❤️കൈക്കുടന്ന നിലാവ് -07❤️

കഴിഞ്ഞ ഭാഗങ്ങൾ വായിയ്ക്കുകയും  അഭിപ്രായം  അറിയിയ്ക്കുകയും ചെയ്ത എല്ലാ ചങ്ങാതിമാർക്കും ഹൃദയം നിറഞ്ഞ നന്ദി…. അതേപോലെ ഈ ഭാഗത്തിനും നിങ്ങളുടെ സപ്പോർട്ടുണ്ടാകണമെന്ന് അപേക്ഷിച്ചു കൊണ്ട് തുടങ്ങുന്നു…..

കൈക്കുടന്ന നിലാവിന്റെ ഏഴാം ഭാഗം…..!!!

-അർജ്ജുൻ ദേവ്

അന്നെന്നെ വീട്ടിലാക്കി മടങ്ങുമ്പോൾ  കാറിന്റെ ബാക്ക് സീറ്റിലിരുന്ന്  തല വെളിയിലേയ്ക്കിട്ട് കൈകൾ വീശിയ ഗൗരിയെ അവളുടെ പൂച്ചക്കണ്ണുകളിലെ തിളക്കത്തെ,,, അതിനെ വിട്ട് കണ്ണെടുക്കാൻ കഴിഞ്ഞില്ലായെന്നതാണ് സത്യം….

ഗൗരിയെയും അനുവിനെയും വീട്ടിലാക്കാൻ ഷെഹി പോയപ്പോൾ ജീവനും രോഹിയും ചേർന്ന് എന്നെ താങ്ങി റൂമിലേയ്ക്ക് നടന്നു…..

“””മ്മ്മ്….???  എന്താടാ നാറീ കണ്ണു നിറഞ്ഞിരിയ്ക്കുന്നേ….???”””

രോഹി എന്റെ മുഖത്തേയ്‌ക്കൊന്നു   നോക്കിയ ശേഷം ചോദിച്ചു….

“””എന്റെ രോഹീ….  നീയിങ്ങനെ വെറും പൊട്ടനാവാതെ…..  ആ കാറിലിരുന്ന്  ടാറ്റ പറഞ്ഞ സാധനമില്ലേ….  അതിപ്പോ അടുത്തില്ലല്ലോ…..  അതിന്റെ സങ്കടാ…..  പിന്നൊരു കാര്യം നീയറിഞ്ഞില്ലല്ലോ…..???”””

ജീവനൊന്നു നിർത്തിയിട്ട് എന്റെ ഇടതു ഭാഗത്തു നിന്ന രോഹിയെ തലയെത്തിച്ചു നോക്കി….

“””മ്മ്മ്….???”””

“””ആ പൂച്ചക്കണ്ണി കോൺട്രാക്ടൊക്കെ സൈൻ  ചെയ്യിച്ചിട്ടാ പോയേ…..!!!”””

“””കോൺട്രാക്ടോ….???  എന്ത്  കോൺട്രാക്ട്…..???”””

“””പറയട്ടേ  അളിയാ…..???”””

ജീവനെന്റെ മുഖത്തേയ്ക്ക് നോക്കി…..  എനിക്ക് എതിർപ്പൊന്നുമില്ലെന്ന് മുഖഭാവത്തിൽ നിന്നും വ്യക്തമായതോടെ അവൻ തുടർന്നു……

“””ഇനിമേലാൽ  പുറത്തു പോകരുത്….. പ്രത്യേകിച്ച്  നമ്മളോടൊപ്പം…..  ഇനിയെന്തിനെങ്കിലും പോണോങ്കി തന്നെ അവളെയും കൂട്ടിപ്പോണം…..   അവൾക്ക് വേറെയാരേം വിശ്വാസമില്ലത്രേ…..!!!”””

ജീവൻ  ചെറുചിരിയോടെ അതു പറഞ്ഞു കഴിഞ്ഞതും  ഞാൻ  സ്വാഭാവികമെന്നോണം  രോഹിയെ  നോക്കിപ്പോയി…… എന്നാൽ അവന്റെ മുഖഭാവത്തിൽ  ഇതൊന്നും  ഒരു  വിഷയമേ ആയി തോന്നിയില്ല…..

“””അതൊന്നും സീനല്ലടാ….   ഇതൊക്കെ  സർവ്വസാധാരണമാ….. ഈ  സ്നേഹിയ്ക്കുന്ന  പെണ്ണിന്  നമ്മുടെ  ഫ്രണ്ട്സിനെ  അത്ര പിടിയ്ക്കില്ല…..  കാരണം വേറൊന്നുമല്ല….  ഇനിയെങ്ങാനം നമ്മള്  അവളുമാരെക്കാൾ കൂടുതൽ  ഫ്രണ്ട്സിനെ സ്നേഹിച്ചാലോന്നുള്ള  പൊസ്സെസ്സീവ്നെസ്സാ അത്…..  കാര്യമാക്കണ്ട…..!!!”””

“””അപ്പൊ വീണ മാമും…..???”””

എന്റെ കണ്ണുകൾ  അവനെ  തുളച്ചു……

“””പിന്നേ….

.!!!  നിന്നോടൊന്നും കൂടെ നടക്കരുതെന്നാ അവൾടെ ഓഡർ…..  അതിനുള്ള കാരണം ചോദിയ്ക്കാതിരിയ്ക്കാൻ നിന്നെയൊക്കെ കൊറേ കുറ്റോം പറയും….. അന്നേരത്ത് ഞാൻ നിന്നേക്ക തള്ളിപ്പറയുന്നത്  കണ്ടാൽ നമ്മുടെ കർത്താവിനെ ഒറ്റിയ പത്രോസൊക്കെ  ദക്ഷിണ വെച്ച് കാലേ വീഴും….!!!”””

“””എടാ നാറീ…..  അപ്പൊ നീ  അവരോട്  കിന്നരിയ്ക്കുന്നത് മുഴുവൻ നമ്മളെ ഒറ്റുന്നതാണല്ലേ…..     വെറുതെയാണാ  നമ്മളെ കാണുമ്പോ കാണുമ്പോ അവര്  ഗെറ്റ് ഔട്ടടിയ്ക്കുന്നേ…. ഈ നാറി ഓരോന്നൊക്കെ പറഞ്ഞു പിടിപ്പിച്ചിട്ടായിരിക്കും…..  ഇനി നീ ഫോണെടുക്കുന്ന  ഞാൻ കാണട്ട്…..!!!”””

പതിയെ  എന്നെ  കട്ടിലിലേയ്ക്ക്  കിടത്തിക്കൊണ്ട്  ജീവൻ  രോഹിയെ  തറപ്പിച്ചൊന്നു  നോക്കി…..

“””എടാ….  അമ്മയെവിടെ…..???  മോനെയിങ്ങനെ കൊണ്ടാക്കിയതിലുള്ള  നിലവിളിയും പരവേശവുമൊന്നും  കണ്ടില്ലല്ലോ…..???”””

രോഹി വിഷയം  മാറ്റാനെന്നോണം  റൂമിന്റെ  വാതിൽക്കലേയ്ക്ക് ചെന്ന് ഉള്ളിലേയ്ക്ക്  നോക്കി…..

“””ഇവിടില്ലടാ……  അച്ഛന്റെ അമ്മയ്ക്ക്  സുഖമില്ല…..  അങ്ങനെ  രണ്ടു പേരും കൂടി പോയേക്കുവാ…..  അന്ന് അച്ഛൻ അമ്മയെ വിളിച്ചിറക്കി വന്നതല്ലേ…..  അതിന്റെ ദേഷ്യം അച്ഛമ്മയ്ക്കുണ്ടല്ലോ…..  അതുമാറ്റാൻ  ഇതൊരു കാരണമായാലോ  എന്നു ചിന്തിച്ചിട്ടാവണം  ഒരാഴ്ച കഴിഞ്ഞിട്ടേ  വരുള്ളൂ  എന്നു പറയുന്ന  കേട്ടു…..!!!!”””

“”””അപ്പൊ അമ്മുവാ…..???  അമ്മൂം കൂടെ പോയോ….???”””

അതുകേട്ടതും  ഞാൻ  ജീവന്റെ നേരേ തിരിഞ്ഞു…..

“””ഇല്ലടാ….  അവളുണ്ട്…..  അവളില്ലെങ്കിൽ പിന്നെ ഞാനെങ്ങനാ ഒറ്റയ്ക്ക് നിക്കുന്നേ…..???”””

“””എടാ…..  അവളൊറ്റയ്ക്കല്ലേയുള്ളൂ…..  പോരാത്തേന്  നീയിപ്പോളിങ്ങനെയും……  ഞാനൊരു കാര്യം ചെയ്യാം  പോയിട്ട് അഭിയെ പറഞ്ഞു വിടാം…..  അതമ്മൂനൊരു  സഹായമാവോല്ലോ……  രാവിലെ തന്നെ ഞങ്ങളിങ്ങ്  വരേം ചെയ്യാം……  എല്ലേടാ  രോഹീ…..???”””

“””അയ്യോ നാളെയോ…. നാളെ  രാവിലെയെനിക്ക്  പറ്റില്ല…..  വീണേടൊപ്പം  ഒരൗട്ടിങ്ങുണ്ട്…..!!!””‘

രോഹി ചെറിയൊരു പുഞ്ചിരിയോടെ പറഞ്ഞതും ബെഡിൽ കിടന്ന  തലയിണയെടുത്ത് ജീവനവന്റെ  കഴുത്ത്  നോക്കി അടിച്ചു…..

“”””ഞാൻ  ഷെഹിയോട്  പറയാട്ടാ…..  ഹോസ്റ്റലിന്റെ  വെളിയിലിറങ്ങുവാണെങ്കി നിന്റെ  മുട്ടുകാല്  തല്ലിയൊടിയ്ക്കാൻ…..!!!”””

ജീവൻ  എന്റെ  സൈഡിലേയ്ക്ക്  മലർന്നു കിടന്നു കൊണ്ട് പറഞ്ഞു…..

അന്ന് സന്ധ്യയോടടുക്കുന്നതു വരെ രണ്ടും എന്നോടൊപ്പം കട്ടിലിൽ കിടന്നു തല്ലു കൂടി…. എന്റെ കാല് വയ്യാത്തതാണ് എന്നൊരു  ദാക്ഷിണ്യം പോലും  തെണ്ടികള് തന്നില്ല…..  അവസാനം രണ്ടിനെയും രണ്ടു വഴിയ്ക്കാക്കാൻ അഭി തന്നെ വേണ്ടി വന്നു…..  അവന്മാരെ  ഹോസ്റ്റലിലേയ്ക്ക്  ഓടിച്ചെങ്കിലും കിടക്കയിൽ   ഞാനുറങ്ങുന്നതു വരെ കൂട്ടായി എന്റെ പെങ്ങന്മാരുണ്ടായിരുന്നു……

മൂന്നു നാലു ദിവസം അങ്ങനെ കഴിഞ്ഞു പോയി….  അപ്പോഴേയ്ക്കും  ചെറിയ തോതിൽ  ഞൊണ്ടലുണ്ടായിരുന്നെങ്കിലും  ഞാൻ നടക്കാൻ തുടങ്ങിയിരുന്നു…. അമ്മുവിനെ സഹായിയ്ക്കാനായി  അഭി ബിസിനസ്‌ അവളുടെ സബോഡിനേറ്റ്സിനെ ഏൽപ്പിച്ച്  അവളും വീട്ടിൽ തന്നെ കൂടി…..   ജീവനും  ഷെഹിയും  കോളേജിൽ  പോക്കേ നിർത്തിയെന്ന മട്ടിലായി…..  വീണ മാമിന്റെ  കണ്ണു വെട്ടിച്ചു  ചാടുമ്പോളൊക്കെ രോഹി ഗൗരിയെ കൂടെ കൂട്ടുന്നത്  പതിവുമാക്കി…..

ഗൗരി വന്നു കഴിഞ്ഞാൽ പിന്നെ അവളാരെയും  എന്റടുത്തേയ്ക്ക് അടുപ്പിയ്ക്കാറേയില്ല……  പെണ്ണ്  എന്റെ മേലെടുക്കുന്ന  സ്വാതന്ത്ര്യം കാണുമ്പോൾ  അമ്മുവും അഭിയും മാറി നിന്ന് അവളെ  എന്തെങ്കിലുമൊക്കെ പറഞ്ഞ് ഇളക്കും…..  പക്ഷേ അതെല്ലാം  ഗൗരിയ്ക്ക് വെറും മുടിയെന്ന  മട്ടായിരുന്നു…..

സംഭവം കഴിഞ്ഞ് ഒരാഴ്ച കഴിഞ്ഞിട്ടുണ്ടാകും…..  കാലിലെ  നീരൊക്കെ വറ്റി ഒരു  വിധം നടക്കാറായ സമയം…..  പതിനൊന്നു  മണിയോടെ ഉറക്കമുണർന്ന  ഞാൻ  പുറത്തു നിന്നും വന്ന ചിലങ്കയുടെ ശബ്ദവും കേട്ട്  അങ്ങോട്ടേയ്ക്ക് നടന്നു…….

മുൻവാതിൽ  തുറന്നു പുറത്തേയ്ക്കിറങ്ങിയ ഞാൻ കാണുന്നത്  പുറത്തെ  വരാന്തയിലിരുന്ന്  കാലിൽ ചിലങ്ക കെട്ടുന്ന  ഗൗരിയെയാണ്…. എന്നെ കണ്ടതും  കെട്ടു മുറുക്കിക്കൊണ്ട് അവളെഴുന്നേറ്റു…..  മുഖത്തെ കള്ളച്ചിരിയുടെ അർത്ഥം മനസ്സിലാകാതെ  ഞാനവളെ  നോക്കി…..

“””ഹലോ…..  അറിഞ്ഞാ….  ഡാൻസ് പഠിപ്പിയ്ക്കാൻ പുതിയ  ടീച്ചറ്  ജോയിൻ ചെയ്തു…..!!!”””

