ന് വട. ചൂട് പോവും മുന്നേ കഴിച്ചോ.”

“ചേച്ചിക്ക് മാത്രേ ഉള്ളോ?? എനിക്കില്ലേ??”

ഇപ്രാവശ്യം എനിക്ക് സംസാരിക്കാൻ നല്ല ധൈര്യം കിട്ടി. അതുകൊണ്ട് തന്നെ ഞാനങ്ങ് ചോദിച്ചു.

“ഓഹ് കണ്ണനും ഉണ്ട് കഴിച്ചോ.”

എന്റെ ചോദ്യം കേട്ട് ചിരിച്ചുകൊണ്ട് അവൾ മറുപടി തന്നു. ഉഫ്‌ ആളെ കൊല്ലുന്നൊരു ചിരിയായിട്ട് ഇറങ്ങിക്കോളും.

“എന്നാ പിന്നെ ഞാനിറങ്ങട്ടെ?? സമയം കിട്ടുവാണേ നാളെ രാവിലെ വരാം.

“മോള് ഒന്ന് കഴിക്ക്.”

“എനിക്ക് വേണ്ട ചേച്ചി ഞാനിതൊന്നും അധികം കഴിക്കാറില്ല. കഴിപ്പിക്കാറെ ഉളളൂ. പിന്നെ നിങ്ങടെ രണ്ട് പേരുടേം നമ്പർ തരണേ.”

അവളതും പറഞ്ഞ് ഫോൺ എടുത്തു. ചേച്ചി അവളുടെ നമ്പർ പറഞ്ഞ് കൊടുത്തു.

“ഇനി കണ്ണന്റെ കൂടി താ.”

അവള് എന്റെ നേരെ തിരിഞ്ഞു. ഒരു പെണ്ണ് ആദ്യയിട്ടാ എന്റെ നമ്പർ ചോദിക്കണേ. ആ സമയത്ത് എനിക്ക് വേറേതോ ഫീൽ ആയിരുന്നു. ഒന്ന് അറച്ചെങ്കിലും ഞാനും എന്റെ നമ്പർ പറഞ്ഞ് കൊടുത്തു. അവള് ഞങ്ങളോട് യാത്ര പറഞ്ഞിറങ്ങി. അപ്പളാണ് എനിക്ക് മറ്റേ കാര്യം ഓർമ വന്നത്. നേരത്തെ ഇവള് എന്തിനാ എന്നെ പിന്നീന്ന് വിളിച്ചത്?? ഞാനത് ചോദിക്കാൻ തന്നെ തീരുമാനിച്ചു. ഞാനും റൂമിന് വെളിയിലിറങ്ങി. ഭാഗ്യത്തിന് അവള് സ്റ്റെപ് ഇറങ്ങുവായിരുന്നു.

“മായാ……”

ഞാനവളെ വിളിച്ചു. അവള് എന്നെ നോക്കി. സ്റ്റെപ് തിരിച്ച് കേറി എന്റെ അടുത്ത് വന്നു. നേരത്തെ കിട്ടിയ അതേ സുഗന്ധം എന്റെ മുക്കിലേക്ക് അടിച്ച് കേറി. ഇവളെ കാണുമ്പോ കടിച്ച് തിന്നാൻ തോന്നുവാണല്ലോ ഈശ്വരാ.

“Mm എന്താ??”

അവൾടെ മാസ്റ്റർപീസ്സ് ചിരിയോടെ എന്നോട് ചോദിച്ചു.

“അഹ്, ഒരു സംശയം ചോദിക്കാനാ വിളിച്ചേ?? നേരത്തെ ക്യാന്റീനിൽ വച്ച് എന്നെ പിന്നിന്ന് വിളിച്ചില്ലേ??”

ഞാനത്ര മാത്രം പറഞ്ഞു. അവളൊന്ന് ആലോചിച്ചു. പെട്ടന്ന് അവൾടെ മുഖം ചമ്മ്യ പോലെ എനിക്ക് തോന്നി. ചിലപ്പോ തോന്നിയതാവും.

“അത് കണ്ണാ സോറി. ഞാനിത് തരനായിട്ടാ വിളിച്ചേ.”

