ഗൗരിയേട്ടത്തി 1

ആദ്യഭാഗം ഒരു ഇൻട്രോ ആയി കാണുക, കൂടെ അല്പം കാര്യവും…. പക്ഷെ ഈ ഭാഗത്തിൽ കമ്പി ഒന്നും ഇല്ല….പ്രതീക്ഷിച്ച് വായിച്ചിട്ട് വിരാശരാവാതിരിക്കാൻ ആദ്യമേ പറയുന്നു🤝 അപ്പോ കഥയിലേക്ക് കടക്കാം

പ്രകൃതി സുന്ദരമായ ഒരു കൊച്ചു മലയോരഗ്രാമമാണ് മീനാക്ഷിപുരം… മൂന്ന് വശവും കുന്നുകളാൽ ചുറ്റപ്പെട്ട മീനാക്ഷിപുരത്തിന്റെ ഒരു വശത്ത് കൊടും കാടാണ്, ആനയും പുലിയും കുറുക്കനും കാട്ടുപോത്തും എല്ലാം അടക്കി വാഴുന്ന മുത്തിയൂർ കാട്… ഇതിനെല്ലാം ഒത്ത നടുവിലൂടെ ശാന്തമായി ഒഴുകുന്ന ഗോമതിപ്പുഴ കൂടി ചേരുമ്പോൾ മീനാക്ഷിപുരം ഒരു കൊച്ചു സുന്ദരി തന്നെ എന്ന് ആരും പറഞ്ഞുപോവും…..

ഇത്രയും പറഞ്ഞ സ്ഥിതിക്ക് ഇനി പ്രത്യേകം പറയേണ്ട കാര്യം ഇല്ലല്ലോ… ഈ മീനാഷിപുരത്താണ് നമ്മുടെ കഥ നടക്കുന്നത്….. ഇരുപതാം നൂറ്റാണ്ടിന്റെ അവസാന കാലഘടത്തിലും പുരോഗതി ഒന്നും തന്നെ വന്നിട്ടിലാത്ത ചുരുക്കം ഗ്രാമങ്ങളിൽ ഒന്നാണ് മീനാക്ഷിപുരം….. ധാരാളം മഴ ലഭിക്കുന്ന ഇവിടുത്തെ ഭൂരിഭാഗം ജനങ്ങളും കൃഷി പണിക്കാരാണ്…. അങ്ങനെയൊക്കെ ഉള്ള മീനാക്ഷിപുരത്ത് ഒരു കൂട്ടം ആളുകൾക്ക് ഇടയിൽ നടന്നു വന്നിരുന്ന, എന്നാൽ അപ്രത്യക്ഷമായികൊണ്ടിരിക്കുന്ന ഒരു ആചാരം….. അതുമായി ബന്ധപ്പെട്ടുള്ള കാശി എന്ന യുവാവിന്റെ കഥ……

ഇവിടെ തുടങ്ങുന്നു…..

{{{{{{{{{{***}}}}}}}}}}

“””ന്റെ കാർത്യായനി നീ ഇങ്ങനെ അമാന്തിക്കാതെ അതങ്ങ് വേഗം നടത്തിക്കൂടെ”””

“””ഓ ഞാൻ അമാന്തിക്കുന്നതല്ലെടി……. ഇപ്പോഴത്തെ കാലം അല്ലേ…… പിള്ളേരുടെ മനസ്സിൽ എന്താന്ന് കൂടി ഒന്ന് അറിയണ്ടേ”””

“””പിള്ളേരെ കാര്യം പറഞ്ഞ് മനസ്സിലാക്കണം…. കാര്യം ഇല്ലാതെ പഴമക്കാര് ഒന്നും ചെയ്യില്ലല്ലോ…. ഇപ്പോ തന്നെ നീ നോക്കിയേ നമ്മുടെ കുഞ്ഞിപ്പെണ്ണിന്റെ മക്കളെ അവസ്ഥ, ആചാരം ലംഘിച്ച് കല്യാണം കഴിച്ചിട്ട് ഇപ്പോ കണ്ടില്ലേ രണ്ടും രണ്ട് വഴിക്കായത്…..”””

“””ഹാ അതും ശരിയാണ്…. എന്നെകൊണ്ട് എന്തായാലും നേരിട്ട് പറയാൻ വയ്യ…. ഗോവിന്ദനോട് പറയാം, അവനാണെങ്കിൽ ഒരു തഞ്ചത്തിൽ ശിവനോട് കാര്യം പറഞ്ഞോളും”””

“””എന്തായാലും അധികം വൈകിക്കണ്ട…… ചെക്കൻ ആരെയെങ്കിലും വിളിച്ചോണ്ട് വരുന്നതിന് മുന്നെ ഇതങ്ങോട്ട് നടത്തിക്കോ….”””

“””ഓ എന്റെ മോൻ അങ്ങനെ ഒന്നും ചെയ്യില്ല….. നീ വെറുതെ ഓരോന്നും പറഞ്ഞുണ്ടാക്കണ്ട”””

“””ഉവ്വ് ഉവ്വേ…..””” ***

ഓഹ് പണ്ടാരടങ്ങാൻ രാവിലെ തന്നെ മനുഷ്യന്റെ ഉറക്കം കളയാനായിട്ട്………..

വേലിക്കൽ നിന്നുകൊണ്ടുള്ള അമ്മയുടെയും അപ്പുറത്തെ വീട്ടിലെ ദേവകിയുടെയും സംസാരം കൊതുകിന്റെ മൂളിച്ച പോലെ ചെവിയിൽ വന്ന് പതിച്ച് ശല്യമായി മാറിയപ്പോഴാണ് ഞാൻ ഉറക്കം ഉണർന്നത്….

. ഇതിപ്പോ ഇന്ന് മാത്രമല്ല, സ്ഥിരം പതിവാണ്….. ആകെ രണ്ട് മുറി മാത്രമുള്ള വീട്ടിൽ ഏട്ടന്റെ കല്യാണം കഴിഞ്ഞ അന്ന് തൊട്ട് ഞാൻ ഈ തിണയിൽ കിടന്നാണ് ഉറക്കം, അന്ന് തൊട്ട് ഉറക്കം ഒക്കെ കണക്കാണ്….. കൊതുക്ക് ശല്യം, അപ്പുറത്തെ ദേവകിയുടെ വീട്ടിലെ പട്ടിയുടെ ശല്യം, പിന്നെ നേരം വെള്ളുത്താൽ ഇതുപോലെയുള്ള ശല്യങ്ങളുടെ ഘോഷയാത്രയാണ്….

ഇന്നലെ രാത്രി അടിച്ച സാധനത്തിന്റെ പിടുത്തം ഇപ്പോഴുമുണ്ട് തലയ്ക്ക്, എങ്കിലും ഇനി കിടന്നാൽ ഉറക്കം നടക്കില്ലെന്ന് തോന്നിയത് കൊണ്ട് എഴുന്നേറ്റിരുന്നു…. ഒരു ആവേശത്തിൽ എഴുന്നേറ്റെങ്കിലും കണ്ണ് പോലും ശരിക്കും തുറക്കാൻ പറ്റുന്നില്ല……. അയ്യോ…….. ഇന്നലെ ഇതിനുമാത്രം ഒക്കെ അടിച്ചോ?? ആ ഒന്നും കൃത്യമായിട്ട് ഓർമ്മ കിട്ടുന്നില്ല… എന്ത് ചെയ്യാനാ അങ്ങനെ തലയ്ക്ക് കൈയും കൊടുത്ത് കണ്ണടച്ചിരുന്നു…..

“””ഡാ……..മതി……. എഴുന്നേറ്റേ……. ഇനിയും വൈകിയാ ഏട്ടന്റെ വായിലിരിക്കുന്നത് മൊത്തം കേൾക്കേണ്ടി വരും….”””

അമ്മയുടെ ശബ്ദമാണ് എന്നെ ഇരുന്നുകൊണ്ടുള്ള മയക്കത്തിൽ നിന്ന് ഉണർത്തിയത്….. ഏട്ടൻ എന്ന് കേട്ടതും ഉറക്ക ക്ഷീണവും ഇന്നലെ അടിച്ചതിന്റെ കെട്ടും എല്ലാം കൂടി കെട്ടും ബാണ്ടവും തൂക്കി മുത്തിയൂർ കാട് വഴി ഓടി…..അമ്മ പറഞ്ഞത് പോലെ ഇനിയും വൈകിയാൽ ഏട്ടന്റെ വായിൽ ഇരിക്കുന്നത് മുഴുവൻ കേൾക്കേണ്ടി വരും, പിന്നെ ഇന്നലെ രാത്രി വന്ന കോലം ഏട്ടൻ കണ്ടിട്ടുണ്ടെങ്കിൽ പറയേം വേണ്ട…. ഈ കാശിയുടെ കാര്യത്തിൽ ഇന്ന് തന്നെ ഒരു തീരുമാനം ആവും….

“””ഞാൻ ഇറങ്ങാ, ഇന്ന് പണിക്കാരുള്ളതാ …..ചായ ആ പെണ്ണ് എടുത്ത് തരും…… നീ അവളേം കൂട്ടി വന്ന മതി”””

“”മ്മ്…”” ഞാൻ വെറുതെ ഒന്ന് മൂളി

“””ഡാ വൈകാൻ നിൽക്കണ്ട… വേഗം അങ്ങോട്ട് പോര്”””” പോവുന്ന വഴിക്ക് തിണയിൽ തന്നെ അനങ്ങാതെ ഇരിക്കുന്ന എന്നെ നോക്കി പറഞ്ഞിട്ട് അമ്മ നടന്നകന്നു…

ഞാൻ മെല്ലെ എഴുന്നേറ്റ് അകത്തേക്ക് നടന്നു….. അമ്മ പറഞ്ഞപ്പോഴാണ് ഇന്ന് പണിക്കാരുള്ള ദിവസം ആണെന്ന് ഓർത്തത്, ഇത് ഇന്നലെ ഓർമ്മയുണ്ടായിരുന്നെങ്കിൽ ഒരു മയത്തിൽ അടിക്കാമായിരുന്നു… ഏട്ടന്റെ സ്വഭാവം വെച്ച് ആൾക്കാരുണ്ടെന്ന് ഒന്നും നോക്കില്ല, ചെവി പൊട്ടുന്ന ചീത്ത വിളിക്കും…. പിന്നെ പേടിയൊന്നും ഇല്ലെങ്കിലും പ്രായത്തിന് മൂത്തത് ആയതുകൊണ്ട് ഞാൻ തിരിച്ചൊന്നും പറയാതെ കേട്ട് നിൽക്കും…

അല്ല ഈ ഏട്ടത്തി ഇതെവിടെ പോയി കിടക്കാ….. ഇവിടെ ഒന്നും കാണാൻ ഇല്ലല്ലോ….. അടുക്കളയിലും പരിസരത്തും ഒന്നും ഏട്ടത്തിയെ കാണുന്നില്ല….

“””ഏട്ടത്തീ……………….ഗൗരിയേട്ടത്തീ…………………..””””

“””വിളിച്ചു കൂവണ്ട ചെക്കാ…. ഞാൻ ഇവിടുണ്ട്””” വീടിന്റെ പിന്നാംപുറത്ത് നിന്നും ഏട്ടത്തി വിളി കേട്ടു…. ഞാൻ ആ ശബ്ദം കേട്ട ഭാഗത്തേക്ക് നടന്നു….

നോക്കുമ്പോൾ കക്ഷി താറാകൂട്ടതെ തുറന്നു വിടുന്ന പരിപാടിയിലാണ്, അതിൽ ഒന്നിനെ എടുത്ത് ഒക്കത്ത് വെച്ച് കൊഞ്ചിക്കുന്നുണ്ട്….. ഞാൻ ഒരു നിമിഷം ആ കാഴ്ച കണ്ട് നോക്കി നിന്നുപ്പോയി…

ഉഫ്…… ഈ ഒരൊറ്റ കാര്യത്തിലെ എനിക്ക് ഏട്ടനോട് അസൂയയുള്ളു…

ഈ മീനാക്ഷിപുരത്ത് ഞാൻ കണ്ടിട്ടുള്ളതിൽ വെച്ച് ഏറ്റവും സുന്ദരിയായ സ്ത്രീ എന്റെ ഏട്ടത്തിയാണ്….. ഏട്ടത്തിയെ നോക്കി വെള്ളം ഇറക്കാത്ത ആണുങ്ങൾ ഈ മീനാക്ഷിപുരത്ത് വിരളമാവും…. ഏട്ടത്തിയെ സ്വന്തം ചേച്ചിയുടെ സ്ഥാനത്ത് കാണാൻ ശ്രമിച്ചാലും ഇടയ്ക്ക് ഇതുപോലെ ചില സാഹചര്യങ്ങളിൽ അതിന് സാധിക്കാതെ മറ്റ് ആണുങ്ങളെ പോലെ തന്നെ ഞാനും ഈ സൗന്ദര്യം ഇങ്ങനെ നോക്കി ആസ്വദിച്ച് പോവും….

സ്ഥിരം വേഷം ആയ കള്ളിമുണ്ടിലും ബ്ലൗസിലും ഏട്ടത്തി ശരിക്കും ഒരു ഒന്നാം തരം ചരക്ക് തന്നെയാണ്… ആ ബ്ലൗസിനും മുണ്ടിനും ഇടയിൽ നഗ്നമായ വയറിന്റെ ഒത്ത നടുക്ക് വരുന്ന പൊക്കിൾ ചുഴിയാണ് എല്ലാത്തിനും കാരണക്കാരൻ, അത് കാണുമ്പോഴാണ് ഞാൻ എല്ലാം മറന്ന് പോവുക….

“””ഡാ ചെക്കാ…. എന്താടാ പന്തം കണ്ട പെരുച്ചാഴിനെ പോലെ നോക്കി നിൽക്കുന്നെ??”””

ഏട്ടത്തിയുടെ ശബ്ദമാണ് എന്നെ മായികലോകത്ത് നിന്നും തിരിച്ചു കൂട്ടി കൊണ്ടുവന്നത്… ഛെ, നോക്കിയത് ഏട്ടത്തി കണ്ടോ ആവോ…. ഞാൻ വെറുതെ ഒന്ന് ചുമൽ കൂച്ചി ഇളിച്ച് കാണിച്ചു….

“””അയ്യോ….. എന്താ ചിരി…… പോയി പല്ല് തേക്കാൻ നോക്ക് ചെക്കാ””” ഒക്കത്തിരിക്കുന്ന താറാവിനെ തലോടി കൊണ്ട് അല്പം പുച്ഛത്തോടെ ഏട്ടത്തി പറഞ്ഞതും മനസ്സില്ലാ മനസ്സോടെ ഞാൻ തിരിഞ്ഞ് നടന്നു….. ഏട്ടത്തിയുടെ മുഖഭാവം കണ്ടിട്ട് ഇന്നലെ രാത്രിയിലെ കോലം ഏട്ടൻ കണ്ടെന്ന് തോന്നുന്നു… ഏട്ടന്റെ കയ്യിന്ന് കിട്ടുമ്പോൾ ചിരിയൊക്കെ നിന്നോളും എന്നൊരു ധ്വനി അതിൽ ഇല്ലേ?? ആവോ………

കൈയിൽ അല്പം പൽപ്പൊടിയും എടുത്തുകൊണ്ട് ഞാൻ കിണറ്റിന്കരയിലേക്ക് നടന്നു…… വേഗം പല്ലും തേച്ച് ഒന്ന് തലയിലൂടെ വെള്ളവും പാർന്നിട്ട് പറമ്പിലേക്ക് ചെല്ലണം……

പൽപ്പൊടിയിൽ വെള്ളം ഉറ്റിച്ചു കലർത്തുന്നതിനിടയിലാണ് പുറകിൽ നിന്നുമൊരു ശബ്ദം കേട്ടത്…..

“””അതേ……മാഷേ……. എന്താണ് പതിവില്ലാത്ത ശീലങ്ങളൊക്കെ…മ്മ്??”” വേറെ ആരുമല്ല, ഉണ്ണിയാണ്…. അപ്പുറത്തെ വീട്ടിലെ ഉണ്ണിമായ, ചെറുപ്പം തൊട്ട് ഞങ്ങൾ നല്ല കൂട്ടാണ്….

പെണ്ണ് വേലിക്ക് അപ്പുറം ഇളിച്ചോണ്ട് നിൽപ്പുണ്ട്….

“””ഇതൊക്കെ നമ്മക്ക് പതിവാണ് മോളെ…… നീ പതിവില്ലാതെ മൂട്ടിൽ വെയിലടിക്കുന്നതിന് മുന്നെ ഉണർന്നതോണ്ടാണ് ആദ്യായിട്ട് കാണുന്നേ…”””

“”””ഓ………”””” ഞാൻ പറഞ്ഞതിൽ അല്പം സത്യമുള്ളത് കൊണ്ടാവാം അവൾ വെറുതെ മുഖം ചുളിച്ച് കൊഞ്ഞനം കുത്തിയതേ ഉള്ളു….

“””അല്ല…..എന്താണ് പതിവില്ലാതെ വെളുപ്പിനെ എഴുന്നേറ്റ്……മ്മ്?? എന്തോ കള്ളത്തരം ഉണ്ടല്ലോ പെണ്ണേ….എന്താണ്??””””

“””ഡാ അത് പിന്നെ…… ഇന്ന് എന്നെ…….. കാണാൻ ആള് വരുന്നുണ്ട്””” നിർത്തി നിർത്തിയാണ് അവൾ അത് പറഞ്ഞത്, ആ മുഖത്ത് ആദ്യമായി നാണം എന്ന വികാരം കണ്ടപ്പോൾ സ്വാഭാവികമായും എനിക്ക് ചിരി വന്നു….

“””എന്തിനാണ്ടാ പൊട്ടാ കിണിക്കണേ??””” ഞാൻ ചിരിക്കുന്നത് കണ്ട് അവൾ സ്ഥായി ഭാവത്തിലേക്ക് തിരിച്ച് വന്നു…..

“””ഏയ് ഒന്നൂല്ല, നിന്നെ ഒന്ന് കല്യാണ വേഷത്തിൽ സംഘൽപ്പിച്ച് നോക്കിയതാ മോളെ…..””””

“””ഓ കല്യാണ വേഷത്തിൽ ആയിരുന്നോ…….. ഞാൻ കരുതി കാശികുട്ടൻ രാവിലെ തന്നെ വികാരപരവശനായിട്ട് എന്നെ തുണിയും മണിയും ഒന്നും ഇല്ലാതെ സങ്കൽപ്പിക്കാന്ന്”””

അവൾ നേരത്തെ സ്വാഭാവികമായി വന്ന നാണം ഇപ്പോ കഷ്ടപ്പെട്ടു വരുത്താൻ ശ്രമിച്ചുകൊണ്ട് പറഞ്ഞു….

“”””അയ്യോ തുണി ഇല്ലാണ്ട് കാണാൻ പറ്റിയ ഒരു ചള്ക്ക്””””” പൽപ്പൊടി ചൂണ്ടുവിരലിൽ പുരട്ടി വായിലേക്ക് കൊണ്ടു പോവുന്നതിന് തൊട്ട് മുന്നെ അല്പം പുച്ഛത്തോടെ ഞാൻ പറഞ്ഞു….