അമ്മു  എന്റെ  ഷോൾഡറിൽ  തട്ടിക്കൊണ്ട്  പറഞ്ഞപ്പോൾ ഞാൻ അതിശയത്തോടെ ഗൗരിയെ  നോക്കി…..  അവളെന്നെ  നോക്കി കണ്ണുകളിറുക്കി കാണിച്ചതല്ലാതെ  ഒന്നും  പറഞ്ഞില്ല…..

“””ആര്…..???  ഇവളാ…..???”””

“””അതേ….!!!  അതെന്താ ഗൗരിയ്ക്കൊരു കുഴപ്പം….???”””

അമ്മു എന്നെ ചോദ്യഭാവേന  നോക്കി…..

“””ഏയ്…..  ഇവള് ശെരിയാവൂല….!!! നിനക്കെന്താ അമ്മൂ  വട്ടുണ്ടോ….???  ഇവളെയൊക്കെ പിടിച്ച്  ഡാൻസ് ടീച്ചറാക്കാൻ…..???”””

ഞാൻ  തെല്ലൊരു  ചിരിയോടെ  അമ്മുവിനെ  നോക്കിയപ്പോൾ അവൾക്ക് സംഗതിയുടെ കിടപ്പ് മനസ്സിലായി…..

“””അയ്യോ….  അപ്പൊ വേണ്ടേ….???  ഞാങ്കരുതി അതേട്ടനിഷ്ടാവോന്ന്…..!!!  എന്റ ഗൗരീ….  ഏട്ടൻ പറയുന്ന കേട്ടില്ലേ പറ്റില്ലാന്ന്….  ഏട്ടനങ്ങനെ   പറഞ്ഞാപ്പിന്നെ  എനിക്കൊന്നും  ചെയ്യാൻ പറ്റത്തില്ല…..  ഐ ആം ഹെല്പ്ലെസ്…..!!!”””

ഒരു  ഉളുപ്പുമില്ലാതെ അതു പറയുന്ന  അമ്മുവിനെ  ഞാൻ വായും തുറന്നു പിടിച്ചു നോക്കിപ്പോയി…..

“””എന്റ വിസ്മയാ….  ഇത് ചുമ്മാ പറയുന്നതാ…. എന്നെ പറ്റിയ്ക്കാൻ….  നീയിതൊന്നും വിശ്വസിയ്ക്കല്ലേ…!!!”””

അവള് ചിലങ്കയും കിലുക്കിക്കൊണ്ട് അടുത്തേയ്ക്ക്  വന്നു….

“””ചുമ്മാതൊന്നുമല്ല….  ഞാൻ കാര്യായിട്ടാ പറഞ്ഞേ…..!!!  അമ്മൂ….  ദേ ഇവള് ഡാൻസ് പഠിപ്പിയ്ക്കുവാണേൽ  ഞാനിതൊന്നും ഇവിടെ നടത്താൻ സമ്മതിയ്ക്കില്ല…..  കേട്ടല്ലോ….!!!”””

എന്റെ മുന്നറിയിപ്പ്  കേട്ടപ്പോൾ അമ്മു തലകുലുക്കി സമ്മതിച്ചു….. അതോടെ ഗൗരിയുടെ വിധവും  മാറി…. അവളെന്നെ അടിയ്ക്കാനായി  ചിലങ്കയും ചിലപ്പിച്ചു കൊണ്ട് പിന്നാലെ വന്നപ്പോൾ  ഞാൻ  വയ്യാത്ത കാലും തോളില്  വെച്ച് പറന്നു….. കുറച്ചു  ദിവസമായി  ഈ തല്ലുകൂടൽ  പതിവായതിനാലാവണം  അമ്മു ഇതിനൊന്നും  ശ്രെദ്ധ കൊടുക്കാതെ പുറത്തേയ്ക്ക് പോയി…..

അടുക്കളയിൽ നിന്നും  ചായയുമായി വന്ന അഭിയെയും കടന്ന് ഞാൻ പോയപ്പോൾ അവൾ തിരിഞ്ഞു നിന്ന് എന്നെയെന്തൊക്കെയോ തെറിയും പറഞ്ഞു….  വയ്യാത്ത കാലും കൊണ്ട് മരണപ്പാച്ചില് പോണതു  കണ്ടിട്ടാവണം…..

ഞാനൊരു വിധത്തിൽ ഓടി റൂമിൽ റൂമിൽ കയറി…….  പക്ഷേ  കതകടയ്ക്കുന്നതിന് മുന്നേ അവളുമെത്തിയിരുന്നു…..

“””എന്റെ പൊന്നു നാശമേ…..  ആ കാലിക്കെടക്കുന്ന  സാമാനോക്കെ ഊരിക്കള…..   നാട്ടുകാരെ മൊത്തം കേൾപ്പിയ്ക്കാനായിട്ട്…..!!!”””

“””അതെന്റെ കാലിലല്ലേ കിടക്കുന്നെ  അല്ലാതെ  നിന്റെ തലേലൊന്നുമല്ലല്ലോ…..  എനിക്ക് തോന്നുമ്പോളിടും തോന്നുമ്പോളൂരും  നിനക്കെന്താ….???””””

അവള്  നിന്നു കിതച്ചിട്ട്‌  തെല്ലൊരു  വാശിയോടെ തന്നെ ചോദിച്ചു…..

ഞാൻ  കട്ടിലിലിരുന്ന്  അവളുടെ കൈ പിടിച്ച്  അടുത്തേയ്ക്ക് വലിച്ചു…..  കൂടെ വന്നെങ്കിലും പെണ്ണിന്റെ മുഖത്ത് നല്ല പരിഭവമുണ്ട്…..

“””അതേ….. തോന്നുമ്പോളൂരോന്ന് പറഞ്ഞില്ലേ….  അതു ചിലങ്ക മാത്രോണാ  അതോ…..???”””

എന്റെ കവിളിലൊതുക്കിയുള്ള ചിരിയിൽ  അവൾക്ക്  കാര്യം മനസ്സിലായെങ്കിലും  അതിന് മറുപടി തന്നില്ല….

“””ഹലോ….  എന്താ ഒന്നും മിണ്ടാത്തേ….???  അങ്ങനെയാണെങ്കി  ഇപ്പോളൊന്നു തോന്നിക്കൂടേ…..???””””

“””എന്ത്  തോന്നാൻ…..???”””

പെണ്ണെന്നെ  തറപ്പിച്ചു നോക്കി  ചോദിച്ചു…..

“””അല്ല….  ഇതൊക്കെയൊന്നഴിച്ചിരുന്നെങ്കി…,, കുറെ നാളായിയിട്ട്  പൊതിഞ്ഞു വെച്ചു കൊതിപ്പിയ്ക്കുവല്ലേ……  അപ്പോ….”””

ഞാനൊരു കള്ളനോട്ടത്തോടെ  അതു പറഞ്ഞപ്പോൾ പെണ്ണിന്റെ മുഖമൊന്നിരുണ്ടു….  പിന്നെ കുറച്ചു നേരത്തേയ്ക്ക് ആൾക്കൊരു  അനക്കവുമില്ലായിരുന്നു…..

എന്റടുത്ത് വന്ന് കട്ടിലിലിരുന്ന്  ചിലങ്കയൂരി  അടുത്ത് വെച്ചു…..  വീണ്ടും കുറേ നേരത്തെ നിശബ്ദത…..  ഇടയ്ക്ക്  മുഖമുയർത്തി  എന്നെയൊന്നു  നോക്കുമ്പോൾ അവളുടെ പൂച്ചക്കണ്ണുകൾ നിറഞ്ഞിട്ടുണ്ട്…..

“””ഗൗരീ…..???”””

കണ്ണുകൾ  നിറഞ്ഞതിനുള്ള കാരണമറിയാനെന്നോണം  ഞാനവളെ വിളിച്ചു….. അവൾ മറുപടി തരാതെ ഒന്നിളകിയിരുന്നിട്ട് നിറ കണ്ണുകളോടെ  ഷർട്ടിന്റെ കുടുക്കുകളഴിയ്ക്കാൻ തുടങ്ങി…… ഷർട്ടഴിച്ച് കട്ടിലിലേയ്ക്കിടുമ്പോൾ കറുത്ത ഷിമ്മിയ്ക്ക് മേലേ കയറിക്കിടന്ന  ചുവന്ന ബ്രായുടെ സ്‌ട്രാപ്പുകളും അതിനുള്ളിൽ  ഒതുക്കി വെച്ച മാമ്പഴങ്ങളുടെ തള്ളിച്ചയും എന്റെ കണ്ണുകളിലേയ്ക്ക് തട്ടിത്തെറിച്ചു….

ഞാനപ്പോഴും അവളുടെ ശരീരത്തിലേയ്ക്ക്  തന്നെ കണ്ണും നട്ടിരിയ്ക്കുകയാണ് എന്നു ബോധ്യമായതോടെ  അവൾ ഇടതു കൈകൊണ്ട് കണ്ണൊന്നു തുടച്ചു…. പിന്നെയെഴുന്നേറ്റ്  പാവാടയ്ക്കുള്ളിലേയ്ക്ക് ഇൻസെർട്ട്  ചെയ്തിരുന്ന ഷിമ്മി വലിച്ചുയർത്തി…..  അത് പൊക്കിളിന് മുകളിലേയ്ക്ക് കടന്നപ്പോൾ ഞാനവളുടെ  കൈ പിടിച്ച്  നെഞ്ചിലേയ്ക്കിട്ടു…. എന്റെ മാറിൽ മുഖമമർത്തി നിന്ന് ഏങ്ങലടിച്ച അവളെ എന്തു പറഞ്ഞാശ്വസിപ്പിയ്ക്കണമെന്ന് അറിയാതെ ഞാൻ മെല്ലെ അവളുടെ മുതുകിൽ തലോടിക്കൊണ്ടിരുന്നു……

“””എന്താടോ പറ്റിയേ….???  എന്തിനാ കരയുന്നേ…..???”””

ഞാനവളെ നെഞ്ചിൽ നിന്നും അടർത്തി മാറ്റി കണ്ണുകൾ തുടച്ചു കൊണ്ട് ചോദിയ്ക്കുമ്പോൾ അവളെന്റെ കൈകളിൽ മുഖമമർത്തി  നിന്നതല്ലാതെ മറുപടി പറഞ്ഞില്ല……

“””എന്തിനാ….  ഡ്രെസ്സഴിയ്ക്കാൻ പറഞ്ഞോണ്ടാണോ കരഞ്ഞേ….???”””

“””മ്മ്മ്…..!!!”””

“””അയ്യേ…..  നാണക്കേട്….!!! നിനക്കതിഷ്ടോല്ലേ പറഞ്ഞാ പോരേ…..  അതിനിങ്ങനെ കരയണോ…..???”””

“””അല്ല…. കുറേ നാളായിട്ട് കൊതിയ്ക്കുന്നെന്നൊക്കെ പറഞ്ഞപ്പോ….””””

“””പറഞ്ഞപ്പോ…..???”””

“””പറഞ്ഞപ്പോ  ഞാങ്കരുതി  എന്നെയിനിയിപ്പോ ഇതിനായിട്ടാണോ….???”””

അവൾ പറയാനൊരുങ്ങിയ വാക്കുകളെ പകുതിയ്ക്ക് നിർത്തി…..

“””ഓ…..  നിന്റെ ശരീരം കണ്ടിട്ടാണ് പ്രേമോന്നും പറഞ്ഞു പിന്നാലെ നടക്കുന്നതെന്നല്ലേ….  ഇത്രേന്നാളായിട്ട് നീയങ്ങനെയാണ്

കരുതിയിരിയ്ക്കുന്നേങ്കി  ഞാമ്പിന്നെ  എന്തു പറഞ്ഞിട്ടും കാര്യമില്ല….. ശെരി…..!!!”””

“””അയ്യോ….  വിനൂ…. അങ്ങനെയല്ല…..  അതല്ല…..  പെട്ടെന്നങ്ങനെ കേട്ടപ്പോ തോന്നിപ്പോയെന്നാ പറഞ്ഞേ…..  അല്ലാതെ വിനുവെന്നെ സ്നേഹിച്ചത്  അതിനായിട്ടാണെന്ന് ഞാൻ കരുതോ…..???  അങ്ങനെ കരുതാമ്പറ്റോ എനിക്ക്….???”””

“””ഗൗരീ…..   ജീവനും ഷെഹിയ്ക്കും രോഹിയ്ക്കും  ഞാനെന്റെ മനസ്സിൽ കൊടുത്തിരിയ്ക്കുന്ന  സ്ഥാനമെന്താണെന്ന് നിനക്കറിയോ….???  അതൊരു പക്ഷേ എന്റെ അമ്മയ്ക്കും അച്ഛനും മേലെയായിരിയ്ക്കും…..  എന്നാൽ നിനക്ക്……  നിനക്കെന്റെ മനസ്സിലവരോടൊപ്പം തന്നെ സ്ഥാനമുണ്ട്….. അവമ്മാര്  മൂന്നും കൂടെയില്ലാത്തൊരു ലൈഫിനെ കുറിച്ച്  എനിക്കിതുവരെ  ചിന്തിയ്ക്കാങ്കൂടി കഴിഞ്ഞിട്ടില്ല…. ഇനി ചിന്തിയ്ക്കാൻ പറ്റുമോന്നുമറിയില്ല…. നിന്റെ….. നിന്റെ കാര്യവും മറിച്ചല്ല……!!!”””

എന്റെ വാക്കുകളൊന്നിടറിയപ്പോൾ ഗൗരി രണ്ടു കൈകൾകൊണ്ട് ഇരുചെവിയിലും പിടിച്ച്  ക്ഷമാപണം നടത്തി…. അതു കണ്ടപ്പോൾ എനിക്ക് ചിരി വന്നു…..

“””ഇതാ….. ഇട്…..!!!””””