അവളതും പറഞ്ഞ് അവൾടെ hand bag ന്ന് 200 ന്റെ ഒരു നോട്ടും 100 ന്റെ ഒരു നോട്ടും പുറത്തെടുത്തു. എന്നിട്ട് അത് എനിക്ക് നേരെ നീട്ടി. ഞാനിത് എന്തെന്ന അർത്ഥത്തിൽ അവളെ നോക്കി.

“ഇത് കണ്ണന്റെ പോക്കറ്റിന്ന് വീണതാ.”

അവളത് പറഞ്ഞപ്പോ ഞാനെന്റെ പോക്കറ്റിൽ തപ്പി. ശെരിയാ അവള് പറഞ്ഞത് പാന്റിന്റെ back പോക്കറ്റ് കീറി ഇരിക്കുന്നു. ആ ക്യാന്റീനിന്ന് പപ്സും വേടിച്ച് ബാക്കി തന്ന പൈസ ഞാൻ ആ പോക്കറ്റിലാ ഇട്ടത്.

“താങ്ക്സ് മായ. തന്റെ സ്ഥാനത്ത് വേറെ ആരെങ്കിലും ആയിരുന്നെ ഇതും കൊണ്ട് പോയേനെ.”

വീണ്ടും ആളെ കൊല്ലുന്ന ചിരി.

“സത്യത്തിൽ ഇത്‌ തരനായിട്ടാ വിളിച്ചേ. പിന്നെ മറന്ന്പ്പോയി. ഇപ്പൊ കണ്ണൻ ഓര്മിപ്പിച്ചത് നന്നായി. ഇല്ലേ ഇതും കൊണ്ട് ഞാനങ്ങ് പോയേനെ.”

അവൾ ചിരിച്ചു. ഞാനും.

“എന്നാ ശെരി. കാണാം.”

അവള് അതും പറഞ്ഞിറങ്ങി. എന്തോ അവള് പോയപ്പോ വല്ലാത്ത സങ്കടം. അപ്പോഴാണ് എന്റെ ചേച്ചിപെണ്ണിന്റെ കാര്യം ഞാൻ ഓർക്കണേ. സങ്കടം ഉള്ളിലൊതുക്കി ഞാൻ നേരെ റൂമിലോട്ട് നടന്നു.

“എന്നേം കളഞ്ഞിട്ട് എങ്ങോട്ട് ഓടിയതാ??”

റൂമിലേക്ക് കേറിയ പാടെ വന്നു ചോദ്യം. ഞാൻ നടന്നതെല്ലാം ശ്വാസം വിടതങ്ങ് പറഞ്ഞു.

“Mm”

എല്ലാം കേട്ടിട്ട് അവളൊന്ന് മൂളിയതല്ലാതെ വേറൊന്നും പറഞ്ഞില്ല.

“എന്താ ഒരു സങ്കടം??”

ആ മൂളല് കേട്ടപ്പളേ എനിക്ക് തോന്നി എന്തോ സങ്കടം ഉണ്ടെന്ന്.

“ഏയ് ഒന്നൂല്യ വാവേ.”

“ഈ ഒന്നൂല്യ കേക്കാൻ തുടങ്ങിട്ട് വർഷം കുറെ ആയി. ഇനിയെങ്കിലും ഇതൊന്ന് മാറ്റിപിടിച്ചൂടെ??”

“പോടാ…”

“എന്താടി ചേച്ചി എന്താ കാര്യം??”

“കാര്യം പറഞ്ഞാൽ നീ എന്നെ വഴക്ക് പറയോടാ??”

“ഓഹ് അപ്പൊ വല്യ എന്തോ കാര്യാണ്. ഇല്ല വഴക്ക് പറയത്തില്ല. നീ കാര്യം പറ.”

“അതില്ലേ വാവേ നേരെത്തെ മായ മോള് വരും മുന്നേ ഒരു കാര്യം പറഞ്ഞില്ലേ ഞാൻ.”

“എന്ത് കാര്യം??”

“മറ്റേ പരിപ്പ് വട.”

“അഹ് അത്,”

“അതിപ്പോ വേടിച്ചിട്ട് വരോ??”

പകച്ചുപോയി എന്റെ ബാല്യം. മായ പോയ വിഷമത്തിൽ ഇരിക്കുമ്പോഴും ഇവൾടെ വിശപ്പ് കാണുമ്പോ ചിരിയാ വരണേ.