“”””എന്താണ്ടാ എനിക്ക് ഒരു കുഴപ്പം….. സുന്ദരിയല്ലേ ഞാൻ”””” സ്വയം ശരീരത്തിലൂടെ കൈ ഓടിച്ചുകൊണ്ടാണ് അവൾ അത് ചോദിച്ചത്… ഈർക്കിൾ കൊള്ളിയില് മുണ്ടും ബ്ലൗസും ചുറ്റിയത് പോലെ ആണെങ്കിലും അതിന്റെ അഹങ്കാരം ഒന്നും പെണ്ണിനില്ല….

വായിൽ വിരൽ പ്രയോഗം നടത്തികൊണ്ട് നിൽക്കുന്നത് കൊണ്ട് ഞാൻ അതിന് മറുപടി ഒന്നും പറയാൻ നിന്നില്ല…. പല്ല് നന്നായി ഒന്ന് തേച്ച ശേഷം അവളെ നോക്കികൊണ്ട് തന്നെ നിലത്തേക്ക് കാക്കിച്ച് തുപ്പി….

“””ഓ അല്ലെങ്കിലും വീട്ടിൽ ഇത്തിരി മുലയും കുണ്ടിയുമുള്ള ഒരുത്തി വന്ന് കയറിയേ പിന്നെ അവന് നമ്മളെ ഒന്നും പറ്റില്ലല്ലോ……ഹ്മ്മ്‌……””” അവൾ ആരോടെന്നില്ലാതെ പറഞ്ഞ് മുഖം ചുളിച്ചു….

“”””നിനക്ക് മുലയും കുണ്ടിയും ഇല്ലെങ്കിലെന്താടി… നല്ല അസൂയയില്ലേ…””””

“””ഡാ…. പട്ടീ………..”””” കളിയാക്കിയതിന്റെ പ്രതികരണമായി പെണ്ണ് വേലിക്ക് അപ്പുറം നിന്നുകൊണ്ട് തന്നെ നിലത്ത് നിന്നും അണ്ണാൻ ചപ്പി അണ്ടി വെളിയിൽ വന്ന മാങ്ങയെടുത്ത് എനിക്ക് നേരെ എറിഞ്ഞു….നല്ല ഉന്നം ആയത് കൊണ്ട് അത് നേരെ ചെന്ന് ഏട്ടത്തിയുടെ സ്വന്തം കിങ്ങിണിയുടെ കൂട്ടിൽ തട്ടി തെറിച്ചു…… കിങ്ങിണി ഏട്ടത്തി വളർത്തുന്ന ആട്ടിങ്കുട്ടിയാണ് ട്ടോ…..

എന്നിട്ടും അരിശം മാറാതെ പെണ്ണ് എറിയാൻ എന്തേലും കിട്ടുമോ എന്ന് നിലത്ത് പരതുകയാണ്….

“”””ഡീ…..മതി മതി…….ഇനി ചൂടായിട്ട് ഇപ്പോ എന്താ കാര്യം….. ഞാൻ പറഞ്ഞ പോലെ വികസിപ്പിക്കാനുള്ള വ്യായാമം ദിവസവും ചെയ്താ പോരായിരുന്നോ””””

“”””എടാ പട്ടി….. നീയല്ലേ കാര്യത്തോട് അടുത്തപ്പോ കാല് മാറിയെ, ഞാൻ ഇതാ ഇപ്പോ ആണെങ്കിലും തയാറാ…. വാ”” കുരിശിൽ തളച്ചത് പോലെ ഇരുകയ്യും വിടർത്തി മുന്നിൽ ഇല്ലാത്ത മുഴുപ്പ് തള്ളിച്ച് പിടിച്ച് നിൽക്കുകയാണ് പെണ്ണ്….. നാണോം മാനോം ഇല്ലാത്ത സാധനം…

കുറച്ച് ദിവസം മുന്നെ അവൾക്ക് മുല വലുതാവുന്നില്ലെന്ന് പറഞ്ഞപ്പോൾ “”കൈ വളം ഇട്ടാൽ മതി””” എന്ന് ഞാൻ പറഞ്ഞതും അപ്പോ തന്നെ പെണ്ണ് “””ന്നാ പിടിച്ചൊന്ന്””” പറഞ്ഞതും ഞാൻ ഒന്ന് ഓർത്തുപോയി….

“””മായേ………… എടീ മായേ…………. ഈശ്വരാ എവിടെ പോയി കിടക്കാ കുരുത്തംകെട്ടവള്…””” അപ്പുറത്ത് നിന്ന് ദേവകിയമ്മയുടെ അലർച്ച കേട്ടു….ഉണ്ണിയുടെ അമ്മയാണ് ദേവകി…. നോമിന്റെ അമ്മയുടെ ഉറ്റതോഴിയും….

“””ഡീ മായേ……..”””” അവർ വീണ്ടും വിളിച്ചു…. എല്ലാവരും അവളെ മായേന്നാണ് വിളിക്കാറ്….. പക്ഷെ എനിക്ക് അവൾ എന്റെ ഉണ്ണിയാണ്…

“”””ഉഫ് പണ്ടാരം….,…ദാ വരണൂ…””” പെണ്ണ് അരിശത്തോടെ അകത്തേക്ക് നോക്കി വിളിച്ചു കൂവി……

“””ഡാ പൊട്ടാ…… ഞാൻ പോട്ടെ…….”””

“””ഒന്ന് പോയി തരോ……”””” ഞാൻ ഒരു ഒഴുക്കൻ മട്ടിൽ പറഞ്ഞു

“””പ്രാർത്ഥിക്കണേ ഡാ……””””

“”””എന്തിന്???””””

“”””അല്ല….. എന്നെ കാണാൻ വരുന്ന ചെറുക്കൻ നിന്നെ പോലെ പൊട്ടൻ ആവല്ലെന്ന്………. ഹഹഹഹാഹാഹാഹാ……””””” അതും പറഞ്ഞ് എന്നെ മറുപടി പറയാൻ അനുവദിക്കാതെ പെണ്ണ് കുണുങ്ങി ചിരിച്ചുകൊണ്ട് തിരിഞ്ഞോടി…..

ഇങ്ങനെ ഒരു സാധനം….

പെണ്ണിനോട് സംസാരിച്ച് നിന്ന് സമയം പോയത് അറിഞ്ഞില്ല…. വേഗം പല്ല് തേപ്പും തീർത്ത് ഒരു കുടം വെള്ളവും കോരി തലയിലൂടെ ഒഴിച്ചു……… ഇന്നലെ രാത്രി അടിച്ചതിന്റെ കെട്ട് പൂർണമായും വിടണം, പിന്നെ പണിക്കാരൊക്കെ ഉള്ളതല്ലേ… ഒന്ന് സുന്ദരനായിക്കളയാം എന്നും കരുതിയാണ് ഈ തണുപ്പിലും ഇങ്ങനെ ഒരു പണിക്ക് നിന്നത്….. ഉഫ് ഒടുക്കത്തെ തണുപ്പ്, വിറയ്ക്കുണു….. വേഗം തലയും തോർത്തി അകത്തേക്ക് നടന്നു….

“”””ഏട്ടത്തീ……………….. കൂയ്…….””””” ഞാൻ നന്നായി നീട്ടി കൂവി….

“””ഓ….എന്തിനാ ചെക്കാ കിടന്ന് കൂവണേ…….””””

“”””ഒന്ന് വേഗം എടുക്ക് ഏട്ടത്തി…. വൈകിയ വെറുതെ ആ കാട്ടുപോത്തിന്റെ വായിൽ ഇരിക്കുന്നത് കേൾക്കേണ്ടി വരും”””” തീന്മേശയ്ക്ക് മുന്നിൽ ഇരുന്നുകൊണ്ട് ഞാൻ അടുക്കളയിലേക്ക് നോക്കി വിളിച്ച് പറഞ്ഞു….

പറഞ്ഞ് തീരലും ഒരു കയ്യിൽ ആവി പറക്കുന്ന പുട്ടും മറുകയ്യിൽ രണ്ട് ആണിപൂവനും പിടിച്ചോണ്ട് ഏട്ടത്തി അടുക്കളയിൽ നിന്നും പ്രത്യക്ഷപ്പെട്ടു…..

“””ആ കാട്ടുപോത്തിന്റെ കയ്യിന്ന് എത്ര കിട്ടിയാലും പഠിക്കാത്ത നിന്നെ അപ്പോ എന്താ വിളിക്കണ്ടേ…,…. കാണ്ടാമൃഗമെന്നോ……””””

പുട്ടും പഴവും മേശയിൽ വെക്കുന്നതിനിടയിൽ പുള്ളിക്കാരി അതും പറഞ്ഞ് കുണുങ്ങി ചിരിക്കുന്നുണ്ട്….

“””എല്ലാരും ഏട്ടത്തിനെ പോലെ ഏട്ടന്റെ നിഴൽ കണ്ടാ മുണ്ടില് മുള്ളണം ന്ന് പറഞ്ഞ നടക്കോ…..”””

“””ഈഹ്…….””” അതിന് മറുപടി ഒന്നും പറയാതെ ഏട്ടത്തി മുഖം ചുളിച്ചുകൊണ്ട് പാവം എന്റെ തലയ്ക്കിട്ട് ഒന്ന് കൊട്ടി….

“”””അല്ല ഏട്ടത്തി നിങ്ങക്ക് ഈ പുട്ടും പഴവും അല്ലാതെ വേറെ ഒന്നും ഉണ്ടാക്കാൻ അറിയില്ലേ?? എന്നും രാവിലെ പുട്ടും പഴവും….മടുത്ത്…… ഒന്നുമില്ലെങ്കിൽ ഈ പുട്ടിന് കൂട്ടാൻ ഒരു കറിയെങ്കിലും……..എവിടുന്ന്…… ഹ്മ്മ്‌……””””

എന്റെ തലയ്ക്ക് കിട്ടിയ കൊട്ടിന്റെ പ്രതികാരം ഞാൻ മുന്നിൽ നിരത്തിയ പുട്ടിനെയും പഴത്തെയും ചെളി വാരി തേച്ചുകൊണ്ട് വീട്ടി…. അല്ല പിന്നെ

“”””മോൻ ഈ പറഞ്ഞത് അതേ പോലെ പോയി പുന്നാര ഏട്ടനോട് പറയ്……. ഏട്ടന്റെ കല്പനയാണ്, ആ കൊണ്ടുവെച്ച പഴകുല തീരുന്നത് വരെ രാവിലെ പുട്ടും പഴവും മതിയെന്ന്……….ഇത് ഓരോരുത്തര് ഓരോന്ന് പറഞ്ഞാ ഞാൻ എന്ത് ചെയ്യാനാ….””””

“””ഓ പറയുന്നത് കേട്ടാ വിചാരിക്കും ആ പഴകുല കൊണ്ടുവരുന്നതിന് മുന്നെ ഇവിടെ ഒരോ ദിവസവും ചപ്പാത്തിയും ഇഡലിയും ദോശയും അപ്പവും എല്ലാം മാറി മാറി ഉണ്ടാക്കാറായിരുന്നു ന്ന്….”””” ചൊറിയാൻ കിട്ടിയ അവസരം പാഴാക്കാതെ ഞാൻ പുച്ഛത്തോടെ പറഞ്ഞുകൊണ്ട് പുട്ടും പഴവും കൂട്ടി കുഴച്ചു….

“””വേണങ്കിൽ തിന്നിട്ട് എഴുന്നേറ്റ് പോവാൻ നോക്ക് ചെക്കാ……”””” രാവിലെ തന്നെ ഞാൻ ചൊറിയാൻ തയ്യാറായിട്ടാണെന്ന് മനസ്സിലായത് കൊണ്ടാവും ഏട്ടത്തി അത്രയും പറഞ്ഞിട്ട് അടുക്കളയിലേക്ക് തിരിച്ചു പോയി….

ഈ സാധനത്തിനെ ഇങ്ങനെ വെറുപ്പിക്കുന്നത് എനിക്ക് എന്തോ ഭയങ്കര സുഖം തരുന്ന പ്രവർത്തിയാണ്….. പുള്ളിക്കാരി ആണെങ്കിൽ ഞാൻ ചൊറിയാൻ വേണ്ടി മനഃപൂർവം പറയുന്നതാണെന്ന് മനസ്സിലാകാതെ കുറെ ഒക്കെ തിരിച്ചും പറയും……. അത് പിന്നെ അങ്ങനെ കുരങ്ങ് കളിപ്പിക്കാൻ പറ്റുന്നവരെയല്ലേ വീണ്ടും വീണ്ടും കളിപ്പിക്കാൻ തോന്നു…..

അങ്ങനെ ഇരുന്ന് പുട്ടും പഴവും തട്ടിക്കൊണ്ടിരിക്കുമ്പോൾ ഏട്ടത്തി ഒരു പാത്രത്തിൽ പുട്ടും ഇട്ടോണ്ട് വന്ന് മേശയിൽ എനിക്ക് എതിരെ വന്ന് ഇരുന്നു…..

“””അയ്യോ……….”””” വന്ന് ഇരുന്നതും, എന്തോ മറന്നിട്ടാണെന്ന് തോന്നുന്നു പുള്ളിക്കാരി ഒന്ന് തലയ്ക്ക് കൈ കൊടുത്തിട്ട് അടുക്കളയിലേക്ക് ഓടി….. ഞാൻ ആ പ്രവർത്തികൾ എല്ലാം സസൂക്ഷ്മം വീക്ഷിച്ചുകൊണ്ട് തീറ്റ തുടർന്നു…. ഏട്ടത്തി പോയ അതേ വേഗത്തിൽ രണ്ട് ഗ്ലാസ് ചായയുമായി തിരിച്ചു വന്നു….. ഒന്ന് എനിക്ക് തന്നിട്ട് ബാക്കി കഴിക്കാൻ ഇരുന്നു…..

“””ഇന്നലെ രാത്രി ഞാൻ വരുമ്പോ ഏട്ടൻ ഉറങ്ങിയായിരുന്നോ??””” ഏട്ടന്റെ മുന്നിലേക്ക് പോവുമ്പോൾ എങ്ങനെ നിൽക്കണം എന്നറിയാൻ വേണ്ടി ഞാൻ ഒന്ന് എറിഞ്ഞു നോക്കി, പക്ഷെ ഏറ്റില്ല…. ഏട്ടത്തി എന്നെ ഒന്ന് തുറിച്ചു നോക്കിയതേ ഉള്ളു, ഒന്നും പറഞ്ഞില്ല….

“””ശൂ…….ഷ്……….അതേ….””””

“””ഏട്ടനെ ഇത്രയ്ക്ക് പേടിയുള്ള ആള് പിന്നെ എന്തിനാ വെറുതെ ഏട്ടന് ഇഷ്ടല്ലാത്ത ഓരോന്നും ചെയ്യാൻ പോണേ….””” ഞാൻ സംശയം വീണ്ടും ആവർത്തിക്കുന്നതിന് മുന്നെ ഏട്ടത്തി തിരിച്ച് ഇങ്ങോട്ട് ഒരു ചോദ്യം ഇട്ടു….

“””അത് പിന്നെ സുധി നിർബന്ധിക്കുമ്പോ……….. അവന് ഒരു കൂട്ടിന്………. വല്ലപ്പോഴും അല്ലേ ഉള്ളൂ ഏട്ടത്തി……….”””

തപ്പി തടങ്ങുകൊണ്ട് ഞാൻ കുറ്റം മുഴുവൻ സുധിഷ് എന്ന സുധിയുടെ തലയിലിട്ട് കൊടുത്തു…. എന്റെ അമ്മാവന്മാരുടെ ഒരേയൊരു സൽപുത്രൻ….

“””ഹ്മ്മ്‌……. സുധീനെ ഞാൻ ഒന്ന് കാണട്ടെ…..””” ഏട്ടത്തി ഇത്തിരി കനത്തിൽ തന്നെ പറഞ്ഞു….

“””അപ്പോ ഏട്ടൻ കണ്ടില്ലല്ലോ??””””

“””ഇന്നലെ ഏട്ടൻ കണ്ടില്ല…. പക്ഷെ ഇനിയും മോൻ അതുപോലെ കയറി വന്ന ഞാൻ തന്നെ ഏട്ടനെ വിളിച്ച് കാട്ടി കൊടുക്കും…… നോക്കിക്കോ”””

ഏട്ടത്തി ഒരു ഭീഷണിയുടെ സ്വരത്തിൽ പറഞ്ഞ് നിർത്തിയതും ഞാൻ ശാന്തനായി…. ഭാഗ്യം…. ഇന്നലത്തെ കോലം ഏട്ടൻ കണ്ടിട്ടില്ല, കുറച്ച് കൂടി പോയിരുന്നു…. പിന്നെ ഭാവിയിലെ കാര്യം…. ഏട്ടത്തി എന്നോട് ഇങ്ങനെ ഒക്കെ പറയുമെങ്കിലും ഒരിക്കലും ഏട്ടന്റെ മുന്നിൽ എന്നെ ഒറ്റു കൊടുക്കില്ല എന്ന് എനിക്ക് ഉറപ്പാണ്……

“””ഏയ് ഇനി ഇല്ല…… ഇനി മദ്യം എന്ന സാധനം ഈ കാശി കൈ കൊണ്ട് തൊടില്ല….. ഇത് സത്യം സത്യം സത്യം”””

മേശയിൽ അടിച്ചു കൊണ്ട് ഞാൻ സത്യം ചെയ്തു…

“””ഓ…..കഴിഞ്ഞാഴച്ച ബോധം ഇല്ലാതെ വന്ന് വീണിട്ട് ഞാനാണ് പിടിച്ച് എഴുന്നേൽപ്പിച്ച് തിണയിൽ കിടത്തിയത്…. അത് കഴിഞ്ഞ് അടുത്ത ദിവസവും നീ ഇതേ സത്യം ചെയ്തതാണ്… അതും ന്റെ തലയിൽ തൊട്ട്….. അതോണ്ട് ഈ സത്യം ചെയ്യൽ ഒന്നും വേണ്ട…. നന്നായാ അവനവന് കൊള്ളാം””””

ഉപദേശം………. ഒട്ടും താല്പര്യം ഇല്ലാത്ത വിഷയം ആയത് കൊണ്ട് വേഗം കഴിച്ച് എഴുന്നേറ്റു…. ഞങ്ങൾ രണ്ടാളും നല്ല കൂട്ടാണ്… ഏട്ടത്തിയ്ക്ക് ഇവിടെ കൂട്ടെന്ന് പറയാൻ ഞാൻ മാത്രേ ഉള്ളു, പക്ഷെ ഒരു പരുതി കഴിഞ്ഞാ പുള്ളിക്കാരി ഏട്ടത്തി ചമയാൻ വരും….. അത് മാത്രാണ് എനിക്ക് ഇഷ്ടം അല്ലാത്തത്…… ***

“””എന്റെ ഏട്ടത്തീ……………. ഒന്ന് വേഗം വാ………””” ഉത്തരവാദിത്ത ബോധം ഉള്ളത് കൊണ്ട് ഞാൻ വേഗം പറമ്പിൽ എത്താൻ വേണ്ടി ഏട്ടത്തിയെ നീട്ടി വിളിച്ചു….