അടുത്തു കിടന്ന  ഷർട്ടെടുത്ത്  അവൾക്ക് നേരേ എറിഞ്ഞിട്ട് പറഞ്ഞപ്പോൾ അവൾ പെട്ടെന്ന് തന്നെ അതുവാങ്ങിയിട്ടു……

“””ഇങ്ങനെ പോവേണെങ്കി  കല്യാണങ്കഴിഞ്ഞാ കൂടിയും ഇവളെന്നെ തൊടാൻ സമ്മതിയ്ക്കാതെ കിടന്നു കരയോലോ  ദൈവമേ….!!!”””

ഞാൻ അവള് കേൾക്കച്ചേ എന്നാൽ ആരോടെന്നില്ലാതെ പറയുമ്പോൾ പെണ്ണിന്റെ മുഖം മാറി…..

“””അതപ്പഴല്ലേ….  അപ്പ ഞാസമ്മയിയ്ക്കും….  ഒന്നുമ്മിണ്ടത്തുമില്ല….. പോരേ….???”””

“””ഓ…. അപ്പയിതൊക്കെ കണ്ടാ മതി….!!!”””

ഞാൻ  വീണ്ടും ബെഡിലേയ്ക്ക് മലർന്നു കിടന്നപ്പോൾ  അവളൊന്നും മിണ്ടാതെ അടുത്തു വന്നിരുന്നു…..  അവളുടെ മുഖത്തേയ്ക്ക് നോക്കി കുറേ നേരം ആ കിടപ്പ് തുടർന്നു…..

“””അതേ…..  രണ്ടുങ്കൂടി കുറേ നേരായല്ലോ അകത്തു കേറി കതകടച്ചിട്ട്…..  ഇങ്ങോട്ടിറങ്ങി വന്നേ…..  മതി കൊഞ്ചിക്കുഴഞ്ഞത്….!!!”””

ചാരിയിരുന്ന  ഡോറിൽ മെല്ലെ തട്ടിക്കൊണ്ട് അഭിയുടെ ശബ്ദം വീണതോടെ ഗൗരി എന്നെ വിട്ടു മാറി….. പാറിപ്പറന്ന  മുടിയൊതുക്കി എനിക്കൊരു പുഞ്ചിരിയും തന്ന് പുറത്തേയ്ക്ക് നടക്കുന്നതിനിടയിൽ അവൾ അഭിയെ നോക്കിയൊന്ന് ചിരിയ്ക്കാനും മറന്നില്ല……

“””മതി….. ഇങ്ങോട്ടിറങ്ങി വാടാ കള്ളക്കാമുകാ…..!!!”””

അഭിയെന്നെ വല്ലാത്തൊരു ഭാവത്തിൽ നോക്കി തലകുലുക്കിയപ്പോൾ ഞാൻ ചമ്മി നാശമായി എന്നു തന്നെ പറയാലോ….

റൂമിൽ നിന്നുമിറങ്ങി  ലിവിങ് റൂമിലേയ്ക്ക്  വന്നപ്പോൾ അവിടെ ടീം മുഴുവൻ സജ്ജമായിരുന്നു….. മൂന്നു വശത്തായി പരന്നു കിടന്ന സെറ്റിയിൽ  അങ്ങിങ്ങായി ഇരിയ്ക്കുമ്പോഴും ഒന്നിന്റെയും മുഖത്തൊരു തെളിച്ചവുമില്ല……

“””വിനൂ…..  വന്നേ…..!!!”””

കണ്ടപാടെ ജീവൻ എന്നെ അടുത്തേയ്ക്ക്  വിളിച്ചു….. ഞാൻ തെല്ലൊരു സംശയത്തോട്  കൂടി അവന്റടുത്ത് ചെല്ലുമ്പോൾ അവനെന്നെ അടുത്തു പിടിച്ചിരുത്തി…..

‘””കാര്യമെന്താ…..???  അതു പറഞ്ഞാ മതി…..!!!”””

അവൻ എങ്ങനെ തുടങ്ങണമെന്നറിയാതെ പകച്ചു നോക്കുമ്പോൾ  അഭി  ചായയുമായി വന്നു….  പിന്നാലെ പലഹാരവുമായി അമ്മുവും അനുവുമുണ്ട്……  അപ്പോഴേയ്ക്കും മുഖവും  കഴുകിത്തുടച്ചു കൊണ്ട് ഗൗരിയും വന്നെന്റെ അടുക്കൽ സ്ഥാനമുറപ്പിച്ചു…..

“””എടാ….  വെറുതെ പേടിപ്പിയ്ക്കാതെ കാര്യമെന്തെന്ന്  പറേടാ….!!!”””

എന്റെ ശബ്ദം കുറച്ചു കടുത്തപ്പോൾ  മൂന്നും തമ്മിലൊന്നു നോക്കി……  ആരു പറയണമെന്ന തീരുമാനമെടുക്കുന്നതിനുള്ള  നോട്ടമാണത്…..

“””എന്റെ വിനൂ….  നീയെത്ര ചോദിച്ചാലും അതിവമ്മാരുടെ നാവീന്ന് കേൾക്കാമ്പറ്റോന്ന് കരുതണ്ട…..  രോഹിയുടെ അമ്മ വിളിയ്ക്കുമ്പോഴാണ് ഞാന്തന്നെ കാര്യമറിയുന്നേ…..!!!”””

അഭിയൊന്നു  പറഞ്ഞു നിർത്തിയപ്പോൾ എന്റെ നോട്ടം രോഹിയിലേയ്ക്ക് നീണ്ടു….  സങ്കടം തിങ്ങി നിന്ന അവന്റെ മുഖം എന്റെ നോട്ടമേറ്റതോടെ പതിയെ കുനിഞ്ഞു……

“””എന്താ കാര്യം…..???”””

ഇത്തവണ  ചോദിച്ചത് അഭിയോടാണ്…..  അതിനുള്ള ഉത്തരം അവളിൽ നിന്നേ കിട്ടുള്ളൂ എന്നെനിക്ക് ഉറപ്പായിരുന്നു…..

“””രോഹി അടുത്താഴ്ച സൗദിയ്ക്ക് പോകുവാ…..  അവന്റെ അങ്കിളിനടുത്ത്…..  അവിടെ അങ്കിളേതോ കമ്പനിയിൽ ജോബൊക്കെ സെറ്റാക്കീട്ടുണ്ടത്രേ…. അതറിഞ്ഞപ്പോ തൊട്ട്  മൂന്നുങ്കൂടി കെട്ടിപ്പിടിച്ചിരുന്ന് കരയാൻ തുടങ്ങീതാ…. അങ്ങനെ കരഞ്ഞാ കോട്ട തെകയൂലല്ലോ….. അതിനായിട്ട് വെളുപ്പിനേ  ഇറങ്ങിയേക്കുവാ നാലാമനെ  തേടി…..  ഇരുന്നു കരെ…. ഇനി നാലുങ്കൂടിയിരുന്നു കരെ….!!!”””

അഭിയൊന്നു  നിർത്തിയിട്ട്  എന്നെ നോക്കി……  എനിക്കൊരു ഭാവമാറ്റവുമില്ലെന്നു കണ്ട  അവള് തിരിഞ്ഞു  നടന്നു….

“””എന്തു നോക്കി നിക്കുവാ പിള്ളേരേ…..  ഇങ്ങോട്ട് വാ….  അവമ്മാരെന്താന്നു വെച്ചാ കാണിയ്ക്കട്ടേ…..   അല്ലേലും ഏതേലുമൊന്ന്  കുടുംബത്തിനൊന്ന്  പ്രയോജനപ്പെടോന്നു തോന്നിയാ കൂട്ടുകാരമ്മാർക്കാണല്ലോ സഹിക്കാത്തേ…..!!!”””

അവള് തിരിഞ്ഞു നടക്കുന്നതിനിടെ ആരോടെന്നില്ലാതെ പുലമ്പുന്നുണ്ടായിരുന്നു….. അഭി വിളിച്ചതിനെ തുടർന്ന് പിന്നാലെ പോയ പെൺപടകളെ  നോക്കിയിരുന്ന ഞാൻ അവരങ്ങു പോയി കഴിഞ്ഞപ്പോൾ  അവന്മാരുടെ ഭാഗത്തേയ്ക്ക് തിരിഞ്ഞു….

“””എന്റ പൊന്നു കഴിവേറികളേ…..   ഈ കാര്യത്തിനാണോ നീയൊക്കെ ഈ കണ്ട ഷോ മൊത്തമിറക്കിയേ…..???  കഷ്ടം….!!!””””

ശബ്ദം വളരെ  താഴ്ത്തി അവന്മാർക്ക് മാത്രം കേൾക്കത്തക്ക  വിധത്തിലാണ് ഞാനത്  പറഞ്ഞത്…. എന്റെ ഭാഗത്തു നിന്നും അങ്ങനെയൊരു നിലപാട് അതവന്മാര്  പ്രതീക്ഷിച്ചിട്ടില്ലെന്ന് മൂന്നിന്റെയും  മുഖഭാവത്തിൽ  നിന്നും വ്യക്തം…..

“””അപ്പൊ…..  അപ്പൊ ഞാമ്പോയാലും നിനക്ക് സങ്കടോന്നൂല്ലേ….  ഞാങ്കരുതി….  ഞാങ്കരുതി…..””””

പറഞ്ഞു മുഴുവിപ്പിയ്ക്കാനാവാതെ രോഹിയുടെ തൊണ്ടയടഞ്ഞപ്പോൾ ഷെഹി അവന്റെ തുടയിൽ തട്ടി ആശ്വസിപ്പിയ്ക്കാൻ ശ്രെമിച്ചു…..  അവന്റെ കണ്ണുകളും നിറഞ്ഞിരുന്നു…..

“””വിനൂ…..  നീ…..???”””

ഓർമ്മവെച്ച കാലം മുതൽ കണ്മുന്നിൽ തിങ്ങി നിന്ന മുഖങ്ങളിലൊന്ന് വേർപെട്ടു പോണ വാർത്ത ഉൾക്കൊള്ളാൻ കഴിയാതിരിയ്ക്കുമ്പോൾ തന്നെ എന്റെ ഭാഗത്തു നിന്നും ഇങ്ങനെയൊരു പ്രതികരണം കൂടിയായപ്പോൾ  ജീവന്റെ വായിൽ നിന്നും വീണ വാക്കുകൾ രണ്ടു മാത്രമായി ഒതുങ്ങി…..

“””എന്റെ ജീവാ…..  നീയുമീ പൊട്ടമ്മാരെപ്പോലായാലെങ്ങനാ…????  ഞാങ്കരുതിയെ നിനക്കെങ്കിലും  കുറച്ചു വകതിരിവു കാണോന്നാ…. എവിട….!!!”””

“””ആടാ…..  എനിക്ക് വകതിരിവൽപ്പം  കുറവാ….  രാവിലെ കണ്ണു തുറക്കമ്പത്തൊട്ട്  രാത്രി കണ്ണടയ്ക്കുന്ന വരെ  കണ്ടോണ്ടിരിയ്ക്കുന്നതി ലൊരുത്തന്റെ മുഖം പെട്ടെന്നൊരു ദിവസം കാണാമ്പറ്റൂലാന്നറിയുമ്പോ  അതക്സെപ്റ്റ്  ചെയ്യാൻ എനിക്കു കുറച്ചു ബുദ്ധിമുട്ടാ…..  അതിനാണ് നീയീ  വകതിരിവെന്നൊക്കെ പറഞ്ഞേങ്കി അങ്ങനെ തന്നെ…..!!!”””

“””എന്റ ജീവാ…..  നിനക്ക് വകതിരിവ്  മാത്രമല്ല…..  വേറെന്തൊക്കെയോ കുറവുണ്ട്……  എടാ നാറീ…..  ഇനി കാണാമ്പറ്റൂലാന്ന് പറയാമ്മേണ്ടി  ഇവൻ ചാവാമ്പോവുവല്ലല്ലോ….. ആണോ…???  എടാ….  അവന്റെ വീട്ടിലെ അവസ്ഥയങ്ങനെയായോണ്ടല്ലേ  പഠിത്തം കഴിയുന്നേന് മുന്നേ തന്നെ അവനിങ്ങനെ പോവേണ്ടി വന്നത്…. അവനോട് അവന്റെ  കുടുംബത്തിന് വേണ്ടിയല്ലേ പുറത്തു പോവാൻ പറഞ്ഞേ…. എന്നിട്ട് നീയൊക്കെ ഫ്രണ്ട്ഷിപ്പിന്റെ പേരിൽ തടയാൻ നോക്കുന്നോ…. കൊള്ളാം നന്നായി….. അഭി പറഞ്ഞതു പോലെ നല്ല ഫ്രണ്ട്സ്….  നീയൊക്കേ നന്നാവൂല….  എന്നാലൊരുത്തൻ  നന്നാവാന്ന് വിചാരിച്ചാ അതിനിട്ട്  സമ്മതിയ്ക്കത്തുമില്ല….  അടിപൊളി….!!!”””

അപ്പോഴും മൂന്നിനും വായിൽ  നാവില്ലെന്നു കണ്ടപ്പോൾ ഞാൻ തുടർന്നു….

“””രോഹീ…..  നീയെന്നോട്  ചോദിച്ചില്ലേ….  നീ പോണേലെനിക്ക് സങ്കടോല്ലേന്ന്,,,,

സത്യം പറയാലോ…..  എനിക്കൊരു സങ്കടോമില്ല…..  മറിച്ച് പോകാതിരുന്നാലാ സങ്കടം…. നിന്റമ്മയ്ക്കുമച്ഛനും  നീയൊറ്റ മോനാ…..  ഇത്രേങ്കാലം അവരു നിന്നെ നോക്കിയെങ്കി  ഇനിയവരെ നോക്കേണ്ടത് നിന്റുത്തരവാദിത്തമാ…..  മാത്രോമല്ല  വീണ മാം….!!! അവരുടെ കാര്യം കൂടി നീ ചിന്തിച്ചോളണം…..   നീയിവിടെ താറ്റി നടക്കുന്ന  അത്രേം നാളൊന്നും അവർക്ക് സാവകാശമുണ്ടാകില്ല….   ഇപ്പോൾ തന്നെ പത്തിരുപത്തിയഞ്ച് വയസായിട്ടുണ്ടാവും…..  എത്രേം പെട്ടെന്ന് സെറ്റിലായി പോയി പെണ്ണു ചോദിയ്ക്കാന്നോക്ക്…..  അല്ലാതെ ഈ നാറിയെ പോലെ വിളിച്ചിറക്കാനാണ് പരിപാടിയെങ്കിൽ ഞാങ്കൂടെ നിക്കില്ല….  അതോർത്തോ നീയ്….!!!””””