“അല്ലേച്ചി അപ്പോ മായ വാങ്ങിട്ട് വന്ന ഉഴുന്ന് വടയോ??”

“ഓഹ് അത് വെറും നാലണ്ണെ ഉണ്ടായിരുന്നുള്ളൂ.”

എന്ത് നിസ്സാരം ആയിട്ടാ ഇവളിത്‌ പറയണേ!

“അപ്പൊ എനിക്കുള്ളതും നീ അകത്താക്കിയല്ലേ??”

“അത് പിന്നെ നിന്നെ കാണാണ്ട് അയപ്പോ ഞാനെടുത്ത് അങ്ങ് തിന്നു.”

“നല്ലത്.”

“വാവേ പോയി വാങ്ങിട്ട് വാടാ….”

“എടി ചേച്ചി നിന്നെ ഇവിടെ ഒറ്റക്കാക്കിട്ട് ഞാനെങ്ങനെ പോയി വാങ്ങാനാ??”

“അതൊന്നും സാരല്ല്യടാ.”

“എന്റെ പെണ്ണേ ഇപ്പൊ ദേ ഈ ഫുഡ് അങ്ങ് കഴിക്ക്. നാളെ രാവിലെ അച്ഛനും അമ്മയും ഇങ്ങ് വന്നോട്ടെ. എന്നിട്ട് നിനക്ക് ആവശ്യം ഉള്ളത് നിന്നേം കൊണ്ട് പോയി വാങ്ങി തരാം. പോരെ.”

“അതെങ്ങനെ ഞാൻ വരും??”

“നാളെ രാവിലെ തന്നെ നിനക്ക് ഡിസ്സ്‌ചാർജ് കിട്ടും.”

“ഉറപ്പല്ലേ??”

“നിയാണെ സത്യം.”

എങ്ങനെയൊക്കെയോ പെണ്ണൊന്ന് അടങ്ങി. പിന്നെ ഞങ്ങള് മായ കൊണ്ട് വന്ന ഫുഡ് കഴിഞ്ഞു. രണ്ട് കറിയെ ഉണ്ടായിരുന്നുള്ളൂ. പക്ഷെ നല്ല രുചിയായിരുന്നു.

ഞങ്ങള് രണ്ടാളും നല്ലതുപ്പോലെ ആസ്വദിച്ച അത് കഴിച്ചത്. ഫുഡൊക്കെ കഴിച്ച് കഴിഞ്ഞ് കുറച്ച് നേരം കളിതമാശകള് പറഞ്ഞിരുന്നു. അപ്പോഴേക്കും എന്റെ സങ്കടം എല്ലാം പോയിരുന്നു. അല്ല എന്റെ സങ്കടം എല്ലാം എന്റെ ചേച്ചിപെണ്ണ് മാറ്റിയിരുന്നു. പിന്നെ രണ്ട് നഴ്സുമാർ വന്ന് അവൾക്ക് ട്രിപ്പ് ഇട്ടു. അവളുടെ കൈയില് സൂചി കേറ്റിയപ്പോ അവളെന്റെ കയ്യിലെ തൊലി എടുത്തു. അത് കണ്ട് ആ നഴ്സുമാർ ഒരേ ചിരിയായിരുന്നു. പിന്നെ രണ്ട് മൂന്ന് തവണ അവളെ ബാത്‌റൂമിൽ കൊണ്ട്പ്പോയി. പിന്നും കുറേ നേരം മിണ്ടിയും പറഞ്ഞും ഇരുന്നു. ഒടുക്കം അവള് സുഖയിട്ട് ഉറങ്ങി. ഉറക്കം വരുന്നുണ്ടെലും ഞാൻ ഉറങ്ങിലാ. ട്രിപ്പ് തിരുമ്പോ തിരുമ്പോ പോയി പറയാനായിരുന്നു നഴ്സുമാരുടെ ഓർഡർ. ഇതൊക്കെ കൊണ്ട് എനിക്കൊരു കാര്യം മനസ്സിലായി നെറ്റിക്ക് സാരമായ പരിക്കല്ല. ഒരുപാട് ബ്ലഡ് പോയിട്ടുണ്ടാവും. എല്ലാം എന്റെ തെറ്റാ. ഞാൻ അവളുടെ കൂടെ ഉണ്ടാവണം ആയിരുന്നു. Mm കഴിഞ്ഞത് കഴിഞ്ഞു. ഇനി മരിച്ചാലും ഞാനീ കൊതിച്ചിയെ ഒറ്റക്ക് ആക്കില്ല. എങ്ങനൊക്കെയോ ഫോണിൽ തൊണ്ടിയും സൗണ്ട് കുറച്ച് വച്ച് സിനിമ കണ്ടും നേരം വെളുപ്പിച്ചു. പിന്നെ എല്ലാം പെട്ടന്നായിരുന്നു. ആറ് മണിക്ക് ഉണർന്ന അവള് എട്ട് മണി ആവുന്ന വരെ ഒരേ തീറ്റ ആയിരുന്നു. ഓടി ഓടി ഞാൻ തളർന്നത് മിച്ചം. പിന്നെ ഇതെല്ലാം ഇവൾക്ക് വേണ്ടി ആണല്ലോ എന്നോർക്കുമ്പോളാണ് സന്തോഷം.