“””ദാ വരണു ചെക്കാ……… കിങ്ങിണിനേ ഒന്ന് കൂട്ടിലാക്കട്ടെ”””

എന്നും പറഞ്ഞോണ്ട് ഏട്ടത്തി കിങ്ങിണിയെയും പിടിച്ചോണ്ട് വന്ന് കൂട്ടിൽ കയറ്റി…. ഇപ്പോ ആ നിറം മങ്ങിയ ഓറഞ്ച് ബ്ലൗസിനും കള്ളിമുണ്ടിനും മീതെ ഒരു നരച്ച തോർത്തു മുണ്ടും ചുറ്റിയിട്ടുണ്ട്…. മുന്നിലെ മുഴുപ്പിനെ പൂർണമായും മറയ്ക്കാനുള്ള ശേഷി അതിന്നില്ലെങ്കിലും ആ മനോഹരമായ പൊക്കിൾ ചുഴിയെ കഴുകൻ കണ്ണുകളിൽ നിന്നും മറയ്ക്കാൻ അത് സഹായിക്കും…

കിങ്ങിണിയെ കൂട്ടിൽ കയറ്റാൻ വേണ്ടി കുനിഞ്ഞപ്പോൾ പിന്നില്ലേക്ക് തള്ളി തെറിച്ചു നിന്ന നിതംബ ഗോളങ്ങളിലേക്ക് കണ്ണ് പോയതും ഒരു നിമിഷം എല്ലാം മറന്ന് ഞാൻ കണ്ണ് ചിമ്മാതെ നോക്കി നിന്ന് പോയി… പക്ഷെ പെട്ടെന്ന് തന്നെ മനസ്സിനെ നിയന്ത്രണത്തിലേക്ക് തിരിച്ചുകൊണ്ടുവന്ന് ഞാൻ ചുറ്റും ഒന്ന് കണ്ണോടിച്ചു….

ഭാഗ്യം…. ഏട്ടത്തിയുടെ പിന്നാമ്പുറം നോക്കി വെള്ളം ഇറക്കി നിന്നത് ആരും കണ്ടില്ല എന്ന ആശ്വാസത്തിൽ ഞാൻ ഒന്ന് നെടുവീർപ്പിട്ടു….

“””പുവാം…..””” കൂട് അടച്ച് എഴുന്നേറ്റ് എനിക്ക് നേരെ തിരിഞ്ഞുകൊണ്ട് ഏട്ടത്തി ചോദിച്ചപ്പോൾ വെറുതെ തലയാട്ടാനേ എനിക്ക് സാധിച്ചുള്ളൂ….

“””പാവം കിങ്ങിണി……. അതിനെ ഇങ്ങനെ കൂട്ടിൽ തന്നെ ഇടുന്നത് കഷ്ട്ടാണ് ട്ടോ””” ഏട്ടത്തി അടുത്തെത്തിയതും ഞാൻ കിങ്ങിണിയുടെ അവസ്ഥ ഓർത്ത് പറഞ്ഞു…. തെക്കേലേ പുഷ്ക്കരന്റെ ആട്ടിൻ കൂട്ടം ഒക്കെ രാവിലെ തൊട്ട് വൈകുന്നേരം വരെ തെക്കേലേ പറമ്പിൽ വിലസി നടന്ന് പുല്ല് തിന്നുന്നത് കാണാം, അപ്പോഴാണ് ഇവിടെ ഏട്ടത്തി ഈ പാവം പിടിച്ചതിനെ കൂട്ടിൽ തന്നെ ഇട്ട് വളർത്തുന്നത്…

“”””ഓ അത് സാരല്ല്യ…. എന്തായാലും കണ്ട കുറുക്കനും പുലിക്കും തിന്നാൻ ന്റെ കിങ്ങിണിനേ ഇട്ട് കൊടുക്കൂല്ല””””

ഞങ്ങളെ വീട്ടിന്റെ പുറകിൽ ഒരു തൊടി കഴിഞ്ഞാൽ പിന്നെ മുത്തിയൂർ കാടാണ്…. അവിടുന്ന് ഇടയ്ക്ക് സന്ദർശനത്തിനായി വരുന്ന വന്യ മൃഗങ്ങളെ പേടിച്ചിട്ടാണ് ഏട്ടത്തി കിങ്ങിണിയെ ഇങ്ങനെ കൂട്ടിലിട്ട് വളർത്തുന്നത്….

“””അതല്ല ഞാൻ ഉദ്ദേശിച്ചത്….. ഈ കൂട്ടിൽ തന്നെ ഇട്ട് വളർത്തുന്നതിലും നല്ലത് വളർത്താത്തതല്ലേ ന്ന്…..””””

അതിന് മറുപടി ഒന്നും പറയാതെ ഏട്ടത്തി എന്റെ മുഖത്തേക്കും കിങ്ങിണിയുടെ കൂട്ടിലേക്കും വിഷമത്തോടെ മാറി മാറി നോക്കി….

“”””ഓ പോട്ടെ സാരല്ല്യ…… എന്റെ ഏട്ടത്തികുട്ടീന്റെ ഒരു ആഗ്രഹമല്ലേ…. കിങ്ങിണി തത്കാലം ഇങ്ങനെ സുഖിച്ച് ജീവിക്കട്ടെ…… എന്താ ഇപ്പോ അതിന് ഒരു കുറവ്, നാല് നേരം തീറ്റ കൂട്ടിൽ കിട്ടും…… പിന്നെ ഈ ഗൗരി പെണ്ണിന്റെ കരലാളനം, ചുംബനം……. ഉഫ്ഫ്……ആ കിങ്ങിണി എങ്ങാനും ആയി ജനിച്ച മതിയായിരുന്നു ഈശ്വരാ…..””””

ഏട്ടത്തിയുടെ മുഖം കാർമേഘം കൊണ്ട് മൂടിയ വാനം പോലെ ആയതും ഞാൻ വേഗം കാല് മാറി..

“””ഒന്ന് പോ ചെക്കാ……””” ഗൗരി പെണ്ണിന് ചിരി വന്നെങ്കിലും പെട്ടെന്ന് അത് മറച്ചുകൊണ്ട് എന്റെ ഇടുപ്പിൽ വേദനിപ്പിക്കാതെ ഒന്ന് പിച്ചി

“””മതി മതി……വന്നേ സമയം ഒരുപ്പാടായി….””” എന്നെ പിച്ചിയിട്ട് പിൻവലിക്കാൻ തുനിഞ്ഞ കൈ പിടിച്ച് വലിച്ചുകൊണ്ട് ഞാൻ നടന്നു……

“””ബൗ………ബൗ………..ബൗബൗബൗ……………………….””””””

“”””പോട് നായിന്റെ മോനെ….”””””

ഇറങ്ങാൻ നേരം ഞങ്ങളെ നോക്കി കുരച്ച എന്റെ ആജന്മശത്രു…… ഉണ്ണിയുടെ വീട്ടിലെ കുമാരനെ നോക്കി അവന്റെ തന്തയ്ക്കും വിളിച്ചിട്ട് ഞാൻ പറമ്പിലേക്ക് നടന്നു…

“””എന്താടാ ചെക്കാ……””””

“”””നായിന്റെ മോനേ പിന്നെ നായിന്റെ മോനേന്ന് അല്ലാതെ ദേവകിന്റെ മോനെന്ന് വിളിക്കാൻ പറ്റോ??”””” എന്റെ ന്യായമായ സംശയത്തിന് മറുപടി ഇല്ലാത്തത് കൊണ്ടാവാം…. ഏട്ടത്തി പിന്നെ ഒന്നും പറയാതെ എന്റെ കൂടെ വന്നു……

“”””അയ്യോ…… നിക്ക് നിക്ക് നിക്ക്……. ഏട്ടനും പണിക്കാർക്കുമുള്ള പ്രാതൽ എടുക്കാൻ മറന്നു”””” എന്നും പറഞ്ഞോണ്ട് ഏട്ടത്തി തിരിച്ച് വീട്ടിലേക്ക് ഓടി…. ഞാൻ ഏട്ടത്തി വരുന്നതും കാത്ത് അക്ഷമനായി നിന്നു….

വീട്ടിൽ നിന്നും കുറച്ച് അപ്പുറത്തേക്ക് മാറി ഒരേക്കർ ഭൂമിയുണ്ട്….. തലമുറകളായി കൈമാറി വരുന്ന ഭൂമി….. അവിടെ കൃഷി ചെയ്തു കൊണ്ടാണ് ഞങ്ങൾ ജീവിക്കുന്നത്…. ഞങ്ങൾ എന്ന് പറയുമ്പോൾ ഞാൻ കാശി, എന്റെ അമ്മ കാർത്യായനി, പിന്നെ എന്റെ ഒരേയൊരു ഏട്ടൻ… ശിവൻ… അങ്ങേരാണ് കാര്നൊന്മാരായി കൈമാറി വരുന്ന ഭൂമിയിൽ കൃഷി എല്ലാം ചെയ്യുന്നത്, ബാക്കി ഞങ്ങൾ എല്ലാവരും വെറും സഹായികൾ മാത്രമാണ്…. ആ ഒരു കാര്യത്തിൽ മാത്രം അങ്ങേരെ പൊക്കി പറയാതിരിക്കാൻ സാധിക്കില്ല, പണ്ട് അച്ഛന്മാരുടെയും മുത്തച്ഛന്മാരുടെയും കാലത്ത് ഉണ്ടായിരുന്നതിന്നേക്കാൾ പതിൻമടങ്ങ് മിക്കച്ചതായി കാര്യങ്ങൾ ഇപ്പോ മുന്നേറുന്നുണ്ട്….. ഞാനും അമ്മയും ഏട്ടനും കൂടാതെ നാലാമത്തെ ആളാണ് ഇപ്പോ ഭക്ഷണം എടുക്കാൻ വേണ്ടി തിരിച്ചോടി പോയ എന്റെ സ്വന്തം ഗൗരിയേട്ടത്തി….. വീട്ടിലെ എന്റെ കൂട്ട്. ഏട്ടൻടെയും ഏട്ടത്തിയുടെയും വിവാഹം കഴിഞ്ഞിട്ട് ഏകദേശം ഒരു വർഷം ആവുന്നേ ഉള്ളു…… ഗൗരിയേട്ടത്തിയുടെ കുടുംബം സാമ്പത്തികമായി അത്ര നല്ല സ്ഥിതിയിൽ ഒന്നും ആയിരുന്നില്ല, അതുകൊണ്ടാവണം ഏട്ടന്റെ ആലോചന വന്നപ്പോൾ രണ്ടാമത് ഒന്നും ചിന്തിക്കാതെ അവർ അതിന് സമ്മതിച്ചത്…. അല്ലാതെ ഒരു കുഴപ്പവും ഇല്ലാത്തവരോന്നും ഇക്കാലത് ഞങ്ങടെ കൂട്ടത്തിലേക്ക് കല്യാണം കഴിപ്പിച്ച് വിടാൻ നിൽക്കില്ല……

“”””വാ വേഗം നടന്നോ………. ഹൂ………ഹ്ഹ്…,……….”””” വാഴേന്റിലയില് പൊതിഞ്ഞ ഭക്ഷണവും പിടിച്ചോണ്ട് ഓടി വരുന്നതിനിടയിൽ ഏട്ടത്തി കിതച്ചുകൊണ്ട് പറഞ്ഞു…. പിന്നെ വേറെ ചോദ്യവും പറച്ചിലും ഒന്നും ഇല്ലായിരുന്നു, ഏട്ടത്തിയുടെ കയ്യിൽ നിന്നും സാധനം വാങ്ങി ഞാൻ വേഗം നടന്നു….. ഏട്ടത്തിയും എന്നോടൊപ്പം അതേ വേഗത്തിൽ കൂടെ കൂടി…. ***

ഞങ്ങൾ പറമ്പിൽ എത്തുമ്പോൾ അമ്മയും പിന്നെ ഒരു നാല് പണിക്കാരും നിന്ന് വള്ളിപ്പയറ് നടാനുള്ള പന്തൽ കെട്ടികൊടുക്കുകയാണ്…. ഭാഗ്യം ഏട്ടനെ ഇവിടെ എങ്ങും കാണുന്നില്ല…. ഏട്ടനെ കാണാത്തതിൽ സന്തോഷം തോന്നിയെങ്കിലും പണിക്കാര് ഞാൻ ഉദ്ദേശിച്ച ആളുകൾ അല്ലെന്ന് കണ്ടപ്പോൾ അല്പം നിരാശ തോന്നി… ഞാൻ വിചാരിച്ചത് റോസമ്മ ചേച്ചിയും അവരുടെ പെൺപടയും ആയിരിക്കും വരിക എന്നാണ്…. പക്ഷെ ഇത് സ്ലീവാച്ചനും മൂപ്പരെ കൂട്ടാരുമാണ്…. വെറുതെ രാവിലെ തന്നെ എഴുന്നേറ്റ് കുളിച്ചൊരുങ്ങി…. ഹാ എന്തേലും ആവട്ട്….

“””ആ എത്തിയോ……… എട്ടൻ അവിടെ വാഴത്തോപ്പിലുണ്ട്…. നീ വന്നാൽ അങ്ങോട്ട് ചെല്ലാൻ പറഞ്ഞു””” ഏട്ടനെ കാണാത്ത സന്തോഷത്തിൽ അവരുടെ കൂടെ കൂടാൻ നിന്ന എന്നോട് ഒരു ചിരിയോടെ അമ്മ അത് പറഞ്ഞപ്പോൾ തന്നെ മനുഷ്യന്റെ പണിയെടുക്കാനുള്ള ആ ആവേശം നഷ്ടമായി…..

“””അയ്യോ………”””

“”” അമ്മേ ഇത് ഇവർക്കുള്ള ഭക്ഷണം ആണ് ട്ടോ….. ഞാൻ ശിവേട്ടന് കൊടുത്തിട്ട് വരാ……. വാടാ.”””” പണിക്കാർക്കുള്ള ഭക്ഷണം അമ്മയെ ഏല്പിച്ചിട്ട് ഏട്ടന്റെ അടുത്തേക്ക് പോവുന്നതിനിടെ പരുങ്ങി കളിച്ച എന്നെയും ഏട്ടത്തി കൂടെ വരാൻ വിളിച്ചു….. എന്തായാലും എന്തെങ്കിലും കാരണം ഉണ്ടാക്കി ഏട്ടൻ എന്നെ തെറി വിളിക്കും, അപ്പോ പിന്നെ ഏട്ടത്തി കൂടെ ഉണ്ടെങ്കിൽ ഒരു ആൾബലം ആവുമല്ലോ എന്ന് കരുതി ഞാൻ ഏട്ടത്തിയുടെ പിന്നാലെ വാഴത്തോപ്പിലേക്ക് നടന്നു…

വളർന്നുകൊണ്ടിരിക്കുന്ന പയറും വെണ്ടയും ചീരയും എല്ലാം കടന്ന് ഞങ്ങൾ വാഴത്തോപ്പിലെത്തി…. അവിടെ എത്തിയപ്പോൾ കാണുന്നത് ഏട്ടൻ ഒരു വാഴയുടെ കുറുനാമ്പ് മുറിക്കുന്നതാണ്, ആ കാഴ്ച കണ്ടതും ഇന്നത്തേക്കുള്ള ഭരണി പാട്ടിനുള്ള വകുപ്പ് എനിക്ക് ഏറെക്കുറെ പിടികിട്ടി….. ഇന്നലെ എന്നോട് പറഞ്ഞ പണിയായിരുന്നു…

“””ഓ തമ്പുരാൻ എഴുന്നള്ളിയോ…… എന്താണാവോ ഇന്ന് ഇത്ര നേരത്തെ””” ഏട്ടത്തിയുടെ പിന്നിൽ മറഞ്ഞു നടന്ന എന്നെ കണ്ടതും ഏട്ടൻ ചെയ്തു കൊണ്ടിരുന്ന പണി നിർത്തി ഒരു ആക്കിയ ചോദ്യം…

ഞാൻ മറുപടി ഒന്നും പറയാൻ നിന്നില്ല…. എന്തിനാ വെറുതെ….

“””സാറിനോട് ഞാൻ ഒരു പണി പറഞ്ഞായിരുന്നു….. ഓർമ്മയുണ്ടോ??””” എന്റെ ഭാഗത്ത് നിന്നും പ്രതികരണം ഒന്നും കാണാഞ്ഞിട്ട് ആവണം, ഏട്ടൻ അതേ ഈണത്തിൽ അടുത്ത ചോദ്യം ഇട്ടു…

“””ഏട്ടാ……അത്………പിന്നെ………””” മറുപടിക്ക് വേണ്ടി ഞാൻ വിക്കി…. സംഭവം മറന്നുപ്പോയി എന്ന് ഈ കാട്ടുപോത്തിന്റെ മുഖത്ത് നോക്കി പറയാനുള്ള ധൈര്യം എനിക്കില്ല…

“””മറന്ന് പോയി കാണും…… അല്ലേ??”””

“””മ്മ…..””” ഞാൻ വെറുതെ തല താഴ്ത്തി കൊണ്ട് മൂളി….. ഉത്തരം തനിക്ക് അറിയാമെങ്കിൽ പിന്നെ വെറുതെ മനുഷ്യനെ ചോദ്യം ചോദിച്ചു ബുദ്ധിമുട്ടിക്കണോഡോ എന്ന് ചോദിക്കാൻ തോന്നിയെങ്കിലും അനുസരണയില്ലാത്ത നാവ് ഒരടി അനങ്ങിയില്ല….

“””ശിവേട്ടാ…… ഭക്ഷണം…..””” എന്നെ നോക്കി പല്ല് കടിച്ചോണ്ട് നിന്ന ഏട്ടന് നേരെ പാത്രം നീട്ടികൊണ്ട് ഏട്ടത്തി പറഞ്ഞു….. അത്ഭുതം എന്ന് പറയാലോ, കൂടുതൽ ഒന്നും പറയാതെ ഏട്ടൻ ഭക്ഷണം കഴിക്കാൻ പോയി…..