“””വിനൂ….!!!”””

രോഹിയെന്നെ സ്വരം താഴ്ത്തി വിളിച്ചു…..

“””ആടാ വിനു തന്നെയാ…..  നിനക്കിപ്പോഴുള്ളതു പോലെ ഇനിയും നിന്റെ വിനൂനോടൊപ്പമൊരു ഫ്രണ്ട്ഷിപ്പ് വേണോന്നുണ്ടെങ്കിൽ…..  ഉണ്ടെങ്കിൽ മാത്രം ഞാമ്പറയുന്ന  കേട്ടാ മതി…… ഇല്ലെങ്കിലീ നാറികള് പറയുന്ന കേട്ടെന്തിങ്കിലുമൊക്കെ പോയി ചെയ്…..!!!”””

ഞാനൊന്നു  നിർത്തിയപ്പോൾ രോഹി എന്തുചെയ്യണമെന്നറിയാത്ത അവസ്ഥയിൽ  ജീവനെയും ഷെഹിയെയും മാറി മാറി നോക്കുന്നുണ്ടായിരുന്നു….. അതുകൂടി കണ്ടപ്പോൾ എനിക്ക് വിറഞ്ഞു  കയറി….

“””വേണ്ടടാ…..  വേണ്ട…. ഒരുത്തനും ഞാമ്പറയുന്നതത്ര കഷ്ടപ്പെട്ടു കേൾക്കണ്ട….  നീയൊക്കെയെന്താന്നു വെച്ചാ പോയി ചെയ്….. അവസാനം അവളും പോയി വീട്ടികാരും കൈവിട്ടൊരവസ്ഥയില് നിന്നെ കാണാമ്മയ്യാത്തോണ്ടാടാ നാറീ ഇത്രേക്കെ പറഞ്ഞേ……  വേണോങ്കി കേട്ടാ മതി….!!!”””

“””മ്മ്മ്…. ശരി…. ഞാമ്പോവാം….!!!”””

ഇത്തവണ  അവന് സമ്മതിയ്ക്കാൻ അധിക സമയത്തിന്റെ ആവശ്യമുണ്ടായിരുന്നില്ല….. എന്തൊക്കെയോ തീർത്തുറപ്പിച്ച മട്ടിലുള്ള അവന്റെ മറുപടി കേട്ടതോടെ മറ്റവന്മാരുടെ പക്ഷത്തു നിന്നും ഒരെതിർപ്പും വന്നില്ല…..

“””നീ  മാമിനോട്  പറഞ്ഞാ…..???”””

ഒരുത്തന്റെയും വായ്ക്കുള്ളിൽ നാവില്ലെന്ന് ബോധ്യമായപ്പോൾ ഞാൻ ചോദിച്ചു…..

“””ഇല്ലടാ….  ഞാനിപ്പോഴല്ലേ തീരുമാനിച്ചത്….. ഇനി പറയണം….!!!”””

അതും പറഞ്ഞവൻ  പോക്കറ്റിൽ നിന്നും ഫോണെടുത്തു….

“””നീയിപ്പോ  എന്തെയ്യാൻ പോകുവാ….???”””

അത്രയും നേരം അനക്കമില്ലാതിരുന്ന ഷെഹിയാണത്  ചോദിച്ചത്……

“””വീണയെ വിളിയ്ക്കാൻ…..!!!”””

“””നീയെന്താ സൗദിയ്ക്ക് പോണെന്ന് വിളിച്ചു പറയാൻ പോകുവാണോ…..???”””

“””മ്മ്മ്…..  ഇന്നലെയിവൻ  പറഞ്ഞു അവളെ കാണാമ്പോയാൽ തല്ലോന്ന്….!!!”””

“””എന്റെ പൊന്നേ…..!!! നീ  വന്നേ….. മതിയിരുന്നത്….  വായെണീക്ക്…..!!!!”””

ഷെഹി  രോഹിയെയും തോണ്ടിയിളക്കി ഞങ്ങളുടെ നേരേ തിരിഞ്ഞു…..

“””എടാ….  അപ്പൊ ഞാനിവനെ  മാമിന്റെ വീട്ടിലാക്കീട്ടു വരാം…..  വിനൂ…..  നിന്റെ വണ്ടി ഞാനെടുക്കുവാണേ…..!!!”””

എന്റെ വണ്ടിയുടെ കീയും ടേബിളിന്റെ പുറത്തു നിന്നുമെടുത്തു കാട്ടി രോഹിയെയും പിടിച്ചു വലിച്ചു കൊണ്ട് അവൻ പുറത്തേയ്ക്ക്  നടന്നു…..

“””എന്താടാ…..???  എന്താ മുഖം വല്ലാതിരിയ്ക്കുന്നേ…..???”””

അവന്മാര് പോയി കഴിഞ്ഞതും ജീവൻ എന്റെ നേരേ തിരിഞ്ഞു….

“””ഏയ്‌…. ഒന്നൂല്ല…..!!!”””

തിരിഞ്ഞു നടക്കാൻ തുടങ്ങിയ എന്നെ കയ്യെത്തിച്ചു പിടിയ്ക്കുമ്പോൾ എന്റെ മനസ്സവൻ വായിച്ചിരുന്നു…..

“””നീയവന്റടുക്കെ ഷോയിറക്കി ഉപദേശം കൊടുക്കുമ്പോഴെല്ലാം നിന്റെയുള്ളിലെ പെടപ്പുണ്ടല്ലോ…. അതെനിക്കറിയാരുന്നു….   എനിക്കു മാത്രോല്ല….  അവന്മാർക്കും…..  അതാ ഷെഹി പോലും തിരിച്ചൊരക്ഷരം മിണ്ടാഞ്ഞത്….!!!”””

“””എടാ….  ഞാൻ….  ഞാമ്പറഞ്ഞതിലെന്തേലും തെറ്റുണ്ടോ…???”””

ജീവന്റെ മുന്നിൽ എന്റെ തൊണ്ടയൊന്നിടറി…..

“””ഇല്ലടാ….  ഇന്നലെ രാത്രിയവന്റെ വീട്ടിന്ന് കോളു വന്നപ്പോൾ ഞങ്ങളുമടുത്തുണ്ടായിരുന്നു…. അന്നേരത്തെ അവന്റെ കരച്ചില് കണ്ടപ്പോൾ ഞങ്ങടേം കൈവിട്ടു പോയി……  കൂടെ…. കൂടെ കരയാനല്ലാതെ….. ഉപദേശിയ്ക്കാനൊന്നും തോന്നീലടാ….. പറ്റീല…..!!! രാത്രീല്…. രാത്രീല്  അഭിയെ വിളിയ്ക്കുമ്പോ….. അവളോട്‌ പറഞ്ഞപ്പോ….  അവളൊരുപാട്….  ഒരുപാട് വഴക്കു പറഞ്ഞു….. നാളെയിങ്ങോട്ട് കൂട്ടിവാ…. അവളവനോട്  സംസാരിക്കാന്നും  പറഞ്ഞു…..!!!”””

എണ്ണിപ്പെറുക്കി ഓരോന്ന് പറയുന്നതിനിടയിൽ അവനൊന്ന് കണ്ണു തുടച്ചു…… അതു കഴിഞ്ഞ് വീണ്ടും തുടർന്നു……

“””പക്ഷേ….  അവളെത്രയൊക്കെ പറഞ്ഞിട്ടും  അവമ്പോവാങ്കൂട്ടാക്കീല…… പക്ഷേ നീ പറഞ്ഞപ്പോ…..!!!”””

“””ജീവാ…. നീ കണ്ണു തുടച്ചേ…. അവളുമാര്  കണ്ടാ നാണക്കേടാ….!!!”””

ഞാൻ അകത്തേയ്ക്ക്  നോക്കി അതു പറയുമ്പോൾ അവൻ പെട്ടെന്ന് കണ്ണു തുടച്ചു…..

“””എടാ….  എനിക്കതല്ല…. അവന്….   അവനിനി  ഫീലായിട്ടുണ്ടാവോന്നാ….!!!”””

“””ആർക്ക്…. രോഹിയ്ക്കാ….???  നന്നായി….  എടാ ഇന്നലെ ഹോസ്പിറ്റലിലിട്ട്

ഞാനും ഷെഹിയും കൂടി അവനെ തല്ലിക്കൂട്ടിയാ…. എന്നിട്ടെന്തോണ്ടായി…..???  ആ  നേഴ്സ് വെച്ചു കൊടുത്ത പഞ്ഞി തൂത്തുകളയാൻ അവന്റൊപ്പം പോയേക്കുന്നു….  അതുപോട്ടേ…. ഇന്നലെ മാമിനെ കാണാമ്പോവരുതെന്നും പറഞ്ഞ് തല്ലിയോണ്ടാ അവൻ ഫോൺ ചെയ്യാനൊരുങ്ങിയേ….. പോവേണന്നും പറഞ്ഞ്….. ആ ചെറുക്കന് ഫീലാവോന്നും പറഞ്ഞാണാ നിനക്ക് പേടി….!!!”””

അവനെന്നെ നോക്കി പുഞ്ചിരിച്ചു കൊണ്ട് അകത്തേയ്ക്ക്  നടന്നു…. പിന്നാലെ ഞാനും…..!!!

രോഹി പോയ വിഷമം എത്ര ചിരിച്ചു സന്തോഷം പ്രകടിപ്പിച്ചെങ്കിലും ആരുടെയും കണ്ണുകളിൽ  നിന്നും മാഞ്ഞില്ല…..   അത്രയും നാൾ കൂടെയുണ്ടായിരുന്ന ഒരാൾ നമുക്കെത്രയധികം പ്രിയപ്പെട്ടതാണെന്നറിയണമെങ്കിൽഅയാൾ കൂടെയില്ലാത്ത അവസ്ഥ വരണമെന്നു പറയുന്നത്  എത്രത്തോളം സത്യമാണെന്ന് അന്ന് ഞങ്ങൾ തിരിച്ചറിയുകയായിരുന്നു……

രാത്രിയിൽ രോഹിയുമായുള്ള വീഡിയോ കോള് കഴിഞ്ഞേ ഗൗരിയെ പോലും വിളിയ്ക്കാറുണ്ടായിരുന്നുള്ളൂ…..  അതിന് പല പ്രാവശ്യം അവൾ പിണങ്ങി നടന്നെങ്കിലും ഒരു മാറ്റവുമുണ്ടായില്ല….  അവസാനം ഗൗരി തന്നെ പൊരുത്തപ്പെടേണ്ടതായി വന്നു….

അച്ഛമ്മയ്ക്ക് അമ്മയോടുള്ള പിണക്കം മാറിയ സന്തോഷം മുതലെടുത്ത് അച്ഛനും അമ്മയും അച്ഛന്റെ കുടുംബ വീട്ടിൽ കൂടിയപ്പോൾ എന്നെയും അമ്മുനെയും നോക്കിക്കൊള്ളാൻ അഭിയ്ക്ക് നിർദേശവും കൊടുത്തു…..  കേട്ടപകുതി അഭി വീടിന്റെ ഭരണവുമേറ്റെടുത്തു……  അതോടെ ഭാര്യയെ പിരിഞ്ഞിരിയ്ക്കാൻ പറ്റുന്നില്ലെന്ന് പറഞ്ഞ് ജീവനും വീട്ടിക്കയറി പറ്റി….. രോഹി പോയതോടെ ഹോസ്റ്റലിൽ ഒറ്റയ്ക്കായ ഷെഹിയ്ക്ക് അമ്മയെ വിളിച്ച് കാര്യമവതരിപ്പിയ്ക്കേണ്ട  താമസം മാത്രം വീട്ടിൽ കയറാൻ….. ഡോക്ടറ് ചേച്ചിയെ ചാക്കിട്ട് ഒരു മാസത്തെ മെഡിക്കൽ ലീവും  സംഘടിപ്പിച്ച്  അത്  പ്രിൻസിയ്ക്കയച്ചു കൊടുത്തതോടെ അവിടത്തെ കേസും ഒക്കെയായി…..  ഓർക്കാതെ അവന്മാരോട് തല്ലുകൂടി ഓടുമ്പോൾ അഭി കയ്യോടെ പൊക്കുമെങ്കിലും രണ്ടു ഞൊണ്ടലും ഒറ്റ നിലവിളിയും കൂടിയാവുമ്പോൾ ആ പാവം വീഴും…… ഞാൻ കോളേജിൽ പോക്കൊക്കെ സൈഡാക്കിയപ്പോൾ ഗൗരി മോണിംഗ് ഷിഫ്റ്റാക്കി……  ഉച്ചയോടെ അവള് ചാടി വീട്ടിൽ വരും…..  എല്ലാരോടുമുള്ള പറച്ചില്  ഡാൻസ് പഠിപ്പിയ്ക്കാനുള്ള വരവെന്നാണെങ്കിലും ഡാൻസ് പഠിപ്പിയ്ക്കുന്നത് എന്നെയായിരുന്നു…. പല ദിവസങ്ങളിലും അമ്മു റൂമിൽ വന്ന് പെണ്ണിനെ വലിച്ചിഴച്ചു കൊണ്ടാണ് പൊയ്ക്കോണ്ടിരുന്നത്…… ഇതൊക്കെ കണ്ടിട്ട് അഭിയ്ക്കാണെങ്കിൽ ഒന്നും പറയാൻ പറ്റാത്ത അവസ്ഥയും…..  അവളെന്തെങ്കിലും പറഞ്ഞാൽ ഞാൻ കൊരവള്ളി കടിച്ചു പറിയ്ക്കുമെന്നവൾക്കറിയാം….. ഞാൻ ചോദിച്ചില്ലെങ്കിൽ ഷെഹിയെങ്കിലും ചോദിയ്ക്കും…..  കുട്ടിക്കാലം മുതലുള്ള ഞങ്ങളുടെ സ്വപ്‌നമായിരുന്നു കല്യാണം കഴിഞ്ഞാലും കുടുംബത്തോടെ ഒറ്റ വീട്ടിൽ താമസിയ്ക്കണമെന്നത്….. കല്യാണം കഴിഞ്ഞില്ലെങ്കിലും  ആ സ്വപ്നം എഴുപത്തിയഞ്ച് ശതമാനത്തോളം പൂർത്തിയായപ്പോഴും രോഹിയുടെ വിടവ് അത് നികത്താൻ പറ്റാത്ത ഒന്നു തന്നെയായിരുന്നു…..