“എപ്പളാ വാവേ അമ്മേം അച്ഛനും വരണേ??”

എന്റെ കൈയിലുള്ള പൈസ തീർന്നു. ഇനി അവര് വന്നാലേ എന്തേലും നടക്കൂ. അതുകൊണ്ടായിരിക്കും ചോദിക്കണേ.

“അഹ് അറിയില്ല ചേച്ചി. നേരത്തെ വിളിച്ചപ്പോ പറഞ്ഞത് ഒരു ഒൻപത് മണിയൊക്കെ ആവുമ്പോ വരാന്ന. നീയൊന്ന് അടങ്ങ്.”

“വാവേ…..”

“ഓ…..”

“വിശക്കുന്നു.”

“നന്നായി. അവരെ തിരക്കിയപ്പളേ മനസ്സിലായി ഇതിനാണെന്ന്.”

“ഇനി എന്ത് ചെയൂടാ??”

“എന്ത് ചെയ്യാൻ, നേരത്തെ ഓരോന്ന് വേടിച്ച് പൈസ കളഞ്ഞപ്പോ ആലോചിക്കണോയിരുന്ന്. ഇനിയിപ്പോ അവര് വരട്ടെ.”

“Mm”

“ചേച്ചി…..”

“അഹ്.”

“ഒന്നൊന്നും അല്ലല്ലേ??”

“എന്ത്??”

“അനകോണ്ടാസ്.”

ഞാൻ കളിയാക്കൽ രീതിയിൽ പറഞ്ഞു.

“കളിയാക്കിക്കോ എന്തിനും നിന്റെ കൂടെ നിക്കുന്ന എന്നെ തന്നെ അവസരം കിട്ടുമ്പോ കളിയാക്കിക്കോ.”

“അച്ചോടാ എന്റെ കൊതിച്ചിക്ക് വിഷമായോ?? പോട്ടെട്ടോ. ഞാൻ വെറുതെ പറയണത് അല്ലെ??”

“എന്നെ തൊട്.”

“എഹ് എന്തിന്??”

“നീ ചുമ്മ കണ്ണിടുവാ. എന്റെ വയറിന് എന്തെങ്കിലും അസുഖം വരും.”

എനിക്ക് ചിരി കണ്ട്രോൾ ചെയ്യാൻ പറ്റിലാ. ഞാൻ ചിരിച്ചു. പൊട്ടിച്ചിരിച്ചു. ലക്ഷ്മി ദേവിയായിരുന്ന എന്റെ ചേച്ചി ഞാൻ ചിരിക്കുന്നത് കണ്ട് ഭദ്രകാളിയായി. അവള് പിന്നെ എന്നെ എന്തൊക്കെയാ ചെയ്തതെന്ന് എനിക്ക് കൂടി അറിയില്ല. അവൾടെ നഖം ആഴാത്ത സ്ഥലം ഇല്ല എന്റെ കയ്യില്.

“ദേ തൊട്ട് തൊട്ട് പോരെ.”

അവസാനം അവൾടെ ഉപദ്രവം സഹിക്കവയ്യാതെ ഞാനവൾടെ വയറിൽ തൊട്ടു. അപ്പളാ പെണ്ണൊന്ന് അടങ്ങിയത്.