“””സാറിന് ബുദ്ധിമുട്ടില്ലെങ്കിൽ ആ വാഴയൊക്കെ ഒന്ന് നനയ്ക്ക്”””” എന്ന് മാത്രം പറഞ്ഞു…. സത്യം പറഞ്ഞാൽ ഇപ്പോഴാണ് എന്റെ ശ്വാസം നേരെ വീണത്, ഞാൻ എന്തിനാണ് അങ്ങേരെ ഇങ്ങനെ പേടിക്കുന്നതെന്ന് ചോദിച്ച അതിനൊരു വ്യക്തമായ ഉത്തരം എന്റെ പക്കലില്ല…. ഏട്ടന്റെ വാല് പോലെ പിന്നാലെ പോവുന്നതിനിടയ്ക്ക് ഏട്ടത്തി എന്നെ നോക്കി ഒന്ന് ആക്കി ചിരിച്ചെങ്കിലും കാട്ടുപോത്തിന്റെ കയ്യീന്ന് രക്ഷപ്പെട്ട സമാധാനത്തിൽ ഞാൻ അത് കാര്യമാക്കിയില്ല…

പിന്നെ നേരെ പണിയിലേക്ക് കടന്നു… വാഴയൊക്കെ ഒരുവിധം നനച്ച് ഒരു പരുവം ആക്കിയ ശേഷം ഒന്ന് വിശ്രമിക്കാൻ ഇരുന്നപ്പോഴേക്കും കാട്ടുപോത്ത് വീണ്ടും വന്നു…. പുഷ്‌കരന്റെ വീട്ടിൽ പോയി ഗോമൂത്രം വാങ്ങി വരണം പോലും….. അങ്ങനെ മൂത്രം വാങ്ങി വന്നു….. അപ്പോ കിട്ടി അടുത്ത പണി, കൂർക്കൽ നടാൻ തടങ്ങൾ നിർമ്മിക്കൽ…. അത് പിന്നെ ഇത്തിരി മെല്ലെ സമയം പാഴാക്കി ചെയ്തത് കൊണ്ട് ഉച്ചയ്ക്ക് ഭക്ഷണത്തിന് മുന്നെ വേറെ പണിയൊന്നും ചെയ്യേണ്ടി വന്നില്ല…. പിന്നെ ഉച്ചയൂണും അത് കഴിഞ്ഞ് ഏട്ടൻ കാണാതെയുള്ള ഉച്ചമയക്കവും അലറ ചിലറ പണികളുമായി വൈകുന്നേരം വരെ തള്ളി നീക്കി….

ശരിക്കും മടുപ്പാണ്….

ഈ പറമ്പിൽ ഇറങ്ങി പണി എടുക്കലും മറ്റുള്ളവരെ കൊണ്ട് പണി എടുപ്പിക്കലും എല്ലാം ഏട്ടന് ഒരു ആവേശമാണ്, നേരെ മറിച്ച് എനിക്ക് ഈ മണ്ണിൽ ഇറങ്ങി പണിയെടുക്കാൻ വല്യ താല്പര്യം ഒന്നുമില്ല….പിന്നെ ഏട്ടനെ എതിർക്കണ്ടല്ലോ എന്ന് കരുതി വേറെ പണിക്കൊന്നും പോവാതെ കൂടെ കൂടുന്നതാണ്…. ***

“””ഡാ നീ അവളേം കൂട്ടി വീട്ടിലേക്ക് പൊക്കോ…. ഞാൻ ഒന്ന് അമ്മാവന്ടോടെ കയറിയിട്ട് വരാ”””

വൈകുന്നേരം മടങ്ങാൻ നേരം അമ്മ പണി തന്നു… ഇനി വീട്ടിൽ പോയി അമ്മ കത്തി വെച്ച് വരുന്നത് വരെ അവിടെ ഇരിക്കേണ്ട വരും… ഏട്ടൻ പിന്നെ നേരം ഇരുട്ടാതെ പറമ്പീന്ന് വരില്ല…

“”””മ്മ്…. ശരി…… വേഗം വരണേ, എനിക്ക് സിനിമയ്ക്ക് പോവാനുണ്ട്”””

“””ഓ……..””” ഞാൻ പറഞ്ഞത് അത്ര കാര്യമാക്കാത്ത രീതിക്ക് ഒന്ന് മൂളിയിട്ട് അമ്മ പോയി, ഞാൻ ഏട്ടത്തിയേയും കൂട്ടി വീട്ടിലേക്കും… ***

“””ഡാ…. ഇന്ന് ഏത് സിനിമയ്ക്കാ പോണേ??””” പാടവരമ്പത് കൂടെ നടക്കുന്നതിനിടെയാണ് ഏട്ടത്തിയുടെ ചോദ്യം വന്നത്

“””ഒരു പോലീസ് പടമാണ്….. ആവനാഴി….. വന്നിട്ട് കഥ പറഞ്ഞ് തരാ ട്ടോ”””

“””ഓ…. കഴിഞ്ഞാഴ്ചത്തെ പോലെയുള്ള കഥയാണെങ്കിൽ എനിക്ക് കേൾക്കണ്ട””” ഏട്ടത്തി മുഖം ചുളിച്ചുകൊണ്ട് പറഞ്ഞു

“””അതിന് എന്തേര്ന്ന് ഒരു കുഴപ്പം… നല്ല പടമല്ലേ…..”””

“””നല്ലതൊക്കെ തന്നെയായിരുന്നു…. പക്ഷെ അവസാനം ആ പെണ്ണിനെ പീഡിപ്പിക്കില്ലേ…. അങ്ങനത്തെ ഒക്കെ കേട്ടാ ന്ക്കി സങ്കടാവും”””” ഞാൻ പറഞ്ഞു കൊടുത്ത സിനിമയുടെ കഥ ഓർത്താവണം, ഏട്ടത്തി വിഷമത്തോടെയാണത് പറഞ്ഞത്

“””അത്‌ സങ്കടം ആവേലും അത് കഴിഞ്ഞിട്ട് അവസാനം സോളമൻ വന്ന് സോഫിയെ കൂട്ടി കൊണ്ട് പോവുന്നത് ഒക്കെ……ഹൂ…… ഓർക്കുമ്പോ തന്നെ രോമം എഴുന്നേറ്റ് നിൽക്കും””””

“””ഓ അതൊക്കെ സിനിമയിലെ നടക്കു…. ജീവിതത്തില് പീഡിപ്പിക്കപ്പെട്ട ഒരു പെണ്ണിനെ ഏതേലും ആൺ അറിഞ്ഞോണ്ട് കെട്ടോ??””” ഏട്ടത്തിയുടെ ആ സംശയത്തിന് മറുപടി കൊടുക്കാൻ എനിക്ക് രണ്ടാമതൊന്ന് ചിന്തിക്കേണ്ട കാര്യം ഇല്ലായിരുന്നു….

“”””ഞാൻ ആണെങ്കിൽ കെട്ടും….. മുന്നേ നടന്നത് ഒന്നും എനിക്ക് പ്രശ്‌നമല്ല….. അത് ഇപ്പോ ആ പെണ്ണ് അറിഞ്ഞോണ്ട് ചെയ്തതായാലും രണ്ടാംകെട്ട് ആയാലും പീഡിപ്പിക്കപ്പെട്ടതായാലും….. എനിക്ക് ഒറ്റ നിർബന്ധേ ഉള്ളു, ഒന്നിച്ച് ജീവിക്കാൻ തുടങ്ങിയാ പിന്നെ എന്റെത് മാത്രം ആവണം”””

ഏട്ടത്തി ഒന്നും പറഞ്ഞില്ല…. പക്ഷെ ആ മുഖത്ത് ഒരു ചെറു പുഞ്ചിരി വിരിഞ്ഞു… അതിന്റെ അർത്ഥം മനസ്സിലാവാതെ സോളമൻടെയും സോഫിയുടെയും പ്രണയത്തിന് മാറ്റ് കൂട്ടിയ ഈണവും മൂളികൊണ്ട് ഞാൻ നടന്നു…… ഒപ്പം അങ്ങിങ്ങായി പാത്തും പതുങ്ങിയും തന്നെ ഉറ്റുനോക്കുന്ന ഒരുപാട് കണ്ണുകളുണ്ടെന്ന് അറിയാതെ ഏട്ടത്തിയും…. ***

വീട്ടിൽ എത്തിയപാടെ ഏട്ടത്തി താറാക്കൂട്ടത്തിന്റെയും കിങ്ങിണിയുടെയും പിന്നാലെ പോയി, ഞാൻ അമ്മാവന്ടോടെ കത്തി വെക്കാൻ പോയ അമ്മയെയും കാത്ത് അക്ഷമനായി തിണയിൽ ഇരുന്നു…..

അമ്മ വന്നാലേ പോക്ക് നടക്കു, ഈ കള്ള് കുടിയും സിനിമയ്ക്ക് പോക്കുമാണ് എനിക്ക് ഏറ്റവും ഇഷ്ടമുള്ള രണ്ട് കാര്യങ്ങൾ, അത് രണ്ടും തീരുമാനിച്ച് ഉറപ്പിച്ചിട്ട് നടന്നില്ലെങ്കിൽ സഹിക്കാൻ പറ്റില്ല….

“””ഡാ പൊട്ടാ….. എന്താണ്ടാ അണ്ടി പോയ അണ്ണാനെ പോലെ ഇരിക്കണേ??””” ഉണ്ണിയാണ്…… വേലി ചാടി വന്നതാവും

ബാക്കിയുള്ളവൻ ഇവിടെ സിനിമയ്ക്ക് പോവാൻ പറ്റാണ്ടെ വിഷമിക്കുമ്പോഴാണ് അവൾടെ മറ്റേടത്തെ കാര്യം തിരക്കൽ…. ഞാൻ മൗനം ഭേധിക്കാതെ അവളെ ഒന്ന് കടുപ്പിച്ച് നോക്കി

“”””അണ്ടി അവിടെത്തന്നെ ഉണ്ടല്ലോ…. പിന്നെ എന്താണാവോ എന്റെ കാശികുട്ടന് പറ്റിയത്””” ഒരു കാര്യവുമില്ലാതെ മുണ്ടിനടിയിൽ വീർത്തു നിന്ന അണ്ടിയില് നോക്കി പെണ്ണ് ആരോടെന്നില്ലാതെ പറഞ്ഞു…. അവളുടെ നോട്ടം കണ്ടതും കൈ താനേ അങ്ങോട്ട് ചലിച്ചു, ആ പാവത്തിനെ അവളുടെ കഴുകൻ കണ്ണുകളിൽ നിന്നും മറയ്ക്കാൻ എന്നവണ്ണം..

എന്റെ ആ പ്രതികരണം കണ്ടതും പെണ്ണ് പൊട്ടി ചിരിക്കാൻ തുടങ്ങി…

“””ഓ…… ഇങ്ങനെ ഒരു മണുകുണാഞ്ചൻ….. എടാ പൊട്ടാ…. സാധാരണ ആണുങ്ങള് ഒരു അവസരം കിട്ടാൻ കാത്ത് നിൽക്കേർക്കും അണ്ടി എടുത്ത് പുറത്തിടാൻ….. അപ്പോഴാ അവൻ പൊത്തിപിടിച്ചോണ്ട് നടക്കണേ…..””” ചിരിയുടെ ഇടയിൽ അവൾ എന്നെ നോക്കി കളിയാക്കി കൊണ്ട് പറഞ്ഞു…

“””അതേ മോളെ എല്ലാ പാമ്പുകളും മാളം കാണുമ്പോഴേക്കും കയറാൻ മുട്ടി നിൽക്കുന്നവയാണെന്ന് കരുതിയെങ്കിൽ നിനക്ക് തെറ്റി….. കാത്തിരുന്ന് തനിക്ക് യോജിച്ച മാളം തേടി കണ്ടുപ്പിടിക്കുന്നവയുമുണ്ട്…. ഞാനേ ആ കൂട്ടത്തിലാ””””

“””ഉവ്വ് ഉവ്വേ……. അവസാനം മാളത്തിൽ കയറാൻ പറ്റാണ്ടേ പാമ്പ് തല തല്ലി ചാവാഞ്ഞ മതി”””” അവൾ ഒരു ഒഴുകൻ മട്ടിൽ പറഞ്ഞു…. അതിന് മുകളിൽ പറയാൻ ഒന്നും കിട്ടാഞ്ഞത് കൊണ്ട് ഞാൻ വെറുതെ അവളെ നോക്കി “”പോടീ പട്ടി”” എന്ന് ചുണ്ടനക്കി… അവൾ അതിന് മറുപടിയായി എന്റെ കൈകൊണ്ട് പൊത്തിപിടിച്ച മുഴുപ്പിൽ നോക്കി കീഴ്ചുണ്ട് കടിച്ച് കണിറുക്കി ചിരിച്ചു….. ഉഫ് ഇങ്ങനെ ഒരു പെണ്ണ്,

പണ്ട് ഉണ്ണിയുടെ അമ്മ ദേവകി എന്റെ അമ്മയോട് രഹസ്യം പറയുന്നത് ഞാൻ കെട്ടിട്ടുണ്ട്, അവരുടെ ഭർത്താക്കന്മാരായ വിജയേട്ടനും അശോകേട്ടനും കൂടി പുള്ളിക്കാരി പറഞ്ഞത് അനുസരിക്കാതെ ഒരുമിച്ച് ഒരു മയവും ഇല്ലാതെ അവരെ ഉഴുതുമറിച്ചതിന്റെ അനന്തര ഫലമായാണ് ഉണ്ണി ജനിച്ചതെന്നും, അതുകൊണ്ടാവും അവൾ ഇങ്ങനെ ഒരു അനുസരണയും ഇല്ലാതെ നടക്കുന്നതെന്നും….

അതും ഓർത്തോണ്ട് അവളുടെ വളിച്ച മോന്തയിലേക്ക് നോക്കിയതും ചിരി വന്നു

“””എന്താണ്ടാ??””” അവളുടെ ചോദ്യത്തിന് ഞാൻ ചിരിച്ചോണ്ട് തന്നെ ചുമൽ കൂച്ചി ഒന്നുമില്ലെന്ന് കാണിച്ചു…

“””അല്ല മോളെ ചോദിക്കാൻ വിട്ടു… എന്തായി?? നിന്നെ കാണാൻ വന്നവനെ കണവനാക്കാൻ കൊളോ?? പെട്ടെന്ന് ഇന്ന് അവളെ പെണ്ണ് കാണാൻ ആള് വരുമെന്ന് പറഞ്ഞത് ഓർമ്മ വന്നപ്പോൾ ഞാൻ ചോദിച്ചു…

“””ചെക്കൻ ഒന്നും കുഴപ്പല്യ, പക്ഷെ നമ്മടെ കൂട്ടരാ…. ചെക്കന് ഒരു അനിയനുമുണ്ട്”””” അവൾ ഒട്ടും താല്പര്യമില്ലാത്ത പോലെ പറഞ്ഞു….

“””ഹാഹാഹാഹാ…….അപ്പോ ഒരു വെടിക്ക് രണ്ട് പക്ഷിയാണല്ലേ…””””

“””ഡാ പൊട്ടാ….. വെറുതെ കിണിക്കല്ലേ….. എനിക്ക് ദേഷ്യം വരണുണ്ട് കേട്ടോ….””” ഞാൻ ചിരിച്ചത് കണ്ട് മുഖം വീർപ്പിച്ചുകൊണ്ട് പറഞ്ഞു….

“””ഇപ്പോ എന്ത് പറ്റിയെടി…..പണ്ട് നീ തന്നെയല്ലേ പറഞ്ഞത് നിനക്ക് ചുരുങ്ങിയത് ഒരു പാഞ്ചാലിയെങ്കിലും ആവണം ന്ന്””””

“”””ഓ……. അതൊക്കെ അപ്പോ വെറുതെ തമാശക്ക് പറഞ്ഞതല്ലേ…. എനിക്കൊന്നും വയ്യ””””

“”””അതിനൊന്നും ഇവിടെ പ്രസക്തിയില്ല മോളേ….. നിന്റെ അമ്മയ്ക്ക് ഇഷ്ടപ്പെട്ടാ പിന്നെ ഇതേ നടക്കു, അത് ഉറപ്പാ””””

ദേവകിയമ്മയുടെ സ്വഭാവം ഓർത്തുകൊണ്ട് ഞാൻ പറഞ്ഞു, പുള്ളിക്കാരി ഒരു കാര്യം തീരുമാനിച്ചാൽ അത് നടത്തിയിരിക്കും….. ഇങ്ങനെ തല തെറിച്ചവൾ, പറഞ്ഞ അനുസരണയില്ലാത്തവൾ എന്നൊക്കെ ഉണ്ണിയെ പറയുമെങ്കിലും പുള്ളിക്കാരി കടുപ്പിച്ച് ഒരു തീരുമാനം എടുത്താൽ ഉണ്ണിക്കും ഒന്നും ചെയ്യാൻ കഴിയില്ല…

ഉണ്ണിയുടെ തന്തമാര് രണ്ടും പിന്നെ രാത്രിയില്ലേ പണിക്കിടെ ഒഴിച്ച് മറ്റൊരു കാര്യത്തിലും ദേവകിയമ്മ പറയുന്നതിന് ഒരക്ഷരം അങ്ങോട്ടെ ഇങ്ങോട്ടൊ എതിർക്കില്ല……

ഞാൻ പറഞ്ഞത് യാഥാർഥ്യം ആണെന്ന് ബോധ്യപ്പെട്ടത് കൊണ്ടാകാം ഉണ്ണിയുടെ മുഖം കടന്നല് കുത്തിയത് പോലെയുണ്ട്….. പാവം……

“”””നീ ഇങ്ങനെ പേടിക്കാത്തിരി പെണ്ണേ……ഇപ്പോ കാലഘട്ടം മാറി, നീ കണ്ടില്ലേ നമ്മുടെ ഉണ്ണിയേട്ടനും ഗോപാലേട്ടനും വേറെ വേറെ കെട്ടിയത്…… അതേപോലെ കിഴക്കീലേ ആ ഇരട്ടക്കുട്ടിയാളില്ലേ, അവരും വേറെ വേറെയാ കെട്ടിയത്… അതോണ്ട് ഇനി നമക്ക് പേടിക്കണ്ട……. ആ പഴയ ആചാരം ഒക്കെ കഴിഞ്ഞ തലമുറയോടെ അവസാനിച്ചു….. ഇനി അതൊന്നും നടക്കില്ല”””””

ഞാൻ ഉണ്ണിയെ ആശ്വസിപ്പിക്കാൻ പറയുന്നതിലൂടെ സ്വയം ആശ്വസിക്കുകയും ചെയ്തു, കാരണം എനിക്ക് ഒട്ടും യോജിക്കാൻ കഴിയാത്ത ഒന്നായിരുന്നു അത്…. ***

കഴിഞ്ഞ തലമുറയിൽ വരെ ഈ മീനാക്ഷിപുരത്തും അടുത്തുള്ള രണ്ട് മൂന്ന് ഗ്രാമങ്ങളിലും ഞങ്ങടെ കൂട്ടത്തിലുള്ള ആളുകൾക്കിടയിൽ ഒരു നശിച്ച ആചാരം നിലനിന്നിരുന്നു.,…… എന്താന്ന് വെച്ച, ഒരമ്മ പെറ്റ ആൺമക്കൾക്ക് ഒരൊറ്റ ഭാര്യ….. അതിപ്പോ രണ്ടാളായാലും മൂന്നാളായാലും നാലാളായാലും എന്തിന് പത്താളായാലും എല്ലാർക്കും കൂടെ ഒരൊറ്റ ഭാര്യയെ പാടു എന്നായിരുന്നു ആ നശിച്ച ആചാരം…. ചെറുപ്പം തൊട്ട് അതിന്റെ പേരിലുള്ള പരിഹാസങ്ങൾ കേട്ട് വളർന്നത് കൊണ്ട് അതിനെ കുറിച്ച് ഓർക്കുമ്പോൾ തന്നെ എനിക്ക് ഭ്രാന്ത് പിടിക്കും…… അത്രയധികം ഞാൻ ആ സമ്പ്രദായത്തെ വെറുക്കുന്നു…..