അങ്ങനെ ലീവ് കഴിഞ്ഞ് കോളേജിൽ പോകുന്നതിന് രണ്ടു ദിവസം മുൻപ്

പതിവു പോലെ പതിനൊന്നു മണിയ്ക്കെഴുന്നേറ്റ് റൂമിൽ നിന്നുമിറങ്ങുമ്പോൾ ജീവൻ ഡൈനിങ് ടേബിളിലിരുന്ന് ബ്രേക്ക്‌ ഫാസ്റ്റ് കഴിയ്ക്കുന്നു…..  അവന്റെ പ്ലേറ്റിൽ നിന്നും കൈയ്യിട്ടു വാരിയിട്ട് അവനെയും തട്ടിയിളക്കി  പുറത്തു ചെല്ലുമ്പോൾ വരാന്തയിൽ അഭിയും അമ്മുവും അനുവും   ഇരിപ്പുണ്ട്….. മൂന്നും കൂടി  എന്തൊക്കെയോ സീരിയസ് ഡിസ്കഷനിലാണ്….. ഞങ്ങളെ കണ്ടതും  അത്രയും നേരം സംസാരിച്ചു കൊണ്ടിരുന്ന അഭി പെട്ടെന്ന് ഷട്ടറിട്ടു…..

“””മ്മ്മ്…..???  എന്താ നിർത്തിക്കളഞ്ഞേ…..???  ഞങ്ങളെ കണ്ടിട്ടാണോ….???”””

ജീവൻ അഭിയോടായി ചോദിച്ചു…..

“””അതേ…. താനെന്റോടെ മിണ്ടണ്ട….. നമ്മള്  തമ്മി ശെരിയാവൂല…..!!!”””

ജീവനെ കണ്ടപാടെ അഭി മുഖം വീർപ്പിച്ചിരുന്നപ്പോൾ അനു കാര്യമെന്താ എന്നർത്ഥത്തിൽ എന്നെ നോക്കി….  കൈ മലർത്താനല്ലാതെ  ഞാനെന്തു ചെയ്യാൻ……

“””അതേ….  ഞാന്തന്നോടല്ല  ചോദിച്ചേ….. അല്ലേത്തന്ന  തന്നോടാരു  മിണ്ടാൻ വരുന്നു….???”””

അവനും അതേ തലത്തിൽ തന്നെ മറുപടി കൊടുത്തിട്ട് അനുവിന് നേരേ തിരിഞ്ഞു……

“””അല്ല നിന്നെ കാണാനേയില്ലല്ലോ…. എവിടാരുന്നിത്…..???”””

“””ഓ….  ഇനിയവൾടെ നെഞ്ചത്ത് ചെന്ന് കേറ്…..  ബാക്കിയെല്ലാരെയും കഴിഞ്ഞു…..!!!”””

അഭിയവനെ എരിവ് കയറ്റിയപ്പോൾ അമ്മു എന്നെ നോക്കി ചിരിയ്ക്കാൻ ശ്രെമിച്ചു….

“””ഹോ….  ഇനിയെന്റെ വാലേ പിടിച്ചോണ്ട് രണ്ടുങ്കൂടിയൊരടി  വേണ്ട….. ഞാൻ കോളേജിലുണ്ടായിരുന്നു….. എനിക്ക് നിങ്ങളെ പോലെ ക്ലാസ്സ്‌ കട്ടെയ്യാനൊന്നും പറ്റില്ല…..  മമ്മിയറിഞ്ഞാ സീനാവും….!!!”””

“””ഓഹോ….  അപ്പൊ നീ കോളേജിലുണ്ടായിരുന്നോ…..???   നിന്നെക്കുറിച്ച് ഷെഹിയോട്  ഞാൻ ചോദിച്ചപ്പോൾ അവൻ പറയുവാ കാണുന്നില്ലേ ചത്തു  പോയിട്ടുണ്ടാവോന്ന്…..???”””

ജീവന്റെ വർത്താനം കേട്ടതും അഭിയുറക്കെ ചിരിച്ചു….

“””നല്ലയാളോടാ പറയാൻ പോയേ…..  നെനക്ക്  വേറെ പണിയൊന്നുമില്ലേ പെണ്ണേ, വെളിവില്ലാത്തവന്മാരോട് വർത്താനം പറയാൻ നിക്കുന്നവള് ….???”””

“””അതേ…. ഞാന്തന്നോടൊന്നും പറഞ്ഞില്ല…..  താൻ വെറുതെ എന്റ വായ്ക്കുള്ളിക്കേറാന്നിയ്ക്കണ്ട…..  അനൂ…. നീ പറേടീ…..  അന്നു നീ പാതി വഴിയ്ക്ക് പഠിപ്പൊക്കെ നിർത്തിയല്ലേ തന്തേടടുത്തേയ്ക്ക് പോയേ….. എന്നിട്ടിപ്പൊ  കോളേജിന്നെറങ്ങാൻ നിനക്കു സമയമില്ലല്ലോ….???”””

“””ജീവാ…. പ്ലീസ്…..  എനിക്ക് നിന്നോടൊന്നും പറയാനില്ല…..  അഭി ചേച്ചി പറഞ്ഞതാ ശെരി….  നിന്നോടും ഷെഹിയോടും ഇവനോടുമൊക്കെ വർത്താനം പറയാന്നിന്നാൽ നിങ്ങളിട്ട് വട്ടാക്കും….. എന്നാ മിണ്ടാങ്കൊള്ളാവുന്ന ഒന്നുണ്ടാരുന്നത് പോവേം ചെയ്തു…..!!!”””

അനു പറഞ്ഞു നിർത്തുമ്പോൾ ജീവന്റെ മുഖം മാറുന്നത് ഞാൻ കണ്ടു….

“””വിനൂ….. നീയിന്നല അവനെ വിളിച്ചില്ലേ….  അവനെന്തോ പറയുന്നു…..???”””

അഭി അപ്പോഴേയ്ക്കും എന്റെ നേരേ തിരിഞ്ഞു…..

“””സുഖായിട്ടിരിയ്ക്കുന്നു…..  അല്ല….. നീയെപ്പോഴും അവന്റെ കാര്യമെന്തിനാ എന്റടുത്ത് ചോദിയ്ക്കുന്നേ…..  നിനക്ക്  വിളിച്ചൂടേ….. അല്ലേ നിന്റെ കെട്ടിയോനോട്  ചോദിയ്ക്കണം….!!!”””

“””അയ്യട….  ചോദിയ്ക്കാൻ പറ്റിയൊരു സാധനം….!!!  അവൻ പോയേന്റെ പിറ്റേന്നാള്  മുതൽ  രണ്ടും കൂടി കുടിച്ചു ബോധോല്ലാണ്ടാണ് രാത്രി വന്നു കേറുന്നേ….  ചോദിച്ചാലോ അവനെ കാണാത്തേന്റെ സങ്കടമാണെന്നൊരു പറച്ചിലും…..  ഇനിയവമ്പോയേന്റ  സങ്കടത്തിന് പോയി കുടിച്ചിട്ട്‌ വരട്ട്…..  കത്തിയ്ക്കും രണ്ടിനേം ഞാൻ….!!!”””

അഭി  ജീവനെ രൂക്ഷമായൊന്നു നോക്കിയിട്ട് എഴുന്നേറ്റു…. പിന്നെയെന്തോ ഓർത്തിട്ടെന്ന പോലെ എന്റെ നേരേ തിരിഞ്ഞു….

“””വിനൂ…. ഞാമ്പറയാൻ വിട്ടുപോയതാ….. ഇന്നലെയമ്മ  വിളിച്ചിരുന്നെടാ…. ഞങ്ങളെ വീട്ടിലേയ്ക്കൊന്നു ചെല്ലാൻ പറഞ്ഞു…..  അച്ഛന് സുഖമില്ലാ… ഞങ്ങളെയൊന്നു കാണണോന്ന്….!!!”””

“””ആഹാ…. അതുകൊള്ളാം…..  എന്നിട്ടീ നാറി ഒരൊറ്റ വാക്ക് പറഞ്ഞില്ലല്ലോ….  എന്ത് മൈരനാടാ നീ…..???”””

ഞാനത് ചോദിയ്ക്കുമ്പോഴും  വായും തുറന്ന് അഭിയെ നോക്കിയിരുന്ന ജീവനെ  കണ്ടപ്പോൾ സംഗതിയുടെ കിടപ്പ് എനിക്കേകദേശം മനസ്സിലായി…..

“””അതിന് ഇദ്ദേഹമതൊന്നുമറിഞ്ഞിട്ടില്ലെടാ….ഇന്നലെ അതു പറയാമ്മേണ്ടി പാതിരാത്രി വരെ ഞാൻ കാത്തിരിന്നു…. കേറി വന്നതോ നാലു കാലില്…. പിന്നെ കുറേ തെറിയും പറഞ്ഞ് ഞാനും കിടന്നുറങ്ങി….!!!”””

“””നാലു കാലിലോ…..???  അത്രയ്ക്കുമ്മേണ്ടി കുടിച്ചോ നീയ്….???””””

അനു മൂക്കത്ത് വിരൽ വെച്ചു കൊണ്ട്  ജീവനെ നോക്കി…..

“””ഇവക്ക്  വട്ടാടീ….. രണ്ടു ബിയർ….. ആക രണ്ടു ബിയറാ അടിച്ചേ….  വന്നു കേറിയപ്പോ എന്നോട് ചോദിച്ചു കുടിച്ചിട്ടുണ്ടോന്ന്….  ഭാര്യയല്ലേ കള്ളമെങ്ങനെ പറയോന്ന് കരുതി ഉളളതങ്ങ് പറഞ്ഞു….. അപ്പൊ മുതല്….  അപ്പൊ മുതല്  മുഖവും വീർപ്പിച്ചു നടക്കാൻ തുടങ്ങിയതാ……  മിണ്ടാൻ ചെന്നപ്പോ പറയുവാ മുഴുക്കുടിയമ്മാരോട് മിണ്ടാൻ താല്പര്യമില്ലെന്ന്…..!!!”””

“””അതേ…. എനിക്ക് കുടിയമ്മാരോട് സംസാരിക്കാൻ താല്പര്യമില്ല….  അതിനു നീയെന്നെ എന്തു ചെയ്യും…..???”””

അകത്തേയ്ക്ക് കയറിയവള്  അതു കേട്ടതോടെ ചീറിക്കൊണ്ട് ജീവന്റെ നേരേ പാഞ്ഞു വന്നു….

“””എന്റഭീ  നീയൊന്നടങ്ങ്….!!! കണ്ണിനോക്കിയാ രണ്ടുങ്കൂടി  അടികൂടിക്കോളണം……എന്തു കഷ്ടാന്ന് നോക്കിയ്ക്കേ…..!!!”””

ഞാനവളെ തടഞ്ഞപ്പോൾ അഭി എന്റെ നേരേ തിരിഞ്ഞു….

“””പിന്ന…… അവൻ കുടിച്ചിട്ട് വന്നിട്ട് സ്വന്തായിട്ടിരുന്ന്  ന്യായീകരിയ്ക്കുന്ന നീ കണ്ടില്ലേ…..!!!””” “””എടീ നീയതു  വിട്…. എന്നിട്ട് അമ്മയോട് നീയെന്തു പറഞ്ഞു….???”””

ഞാനവളെ തണുപ്പിയ്ക്കാനായി ചെറിയൊരു ശ്രെമം നടത്തി…..

“””ഞാനെന്തു പറയാൻ…..??? എനിക്കെന്റെ ജോബൊക്കെ ഡിവൈഡ് ചെയ്തു കൊടുക്കാവുന്നേയുള്ളൂ….  എപ്പോ വേണേങ്കിലും ഞാമ്പോവാൻ റെഡിയുമാ….. എന്നാ ഒറ്റയ്ക്കോവാൻ പറ്റില്ലല്ലോ…..  ചില പഠിത്തക്കാർക്ക് ബാറിന്ന് അവധി കിട്ടണ്ടേ…..  അതാണെങ്കി  ജന്മത്ത് കിട്ടത്തുമില്ല…. എല്ലാമെന്റ  വിധി….!!!”””

അവളെന്നെ നോക്കി  തലയിൽ കയ്യും വെച്ച് പറഞ്ഞിട്ട് അടുക്കളയിലേയ്ക്ക് നടന്നു…..

“””ചുമ്മാതെ കാണിയ്ക്കുന്നതാ…. എല്ലാം സ്നേഹങ്കൊണ്ടാ…..!!!”””

എന്റെ ആക്കിയുള്ള ചിരി കണ്ടപ്പോൾ ചമ്മലൊഴിവാക്കാനെന്നോണം അവൻ  പറഞ്ഞു…..

“””ഓഹ്…. ഹൊ… ഹൊ….  സഹിയ്ക്കാമ്പറ്റോ….???”””

ഞാനവനെ പിന്നെയും ഇട്ടിളക്കിയപ്പോൾ അമ്മുവെന്റെ കയ്യിൽ പതിയെ തല്ലിയിട്ട് മിണ്ടാതെയിരിയ്ക്കാനായി  ആംഗ്യം കാട്ടി….