“വാവേ എനിക്കൊന്ന് കുളിക്കണോല്ലോ ടാ.”

“ഇപ്പളോ?? നമ്മക്ക് ഇനി വിട്ടീ ചെന്നിട്ട് കുളിക്കാടി.”

കാര്യം ഇതൊക്കെ ആണേലും രാവിലെ കുളിച്ചില്ലേ അവൾക്ക് ഒരു വല്ലായിമയാണ്.

“എനിക്കെന്തോ പോലെ ദേഹോക്കെ നാറുന്നു.”

“എന്റെ പെണ്ണേ ഒന്നടങ്ങേടി. ഡോക്ടർ ഇപ്പൊ വരും. എന്നിട്ട് ഡിസ്ചാർജ് എഴുതി തരും. പിന്നെ നമ്മള് നേരെ വിട്ടീ ചെന്ന് നിന്നെ കുളിച്ച് സുന്ദരിയാക്കിട്ടേ ഞാനൊന്ന് ഉറങ്ങു. അത് പോരെ.”

“അപ്പൊ ഇന്നലെ രാത്രിയും എന്റെ വാവ ഉറങ്ങിലേ??”

പാവം ഞാൻ ഉറങ്ങാത്തതിൽ ആശത്തിക്ക് നല്ല വിഷമം ഉണ്ട്.

“ഏയ് അതൊന്നും സാരല്ലടി. ഞാൻ ഫോണിലൊക്കെ തോണ്ടി ഉറക്കം കളഞ്ഞു.”

ഞാൻ അങ്ങനെ പറഞ്ഞിട്ടും അവൾടെ

മുഖം തെളിഞ്ഞില്ല.

“അഹ് ഒന്ന് ചിരിക്കേടോ.”

ഞാനവളെ ഇക്കിളി കൂട്ടി. പക്ഷെ no രക്ഷ. ഇനി എന്തോന്ന് ചെയ്ത് ഇവൾടെ മൂഡ് ശെരിയാക്കും എന്നാലോചിച്ചോണ്ട് ഇരിക്കുമ്പോളാണ് എനിക്ക് മറക്കാൻ പറ്റാത്ത ആ സുഗന്ധം എന്റെ മൂക്കിനകത്തേക്ക് ഊളി ഇട്ട് കേറിയത്. ഞാനൊന്ന് ആഞ്ഞ് വലിച്ചു. എന്റെ ഹൃദയമിടിപ്പ് വേഗത്തിലായി. അതേ എന്റെ മാത്രം അരയന്നം മായ. കൈയിൽ ഇന്നലത്തെ പോലെ ഒരു പൊതിയുമായി റൂമിനകത്തേക്ക് വരുന്നു. കടും നീല ചുരുതാറിൽ അവൾ കൂടുതൽ മനോഹരിയായിരിക്കുന്നു. നന്നായി ഒരുങ്ങിട്ടൊന്നും ഇല്ല. അല്ലെങ്കിൽ തന്നെ സുന്ദരിക്ക് എന്തിനാ പൊട്ട്?? മുടി മെടഞ്ഞ് കെട്ടിയിരിക്കുന്നു. നെറ്റിയിൽ ഭസ്മ കുറി. ഏതായാലും ഒന്ന് പറയാം ഇവളും എന്റെ ചേച്ചിയും ഒരുങ്ങി ഇറങ്ങിയാൽ ഇതിൽ ആരാ സുന്ദരി എന്ന് പറയാൻ ആരായാലും ഒന്ന് വിയർക്കും.

“Good morning.”

വന്നപ്പടെ അവളുടെ ആ മുല്ലപ്പൂമൊട്ട് പോലുള്ള പല്ലുകൾ കാട്ടി ചിരിച്ചുകൊണ്ട് wish ചെയ്‌തു. ഇന്നത്തെ ദിവസം കളർ അവൻ അത് തന്നെ ധാരാളം.

“Good morning മായ കുട്ടി.”

അത് കേട്ട് ചേച്ചിയും കൊടുത്തു ഒരു wish.

“Good morning മായാ.”

ഞാനങ്ങനെ wish ചെയ്യുന്ന കൂട്ടത്തിലൊന്നും അല്ല. ഇങ്ങോട്ട് ആരെങ്കിലും wish ചെയ്താൽ might ചെയ്യത്തും ഇല്ലാ. പക്ഷെ മായ wish ചെയ്‌തപ്പോ എനിക്ക് തിരിച്ചും ചെയ്യാൻ തോന്നി.