ഓർമ്മവെച്ച നാൾ മുതൽ കേൾക്കാൻ തുടങ്ങിയതാണ് രണ്ട് തന്തയ്ക്ക് പിറന്നവൻ എന്നും പറഞ്ഞുള്ള പരിഹാസം, എനിക്ക് മാത്രമല്ല, ഞങ്ങടെ കൂട്ടത്തിലുള്ള എല്ലാവരും ജീവിതത്തിൽ ഒരിക്കല്ലെങ്കിലും ആ പരിഹാസത്തിന് ഇരയായി കാണും….. പക്ഷെ എനിക്ക് ഒരല്പം കൂടുതൽ കേൾക്കേണ്ടി വന്നിട്ടുണ്ട്, കാരണം ഞാൻ ഒരു തെറ്റ് ചെയ്തു…. ചെറുപ്പത്തിൽ വാശിപ്പിടിച്ച് കരഞ്ഞ് പള്ളിക്കുടത്തിൽ പോയി, പക്ഷെ ആ ആഗ്രഹത്തിന് അധികം ആയുസുണ്ടായിരുന്നില്ല, പിള്ളേരുടെ കൂട്ടമായുള്ള കളിയാക്കൽ സഹിക്കാൻ വയ്യാണ്ടായപ്പോൾ ഞാനായിട്ട് തന്നെ ആ അധ്യായതിന് തിരശീലയിട്ടു……

“””ന്ക്കിനി പള്ളിക്കുടത്തീ പോണ്ടമ്മേ””” ന്നും പറഞ്ഞ് അമ്മയെ കെട്ടിപ്പിടിച്ചോണ്ട് കരഞ്ഞതൊക്കെ ഇപ്പോഴും ഇടയ്ക്ക് ഓർമ്മവരും…… ഇതുപോലെ……..

സഹോദരങ്ങൾ വീടും ഭൂമിയും ഒന്നും പിരിക്കാതെ ഒത്തൊരുമയോടെ ഒരുമിച്ച് ജീവിതകാലം മുഴുവൻ ജീവിക്കാനാണ് ഇങ്ങനെ ഒരാചാരം പഴമക്കാര് നടത്തി കൊണ്ട് വന്നതെന്നാണ് കേട്ടറിവ്…. എനിക്കും രണ്ട് അച്ഛന്മാരുണ്ടായിരുന്നു, വല്യച്ഛൻ ഞാൻ ചെറുതായിരിക്കുമ്പോൾ തന്നെ മരിച്ചു, നാല് വർഷം മുന്നെ

ചെറിയച്ഛനും……. അവർ രണ്ടുപേരിൽ ആരാണ് ശരിക്കും എന്റെ പിതാവെന്ന് എനിക്കറിയില്ല, എനിക്ക് പറഞ്ഞ് തരാൻ അമ്മയ്ക്കും അറിയില്ലായിരുന്നു എന്നതാണ് യാഥാർഥ്യം….. അതും ഒത്തൊരുമ്മയുടെ ഭാഗമാണെന്നാണ് പറയുന്നത്…… കുട്ടിയുടെ പിതാവാരാണെന്ന് ഭാര്യയ്‌ക്കും ഭർത്താക്കന്മാർക്കും ഒരൂഹവും പാടില്ല, എന്നിട്ട് എല്ലാവരും ഒരു കുടുംബമായി എല്ലാ പിതാക്കന്മാരും കുട്ടികളെ എല്ലാം സ്വന്തം മക്കളായി തന്നെ കാണും…… പുറമെന്ന് കേൾക്കുന്നവർക്ക് ചിരിച്ചു മറിയാനുള്ള വകുപ്പാണെങ്കിലും അനുഭവിക്കുന്നവനേ അറിയൂ അതിന്റെ വിഷമം…..

പക്ഷെ ഇപ്പോ കാലം മാറി, ഈ തലമുറയിൽ കുറച്ചുപേരൊക്കെ അതിനെ എതിർത്ത് വേറെ വേറെ കല്യാണം കഴിക്കുന്നുണ്ട്… അതൊക്കെയാണ് ഒരു ആശ്വാസം… ***

“””അതാ വരണു നിന്റെ ചങ്ങായി”””” ഉണ്ണി അത് പറഞ്ഞപ്പോഴാണ് ഞാൻ ചിന്തകളിൽ നിന്നും ഉണർന്നത്…. നോക്കുമ്പോൾ സുധിയും എന്റെ അമ്മേം കൂടി മെല്ലെ മെല്ലെ എന്തോ കഥയും പറഞ്ഞോണ്ട് നടന്നു വരുന്നുണ്ട്…. സുധി എന്റെ അമ്മയുടെ ആങ്ങളമാരായ ഗോവിന്ദന്മാമയുടെയും കൃഷ്ണമാമയുടെയും ഒരേയൊരു പുത്രനാണ്…. അവനാണ് എന്റെ ഏറ്റവും വലിയ കൂട്ട്….

“””ഡീ മായേ…… നിന്നെ കച്ചോടാക്കിയെന്ന് കേട്ടു”””” മുറ്റത്തെത്തിയതും സുധി ഉണ്ണിയോട് ചോദിച്ചു….

“”””അത് അങ്ങനെയാടാ……. നല്ല ഉല്‍പ്പന്നങ്ങൾ പെട്ടെന്ന് വിറ്റുപോവും……. നിന്നെ ഒക്കെ വിൽക്കാൻ വെച്ച കാണാം, അവസാനം കേട് വന്നിട്ട് എടുത്ത് കളയേണ്ടി വരും”””” അവന് വേണ്ടത് അവൻ ചോദിച്ച് വാങ്ങി…..

“””കിട്ടേണ്ടത് കിട്ടീല്ലേ……ഇനി പോവാ”””” ഇഞ്ചി കടിച്ച അണ്ണാനെ പോലെ നിൽക്കുന്നത് കണ്ട് ഞാൻ അവനോട് ചോദിച്ചു….

“”””ഓ……””””

അപ്പോഴേക്കും പുറത്തെ സംസാരം കേട്ട് ഏട്ടത്തിയും ഉമ്മറത്തേക്കെത്തി…

“”””ആ സുധിയോ…..വാടാ….വാ കേറ്, ചായ എടുക്കാം””””

“””വേണ്ട ഗൗരിയേച്ചി….. ഞങ്ങൾ ഇറങ്ങാ….വൈകി””” ഏട്ടത്തിയുടെ ക്ഷണം അവൻ സ്നേഹത്തോടെ നിരസിച്ചു….. ശരിയാണ് ഇനിയും വൈകിയാ പടത്തിന്റെ തുടക്കം തൊട്ട് കാണാൻ പറ്റില്ല….

“”””ചുദിക്ക് മാത്രേ ഉള്ളോ ചായ…..”””” ഉണ്ണിയുടെ വക ഒരു ആക്കിയ ചോദ്യം ഏട്ടത്തിയോട്

“””എന്തായാലും നിനക്കില്ല…… വേണേ വീട്ടീ പോയി കുടിക്ക് പെണ്ണേ””” ഏട്ടത്തി അവൾക്കുള്ള മറുപടി കൊടുത്തു…. അതോടെ ഞാൻ സുധിയോട് ഇറങ്ങാം എന്ന് കണ്ണ് കാണിച്ചു, ഞങ്ങൾ ഇറങ്ങി എന്റെ സൈക്കിളിൽ കയറി യാത്രയ്ക്കൊരുങ്ങി…

“”””അധികം വൈകാൻ നിൽക്കണ്ട…. കഴിഞ്ഞ വേഗം വന്നോ”””” ഏട്ടത്തി പറഞ്ഞതിന് സമ്മതം എന്ന് തലയാട്ടി ഉമ്മറത്ത് നിൽക്കുന്ന മൂന്ന് സ്ത്രീ കഥാപാത്രങ്ങളെയും നോക്കി കൈ വീശിയിട്ട് ഞാൻ സൈക്കിൾ മുന്നോട്ടെടുത്തു…. സുധി പുറകിൽ സുഖിച്ച് ഇരുന്നു….. ഹാ പിന്നെ തിരിച്ച് വരുമ്പോൾ അവനാണല്ലോ ചവിട്ടേണ്ടതെന്ന് ഓർത്ത് സമാധാനിച്ചുകൊണ്ട് ഞാൻ അവനെയും പുറകിൽ വെച്ച് ആഞ്ഞുചവിട്ടി….. ***

“”””ഡാ…..ഇന്ന് അമ്മായിയും വല്യച്ഛനും നിന്റെ കല്യാണകാര്യം പറയണുണ്ടായിരുന്നു””” സിനിമാകൊട്ടക ലക്ഷ്യമാക്കിയുള്ള സൈക്കിൾ സവാരിക്കിടെ സുധി പറഞ്ഞു… അവന്റെ അമ്മായി എന്ന് പറയുന്നത് എന്റെ അമ്മയും വല്യച്ഛൻ എന്ന് പറയുന്നത് എന്റെ അമ്മയുടെ മൂത്ത ആങ്ങള, എന്റെ ഗോവിന്ദമാമയും ആണ്….

“””ഓ അതാണോ…… അവര് തപ്പട്ടെ…. നല്ലതാണേൽ നോക്കാ””” ഞാൻ ഒരു ഒഴുക്കൻ മട്ടിൽ പറഞ്ഞു… അല്ലാതെ നമ്മളെയൊന്നും എന്തായാലും ഒരു പെണ്ണും പ്രേമിക്കില്ല, വീട്ടുകാര് കണ്ടുപിടിച്ച് തന്ന നടക്കും…..

“””ഏയ് അതല്ലെടാ….. എന്റെ ഊഹം ശരിയാണെൽ അവര് നിന്നെ ഗൗരിയേച്ചിയെ കൊണ്ട് കെട്ടിക്കുന്ന കാര്യമാണ്‌ പറഞ്ഞത്….. വ്യക്തമായ് കേൾക്കാൻ പറ്റിയില്ല, എന്നെ കണ്ടപ്പോഴേക്കും വിഷയം മാറ്റി കളഞ്ഞു”””” അത് കേട്ടതും സൈക്കിൾ എന്റെ കയ്യിൽ നിന്നും പാളിപ്പോയി, എന്തോ ഭാഗ്യത്തിന് വീഴാതെ രക്ഷപ്പെട്ടു….

“””മൈര്…… ഞാൻ സമ്മതിക്കില്ല….. ആ നശിച്ച ആചാരം ഒന്നും ഇനി നടക്കില്ല…… അല്ലെങ്കിലും അവര് മാത്രം തീരുമാനിച്ച മതിയോ?? ഞാനും ഏട്ടനും ഏട്ടത്തിയും സമ്മതിക്കണ്ടേ….””” സൈക്കിൾ നിർത്തി ഇറങ്ങിയിട്ട് ഞാൻ സുധിയേ നോക്കി അരിശത്തോടെ പറഞ്ഞു….

“””അംമ്പോ……ഞാൻ കരുതിയത് ഇത് കേട്ടാ നീ തുള്ളി ചാടും എന്നാ….””” എന്റെ മുഖത്തേക്ക് സസൂക്ഷ്മം വീക്ഷിച്ചുകൊണ്ട് സുധി പറഞ്ഞു…

“”””ഞാൻ എന്തിനാ മൈരേ തുള്ളി ചാടുന്നേ….. കോപ്പിലെ ഏർപ്പാട്….. നടന്നത് തന്നെ””””

“””ഹമ്…. നീ അല്ലേ പറഞ്ഞത് ഈ നാട്ടില് ഏറ്റവും സുന്ദരി നിന്റെ ഏട്ടത്തിയാണെന്നും അവരെ പോലെ ഒരു പെണ്ണിനെ മഷിയിട്ട് നോക്കിയാലും കിട്ടില്ലെന്നും…. പിന്നെ നിന്റെ ചിലനേരത്തെ ഇതൊക്കെ കണ്ടപ്പോ ഞാൻ കരുതിയത് നിനക്ക് ഗൗരിയേച്ചിയോട് എന്തോ ഉണ്ടെന്നാ””””

“”””എടാ അത് അങ്ങനെ അല്ലടാ….. ഏട്ടത്തിനെ എനിക്ക് ഇഷ്ടം ഒക്കെയാണ്, അവരെ പോലെ ഒരു പെണ്ണിനെ എനിക്ക് ഒരിക്കലും കിട്ടാനും പോണില്ല….പക്ഷെ അവര് എന്റെ ഏട്ടന്റെ ഭാര്യയാണ്, ഏട്ടന്റെ സ്വന്തം…… എനിക്ക് ഞാൻ കെട്ടുന്ന പെണ്ണ് എന്റെത് മാത്രം ആവണം…. സ്വന്തം ഭാര്യയെ പങ്കിടുന്നത് ഒന്നും എനിക്ക് ചിന്തിക്കാൻ പോലും പറ്റില്ല…… അതേപോലെ ഈ നശിച്ച ആചാരം കാരണം നമ്മൾ എല്ലാം കുറെ അനുഭവിച്ചിട്ടില്ലേ, അടുത്ത തലമുറയും ഇതൊക്കെ അനുഭവിക്കണം എന്നാണോ നീ പറയണേ??”””””

ആദ്യം കേട്ടപ്പോൾ തോന്നിയ ദേഷ്യവും വിഷമവും എല്ലാം ഒതുക്കി ശാന്തമായി തന്നെ ഞാൻ അവനോട് പറഞ്ഞു, അല്ലെങ്കിലും അവനോട് ചൂടായിട്ട് എന്ത് കാര്യം……

“””ഹമ്……..എങ്കീ ശരി, അത് വിട്….വരുന്നിടത് വെച്ച് കാണാ….… വാ പോവാ ഇനിയും നിന്നാ ടിക്കറ്റ് കിട്ടില്ല””””

“””ഓ ഇന്നിനി പടത്തിന് പോണോ?? നമക്ക് വേലുപാറയിലേക്ക് വിട്ടാലോ??””” ഞാൻ അത് പറഞ്ഞതും അതുവരെ ഇല്ലാതിരുന്ന ആവേശത്തോടെ സുധി സൈക്കിളിൽ കയറി ഇരുന്നു….

“””വാ കേറ്”””” സുധി തിരക്ക് കൂട്ടിയതും ഞാൻ അവന്റെ പുറകിൽ കയറി ഇരുന്നു, അതോടെ അവൻ വേലുപാറ ലക്ഷ്യമാക്കി സൈക്കിൾ ചവിട്ടി….. മീനാക്ഷിപുരത്ത് ഏറ്റവും സ്വയമ്പൻ വാറ്റ് കിട്ടുന്നത് വേലുപാറയിലാണ്, ശര്‍ക്കരയും കാരീഞ്ചപ്പട്ടയും ഇട്ടുള്ള നല്ല അസ്സൽ സാധനം….

അങ്ങനെ രാവിലെ ഏട്ടത്തിയ്ക്ക് കൊടുത്ത വാക്ക് മറന്നുക്കൊണ്ട് ഞാൻ വേലുപാറയിലേക്ക് പോയി…. നേരം ഇരുട്ടി തുടങ്ങിയത് കൊണ്ട് നാട്ടിലെ പേര് കേട്ട കുടിയന്മാരൊക്കെ അവിടെ ഹാജരായിരുന്നു….. ഞാനും സുധിയും അത്ര പ്രകൽഭരായിട്ടില്ലെങ്കിലും അവർക്കൊപ്പം കൂടി വേലുപാറയിലെ ചാത്തനേ അല്പാൽപമായി അകത്താക്കി….. നാട്ടിലെ ഏറ്റവും തലമൂത്ത പാമ്പ് പിള്ളേച്ഛന്റെ നാടൻ പാട്ടും സഹിച്ചോണ്ട് ഞങ്ങൾ നേരം ഇരുട്ടുന്നത് വരെ കുടിച്ചു…. കാല് നിലത്തുറയ്ക്കാത പരുവത്തിലെത്തി…

“””കാശി വാ പോവാ……””” സുധിയാണെന്ന് തോന്നുന്നു എന്നെ വിളിക്കുന്നത്…..

“””മ്മ്……”””

“””വാ””””

“””മ്മ്…..””””

“”””നമ്മള് പോവണ്ട വഴി ഏതെര്ന്ന്??”””

“””മൈരേ വന്ന വഴി മറക്കരുത്….. ദാ ഇതില്ലേ…. വാ””” വന്ന വഴി വരെ മറന്ന് പോയി മണ്ടൻ… ഞാൻ അവനെയും താങ്ങി നടന്നു….അവൻ ആടുന്നുണ്ട്

“””ഡാ സുധി എന്റെ സ്ഥാനത് നീ ആയിരുന്നേ ഏട്ടത്തിയെ കെട്ടോ??”””

“””ചോയ്ക്യാൻണ്ടോ…. കെട്ടിയിരിക്കും”””

“””എനിക്ക് ഇഷ്ടാണ് പക്ഷെ ഞാൻ കെട്ടില്ല….””””

“””ഹ്മ്മ്‌….. എനിക്ക് പണ്ടേ സംശയമുണ്ട് നീ കുണ്ടനാണോ ന്ന്””””

“””പ്പാ കുണ്ണേ…. അതല്ല എന്റെ ഭാര്യ എന്റെത് മാത്രമാവണം…അതാ””””

“”””എങ്കീ നീ കെട്ടിക്കോ….. എന്നിട്ട് ശിവേട്ടനെ നമ്മക്കങ്‌ തട്ടികളയാം…. എപ്പടി??””””

“””പോയി ഊമ്പ് മൈരേ….. അവന്റെ ഒരു കൊണച്ച ബുദ്ധി…””””

“””വേണ്ടേ വേണ്ട…..””””

“””അല്ല സുധി… നമ്മള് അങ്ങോട്ട് പോവുമ്പോ ഇത്ര ദൂരം നടന്നിരുന്നോ””””

“””ഇല്ലെടാ മൈരേ…. നീയല്ലേ വഴികാട്ടി, ഇത് ദൂരം കൂടുതലുള്ള വഴിയാ കോപ്പ്……””””

“””ന്നാ വാ തിരിച്ച് പോയാല്ലോ??””””

“””ആ അതാ നല്ലത്””””

അങ്ങനെ ഞങ്ങൾ തിരിച്ച് നടന്നു…… ***

“”””ഡാ കാശി……ഡാ പൊട്ടാ എഴുന്നേക്ക്……. ഡാ………”””” ഏത് മൈരാ ഇത്…. മനുഷ്യനെ ഉറങ്ങാനും സമ്മതിക്കില്ല…. ഹോ…

“””ഉണ്ണി….. നീയെന്താടി രാവിലെ തന്നെ…..””” കണ്ണ് തിരുമ്മി തുറന്നതും മുന്നിൽ ഉണ്ണിയെ കണ്ട് ഞാൻ ചോദിച്ചു….

“””എടാ പൊട്ടാ….. ഇത് എന്റെ വീടാ… നീയെന്താ ഇവിടെ??””””