ഞാൻ ചിരിച്ചു കൊണ്ട് തല ചെരിയ്ക്കുമ്പോൾ ഷെഹി വണ്ടി ഗേറ്റിനുള്ളിലേയ്ക്ക് കടത്തുന്നതാണ് കണ്ടത്…. ഇവൻ രാവിലെ എവിടെ പോയിരുന്നു എന്നാലോചിയ്ക്കുമ്പോൾ കോ- ഡ്രൈവിങ് സീറ്റിൽ നിന്നും ഗൗരി ഡോർ തുറന്നിറങ്ങി…… പക്ഷേ മുഖത്ത് പതിവു ചിരിയോ സന്തോഷമോയില്ല…. എന്നെ നോക്കിയൊന്നു ചിരിയ്ക്കാൻ ശ്രെമിച്ചു കൊണ്ട് അമ്മുവിനടുത്തു വന്നിരുന്നു……  അതുകണ്ടതോടെ അനു എന്നെ തട്ടിയിട്ട് എന്തു  പറ്റിയെന്ന് കൈകൊണ്ട് ആംഗ്യം കാട്ടി….  ഞാൻ ചുണ്ട് അറിയില്ല എന്ന ഭാവത്തിൽ കോട്ടിയപ്പോൾ ഷെഹിയും അടുത്തെത്തിയിരുന്നു……

“””മാറങ്ങട്…. ആണുങ്ങള് വന്നാലങ്ങോട്ട് ഒഴിഞ്ഞൂടേ…..!!!”””

അവൻ അനുവിനെ തളളി മാറ്റിക്കൊണ്ട് എന്റടുത്തിരുന്നു…

“””ഇരുന്നു തൊല….. ശവം….!!!”””

അവളവന്റെ തോളിൽ ചെറുതായി ഒന്നു തല്ലിയിട്ട് അകത്തേയ്ക്ക് നടന്നപ്പോൾ അനുവിന്റെ പിന്നാലെ ഗൗരിയെയും പിടിച്ചു വലിച്ചു കൊണ്ട് അമ്മുവും പോയി…..

“””എന്താടാ…..???  ഗൗരിയ്ക്കെന്താ പറ്റിയേ….???  ഫുൾ മൂഡോഫാണല്ലോ…. ഇനി  നിങ്ങളു തമ്മിലെന്തെങ്കിലും പ്രശ്നം….???”””

അവര് പോയി കഴിഞ്ഞപ്പോൾ ജീവൻ എന്റടുത്തേയ്ക്ക് നീങ്ങിയിരുന്നുകൊണ്ട് ചോദിച്ചു…..

“””ഏയ്‌….  അങ്ങനെയൊന്നുമില്ല…. അവള് വരുന്ന വഴിയ്ക്ക് നിന്നോടുമൊന്നും മിണ്ടിയില്ലേ….???”””

ഞാൻ ഷെഹിയെ നോക്കിയപ്പോൾ അവൻ ഇല്ലയെന്നർത്ഥത്തിൽ ചുമൽ കൂച്ചി….

“””നീയൊരു കാര്യം ചെയ്…. പോയി    കാര്യമെന്താന്ന് അവളോട് ചോദിയ്ക്ക്…!!!”””

ജീവനെന്നെ തോണ്ടിയപ്പോൾ അഭി വേഷം മാറി  പുറത്തേയ്ക്ക് വന്നു….. മൂന്നു പെണ്ണുങ്ങളും പിന്നാലെയുണ്ട്…..

“””വിനൂ…..  നീ വരുന്നോ…..???  ഞങ്ങളൊന്നു പുറത്തു പോകുവാ…..!!!”””

അഭിയെന്നോടായി ചോദിച്ചു…..

“””പുറത്തോ….???  അതെന്തുപറ്റി….???”””

“””എന്റെ വീട്ടിന്ന് വിളിച്ചില്ലേ….  അതിന് പിള്ളേർക്കൊക്കെ ഒരു ട്രീറ്റ് കൊടുക്കാന്ന് വിചാരിച്ചു…..  നീയും വാ….!!!”””

എന്നെ നോക്കിയാണ് പറയുന്നതെങ്കിലും കണ്ണുകൾ അവന്മാരിലേയ്ക്ക് കൂടി പായുന്നത് കണ്ടപ്പോൾ എനിക്ക് ചിരി വന്നു…..

“””അയ്യട…. മോളുടെ ആ ഉദ്ദേശമങ്ങ് മനസ്സിൽ വെച്ചോ…..  എല്ലാരുടേം കൂട്ടത്തിൽ കാട്ടിക്കൂട്ടിയൊരു ട്രീറ്റ്….  അതു വേണ്ട…..  എനിക്ക് പ്രത്യേകമൊരു ട്രീറ്റ്‌ വേണം……  അതും നല്ല ഘനത്തിൽ….  എന്താ….???”””

“””ഓ….  ആയിക്കോട്ടേ…..  എന്നു കരുതി ഇപ്പൊ വന്നു കൂടായ്കയില്ലല്ലോ….??? വാടാ…..!!!”””

“””ഇല്ലടീ നിങ്ങള് വിട്ടോ….  എനിക്കെന്തോ വലിയ മൂഡില്ല…..   വേണോങ്കിൽ ഇവന്മാരെ കൂടെ കൂട്ടിയ്‌ക്കോ…. പുറത്തു പോകുമ്പോൾ രണ്ടു തടിമാടന്മാര് കൂടെയുള്ളത് നല്ലതാ….!!!”””

ഞാൻ നൈസായിട്ട് ഒഴിഞ്ഞു…

“””വരുന്നോ….???”””

ശബ്ദം താഴ്ത്തി  സാധുവിനെ പോലെ ജീവനെ നോക്കിയുള്ള അഭിയുടെ ചോദ്യം…. സത്യത്തിൽ വൃത്തികേടാണെങ്കിൽ കൂടിയും ഞാൻ വെറുതെ നോക്കിയിരുന്നു പോയി…..  രണ്ടുപേരും തമ്മിലുള്ള മനഃപൊരുത്തം അത്രമേൽ എന്നെ ആകർഷിച്ചിരുന്നു എന്നതാണ് വാസ്തവം….!!! ആദ്യമൊക്കെ ഞാനത് ഗൗരിയോട് പറഞ്ഞിട്ടുമുണ്ട്…. പക്ഷേ അതിനോടവൾക്ക് താല്പര്യമില്ലെന്ന് മനസിലായതോടെ വിട്ടു…..

“””എടാ കൂടെ പോ….. ഇപ്പൊ കൂടെ കൂടിയാൽ പ്രശ്നം ഇവിടെ കഴിയും…..  വെറുതെ ഒരടി നീട്ടിക്കൊണ്ട് പോണോ….???”””

“””വേണ്ടല്ലേ….???”””

“””വേണ്ട…..!!! കൂടെ ചെല്ല്…..!!!”””

ഞാൻ അഭി കേൾക്കാത്ത രീതിയിൽ ജീവനോട് ചുണ്ടനക്കുമ്പോൾ ഗൗരി വന്ന് അഭിയെ തോണ്ടി…..

“””ചേച്ചീ…..  ഞാനും വരണില്ല…. എനിക്കും ഒരു മൂഡില്ല…..!!!”””

“””നിനക്ക് കാണൂല അതെനിക്കറിയാം…..  വരാത്തവര് വരണ്ട….  വരുന്നോര് വന്ന് വണ്ടീക്കേറിയേ…. ഷെഹീ….  പോയി വണ്ടിയെടുക്ക്…..!!!”””

അഭിയൊച്ചയിട്ടതും ഷെഹി പല്ലിറുമ്മിക്കൊണ്ട് വണ്ടിയുടെ അടുത്തേയ്ക്ക് നടന്നു…..

“””രണ്ടും വരുന്നില്ലല്ലോ അല്ലേ….???”””

അഭി കയറുന്നതിന് മുന്നേ തിരിഞ്ഞു നോക്കി ചോദിച്ചു…..

“””ഞാൻ നിന്നോടിതെത്ര വട്ടം പറഞ്ഞു….  നീയൊന്നു പോയേ….!!!”””

“””ഓ…  ഉത്തരവ്….!!! നമ്മക്ക് വിളിയ്ക്കാനല്ലേ പറ്റൂ…..  വരുന്നതൊക്കെ ഓരോരുത്തരുടെ ഇഷ്ടമല്ലേ…..!!!”””

അവള് പിറുപിറുത്തു കൊണ്ട്  വണ്ടിയിലേയ്ക്ക് കയറിയപ്പോൾ   ഞാനൊരു പുഞ്ചിരിയോടെ ഗൗരിയെ നോക്കി….  അവളും എന്നെ നോക്കി ചിരിയ്ക്കാൻ ശ്രെമിച്ചു…..

“””നീയെന്താ പോകാഞ്ഞേ….. ???”””

ഞാൻ തന്നെ ആദ്യം മൗനം ഭേദിച്ചു…..

“””എന്താ പോണോരുന്നോ….. ???”””

അവളുടെ മുഖത്ത് പഴയ കുസൃതി വിടർന്നപ്പോൾ എന്റെയുള്ളൊന്നു തണുത്തു….

“””പൊയ്ക്കൂടാരുന്നോ…. ???”””

“””എന്താ എന്നെയോടിച്ചു വിടാനിത്ര ധൃതി….. ???”””

“””ധൃതിയൊന്നുമില്ല…. ചോദിച്ചെന്നേയുള്ളൂ…..  അല്ല…. എന്തായീ  ബാഗില്….. കഴിയ്ക്കാൻ വല്ലതുമാണോ….. ???”””

അപ്പോഴാണ് അവളുടെ കയ്യിലിരുന്ന ബാഗ് കണ്ണിൽ പെടുന്നത്…… ഉടനെ തന്നെ അതു പിടിച്ചു വാങ്ങാൻ ചെറിയൊരു ശ്രെമവും നടത്തി…..  പക്ഷേ അവള് വിട്ടു തന്നില്ല……

“”””വിനൂ…. ഞാനകത്തേയ്ക്ക് പോവുവാണേ…..  അങ്ങോട്ട്‌ വരണ്ടാട്ടോ….  ഇവിടെ നിക്കണേ….  ഞാനിപ്പൊ വരാവേ….!!!””””

പറഞ്ഞിട്ട് അവൾ കയ്യിലിരുന്ന ബാഗുമായി അകത്തേയ്‌ക്കോടുന്നതിനിടയിൽ വിളിച്ചു പറഞ്ഞു……

എന്ത് മൈരോ…. ???  ഞാനത് കാര്യമാക്കാതെ പുറത്തുതന്നെയിരുന്നു….. അഭിയുണ്ടെങ്കിൽ പുറത്തിറങ്ങാൻ സമ്മതിയ്ക്കില്ല…. ഞാനേതോ മാറാ രോഗിയാണെന്നാണ്  അവളിപ്പോഴും കരുതിയിരിയ്ക്കുന്നേ….  മറ്റെന്നാള്  കോളേജിൽ പോകാൻ കൂടി ആ പെണ്ണിനെ സമ്മതിപ്പിച്ചെടുക്കാൻ പെട്ടപാട്…. ഞാനോരോന്നൊക്കെ ഓർത്ത്‌ പുറത്തിരുന്നപ്പോൾ ഗൗരി മുൻവാതിൽ തുറക്കുന്ന  ശബ്ദം കേട്ടു….  അങ്ങോട്ടേയ്ക്കു നോക്കുമ്പോൾ തല മാത്രം പുറത്തേയ്ക്കിട്ട് കക്ഷി നിൽപ്പുണ്ട്….. മുഖത്തെ കള്ളലക്ഷണം പാലിൽ വീണു കിടക്കുന്ന കറുത്ത പൊടിപോലെ വ്യക്തം…..

“”””വിനൂ….  വാ….  കേറി വാ….!!!””””

“”””നീയെന്താ അഞ്ഞൂറാൻ കളിയ്ക്കുന്നോ….. ???  അല്ല നീ വിളിയ്ക്കുമ്പോ കേറി വരാനും നീ പുറത്താക്കുമ്പോ ഇറങ്ങിപ്പോവാനും ഞാനെന്താ നിന്റെ പട്ടിയോ….. ???””””

“”””അങ്ങനെ ഞാൻ വിളിയ്ക്കുമ്പോ വരുന്നതൊക്കെ പട്ടികളാണെങ്കി നീയുമെന്റ പട്ടി തന്നാ….!!!””””

“”””പോടി മൈരേ….!!! പട്ടിയേ പട്ടി നിന്റച്ഛൻ….!!!””””

ഞാനെടുത്ത വായിൽ പറഞ്ഞതും പെണ്ണ് കതകും വലിച്ചടച്ച് അകത്തേയ്ക്ക് പോയി….  ഞാനതൊന്നും ശ്രെദ്ധിയ്ക്കാത്ത മട്ടിൽ വീണ്ടും പറമ്പിലൊക്കെ ഒന്നു കറങ്ങി തിരിച്ചു വന്നപ്പോഴും ആള് പുറത്തേയ്ക്ക് വന്നിട്ടില്ല…..  സംഗതി പിണങ്ങിയതാണെന്ന് വ്യക്തമായതോടെ ഞാനും വീട്ടിനുള്ളിലേയ്ക്ക് കയറി…. ലിവിങ് റൂമിലും എന്റെ റൂമിലും നോക്കി കാണാതെ വന്നപ്പോൾ ഞാൻ ഡൈനിങ് റൂമിലേയ്ക്ക് നടന്നു…..

കക്ഷി ഡൈനിങ് റൂമിലെ വലിയ ടേബിളിന്റെ മേൽ തലയും കുമ്പിട്ടിരിപ്പുണ്ടായിരുന്നു….. പക്ഷേ വേഷം….!!! കയറി വന്നപ്പോൾ ഇട്ടിരുന്ന ചുരിദാറിന്റെ സ്ഥാനത്ത് ഇപ്പോൾ ചുവപ്പിൽ കറുത്ത ഷേഡ്സുള്ള സാരിയും അതിനു മാച്ചായുള്ള കറുത്ത ബ്ലൗസും…..!!!