“ദാ”

അവൾ കൈയിലെ പൊതി ചേച്ചിക്ക് കൊടുത്തു.

“എന്താ ഇത്??”

പൊതിയിൽ അങ്ങോട്ടും ഇങ്ങോട്ടും നോക്കിയാണ് ചേച്ചിയുടെ ചോദ്യം.

“നല്ല ചൂട് പരിപ്പ് വട.”

അത് കേട്ടപ്പോ എന്റെ കൊതിച്ചി പെണ്ണിന്റെ മുഖത്തെ ഭാവം കാണണമായിരുന്നു.

“ഞാനിന്നലെ കണ്ണന് മെസ്സേജ് അയച്ചിരുന്നു. പക്ഷെ ഒരു replay യും ഇല്ലായിരുന്നു.”

എന്റെ മുഖത്ത് നോക്കി പരിഭവം കണക്ക് അവളത് പറഞ്ഞപ്പോ എന്റെ അവസ്ഥ ഒരുമാതിരി പന്തം കണ്ട പെരുച്ചാഴിയെ പോലായിരുന്നു.

“ചേച്ചിക്ക് മെസ്സേജ് അയച്ച് വെറുതെ ശല്യപ്പെടുത്തണ്ടാന്ന് വിചാരിച്ചു. അതാ കണ്ണന് മെസ്സേജ് ഇട്ടേ.”

അവളതൂടെ പറഞ്ഞപ്പോ swich off ആയിരുന്ന എന്റെ ഫോൺ ഞാൻ ഓണാക്കി. 3% മാത്രമേ ഉണ്ടായിരുന്നുള്ളൂ. എന്നിരുന്നാലും ഞാൻ വാട്സാപ്പ് ഓണാക്കി. ഏതോ ഒരു നമ്പറിന്ന് ഏഴെട്ട് മെസ്സേജ് വന്ന് കിടപ്പുണ്ട്. ഞാനത് open ചെയ്തു. അതേ അവളുടെ തന്നെ മെസ്സേജ്. ചേച്ചി എന്ത് ചെയ്യുവാ??, ഫുഡൊക്കെ കഴിച്ചോ??, ചേച്ചി ഉറങ്ങിയോ??, ഇതായിരുന്നു ഇന്നലെ രാത്രിയിലെ മെസ്സേജ്. പിന്നെ മെസ്സേജ് ഉള്ളത് ഇന്ന് രാവിലെ 6 മണിക്ക് ശേഷമാണ്. Good morning, ചേച്ചി ഉണർന്നോ??, ഫുഡ് കഴിച്ചോ??, ഡിസ്സ്‌ചാർജിന്റെ കാര്യം വല്ലതും പറഞ്ഞോ??, ഞാനങ്ങോട്ട് വരുവാണ് എന്നൊക്കെ.

“മായ സോറി. വാട്സാപ്പില് ഞാൻ നോട്ടിഫിക്കേഷൻ ഓഫ് ആക്കി ഇട്ടേക്കുവാ. അത് മാത്രോല്ല, free fire ഉം സിനിമയും ഒക്കെയായിട്ട് ഫോണിലെ ചാർജ് മൊത്തം ഞാൻ തീർത്തു. അതാ മെസ്സേജ് ശ്രദ്ധിക്കാണ്ടിരുന്നേ.”

ഞാൻ ഉള്ളതങ്ങ് പറഞ്ഞു.

“അല്ല ഈ വാട്സാപ്പ് നമ്മക്ക് ഉപയോഗം ഉള്ള ആപ്പ് അല്ലെ?? അതിന്റെ നോട്ടിഫിക്കേഷൻ ഓഫാക്കിയാൽ ആവശ്യക്കാര് മെസ്സേജ് അയച്ച നമ്മക്കെങ്ങനെ അറിയാൻ പറ്റും??”