“””ഏഹ്….””” ഞാൻ ചുറ്റും ഒന്ന് കണ്ണോടിച്ചു…. ശരിയാണ് ഇത് അവളെ വീടാണ്…. അവളെ വീടിന്റെ വശത്തുള്ള നായ്കൂട്ടിൽ ചാരി കിടക്കുകയാണ് ഞാൻ…… കൂട്ടിനകത്ത് എന്റെ ആജന്മശത്രു കുമാരനുമുണ്ട്…. നായിന്റെ മോൻ പാവമായി അഭിനയിച്ച് അടങ്ങി കിടക്കാ…. അല്ല ഞാൻ എങ്ങനെ ഇവിടെ വന്നു?? ഇന്നലെ വേലുപാറേന്ന് തിരിച്ച് നടന്നത് വരെ ഓർമ്മയുണ്ട്, പിന്നെ ഞാൻ എങ്ങനെ ഇവിടെ എത്തി?? ആവോ….. തലയ്ക്ക് നല്ല പിടുത്തമുണ്ട്, ഇനി ഇല്ല….. ഇന്നത്തോടെ അടി നിർത്തി…… വയ്യ……

“””അടിച്ച് ലക്കും ലഗാനും ഇല്ലാണ്ടെ വന്ന് വീണതാല്ലേ മോനേ…… ഹഹഹഹ……. എവിടെ ചെങ്ങായി?? അത് ഇനി ഏത് കാട്ടിലാണോ പോയി വീണത്??”””” ഞാൻ ഇന്നലെ രാത്രിയിലെ അവസ്ഥ ഓർത്തെടുക്കാൻ ശ്രമിക്കുന്നത് കണ്ട് ഉണ്ണി പറഞ്ഞു….

“”””ബൗ ബൗ……ബൗബൗബൗ……….”””” ഞാൻ എഴുന്നേറ്റത്തും കുമാരൻ കുര തുടങ്ങി…..

“””കുമാരാ…..മൈരേ…… പോയിട്ട് വരാ”””

“””ഡാ പട്ടി…..ന്റെ മോനേ തെറി വിളിച്ചാ ണ്ടല്ലോ…””””

ഞാൻ കുമാരനെ തെറി വിളിക്കുന്നത് കേട്ട് ഉണ്ണി ചൂടായി…ഞാൻ അത് കാര്യമാക്കാതെ തലയൊന്ന് കുടഞ്ഞിട്ട് വീട്ടിലേക്ക് നടന്നു…. ***

ഭാഗ്യം…… ഏട്ടൻ പറമ്പിലേക്ക് പോയിട്ടുണ്ട്….. അമ്മയെയും കാണുന്നില്ല, പോയി കാണും…… രക്ഷപ്പെട്ടു….. ഞാൻ ഒച്ചയും ബഹളവും ഉണ്ടാക്കാതെ അകത്ത് കയറി…..

“”””അവടെ നിക്കടാ….. എങ്ങോട്ടാ പമ്മി പമ്മി കേറുന്നേ??”””” ഏട്ടത്തി പൊക്കി….

“””അത് ഏട്ടത്തി….. അത് പിന്നെ ഇന്നലെ……”””

“””ഓ വേണ്ട….കള്ളം പറഞ്ഞ് ബുദ്ധിമുട്ടണ്ട…. കള്ളും കുടിച്ച് എവിടെയെങ്കിലും വീണ് കാണും, അല്ലാതെ എന്താ….”””” ഞാൻ കഷ്ടപ്പെട്ട് തപ്പി തടയുന്നത് കണ്ട് ഏട്ടത്തി ഇടയ്ക്ക് കയറി പറഞ്ഞു, സത്യം ആയോണ്ട് ഞാൻ എതിർക്കാൻ നിന്നില്ല… തല താഴ്ത്തി നിന്നു…

“””പൊന്നുമോൻ വേഗം കുളിച്ചൊരുങ്ങി പറമ്പിലേക്ക് ചെല്ല്…. ഏട്ടൻ രാവിലെ ചോയ്ക്കിൻഡേര്ന്ന് കാശി എവിടെന്ന്….. വേഗം ചെന്നാ ചൂടോടെ വാങ്ങാ””” എന്നും പറഞ്ഞ് ഏട്ടത്തി അടുക്കള ഭാഗത്തേക്ക് നടന്നു, ഞാൻ പെട്ടെന്ന് തന്നെ പ്രഭാത കർമങ്ങൾ ഓരോന്നും തീർത്ത് തീന്മേശയ്ക്ക് മുന്നിൽ എത്തി…… ***

“””ഗൗരിപ്പെണ്ണ് ചൂടിലാണല്ലോ””” പുട്ടും പഴവും ചായയും കൂടെ മേശയിൽ കൊണ്ടുവന്ന് അല്പം ശക്തിയിൽ വെച്ചിട്ട് തിരിഞ്ഞു നടക്കാൻ ഒരുങ്ങിയ ഏട്ടത്തിയെ നോക്കി ഞാൻ ചോദിച്ചു…. മറുപടി ഒന്നും തരാതെ എന്നെ ഒന്ന് കണ്ണുരുട്ടി നോക്കിയിട്ട് ചാടി തുള്ളി അടുക്കളയിലേക്ക് തന്നെ പോയി, എന്നിട്ട് അതേ വേഗത്തിൽ തിരിച്ച് വന്ന് മേശയിൽ എനിക്ക് എതിർവശം വന്ന് ഇരുന്ന് കഴിക്കാൻ തുടങ്ങി….

“”””ഏട്ടത്തീ……………….……. ഏ….ട്ടത്തി”””

എന്നെ ഒന്ന് നോക്കുക പോലും ചെയ്യാതെ ഭക്ഷണം കഴിക്കുന്നത് കണ്ട് ഞാൻ വിളിച്ചു….

“””എന്താ??””” ഗൗരവത്തോടെ ചോദിച്ചു

“”””എന്നോട് പിണക്കാ??””””

“”””മ്മ്‌…..”””” ഏട്ടത്തി അതെ എന്ന് മൂളി… എന്നിട്ട് ഭക്ഷണത്തിലേക്ക് തന്നെ മുഖം പൂഴ്ത്തി…

“””എന്റെ പൊന്നേട്ടത്തിയല്ലേ…… ഈയൊരു വട്ടം കൂടി ക്ഷമിക്ക്, ഇനി ഞാൻ മദ്യം കൈ കൊണ്ട്……..””””

“””ഓ മതി…. എനിക്ക് ഒരു പിണക്കോം ഇല്ല…… ദയവ് ചെയ്ത് സത്യം ചെയ്യല്ലേ””” എന്നെ സത്യം ചെയ്യാൻ സമ്മതിക്കാതെ ഏട്ടത്തി ഇടയ്ക്ക് കയറി പറഞ്ഞു…..

“””എനിക്കറിയാം എന്റെ ഏട്ടത്തിക്കുട്ടിക്ക് എന്നോട് പിണങ്ങാൻ പറ്റില്ലെന്ന്”””

“”””മതി മോനേ….. എന്നെ പദപിച്ചിട്ട് ഒന്നും ഒരു കാര്യോമില്ല, ഏട്ടന്റെ കയ്യീന്ന് കിട്ടാനുള്ളത് മോൻ ഒറ്റയ്ക്ക് തന്നെ വാങ്ങിക്കോ”””” ഞാൻ മനസ്സിൽ കണ്ടത് ഏട്ടത്തി മാനത്ത് കണ്ടു, അല്ലെങ്കിലും ഏട്ടൻ ഇടഞ്ഞ ഏട്ടത്തിയെ കൊണ്ട് ഒന്നും ചെയ്യാൻ സാധിക്കില്ല…പിന്നെ ഒരു ശ്രമം, ഹാ പോട്ട്, എന്തായാലും നേരിടുക തന്നെ………. പിന്നെ മിണ്ടാൻ നിന്നില്ല, വേഗം കഴിച്ച് എഴുന്നേറ്റു….

“””അല്ല ഏട്ടത്തി വരുന്നില്ലേ”””

“”””ഇല്ലെടാ…… ഇന്ന് ഇവിടെ കുറച്ച് പണിയുണ്ട്”””””

“””ഉവ്വ…… മടിച്ചി…….. സുഖിക്ക്….. ഞാൻ പോയി പണിയെടുത്ത് വരാ””””

“””അല്ല നിന്റെ സൈക്കിൾ എവിടെ??””” വീടിന് വെളിയിലേക്ക് ഇറങ്ങിയ എന്നെ യാത്രയാക്കാൻ നിൽകുമ്പോൾ ഏട്ടത്തി ചോദിച്ചു…. അപ്പോഴാണ് അങ്ങനെ ഒരു സാധനം ഉണ്ടായിരുന്നല്ലോ എന്ന് ഞാൻ ഓർത്തത്…

ഒന്ന് വീടിന് ചുറ്റും നോക്കി, ഇവിടെ എങ്ങുമില്ല…. അപ്പോ മിക്കവാറും വേലുപാറയിൽ തന്നെ കാണും….. വേറെ എവിടെ പോവാനാ….. ഹാ എന്തായാലും വൈകീട്ട് പോയി എടുക്കാം….

ഞാൻ ഏട്ടത്തിയെ നോക്കി ഒരു വളിച്ച ചിരിയും നൽകിയിട്ട് പറമ്പിലേക്ക് നടന്നു….. നടക്കുന്നതിനിടെ ഒന്ന് തിരിഞ്ഞ് നോക്കിയപ്പോൾ ഏട്ടത്തി എന്നെ തന്നെ നോക്കി ഉമ്മറത്ത് നിൽപ്പുണ്ട്,

ഒന്നൂടെ കൈ വീശി കാണിച്ചിട്ട് ഞാൻ നടന്നകന്നു….. ***

പറമ്പിൽ എത്തുമ്പോൾ അമ്മയും ഏട്ടനും കാര്യമായ എന്തോ പണിയിലാണ്, ഇന്നലെ രാത്രി എവിടെയായിരുന്നു എന്ന ചോദ്യത്തിന് എന്ത് മറുപടി നൽക്കും എന്ന് ചിന്തിച്ച് കൂട്ടികൊണ്ട് ഞാൻ അവർക്കരികിലേക്ക് ചെന്നു….

“””ആ നീ വന്നോ…… ചെല്ല് പോയി ആ വാഴയൊക്കെ ഒന്ന് നന്നയ്ക്ക്””” വളരെ സൗമ്യമായി ഏട്ടൻ അത് പറഞ്ഞപ്പോൾ ഞാൻ ഒരു നിമിഷം അന്തം വിട്ട് നിന്നുപ്പോയി…. ഇത് എന്റെ ഏട്ടൻ തന്നെയല്ലേ ആവോ…. ഇന്നലെ രാത്രി വീട്ടില് കയറാഞ്ഞതിനുള്ള തെറിക്ക് പകരം ഇങ്ങനെ ഒരു പ്രതികരണം ഞാൻ ഒട്ടും പ്രതീക്ഷിച്ചില്ല….. അല്ല എന്റെ ശിവേട്ടൻ ഇങ്ങനെയല്ല……

“””ഡാ……. ഞാൻ പറഞ്ഞത് നീ കേട്ടില്ലേ…..ഏഹ്…..”””” ഏട്ടന്റെ സ്വരം ഉയർന്നു….. ഇപ്പോ ശരിയായി….. ഞാൻ ഉവ്വെന്ന് തലയാട്ടിയിട്ട് വേഗം വാഴത്തോപ്പിലേക്ക് നടന്നു….

പിന്നെ നമ്മുടെ സ്ഥിരം പരിപാടി തന്നെ, ഏട്ടനെ ബോധിപ്പിക്കാൻ പണിയെടുക്കുന്നത് പോലെ അഭിനയിക്കുക…. അത് ഉച്ചവരെ നല്ല വൃത്തിക്ക് ചെയ്തു….

ഉച്ചയ്ക്ക് ഞങ്ങൾക്കുള്ള ഭക്ഷണവും കൊണ്ട് ഏട്ടത്തി വന്നു….. എല്ലാവരും കൂടെ വട്ടത്തിലിരുന്ന് ഭക്ഷണവും കഴിച്ചിട്ട് കുറച്ച് നേരം ഇരുന്ന ശേഷം വീണ്ടും അഭിനയം… ഛെ പണി തുടങ്ങി… അങ്ങനെ വലിയ ഭാരിച്ച പണികൾ ഒന്നും ചെയ്യാതെ വൈകുന്നേരം വരെ ഒപ്പിച്ചു…

***

വൈകുന്നേരം ഏട്ടത്തിയും അമ്മയും പണിയെല്ലാം ഒതുക്കി ഇറങ്ങുന്നത് കണ്ടപ്പോ ഞാനും പൊടി തട്ടി കൂടെ ഇറങ്ങി…

“”” ഡാ നീയെങ്ങോട്ടാ….. പോയി ആ ചാല് കീറിയത് മുഴുവനാക്ക്””” അമ്മയുടെയും ഏട്ടത്തിയുടെയും മുന്നിൽ കയറി നടന്ന എന്നെ ഏട്ടൻ പൊക്കി….. ദുഷ്ട്ടൻ…..ഇയാളെ ഞാൻ മിക്കവാറും ഒരു ദിവസം ആ ചാലിലിട്ട് മൂടും എന്ന് ചിന്തിച്ചുകൊണ്ട് ഞാൻ കൈകോട്ടും എടുത്ത് തിരിഞ്ഞ് നടന്നു….

എന്റെ മുഖഭാവവും നടത്തവും എല്ലാം കണ്ട് കാട്ടുപോത്തിന്റെ പത്നി കളിയാക്കി ചിരിക്കുന്നത് കണ്ടെങ്കിലും അതിനുള്ള മറുപടി കൊടുക്കാൻ പറ്റിയ സാഹചര്യം അല്ലാത്തത് കൊണ്ട് ഞാൻ ഒന്നും മിണ്ടിയില്ല…..

എല്ലാ ദേഷ്യവും കൈകോട്ട് കൊണ്ട് ചാല് കീറി തീർത്തു…. അല്ല പിന്നെ…

“””കഴിഞ്ഞോ??”” ചാല് കീറി കഴിഞ്ഞ് നടു നിവർത്തുമ്പോൾ ഏട്ടൻ പിന്നിൽ നിന്നും ചോദിച്ചു… ഏട്ടനോട് സംഭാഷണം പൊതുവെ കുറവായത് കൊണ്ട് ഞാൻ കഴിഞ്ഞു എന്ന് തലയാട്ടി കാണിച്ചു….

“””മ്മ്….. എന്നാ വാ നടക്ക്””” ഗൗരവത്തിൽ പറഞ്ഞിട്ട് ഏട്ടൻ നടന്നു… ഞാൻ വേഗം കൈകോട്ട് കൊണ്ടുപോയി പറമ്പിന്റെ മൂലയിലുള്ള കൊട്ടിലിൽ കൊണ്ടുവെച്ച് ഏട്ടന്റെ കൂടെ വെച്ച് പിടിച്ചു…. സുധിയേ കാണാൻ പോവണമെന്നുണ്ട്, ഏട്ടനോട് ഒന്ന് പറഞ്ഞിട്ട് വേണ്ടേ പോവാൻ….. അതിനൊരു മടി, അതുകൊണ്ട് ഒന്നും മിണ്ടാതെ പിന്നാലേ നടന്നു….

“””നിനക്ക് തിരക്കുണ്ടോ??””” പെട്ടെന്ന് ഏട്ടൻ നടത്തതിനിടയ്ക്ക് തിരിഞ്ഞ് നോക്കി ചോദിച്ചു…. ഞാൻ ഇല്ലെന്ന് ചുമൽ കൂച്ചി കാണിച്ചു…

“””മ്മ്…. എന്നാ വാ എനിക്ക് കുറച്ച് സംസാരിക്കാനുണ്ട്””” എന്നും പറഞ്ഞ് പുള്ളി വീട്ടിലേക്കുള്ള വഴിയിലേക്ക് കയറുന്നതിന് പകരം പുഴയോരത്തേക്ക് നടന്നു…. ഒരു നിമിഷം ശങ്കിച്ച് നിന്നെങ്കിലും ഞാനും വേഗം ഒപ്പം പിടിച്ചു….. എന്താണാവോ കാര്യം?? എന്തുണ്ടെങ്കിലും മടിക്കാതെ മുഖത്തടിച്ച് പറയുന്ന ആള് എന്നോട് കാര്യം പറയാനുണ്ടെന്ന് പറഞ്ഞ് ഇങ്ങനെ പുഴകരയിലേക്ക് ഒക്കെ കൂട്ടി കൊണ്ട് പോവുന്നു…. എന്തോ കാര്യമായി തന്നെ പറയാനുണ്ടെന്ന് തോന്നുന്നു….

“””ഇരിക്ക്””” ഗോമതിപ്പുഴയുടെ കരയിൽ ഇരിപ്പുറപ്പിച്ച ശേഷം ആകാംഷയോടെ നിന്ന എന്നോടായി ഏട്ടൻ പറഞ്ഞു… ഞാനും പുള്ളിയുടെ അടുത്ത് ഇരുന്നു

പിന്നെ കുറച്ച് നേരത്തേക്ക് മൗനം… ഏട്ടൻ പുഴയിൽ നീന്തി തുടിക്കുന്ന താറാക്കൂട്ടതെ നോക്കി ഇരിപ്പാണ്, ഞാനും ചുറ്റും കണ്ണോടിച്ച് ഒന്നും മിണ്ടാതെ ഇരുന്നു….

“””കാശി…..””” ഞങ്ങൾക്കിടയിലെ മൗനം ഭേധിച്ചു കൊണ്ട് ഏട്ടൻ വിളിച്ചു

“””മ്മ്…..”””

“””ഗോവിന്ദമാമ്മ നിങ്ങടെ കല്യാണം നടത്തുന്ന കാര്യം ചോദിച്ചിരുന്നു…. ഇനിയും വെച്ച് നീട്ടണോ ന്ന്””””

“””നിങ്ങടെ??””” ഇന്നലെ സുധി പറഞ്ഞത് വെച്ച് ഏട്ടൻ എന്താണ് ഉദ്ദേശിച്ചതെന്ന് ഊഹം കിട്ടിയെങ്കിലും ഞാൻ മനസ്സിലാവാത്തത് പോലെ ചോദിച്ചു….

“””നിന്റെയും ഗൗരിയുടെയും….. അല്ലാതെ ആരതാ””” ഊഹം കിട്ടിയിരുന്നുവെങ്കിലും പെട്ടെന്ന് അത് ഏട്ടന്റെ വായിൽ നിന്നും കേട്ടപ്പോ ഞാൻ ശരിക്കും ഞെട്ടി…. ഭാവവ്യത്യാസമൊന്നും ഇല്ലാതെ വളരെ ലാഘവത്തോടെയാണ് ഏട്ടൻ അത് പറഞ്ഞത്…..