ഈശ്വരാ….!!! അപ്പോളിതാണ് ആ ബാഗിൽ താങ്ങി വലിച്ചോണ്ട് വന്നത്….  ഇതുടുക്കാൻ വേണ്ടിയാണ് എന്നെ പുറത്തു നിർത്തിയത്….  ഇതു കാണിയ്ക്കാനാണ് തലയെത്തിച്ച് വിളിച്ചത്…..!!! ഹായ്…..  ഇനി പരിഭവക്കെട്ട് തുറക്കുന്നതും കേട്ട് ഞാനിരിയ്ക്കണോലോ ദൈവമേ….!!!

“”””ഗൗരീ….. മോളേ….  നീയിവിടെ വന്നിരിയ്ക്കുവാണോ….. ???  ഞാന്നിന്നെ എവിടെയെല്ലാം നോക്കിയെന്നോ…. ???”””

ഞാൻ അവളുടെ അടുത്തേയ്ക്ക് ചെയറ് വലിച്ചിട്ടിരുന്നു….

“”””എവിടെ നോക്കീന്ന്….. ???””””

പെണ്ണ് തല പൊന്തിച്ചു നോക്കി….

ഭാഗ്യം….!!! വലിയ പിണക്കമൊന്നുമില്ല….  കണ്ണു ചെറുതായി കലങ്ങിയിട്ടുണ്ടെന്നല്ലാതെ മുഖഭാവത്തിലും തക്കതായ വ്യത്യാസങ്ങളൊന്നും കാണുന്നുമില്ല….  അത്രേം നല്ലത്….!!!

“”””പൊറത്തൊക്കെ…..!!!””””

“”””എന്നിട്ടെന്നെ കണ്ടോ….. ???””””

ചോദിയ്ക്കുമ്പോൾ അവളുടെ മുഖത്തെവിടെയോ കണ്ട ചെറിയൊരു പുഞ്ചിരി കൂടിയായപ്പോൾ പിണക്കമൊന്നുമില്ലെന്ന് എനിക്കുറപ്പായി….

“”””ഇല്ല…..  അപ്പൊയെനിക്ക് വിഷമമായി…..  അതല്ലേ ഞാനിങ്ങോട്ട് വന്ന….!!!””””

“”””കൊഞ്ചല്ലേ…. കൊഞ്ചല്ലേ…. മുഖത്തു നോക്കി എന്റച്ഛന്  വിളിച്ച മോനാ നീ…. എന്നിട്ട് വന്നിരുന്ന് കൊഞ്ചിയാലുണ്ടല്ലും…..!!!””””

“”””അയ്യോടാ…..  അങ്ങനെ വിളിച്ചപ്പോൾ സങ്കടമായോ…. ??? ഇഷ്ടം കൂടുമ്പോളാ സാധാരണ ഭർത്താക്കന്മാര്  ഭാര്യമാരുടെ തന്തയ്‌ക്കൊക്കെ വിളിയ്ക്കുന്നേ…. ജീവനെ കണ്ടിട്ടില്ലേ……!!!””””

“”””അതു ഭർത്താക്കന്മാരല്ലേ….  ഇതു ഭർത്താവൊന്നുമല്ലല്ലോ….!!!””””

അവള് ചുണ്ടുകോട്ടി….

“”””ആവോലോ ഒരു ദിവസം…..!!!””””

“”””ആയാലും ആയില്ലേലും എന്റച്ഛന് വിളിയ്ക്കാനൊന്നും പറ്റില്ല…..  അങ്ങനെ കേട്ടാൽ സത്യായിട്ടും എനിക്കു ദേഷ്യം വരുമേ……!!!! ഒരു ജീവനും അഭിയും….എന്തു പറഞ്ഞാലും ഒടുക്കം അവിടേ ചെന്നു നിക്കൂ….  വേറെയാർക്കും ഫ്രണ്ട്സൊന്നുമില്ലാത്ത പോലെ….!!!””””

അവൾ മുഖം വീർപ്പിച്ചു കൊണ്ട് രൂക്ഷമായി എന്നെ നോക്കിയപ്പോൾ ഞാൻ പൊട്ടിവന്ന ചിരി മറയ്ക്കാൻ നന്നേ കഷ്ടപ്പെട്ടു…..

“”””അതേ…..  സാരി നന്നായിട്ടുണ്ടല്ലോ…. എണീറ്റേ നോക്കട്ടേ….!!!””””

ഞാനവളെ പിടിച്ചുയർത്തിക്കൊണ്ട് പറഞ്ഞു….  മുഖം അപ്പോഴും ഊതി പെരുപ്പിച്ചതു പോലെയാണെങ്കിലും എഴുന്നേൽക്കുന്നതിനോ മുന്നിൽ നിൽക്കുന്നതിനോ അവള് മടിയൊന്നും കാണിച്ചില്ല…..

“”””അതേ…..  സാരിയൊക്കെ കൊള്ളാം…. പക്ഷേ ഉടുത്തേക്കുന്നത് ശെരിയായിട്ടില്ല…..!!!”””

ഞാനവളെ കുറച്ചു പിന്നിലേയ്ക്ക് നിർത്തി അടിമുടിയൊന്നു  വീക്ഷിച്ച ശേഷം അഭിപ്രായം പാസാക്കി…..

“”””അതെന്താ കുഴപ്പം….. ???  ഇങ്ങനെയാണല്ലോ സാരിയടുക്കുന്നേ….  പിന്നെന്താ….. ???””””

അവള് മുൻഭാഗം കൈകൊണ്ടൊതുക്കി ഒന്നോടിച്ചു നോക്കി…..

“”””അതേ…..  നിനക്കിങ്ങനെയുടുത്താ മതിയായിരിയ്ക്കും….  പക്ഷേ എനിക്കതു പോരാ…..  അതുകൊണ്ടിങ്ങ്  വാ…..  മര്യാദയ്ക്ക്  വൃത്തിയായിട്ട്  ഞാനുടുപ്പിച്ചു തരാം……!!!””””

ഞാനവളെ കയ്യെത്തിച്ച് അടുത്തേയ്ക്ക് വലിച്ചെങ്കിലും എന്റെ സമീപമെത്തുന്നതിന് മുൻപ് തന്നെ അവളെന്റെ കൈ തട്ടിമാറ്റി…..

“”””അയ്യട…..  ആ വെള്ളം മക്കളങ്ങ് വാങ്ങി വെച്ചിരുന്നാ മതി….. ഉടുപ്പിച്ചു തരാന്ന് പോലും….. എന്നെക്കൊണ്ടൊന്നും പറയിപ്പിയ്ക്കണ്ട….!!!””””

“”””അതെന്താ അന്നു ഞാനുടുപ്പിച്ചല്ലോ…..  അതിനെന്തായിരുന്നു കുഴപ്പം…..  നല്ലതാരുന്നല്ലോ….. ???”””

“”””അതേ….. നല്ലതായിരുന്നു….  അതോണ്ടാ പറഞ്ഞേ ഇനി വേണ്ടാന്ന്…..!!!””””

അവള് നിന്നെതിർത്തെങ്കിലും അവളുടെ ചുണ്ടിലെവിടെയോ വിരിഞ്ഞൊരു കള്ളച്ചിരി കണ്ടതോടെ എനിക്ക് ഉത്സാഹം കൂടി…..

അവളെ ഒറ്റ വലിയ്ക്ക് ഞാനെന്റെ മേത്തേയ്ക്ക് വലിച്ചിട്ട്  സാരിയ്ക്കും ബ്ലൗസിനുമിടയിലെ നഗ്നമായ പുറത്ത് വിരലമർത്തുമ്പോൾ ആദ്യമൊന്നു കുതറുമെങ്കിലും പതിയെ അടങ്ങുമെന്ന് കരുതിയ എന്റെ പ്രതീക്ഷകളെ അസ്ഥാനത്താക്കിക്കൊണ്ട് അവളെന്നെ തളളിമാറ്റി…..  ഞാനതു കാര്യമാക്കാതെ അവളെ ഇടുപ്പിൽ അമർത്തിപ്പിടിച്ചു കൊണ്ട് അടുത്തേയ്ക്ക് വലിച്ചു….. മുതുകിന്റെ ഭാഗത്തെ നഗ്നതയിൽ കയ്യോടിച്ചു കൊണ്ട് ഞാനവളുടെ  ചുണ്ടുകളെ കവർന്നതും  ഗൗരിയെന്നെ തളളിയെറിഞ്ഞു……

“”””വിനൂ…..  ദിസീസ്‌ ടൂ മച്ച്…. പലപ്പോഴും ഞാമ്പറഞ്ഞിട്ടുള്ളതാ ഇതുപോലുള്ള കോപ്രായങ്ങളൊന്നും എന്റടുത്തെടുക്കരുതെന്ന്…..   നിന്നെ വിശ്വാസമായോണ്ടാ അവരൊക്കെ പോയിട്ടും ഞാനിവിടെ നിന്നേ…… എന്നിട്ട് നീയെന്താ കാട്ടിയേ….. ഷെയിം ഓ.. ണ്യൂ….!!!””””

ഗൗരി വല്ലാത്തൊരു ഭാവത്തിൽ അതും പറഞ്ഞ് ഫോണെടുക്കുമ്പോൾ ഞാൻ എന്തു ചെയ്യണമെന്നറിയാതെ  അവളെത്തന്നെ മിഴിച്ചു നോക്കിയിരുന്നു പോയി…..

“”””ഹലോ…. ദീപുവേട്ടാ….

ആ ഞാനിവിടുണ്ട്…..

അതേ വിസ്മയയുടെ വീട്ടിൽ…..

ഒന്നിവിടെ വരെ വരാവോ…..

മ്മ്മ് ശെരി….  ശെരി….!!!””””

അവൾ ഫോൺ കട്ടു ചെയ്ത് ദാഹിപ്പിയ്ക്കുന്ന ഒരു നോട്ടം  എനിക്കു നേരേ  നീട്ടി……

ഒരു പരിചയം പോലുമില്ലാത്ത സമയത്ത് അവളുടെ ദേഹത്തിലെ രഹസ്യഭാഗങ്ങളിൽ കൈകടത്തിയപ്പോഴോ,,,,  കോളേജിന്റെ ബാക്ക് സൈഡിൽ വെച്ച്  അവളുടെ അധരങ്ങളെ കവർന്നെടുത്തപ്പോഴോ  വീട്ടിൽ വെച്ചു തന്നെ പല സമയങ്ങളിലും ഇതുപോലുള്ള കുസൃതികൾ കാണിച്ചപ്പോഴോ ഇങ്ങനെയൊരു പ്രതികരണം……???   ഇല്ല…. ഒരിക്കലും ഉണ്ടായിട്ടില്ല….!!! അന്നതിനെല്ലാം മൗനമായി സമ്മതം മൂളിയതു കൊണ്ടാണല്ലോ ഞാനിപ്പോഴും ഇങ്ങനെയൊരു പ്രവർത്തി………..

“”””ഗൗരീ….  ഞാൻ പറയുന്ന  നീയൊന്നു കേൾക്ക്….  അറിയാതെ പറ്റിപ്പോയതാ…..  സോറി….  അതിന്റെ പേരിൽ നീ പിണങ്ങിയിറങ്ങല്ലേ……  അവരു വരട്ടേ…..  അവരു കൂടി വന്നിട്ട് പോകാം….  അല്ലേൽ അവരു വരുന്നതിന് മുന്നേ നീ പോയാൽ അവരെന്തു കരുതും….. ???””””

“”””ഓ….  അപ്പോഴും  ഞാനിവിടുന്ന് പോകുന്നേലല്ല…..  അവരെന്ത് കരുതോന്നുള്ളതിലാണ് വിനൂന് ആദി….!!!””””

ഞാനതിനെന്തെങ്കിലും മറുപടി പറയുന്നുണ്ടോ എന്നുകൂടി ശ്രെദ്ധിയ്ക്കാതെ അവള് അമ്മുവിന്റെ റൂമിലേയ്ക്ക് പോയി…..

അവളുടെ പെട്ടെന്നുള്ള ഭാവമാറ്റത്തിന്റെ കാരണം വ്യക്തമാകാതെ ഞാനവിടെ തന്നെ ഇരുപ്പുറപ്പിച്ചു…..  കുറച്ചു ദിവസങ്ങളായി എന്നെ ചെറുതായതോതിൽ ഒഴിച്ചു നിർത്താൻ ശ്രെമിയ്ക്കുന്നതായി തോന്നിയിട്ടുണ്ട്…..   പലപ്പോഴും ഫോണെടുക്കാതെ പിണങ്ങിയിരിക്കുകയും മറ്റുമായി……  പക്ഷേ അതൊക്കെ അന്ന് രോഹി പറഞ്ഞതു പോലെ ചെറിയൊരു പോസെസ്സീവ്നെസ്സ് അത്രമാത്രമേ കരുതിയിരുന്നുള്ളൂ….. എന്നാലിപ്പോൾ……

ഓരോന്നൊക്കെ ആലോചിച്ച് ഞാൻ കുറേ നേരമങ്ങനെയിരുന്നു….. അവളന്നേരമൊന്നും പുറത്തേയ്ക്കിറങ്ങിയതേയില്ല….

കുറച്ചു കഴിഞ്ഞപ്പോൾ കോളിങ് ബെൽ മുഴങ്ങി….. ഒന്നു ഞെട്ടിക്കൊണ്ട് ചിന്തകളെ അകറ്റിയ ഞാൻ നോക്കുമ്പോൾ  കാണുന്നത് അത്രയും നേരം റൂമിൽ കതകടച്ചിരുന്ന ഗൗരി പുറത്തേയ്ക്കിറങ്ങി വരുന്നതാണ്….. സാരിമാറ്റി വരുമ്പോൾ ധരിച്ചിരുന്ന ചുരിദാറാക്കിയിട്ടുണ്ട്…..

എന്നെയൊന്ന് ഇരുത്തി നോക്കിയിട്ട് അവൾ വാതിൽ തുറക്കാനായി നടന്നു……

“””ആ…..  ദീപുവേട്ടനോ….???  ഇതെന്തായിത്ര ലേറ്റായേ….???  ഞാനെത്ര നേരായിട്ട്  വെയിറ്റെയ്യുവാന്നറിയാവോ….???”””