അവള് പറഞ്ഞതിലും കാര്യമുണ്ട്. പക്ഷെ ഞാൻ നോട്ടിഫിക്കേഷൻ ഓഫാക്കിയത്തിന്റെ പ്രധാന കാരണം നാലഞ്ചു കുത്ത് ഗ്രൂപ്പ് കിടപ്പുണ്ട്. തുരുതുരാ മെസ്സേജ് വരും ഭ്രാന്ത് എടുക്കും. ഓഫാക്കിയപ്പോ full നോട്ടിഫിക്കേഷനും അങ്ങ് ഓഫാക്കി. ഈയൊരു കാര്യം മാത്രമാണ് ഞാനെന്റെ ചേച്ചിയിൽ നിന്നും മറച്ചു വച്ചത്.

“അത് free fire ന്റെ കുറെ ഗ്രൂപ്പ് ഉണ്ടേ. ചുമ്മ മെസ്സേജ് വന്നോണ്ടിരിക്കും. അതാ.”

ഞാനൊരു ചിരിയോടെ നല്ല കല്ല് വച്ച നുണ പറഞ്ഞു. അവിടേം ചിരി തന്നെയാണ് അതിന് മറുപടിയായി കിട്ടിയത്. പിന്നെ അവൾ ചേച്ചിയുടെ നേരെ തിരിഞ്ഞ് ഓരോന്ന് ചോദിക്കാൻ തുടങ്ങി. അതൊന്നും എന്റെ കാതുകളിൽ എത്തില്ല. അവളെ തന്നെ കണ്ണിമ വെട്ടാതെ ഞാൻ നോക്കിയിരുന്നു. ഓരോന്ന് പറയുമ്പോഴും അവൾടെ മുഖത്ത് വിരിയുന്ന ഭാവമാറ്റങ്ങൾ ഞാൻ ശ്രദ്ധിച്ചിരുന്നു. അതെല്ലാം കാണുമ്പോ എന്റെ ചുണ്ടിന്റെ കോണിലും ഞാനറിയാതെ തന്നെ പുഞ്ചിരി വന്നിരുന്നു. പെട്ടന്ന് അവളുടെ ആ മാൻപേട കണ്ണുകൾ എന്റെ കണ്ണുകളുമായി കൂട്ടിമുട്ടി. എന്നെ നോക്കി അവൾ എന്താന്ന് അർത്ഥത്തിൽ പുരികം പൊക്കി. അതിന് ഞാൻ ഒന്നൂല്ല എർത്ഥത്തിൽ ചുമൽ കൂച്ചി. അവൾ ചിരിച്ചു ഞാനും. ഇതെല്ലാം കണ്ട് മറ്റൊരാളും ചിരിക്കുന്നുണ്ടായിരുന്നു, എന്റെ ചേച്ചി.

“കണ്ണാ ഒന്ന് പുറത്തേക്ക് വരുവോ?? എനിക്ക് കുറച്ച് കാര്യങ്ങൾ സംസാരിക്കാൻ ഉണ്ടായിരുന്നു.”

കുറച്ച് നേരത്തെ സംസാരത്തിനൊടുവിൽ അവൾ എന്നോട് പറഞ്ഞ് എന്റെ മറുപടിക്ക് കാത്തുനിക്കാതെ പുറത്തേക്കിറങ്ങി.

“എന്താടി അവൾക്ക് പറയാനുള്ളത്??”

ഞാനവിടെ ഇരുന്ന് വട തിന്നുവായിരുന്ന എന്റെ ചേച്ചിയോട് തിരക്കി.

“അഹ് എനിക്കെങ്ങനെ അറിയാം??”

ഒരു കള്ളച്ചിരിയോടെ അവളത് പറഞ്ഞപ്പോ അത് വരെ ഇല്ലാതിരുന്ന പേടി എന്റെ ഉള്ളിൽ ഉടലെടുത്തു.

“ടി ചേച്ചി….”

ഞാനവളെ ദയനീയമായി വിളിച്ചു.

“നീ പോയി അവൾക്ക് പറയാനുള്ളത് എന്താന്ന് കേക്ക് വാവേ, ചെല്ല്.”

അവളും കൂടി എന്നെ അങ്ങോട്ടേക്ക് ഉന്തി തള്ളി വിട്ടു. പേടിച്ച് പേടിച്ചാണെങ്കിലും ഞാൻ അങ്ങോട്ടേക്ക് നടന്നു. മനസ്സ് നിറയെ പേടിയുമായി.

തുടരാം അല്ലെ??????