“””എന്താ നീ ഒന്നും മിണ്ടാതെ??””” എന്റെ ഭാഗത്ത് നിന്ന് പ്രതികരണം ഒന്നും കിട്ടാഞ്ഞിട്ട് ഏട്ടൻ സ്വാതവേയുള്ള ഗൗരവഭാവത്തിൽ ചോദിച്ചു…

“””ഏട്ടാ……. അത് പിന്നെ…… ഏട്ടത്തി……… ഏട്ടന്റെ ഭാര്യ……… എനിക്ക്……വേറെ……”””””

“””നിനക്ക് വേറെ വല്ലവളുമാരുമായി എന്തെങ്കിലുമുണ്ടോ??”””” ഞാൻ തപ്പി തടങ്ങ് എന്തോ പറയാൻ ശ്രമിക്കുന്നതിനിടെ കയറി ഏട്ടൻ ചോദിച്ചു….. ആ ചോദ്യത്തിന്റെ കനം കാരണം ഞാൻ പോലുമറിയാതെ എന്റെ തല ഇല്ല എന്നർത്ഥത്തിൽ ആട്ടിപ്പോയി

“””മ്മ്….. എന്നാ ശരി… ഗോവിന്ദമാമ്മയോട് പറയാം അടുത്ത് തന്നെയുള്ള മുഹൂർത്തം നോക്കാൻ”””

“””ഏട്ടാ അത്…….”””” ഏട്ടനും അതിനോട് യോജിപ്പാണെന്ന് അറിഞ്ഞതോടെ എനിക്ക് എന്ത് ചെയ്യണം എന്ത് പറയണം എന്നറിയാത്ത അവസ്ഥയായി പോയി… ഏട്ടന്റെ മുഖത്ത് നോക്കി വിയോജിപ്പ് പ്രകടിപ്പിക്കണം എന്നുണ്ട്, പക്ഷെ കഴിയുന്നില്ല….

“””ഒരതുമിതുമില്ല…… ഞങ്ങൾ തീരുമാനിച്ച് കഴിഞ്ഞു….. മരിയാതയ്ക്ക് അടങ്ങി ഒതുങ്ങി പറയുന്നത് കേട്ട് നിന്നാ മതി…. കേട്ടോഡാ….””” പെട്ടെന്ന് അതുവരെ ഉണ്ടായിരുന്ന ഭാവം മാറി ഏട്ടൻ സ്ഥായി ഭാവം പൂണ്ടതും ഞാൻ ശരി എന്ന് തലയാട്ടി… പക്ഷെ ഈ നശിച്ച ഏർപ്പാടിന് ഞാൻ നിൽക്കില്ല എന്ന് മനസ്സിൽ ഉറപ്പിച്ചു…. ഒരു നിവർത്തിയും ഇല്ലേൽ നാട് വിടാം…

“””ഹ്മ്മ്‌…..നീ വീട്ടിലേക്ക് ചെല്ല്…… ഞാൻ വന്നേക്കാം””” അത് കേൾക്കേണ്ട താമസം ഞാൻ എഴുന്നേറ്റു….. വീട്ടിലേക്ക് പോവാൻ തോന്നുന്നില്ല…. ഇന്ന് ഇനിയിപ്പോ വേലുപാറയിലെ ചാത്തൻ തന്നെ ശരണം എന്ന് മനസ്സിൽ കരുതി ഞാൻ നേരെ അമ്മാമയുടെ വീട്ടിലേക്ക് വെച്ച് പിടിച്ചു, സുധിയേ പൊക്കാൻ….. പക്ഷെ നടക്കുമ്പോഴൊക്കെ മനസ്സിൽ പല കണക്ക് കൂട്ടലുകളായിരുന്നു….

സംഭവം ഞാൻ കരുതിയതിലും വലിയ പണിയാണ്, ഏട്ടനും അതിന് കൂട്ട് നിൽക്കും എന്ന് ഞാൻ പ്രതീക്ഷിച്ചില്ല…………………… ഛെ, സ്വന്തം ഭാര്യയെ കല്യാണം കഴിക്കാനാണ് അങ്ങേര് ഇപ്പോ എന്നോട് പറഞ്ഞത്, എങ്ങനെ മനസ്സ് വന്ന് കാണും….. അയ്യേ……… സുധിയോടും കൂടി ചോദിച്ച് നോക്കാം അല്ലെങ്കിൽ ഈ മീനാക്ഷിപുരം വിട്ട് എങ്ങോട്ടേലും പോവുകയല്ലാതെ വേറെ വഴിയില്ല…. എന്തായാലും അവരുടെ കൂടെ കൂടി ഇനിയും ഈ നശിച്ച ആചാരം നിലനിർത്താൻ ഞാൻ കൂടില്ല…. ***

അമ്മാവന്റെ വീട്ടിൽ എത്തിയപ്പോ സുധി മുന്നിൽ തിണയിൽ സ്വപനം കണ്ടിരിപ്പുണ്ട്…

“”””ഡാ……””””

“””ആ കാശി”””

“””വാ…..””””

“”””എങ്ങോട്ടാ??”””

“”””അണ്ടി…. ഇറങ്ങി വാ കുണ്ണേ”””” എന്റെ വായീന്ന് നല്ല മലയാളം കേട്ടതും സുധി ചാടി എഴുന്നേറ്റ് ഇറങ്ങി വന്നു….

“””എന്താടാ എന്താ പ്രശ്‌നം??””” എന്റെ മുഖത്ത് നിന്നും പലതും വായിച്ചെടുത്തുകൊണ്ടാവണം സുധി ചോദിച്ചത്….

“””നീ വാ പറയാം…””” പിന്നെ മറുത്തൊന്നും പറയാതെ സുധി എന്റെ കൂടെ ഇറങ്ങി….. വേലുപാറ എത്തുന്നത് വരെ ഞാൻ അവനോട് ഒന്നും മിണ്ടിയില്ല, മനസ്സ് ഇതിനൊരു പ്രതിവിധി തേടിയുള്ള യാത്രയിലായിരുന്നു…… പക്ഷെ ആ യാത്രയും ചെന്ന് നിന്നത് നാടുവിടൽ എന്ന ഒരേയൊരു പോംവഴിയിലാണ്…. *****

വേലുപാറയിൽ എത്തിയപ്പോൾ എന്റെ സൈക്കിൾ അവിടെ ചെരിഞ്ഞ് തൂങ്ങി നിൽപ്പുണ്ട്, പാവം ഇന്നലെ തുടങ്ങിയ നിർത്തമല്ലേ….. അവനെ ഒന്ന് തലോടിയിട്ട് ഞാൻ വാസുഅണ്ണനോട് രണ്ട് ഗ്ലാസ് ചാത്തൻ ഒഴിക്കാൻ പറഞ്ഞു, സാധനം മുന്നിൽ എത്തിയതും ഒട്ടും സമയം കളയാതെ ഞാൻ അതെടുത്ത് ഒറ്റവലിക്ക് അകത്താക്കി……ഹൂ…. കുടല് കത്തിയ പോലെ തോന്നി, ആദ്യത്തേത് ഇങ്ങനെയാണ്…ഇനി പ്രശ്‌നമില്ല, അടുത്തത് തൊട്ട് പച്ചവെള്ളം പോലെ ഇറങ്ങിക്കോളും….

“”””ഇനി പറാ…. എന്താ പ്രശ്‌നം??”””” നെഞ്ഞ് തടവികൊണ്ട് സുധിയേ നോക്കിയതും ഇത്രയും നേരം നാക്കിൻ തുമ്പിൽ കിടന്നിട്ട് പെട്ടെന്ന് തെന്നി വീണത് പോലെ ചോദ്യം വന്നു….

“””ശിവേട്ടനും അവരെക്കൂടെയാടാ…. ഞാൻ ഇനിയെന്ത് ചെയ്യും??”””

“”””ശിവേട്ടൻ ആരെക്കൂടെ?? എന്ത് ചെയ്യുന്ന കാര്യാ നീയീ പറയണേ??””” ഒന്നും മനസ്സിലാവാതെ തലചൊറിഞ്ഞുകൊണ്ട് സുധി ചോദിച്ചു…..

“””എടാ ശിവേട്ടൻ ഇന്നെന്നോട് ഏട്ടത്തിയെ കെട്ടാൻ പറഞ്ഞു….””””

“””ഏഹ്…. എന്നിട്ട് നീയെന്ത് പറഞ്ഞ്??”””

“””എന്ത് പറയാൻ….. ഏട്ടൻ ഉറപ്പിച്ച മട്ടാ….. എതിർത്തിട്ട് കാര്യമില്ല”””” ഞാൻ ഒന്ന് നെടുവീർപ്പിട്ടു….

“””അപ്പോ നീ ഗൗരിയെച്ചിയേ കെട്ടാൻ തീരുമാനിച്ചോ??”””

“””കോപ്പാണ്……. എന്തേലും കാരണമുണ്ടാക്കി മുടക്കിയേ പറ്റു””” എന്നും പറഞ്ഞ് ഞാൻ സുധിയേ നോക്കുമ്പോ കക്ഷി കാര്യമായ ചിന്തയിലാണ്….. മുടക്കാൻ വല്ല വഴിയും ആലോചിക്കുകയാവും…..

“”””എന്നാലും ശിവേട്ടൻ ഇതിന് കൂട്ട് നിൽക്കുമെന്ന് ഞാൻ ഒട്ടും പ്രതീക്ഷിച്ചില്ല”””” അല്പനേരത്തെ മൗനത്തിന് ശേഷം സുധി കാര്യമായി പറഞ്ഞു…. അപ്പോഴേക്കും വാസുഅണ്ണൻ അടുത്ത ഗ്ലാസ് കൊണ്ടുവന്നിരുന്നു….

“””ഓ…… നീ ഇത് ഒഴുവാക്കാൻ വല്ല വഴിയുമുണ്ടേ പറ””””

“”””എന്ത് വഴി…. ഒരുവഴിയുമില്ല….. ശിവേട്ടൻ പറഞ്ഞ സ്ഥിതിക്ക് മിണ്ടാണ്ടെ അനുസരിക്കുന്നതാ നല്ലത്…… അല്ല അതേ നടക്കു””””

“”””ഓ…… യെന്ത് ദുരന്തനാടാ നീ…..””””

“”””അല്ലാതെ ഞാൻ എന്ത് പറയാനാ….. ശിവേട്ടൻ ഒരുകാര്യം ഉറപ്പിച്ചാ പിന്നെ അതീന്ന് മാറില്ലാന്ന് എന്നെക്കാട്ടും നന്നായി നിനക്ക് അറിഞ്ഞൂടെ……””””” അവൻ പറയുന്നതാണ് യാഥാർഥ്യം എന്നോർക്കുമ്പോ സങ്കടവും ദേഷ്യവും കൂടികലർന്ന ഒരു അവസ്ഥയിലായിരുന്നു ഞാൻ…… മുന്നിലിരുന്ന ഗ്ലാസ് എടുത്ത് ഒറ്റവലിക്ക് അകത്താക്കി…. ഈ നാറിക്ക് എന്നെ ആശ്വസിപ്പിക്കാനെങ്കിലും നുണ പറഞ്ഞൂടെ…. പട്ടി……. പരനാറി…..

“”””വേറെ വഴിയൊന്നും കണ്ടില്ലെങ്കി നാട് വിടും…… അത് ഞാനുറപ്പിച്ചതാ”””

“””മ്മ്….. ഞാനും ആലോചിച്ചിട്ട് വേറെ വഴിയൊന്നും കാണണില്ല”””

സുധിയുടെ തലയിലും വേറെ കുരുട്ട് ബുദ്ധിയൊന്നും തെളിയാത്തത് കൊണ്ട് കല്യാണത്തിന് മുന്നെ നാട് വിടുക തന്നെയേ വഴിയുള്ളൂ എന്ന് മനസ്സിലായി…… അങ്ങനെ പിന്നെയും ഇരുന്ന് രണ്ടോ മൂന്നോ ഗ്ലാസ് കൂടെ അകത്താക്കി ഞങ്ങൾ ഇന്നത്തെ കലാപരിപാടി അവസാനിപ്പിച്ചു…. തലയ്ക്ക് ഒക്കെ ഒരു പിടുത്തമുണ്ടെങ്കിലും നിയന്ത്രണത്തിലാണ്…… സൈക്കിളും എടുത്ത് വേലുപാറയിറങ്ങി…… സുധിയേ വീട്ടിലാക്കി ഞാൻ വീട്ടിലേക്ക് മടങ്ങി…. *****

വീട്ടിലെത്തുമ്പോൾ സമയം രാത്രി എട്ടര കഴിഞ്ഞു….. മുന്നിലെ വാതിൽ തുറന്ന് കിടന്നത് കൊണ്ട് വേഗം അകത്ത് കയറി…. അമ്മ പതിവ് പോലെ നേരത്തെ കിടന്നെന്ന് തോന്നുന്നു, മുറിയിൽ വെട്ടമൊന്നുമില്ല… ഏട്ടനും ഏട്ടത്തിയും അവരുടെ മുറിയിലാണ്, വെട്ടമുണ്ട്….. ഏട്ടന്റെ ശബ്ദവും ഉയർന്ന് കേൾക്കുന്നുണ്ട്…. ഏട്ടത്തി പതിയെ വിതുമ്പുന്ന ശബ്ദവും കേൾക്കാം…. ചെറ്റത്തരം ആണെന്ന് അറിയാമെങ്കിലും എന്തോ ഉൾപ്രേരണകൊണ്ട് ഞാൻ അവരുടെ മുറിയുടെ വാതിലിനടുത്ത് ചെന്ന് ചെവി കൂർപ്പിച്ചു….

“”””ഞാൻ നിന്നെ കെട്ടാൻ വന്നപ്പോഴേ നിന്റെ തന്തയ്ക്കും തള്ളയ്ക്കും അറിയായിരുന്നല്ലോ ഇവിടെ ഇങ്ങനെയൊരു ആചാരമുള്ളത്…… അവർ എല്ലാം സമ്മതിച്ച്കൊണ്ടാണ് നിന്നേ എന്റെ തലയിൽ കെട്ടിവെച്ചത്…….. എന്നിട്ടിപ്പോ മറ്റേടത്തെ വാർത്താനം പറഞ്ഞാലുണ്ടല്ലോ……. പൂറിമോളെ ഈ ശിവന്റെ തനികൊണം നീ കാണും…….. മരിയാതയ്ക്ക് ഞാൻ പറയുന്നത് കേട്ട് അടങ്ങി ഒതുങ്ങി ജീവിച്ചോണം…… കേട്ടോഡി കൂത്തിച്ചി……..”””””

ഏട്ടൻ ശബ്ദമുയർത്തി അലറുകയാണ്….. അതൊക്കെ പതിവാണെങ്കിലും ഏട്ടത്തിയെ പച്ചയ്ക്ക് തെറി വിളിക്കുന്നത് ആദ്യമായാണ് കേൾക്കുന്നത്, അതും ഒരു കണക്കിന് ഞാനാണല്ലോ കാരണമെന്ന് ഓർക്കുമ്പോൾ സഹിക്കുന്നില്ല…..

“””ഠപ്പേ…………”””” ഏട്ടത്തി എന്തോ പറഞ്ഞു പക്ഷെ അത് വ്യക്തമായി കേട്ടില്ല…. തൊട്ടടുത്ത നിമിഷം പടക്കം പൊട്ടുന്നത് പോലെയൊരു ശബ്ദം കേട്ടു, അതോടെ ഏട്ടത്തിയുടെ കരച്ചിലിന്റെ ശബ്ദം ഒച്ചതിലായി….

“”””നിന്റെ സമ്മതം എനിക്ക് വേണ്ട….. ഈ കല്യാണം ഞാൻ നടത്തിയിരിക്കും………”””” ഏട്ടൻ ഉറച്ച സ്വരത്തിൽ പറഞ്ഞു… ഏട്ടത്തി വീണ്ടും എന്തോ എതിർത്ത് പറഞ്ഞെന്ന് തോന്നുന്നു, വീണ്ടും അടിക്കുന്ന ശബ്ദം കേട്ടു…… മൈര് എന്തേലും ചെയ്തില്ലെങ്കിൽ ആ പാവത്തിനെ തല്ലി കൊല്ലും കാലമാടൻ…. ഞാൻ വേഗം അടുക്കളയിൽ ചെന്ന് ഒരു പാത്രമെടുത്ത് നിലത്തിട്ടു…. അതോടെ അവരുടെ മുറിയിൽ നിന്നുള്ള ഒച്ചയും ബഹളവും നിന്നു…. അല്പനേരത്തിന് ശേഷം ഏട്ടൻ വാതില് തുറന്ന് പുറത്തിറങ്ങി വന്നു….

“””നീ കുറെനേരായോ വന്നിട്ട്??”””

“””ഇല്ല ഇപ്പോ വന്നേയുള്ളു””” ദേഷ്യം കടിച്ചമർത്തി കൊണ്ട് ഞാൻ പറഞ്ഞു….

“””മ്മ്….. ഭക്ഷണം കഴിച്ചോ??”””

“””ഇല്ലാ”””

“””എന്നാ എടുത്ത് കഴിച്ചിട്ട് കിടക്കാൻ നോക്ക്….. അവള് കിടന്നു””” എന്നും പറഞ്ഞ് അങ്ങേര് തിരിഞ്ഞ് മുറിയിലേക്ക് തന്നെ നടന്നു….. ഞാൻ കുറച്ച് ചോറും മീൻകറിയും എടുത്ത് കഴിച്ചിട്ട് പുറത്ത് തിണയിൽ പോയി കിടന്നു…. *****

കിടന്നിട്ട് ഉറക്കം വരുന്നില്ല….. വല്ലാത്തൊരു അവസ്ഥ, വേറെയൊരു വഴിയും മുന്നിൽ തെളിയുന്നില്ല….. ജനിച്ചു വളർന്ന നാട് വിട്ട് പോവുകയല്ലാതെ മറ്റൊരു മാർഗ്ഗവും മുന്നിലില്ല… കുറച്ച് മുന്നെ കേട്ട ഏട്ടത്തിയുടെ കരച്ചിൽ എന്റെ നെഞ്ചിൽ ഒരു തീ ഗോളം എടുത്ത് വെച്ചത് പോലെയായി, അത് നാട് വിടുക എന്ന തീരുമാനത്തിൽ ഉറച്ച് നില്ക്കാൻ എന്നെ പ്രേരിപ്പിക്കുന്നു…..

അങ്ങനെ ഓരോന്നും ആലോചിച്ച് എപ്പോഴോ കിടന്നുറങ്ങി പോയി…… *****

അടുത്ത ദിവസം രാവിലെ ഉണ്ണിയുടെ പുന്നാരമോൻ കുമാരന്റെ കൊണച്ച കുര കേട്ടാണ് ഉണർന്നത്…. പൂറിമോനെ വല്ല കരടിയും എടുത്തിട്ട് ഊക്കി കൊതം കീറി പോട്ടെ എന്ന് പ്രാകികൊണ്ട് കണ്ണ് തുറക്കുമ്പോൾ കാണുന്നത് കുനിഞ്ഞ് നിന്ന് മുറ്റമടിക്കുന്ന ഏട്ടത്തിയെ….. ഞാൻ എഴുന്നേറ്റു എന്ന് കണ്ടതും പുള്ളിക്കാരി മുറ്റമടി നിർത്തി നിവർന്നു നിന്ന് എന്നെ ഒന്ന് കടുപ്പിച്ച് നോക്കിയിട്ട് വീട്ടിന്റെ പിന്നാമ്പുറതേക്ക് നടന്നു…. ആ മുഖം കണ്ടാലേ ഇന്നലെ രാത്രി ഒരു പോള കണ്ണടച്ചിട്ടില്ലെന്ന് മനസ്സിലാവും….