“””എടീ കാ‍ന്താരീ…. അതിനവിടുന്നിവിടെ വരെ വണ്ടിയോടിച്ചെത്തണ്ടേ….   നിനക്കെവിടേങ്കിലും നിന്നങ്ങ് വിളിച്ചാ മതിയല്ലോ….???”””

വാതിൽ തുറന്ന ഗൗരിയുടെ സംസാരം കേട്ടാണ് ഞാൻ അങ്ങോട്ടേയ്ക്ക് ചെല്ലുന്നത്…..

“”””വിനൂ…..  ഇത് ദീപുവേട്ടൻ…..  എന്റെ അമ്മാവന്റെ മോനാ….!!!””””

വാതിലിനടുത്തിയ  എന്നോടായി അവൾ പറഞ്ഞു….  അപ്പോഴേയ്ക്കും അവനും അടുത്തെത്തിയിരുന്നു….

“”””ഹായ്….  ഞാൻ  ദീപക്….!!! തന്നെക്കുറിച്ച് ഗൗരി ഒരുപാട് പറഞ്ഞിട്ടുണ്ട്….!!!””””

അവൻ  എന്റെ  നേരേ കൈ നീട്ടി

“”””വിനയ്….!!!”””

തിരിച്ചു കൈനീട്ടുന്നതിനിടയിൽ  മൊഴിഞ്ഞപ്പോളും അവന്റെ മുഖത്തു നിന്ന് കണ്ണെടുക്കാൻ എനിക്കു  കഴിഞ്ഞില്ല….. അന്ന് കോളേജിൽ ഗൗരി വന്ന ദിവസം അവളുടെ ഫിയാൻസിയാണെന്നും പറഞ്ഞെന്നെ കാണിച്ച അവൻ….  അതേ ദീപക്…..!!!

“”””തന്റെ പേരല്ല വെയറെബൗട്ട്സ് മുഴുവനെനിക്ക് കാണാപ്പാടമാ…. വീട്ടി വന്നാലേതു നേരോം തന്നെക്കുറിച്ചു പറയാനേ ഇവൾക്ക് നേരമുള്ളൂ…..  അല്ലെടി  കാ‍ന്താരീ…..???”””

അവൻ ഗൗരിയുടെ മൂക്കിൽ പിടിച്ചുലച്ചു കൊണ്ട് ചോദിച്ചപ്പോൾ മറുപടി അവളൊരു ചിരിയിലൊതുക്കി….

“”””വാ…..  കയറിയിരിയ്ക്കാം….!!!””””

അവനെ  ഉള്ളിലേയ്ക്ക്  ക്ഷണിയ്ക്കുമ്പോൾ ഉള്ളിലെവിടെയൊക്കെയോ പിടിതരാത്ത  കുറേ ചോദ്യങ്ങളുയർന്നു….. പക്ഷേ  ഗൗരിയുടെ മുഖഭാവത്തിൽ  അപ്പോഴുണ്ടായിരുന്ന  സ്വാഭാവികത, എന്റെ ഉള്ളിലുതിർന്ന  ചോദ്യങ്ങളെയെല്ലാം  വെറും  ബാലിശമെന്നെണ്ണാൻ പ്രേരിപ്പിച്ചു…..

ഗൗരിയുടെ തോളിൽ കൈയിട്ട് എന്തൊക്കെയോ പറഞ്ഞു ചിരിച്ചു കൊണ്ട്  അകത്തേയ്ക്ക് കയറിയ അവന്റെ പിന്നാലെയായി ഞാനും കടന്നു….

“””നിങ്ങളിരിയ്ക്ക്…..  ഞാൻ കുടിയ്ക്കാനെന്തെങ്കിലുമെടുക്കാം…..!!!”””

“””വേണ്ട വിനുയിരിയ്ക്ക്….  ഞാനെടുക്കാം….  ആദ്യായിട്ട് കേറി വന്നയാളെ എന്തിനാ വെറുപ്പിയ്ക്കുന്നേ…..???”””

അവൾ അവന്റെ മുഖത്തു നോക്കി ചിരിച്ചുകൊണ്ട് അടുക്കള ലക്ഷ്യമാക്കി നടന്നു…..

“””ഹ…  വിനുവെന്തിനാ നിൽക്കുന്നേ ഇരിയ്ക്ക്…..!!!”””

“””ആം…!!!”””

ഞാനൊന്ന് ചിരിയ്ക്കാൻ ശ്രെമിച്ചു കൊണ്ട് അവന്റെ അടുത്തായി സോഫയിലിരുന്നു….

“””പിന്നെ പറയ്….. ക്ലാസൊക്കെയെങ്ങനെ പോണു….???  ഓ  സോറി….  ഇപ്പോ ലീവാണല്ലേ….???”””

“””ആ….  ചെറിയൊരാക്സിഡന്റ്…..!!!”””

“””മ്മ്മ്….. ഗൗരി പറഞ്ഞിരുന്നു…..  അല്ല… ഇപ്പോളെങ്ങനെയുണ്ട്….???”””

“””ഹേയ്….  കുഴപ്പമില്ല…..  നാളെ കോളേജിൽ പോണം…..!!!”””

“””ഓഹ്….  ഗ്രേറ്റ്‌….!!!  ഇവിടിപ്പോൾ വേറെയാരുമില്ലാ….???”””

“””ഇല്ല….. അച്ഛനുമമ്മയും  രണ്ടാഴ്ചയായിട്ട്  അച്ഛന്റെ കുടുംബവീട്ടിലാ…. ഇന്നു രാത്രിയിലോ നാളെ രാവിലെയോ വരും….  പിന്നെ സിസ്റ്ററുണ്ടായിരുന്നു, ഫ്രണ്ട്സ് വന്നപ്പോളവർക്കൊപ്പം പുറത്തു പോയതാ….!!!”””

“””ഒക്കെ….  എല്ലാരെയും കുറിച്ച് ഗൗരി പറയാറുണ്ട്…. അവളങ്ങനെയാ അടുപ്പമുള്ളവരോട് ഒന്നുമൊളിയ്ക്കാറില്ല…..  ഗൗരിയെന്നെ കുറിച്ച് തന്നോട് പറഞ്ഞിട്ടുണ്ടോ….??? പറഞ്ഞിട്ടുണ്ടാവും….  ഇത്രേം നല്ല ഫ്രണ്ട്സാവുമ്പോൾ അവൾ പറയാതിരിക്കില്ല….!!!”””

അവനെന്നെ  നോക്കിയത് പറയുമ്പോൾ കാര്യമറിയാതെ ഞാനവന്റെ മുഖത്തേയ്ക്ക് നോക്കി….

“””പറഞ്ഞിട്ടില്ലേ…. സാധാരണ മനസ്സടുപ്പമുള്ളവരോട് അവളെല്ലാം തുറന്നു പറയുന്നതാ…. എനിവേ പറഞ്ഞിട്ടില്ലെങ്കിൽ ഞാൻ തന്നെ പറയാം….. രണ്ടു ദിവസം കഴിഞ്ഞാൽ എന്റെയും ഗൗരിയുടെയും   എൻഗേജ്മെന്റാ….!!!”””

“””എൻഗേജ്മെന്റ്….. ???”””

എന്റെ വായിൽ നിന്നും അറിയാതെ വീണു പോയ വാക്ക്…..

“””അതേ….  കല്യാണമൊക്കെ കുഞ്ഞിലേ തന്നെ പറഞ്ഞു വെച്ചതാ…. അതെല്ലാർക്കും അറിയേം ചെയ്യാം…..  പിന്നെ പേരിനൊരു പാർട്ടി…. അത്രേ ഞങ്ങളുദ്ദേശിയ്ക്കുന്നുള്ളൂ…..  അതുകൊണ്ടാവും അവൾ വിനുവിനോടൊന്നും പറയാതിരുന്നേ……  അല്ല….. എനിക്ക് വിശ്വസിയ്ക്കാൻ പറ്റുന്നില്ല…..  അപ്പോൾ ശെരിയ്ക്കും പറഞ്ഞിട്ടില്ലേ….???”””

തെല്ലൊരിടവേളയ്ക്ക് ശേഷം അവൻ ചോദിച്ച ചോദ്യം…. മറുപടിയെന്തു പറയണമെന്ന് ഒരൂഹവുമില്ലാതെ ഞാനൊന്നു ചിരിച്ചു….. ചീട്ടുകൊണ്ടൊരു കൊട്ടാരം കെട്ടിപ്പടുത്തിയിട്ട് കണ്മുന്നിൽ അത് തകർന്നു വീഴുന്നത് കാണുന്നവന്റെ മനസ്സിൽ നിന്നുതിർന്ന  ആത്‌മാർത്ഥമായൊരു ചിരി….

അവനാ ചോദ്യം ആവർത്തിയ്ക്കുന്നതിനു മുന്നേ, അവനെന്ത് മറുപടി കൊടുക്കണമെന്നറിയാതെ കുഴങ്ങിയിരുന്ന എന്റെ മുന്നിൽ സഹായമായി ഗൗരി പ്രത്യക്ഷപ്പെട്ടു…..

“””എന്താ…..  എന്താ രണ്ടു പേരുങ്കൂടിയൊരു ചർച്ച….???  ഞാൻ കേൾക്കാൻ പാടുള്ളതാണെങ്കിൽ എന്നോടു കൂടി പറ…..!!!”””

അവൾ ജ്യൂസ് ട്രേ ഞങ്ങൾക്കു മുന്നിൽ നീട്ടിയിട്ട് ചോദിച്ചപ്പോൾ ഒരു പുഞ്ചിരിയോടെ ഞാനതിൽ നിന്നൊരു ഗ്ലാസ്സെടുത്തു……

“”” അതേ…..  അതു ഞങ്ങളു തമ്മിലൊരു രഹസ്യം പറഞ്ഞതാ…. അതെന്താണെന്ന് നീയറിയണ്ട…..  അല്ലേ വിനൂ…..???”””

അവനെന്റെ  നേരേ നോക്കിയപ്പോൾ,  നേരത്തേ അവൾക്കു വേണ്ടി തൊടുത്ത പുഞ്ചിരിയുടെ അവശിഷ്ടം ഞാനപ്പോൾ അവനു നേരേ വെച്ചു നീട്ടി…..  ഒരു ദാക്ഷിണ്യവുമില്ലാതെ….. അല്ലെങ്കിലും  ആത്‌മാർത്ഥമായ ചിരികൾ പെട്ടെന്ന് മായില്ലല്ലോ….!!!

“””എന്നാ പോയാലോ….???”””

കുടിച്ചു ഗ്ലാസ്സ് ടീപോയുടെ പുറത്തു വെച്ച്  മുഖമുയർത്തി നോക്കുമ്പോൾ അവൾ പുഞ്ചിരിയോടെ തലയാട്ടി…..

“””അപ്പോൾ ഞങ്ങളിറങ്ങട്ടേ വിനൂ…..  കാണാം….!!!”””

അവൻ ഗൗരിയെയും കൂട്ടി പുറത്തേയ്ക്കിറങ്ങിയപ്പോൾ അവരെ യാത്രയയ്ക്കാനായി ഞാനും  ഗേറ്റ് വരെ ചെന്നു….

“””അല്ല ഗൗരീ…..  നീയെന്നെക്കുറിച്ചൊന്നും വിനുവിനോട്  പറഞ്ഞിട്ടില്ലേ….???  എന്റെ കാര്യം പോട്ടേ, നിന്റെ എൻഗേജ്മെന്റിന്റെ കാര്യവും പറഞ്ഞില്ലല്ലേ…..  അപ്പൊ നിനക്ക് കാര്യങ്ങളൊക്കെ ഒളിച്ചു വെയ്ക്കാനുമറിയാം…. അപ്പൊളീ തുറന്നടിച്ചുള്ള സംസാരമെന്നോട് മാത്രേയുള്ളെന്ന്  നിന്റമ്മ പറയുന്ന  സത്യാണല്ലേ….???”””

ദീപക്കിന്റെ ചെറുചിരിയോടുള്ള  ചോദ്യവും അതിന്  എന്തു മറുപടി നല്കണമെന്നറിയാതെ കുഴങ്ങിയുള്ള  അവളുടെ നിൽപ്പും…..

അപ്പോൾ എന്റെ മനസ്സിൽ  ഒരു  ചോദ്യവുമുണ്ടായിരുന്നില്ല….  ഉണ്ടായിരുന്നത്  മുഴുവൻ ഉത്തരങ്ങളായിരുന്നു……  വെറും ഉത്തരങ്ങൾ…..!!!!

അവൻ കാറ് സ്റ്റാർട്ടു ചെയ്യുമ്പോൾ എന്തോ കള്ളി പൊളിഞ്ഞ ഭാവത്തിൽ ഗൗരിയെന്നെ നോക്കിയിട്ട് ഉള്ളിലേയ്ക്ക് കയറി…..  അന്നുവരെ അവളുടെ മുഖത്തെ ഓരോ ഭാവവും മനഃപാഠമെന്നെണ്ണിയിരുന്ന എനിക്ക് അപ്പോളവളുടെ പൂച്ചക്കണ്ണുകൾ പറയുന്നതെന്തെന്ന് അജ്ഞമായി  മാറി…..

കാറ് റിവേഴ്സെടുത്ത് തിരിഞ്ഞു പോകുമ്പോൾ നടന്നതെല്ലാം  ഒരു  സ്വപ്‌നമെന്ന പോലെ കണ്ടു നിൽക്കാനല്ലാതെ പ്രതികരിയ്ക്കാനാനെനിയ്ക്ക് കഴിഞ്ഞില്ല…..

ഞാനവിടെ തന്നെയുറച്ചു നിന്നു,   ഉമിനീരിന്റെ  ഒരിറ്റു കണം പോലും ഉള്ളിലേയ്ക്കിറക്കാതെ…..  അല്ല….  ഉള്ളിലേയ്ക്കിറങ്ങാതെ  തന്നെ………..

-തുടരും….