ഞാൻ ഉറക്കപ്പിച്ചിൽ അങ്ങനെ ഇരുന്നു…

നാട് വിടുമ്പോ സുധീനെ കൂടെ വിളിച്ചാലോ?? ഏയ് അല്ലെങ്കിൽ വേണ്ട ഞങ്ങള് കുണ്ടന്മാരാന്ന് വരെ പറഞ്ഞ് പരത്തും നാട്ടുക്കാര് തെണ്ടികള്…. അതിലും ഭേദം ഒറ്റയ്ക്ക് പോവുന്നത് തന്നെയാ…. അങ്ങനെ ഒക്കെ ചിന്തിച്ചിരിക്കുമ്പോഴാണ് ഉണ്ണി കുമാരനുള്ള ഭക്ഷണവും കൊണ്ട് വരുന്നത് കണ്ടത്……

“””എന്താടി നിന്നെ ഇന്നും ആരെങ്കിലും കാണാൻ വരണുണ്ടോ??””” ഞാൻ ഉറക്കെ വിളിച്ച് ചോദിച്ചു…

“””ഓ…. കല്യാണം ഉറപ്പിച്ചോണ്ട് ഇനിമുതൽ രാവിലെ നേരത്തെ എഴുന്നേക്കണം എന്നാ മോളീന്നുള്ള ഉത്തരവ്””” അവളൊരു ഒഴുക്കൻ മട്ടിൽ പറഞ്ഞു

“”””ഏഹ്… അപ്പോ ഉറപ്പിച്ചോ??”””

“””ആഡാ….””” അവൾ വിഷമത്തോടെ പറഞ്ഞു… ഞാൻ പിന്നെ ഒന്നും ചോദിച്ചില്ല, അതിലും വല്യ പണിയാണല്ലോ എനിക്ക് കിട്ടിയിരിക്കുന്നത്, അവളെ കെട്ടാൻ പോവുന്ന ചെക്കന് ഒരാങ്ങളയുണ്ടെന്നേ ഉള്ളു…. അവളുടെ കാര്യത്തിൽ ഇപ്പോഴും തീരുമാനം ഒന്നും ആയിട്ടില്ല…. ചിലപ്പോ അവർക്ക് ഈ പഴയ നശിച്ച ആചാരതിനോട് യോജിപ്പുണ്ടാവണമെന്നില്ല…… പക്ഷെ എന്റെ കാര്യത്തിൽ അമ്മയും ഏട്ടനും അമ്മാവനും ഒക്കെ തീരുമാനം എടുത്ത് കഴിഞ്ഞു….

“””ഡാ….. നിന്നെകൊണ്ട് ഗൗരിയേച്ചിയെ കെട്ടിക്കാൻ പോവാന്ന് പറയുന്നത് കേട്ടു….. ഉള്ളതാണോ??””” തൊട്ടടുത്തുന്നാണ് ഉണ്ണിയുടെ ശബ്ദം കേട്ടത്, ഹോ ഈ മരംകേറി പെണ്ണ് ഇത്രപ്പെട്ടന്ന് ഇവിടെയെത്തിയോ….

“””ഡാ പൊട്ടാ ഉള്ളതാണോ ന്ന്”””

“””ഓ…. അവര് എന്ത് വേണേലും തീരുമാനിക്കട്ടെ, പക്ഷെ ഒന്നും നടക്കൂല്ല””” ഞാൻ ഒരു ഒഴുക്കൻ മറുപടി കൊടുത്തു…

“””ഒന്ന് പോയെടാ…. നിന്നേ എനിക്കറിഞ്ഞുടെ, അവരൊക്കെകൂടെ ഉറപ്പിച്ച് കഴിഞ്ഞാ നീ ഒന്നും മിണ്ടാണ്ടെ നിന്ന് കൊടുക്കും….. അല്ലാതെന്താ……””””

“””എങ്കി നീ കണ്ടോ…. ഈ കല്യാണം നടക്കില്ല””” ഞാൻ ഉറച്ച സ്വരത്തിൽ പറഞ്ഞു,

“””എങ്ങനെ?? നീയെന്ത് ചെയ്യും??””” ഉണ്ണിയൊരു സംശയഭാവത്തോടെ ചോദിച്ചു…

“””നാട് വിടും….”””

ഞാൻ അത് പറയലും ഉണ്ണിയൊന്ന് ഞെട്ടി…. ശരിക്കും ഞെട്ടി…..

“””ഡാ…… കാശി…..”””

“””ഞാൻ ഉറപ്പിച്ച് കഴിഞ്ഞു, അല്ലാതെ വേറെ വഴിയൊന്നുമില്ല….. നിങ്ങളെ ഒക്കെ വിട്ട് പോവാൻ വിഷമണ്ട് പക്ഷെ എന്താ ചെയ്യാ…….”””” ഉണ്ണിയെ ഒന്നും പറയാൻ സമ്മതിക്കാതെ ഞാൻ ഇടയ്ക്ക് കയറി പറഞ്ഞു……

ഞാൻ നാട് വിട്ട് പോവാന്ന് കേട്ടതോടെ പെണ്ണിന്റെ മുഖം ആകെ മാറി, പാവം…..

“””””ഡീ…. നീയെന്തിനാ സങ്കടപെടണെ, നീയും വേഗം കല്യാണം കഴിച്ച് പോവില്ലേ, അപ്പോ പിന്നെ എനിക്ക് നിന്നേ നിന്റെ കണവന്റെ വീട്ടില് വന്ന് കാണാലോ………….. ഹാ… ആകെ ഒരു വിഷമം നിന്റെ കല്യാണം കൂടാൻ പറ്റില്ലല്ലോന്ന് ഓർക്കുമ്പോഴാണ്””””””

അവൾ ഒന്നും പറയാതെ എന്റെ ഞെഞ്ചിലേക്ക് ചായ്ഞ്ഞു…. എന്നെ മുറുക്കി കെട്ടിപ്പിടിച്ചു….. അല്പനേരം അങ്ങനെ നിന്ന ശേഷം “””ഞാൻ പോട്ടെ”””” എന്നും പറഞ്ഞ് എനിക്ക് മുഖം തരാതെ വേഗം തിരിഞ്ഞ് നടന്നു

ഞാൻ ഇമവെട്ടാതെ അവൾ പോവുന്നതും നോക്കി നിന്നു… അപ്പോഴാണ് നെഞ്ചിൽ അവൾ മുഖം വെച്ച ഭാഗത്ത് നനവ് പടർന്നത് ഞാൻ അറിയുന്നത്….. ഈ പെണ്ണിനിതെന്ത് പറ്റി, അങ്ങനേം ഇങ്ങനേം ഒന്നും കരയാത്ത സാധനാണ്…. *****

രാവിലത്തെ പണിയെല്ലാം തീർത്ത് വന്നപ്പോൾ എനിക്കുള്ള പ്രാതൽ മേശപ്പുറത്തുണ്ടായിരുന്നു, പക്ഷെ ഏട്ടത്തിയെ കണ്ടില്ല….. എന്നോടും

ദേഷ്യമായിരിക്കും, അതുകൊണ്ടാവും എന്നിൽ നിന്ന് ഒഴിഞ്ഞ് മാറുന്നത്…. എന്തായാലും പോവുന്നതിന് മുന്നെ ഏട്ടത്തിയോട് ഞാൻ അറിഞ്ഞോ അറിയാതെയോ ചെയ്തതിനെല്ലാം ഒന്ന് മാപ്പ് പറയണം….

അങ്ങനെ ഞാൻ പതിവിന് വിപരീതമായി ഒറ്റയ്ക്കിരുന്ന് പ്രാതൽ കഴിച്ചു……

ഏട്ടത്തിയെ കാത്ത് നിൽക്കാതെ ഞാൻ പറമ്പിലേക്ക് നടന്നു….. പാടവരമ്പതൂടെ നടക്കുമ്പോൾ പുറകിൽ ശബ്ദം കേട്ട് തിരിഞ്ഞ് നോക്കിയപ്പോൾ എന്റെ പിന്നിൽ ഒരു പത്തടി മാറി എട്ടനുള്ള പ്രാതലും പിടിച്ചോണ്ട് ഏട്ടത്തി വരുന്നു….. ഞാൻ നോക്കിയപ്പോ പുള്ളിക്കാരി വേഗം മുഖം തിരിച്ച്കളഞ്ഞു…. പിന്നെ തിരിഞ്ഞ് നോക്കാൻ നിന്നില്ല, നേരെ നടന്നു…….. *****

പറമ്പിലെത്തി പതിവ് പോലെ അലറ ചിലറ പണികൾ ചെയ്തുകൊണ്ടിരിന്നു…… അപ്പോഴാണ് ഏട്ടത്തിയുടെ അലർച്ച കേട്ടത്….

“”””ശിവേട്ടാ…….. അയ്യോ…………… അമ്മേ…. എഴുന്നേൽക്ക്…… അമ്മേ……….. ശിവേട്ടാ അമ്മ”””” ഏട്ടത്തിയുടെ നിലവിളി കേട്ടതും, കൈയിലിരുന്ന മത്തങ്ങയും നിലത്തിട്ട് ഞാൻ ഓടി…..

“””അമ്മേ……….”””” ഞാൻ ഓടിപിടഞ്ഞ് ചെന്നപ്പോൾ കാണുന്നത് നിലത്ത് വീണു കിടക്കുന്ന അമ്മയെയാണ്…… ശിവേട്ടൻ അമ്മയുടെ തലയെടുത്ത് മടിയിലേക്ക് വെച്ച് മുഖത്തേക്ക് വെള്ളം കുടയുന്നു….. ഏട്ടത്തി നിലവിളിയും….. എനിക്ക് എന്ത് ചെയ്യണമെന്നൊരു എത്തും പിടിയും കിട്ടുന്നില്ല…….

“””ഡാ നോക്കി നിൽക്കാതെ പോയി കൃഷ്ണമാമ്മയെ വിളിച്ചോണ്ട് വാ……””” ഏട്ടന്റെ സ്വരം ഉയർന്നപ്പോഴാണ് എനിക്ക് എന്താണ് ചെയ്യേണ്ടത് എന്നൊരു ധാരണ കിട്ടിയത്….

കൃഷ്ണമാമ്മ അമ്മയുടെ രണ്ടാമത്തെ ആങ്ങള, സുധിയുടെ രണ്ട് തന്തമാരിൽ ഇളയത്….. ആളൊരു തട്ടിക്കൂട്ട് വൈദ്യനാണ്…. പക്ഷെ ആരുടെയോ ഭാഗ്യത്തിന് അങ്ങേരുടെ മരുന്നൊക്കെ കഴിച്ച ഒരുവിധം അസുഖങ്ങൾ എല്ലാം മാറും, അതുകൊണ്ട് തന്നെ നാട്ടിൽ നല്ല പേരാണ്…..

“””ഡാ…. കൃഷ്ണമാമ്മയെ കൂട്ടി വീട്ടിലേക്ക് വന്നാ മതി”””

ഏട്ടൻ പറഞ്ഞതും കേട്ടിട്ടാണ് ഞാൻ അമ്മാമയുടെ വീട്ടിലേക്ക് ഓടിയത്, ചെന്ന് കാര്യം പറഞ്ഞതും അമ്മാവൻ ഒട്ടും സമയം കളയാതെ ആവശ്യമുള്ള സാധനജംഗമവസ്തുക്കൾ എല്ലാം എടുത്ത് എന്റെ കൂടെ പോന്നു…… ഒപ്പം ഗോവിന്ദമാമ്മയും അമ്മായിയും….

ഞങ്ങള് വീട്ടില് എത്തുമ്പോൾ ഏട്ടൻ അമ്മയെ എടുത്ത് വീട്ടിലെത്തിയിരുന്നു, ഒച്ചയും ബഹളവും എല്ലാം കേട്ട് ദേവകിയമ്മയും ഉണ്ണിയും ഒക്കെ വന്നിട്ടുണ്ട്….. എല്ലാരുടെ മുഖത്തും ഒരേ വികാരം….. ഭയം…..

“””ഈശ്വരാ….. എന്റെ അമ്മയ്ക്ക് ഒന്നും വരുത്തരുതേ….””””

അമ്മാവൻ പറഞ്ഞതനുസരിച്ച് എല്ലാരും മുറിക്ക് വെളിയിൽ അക്ഷമരായി കാത്തിരുന്നു, പ്രാർത്ഥനയോടെ…….. കുറച്ചുനേരം കഴിഞ്ഞപ്പോൾ കൃഷ്ണമാമ്മ പുറത്തേക്കിറങ്ങി വന്നു…. മുഖം കണ്ടിട്ട് എന്തോ പന്തികേട് തോന്നുന്നു

“”””ശിവാ……”””” അമ്മാവൻ പുറത്തിറങ്ങി ഏട്ടനെ അടുത്തേക്ക് വിളിച്ചു….മുറിയിലാകെ നിശബ്ദത്ത, എല്ലാരും അമ്മാവൻ പറയാൻ പോവുന്നത് കേൾക്കാൻ കാതോർത്തിരുന്നു….

“””കാർത്തൂന് ഇപ്പോ വല്യ കുഴപ്പമൊന്നുമില്ല കണ്ണ് തുറന്നിട്ടുണ്ട്, പക്ഷെ ഒരു നിമിഷം മരണത്തെ മുന്നിൽ കണ്ടത്തിന്റെ ആ ഒരു പതർച്ച വിട്ട് മാറിയിട്ടില്ല…… അവൾക്ക് കാശിയുടെ വിവാഹം കാണണമെന്നാണ് പറയുന്നത്””””

“””കൃഷ്ണമാമ്മ….. അത് പിന്നെ ഇവരെ കല്യാണം അധികം വൈകാതെ തന്നെ നടത്താൻ നമ്മള് തീരുമാനിച്ചതല്ലേ…..”””” ഏട്ടൻ മറുപടി കൊടുത്തു, ചുറ്റും എന്റെതടക്കം കുറെ ചെവികൾ അവരുടെ സംഭാഷണത്തിന് കാതോർത്തിരുന്നു…

“””അത് പോര…… ഇന്ന്…….. ഇപ്പോ…. ഈ നിമിഷം ഇവരുടെ കല്യാണം നടത്തണം…… അങ്ങനെ ചെയ്താ കാർത്തൂന്റെ മനസ്സിന് അല്പം ആശ്വാസം കിട്ടും, ഈയൊരു അവസ്ഥയിൽ അവളുടെ മനസ്സ് ശാന്തമായും സന്തോഷമായും ഇരിക്കണം…..””””

ഇത്രയും കേട്ടപ്പോ തന്നെ ഭൂമി എന്നെ ചുറ്റുന്നത് പോലെ തോന്നി തുടങ്ങി…. ഇറങ്ങി ഓടാൻ തോന്നുന്നു, പക്ഷെ കയ്യും കാലും തളർന്നത് പോലെ….. ഏട്ടത്തി വാ പൊത്തി കരഞ്ഞോണ്ട് അടുക്കള ഭാഗത്തേക്ക് ഓടുന്നത് കണ്ടു…..

“”””അയ്യോ….ഇപ്പോ തന്നെ നടത്താന്നൊക്കെ പറഞ്ഞാ….. അതെങ്ങനാ ശരിയാവാ”””” അമ്മായിയാണത് ചോദിച്ചത്

“”””എന്താ ഇപ്പോ നടത്തിയാല്….. എന്തായാലും നടത്താൻ തീരുമാനിച്ചതല്ലേ, അതിപ്പോ ഇത്തിരി നേരത്തെയായീന്ന് വെച്ച് എന്താ കുഴപ്പം…….. പിന്നെ വേണ്ടപ്പെട്ട എല്ലാരും ഇവിടെ തന്നെയുണ്ടല്ലോ”””” അതോടെ അമ്മായിയും നിശബ്ദയായി….. കൃഷ്ണമാമ്മ കാലമാടൻ കരുതിക്കൂട്ടി തന്നെയാണ്

ശിവേട്ടനും ഗോവിന്ദമാമ്മയും കാര്യമായ ആലോചനയിലാണ്, ഉണ്ണിയും അവളെ തള്ളയും മുറിയിൽ അമ്മയുടെ അടുത്തും….. നല്ല ഉഗ്രൻ പണിയായി പോയി അമ്മയും കൃഷ്ണമാമ്മയും കൂടെ തന്നത്….. കയ്യോടെ പിടിച്ച് കെട്ടിക്കാനാണ് പദ്ധതി, അല്പം സമയം കിട്ടിയിരുന്നേ ഞാൻ നാട് വിട്ടേന്നെ…..

എത്ര നേരം ഞാൻ ആ ഇരിപ്പിരുന്നെന്ന് അറിയില്ല, ശിവേട്ടന്റെ പരുക്കൻ ശബ്ദമാണ് എന്നെ തിരിച്ച് കൊണ്ടുവന്നത്…

“””കാശി…….. മ്മ്……ചെല്ല്, പോയി ഒരുങ്ങ്””” മരിച്ച് കിടക്കുന്ന ആളുടെ മൃതദേഹത്തിനോട് ഒറ്റയ്ക്ക് പോയി കുളിച്ചൊരുങ്ങി വരാൻ പറയുന്നത് പോലെയാണ് എനിക്ക് അത് കേട്ടപ്പോ തോന്നിയത്….

“””മ്മ്…… വാ മോനേ…..””” മൃതദേഹത്തിനെ കൊണ്ട് ഒറ്റയ്ക്ക് സാധിക്കില്ലെന്ന് തോന്നിയത് കൊണ്ടാവാം, എന്റെ ഈ അവസ്ഥക്ക് പ്രധാന കാരണക്കാരനായ കൃഷ്ണമാമ്മ തന്നെയെന്നെ പിടിച്ച് മുറിയിലേക്ക് നടന്നു……

പിന്നെ നടന്നതിനെല്ലാം ശരിക്കും ഒരു ശവത്തെ പോലെ തന്നെ പ്രത്യേകിച്ച് ഭാവമോ ചലനമോ ഒന്നുമില്ലാതെ ഇരുന്നു കൊടുക്കുകയായിരുന്നു ഞാൻ…… ശിവേട്ടൻ അങ്ങേരുടെ കല്യാണത്തിനിട്ട വെള്ള ഷർട്ടും മുണ്ടും എന്നെ കൊണ്ട് ഇടീപ്പിച്ചു, ഇനിയങ്ങോട്ടുള്ള ജീവിതത്തിൽ എല്ലാം ഇതുപോലെ അങ്ങേര് ഉപയോഗിച്ചതിന്റെ ബാക്കിയാണല്ലോ എനിക്ക് കിട്ടുക, അതിനൊരു തുടക്കം കുറിച്ചതാവും…….

അണിയിച്ചൊരുക്കി എന്നെ നേരെ അമ്മയുടെ മുറിയിലേക്ക് കൊണ്ട്പോയി…. ഉണ്ണി അവടെ നിൽപ്പുണ്ടായിരുന്നു, ഞാൻ അവളെ നിർവികാരനായി ഒന്ന് നോക്കി….. എന്റെയീ അവസ്ഥ കണ്ടിട്ടാവും അവളും ആകെ സങ്കടത്തിലാണ്…..

“””അല്ല ഈ കല്യാണം എന്നൊക്കെ പറഞ്ഞാ….. മുഹൂർത്തം ഒക്കെ നോക്കണ്ടേ””” എന്നെ രക്ഷിക്കാൻ ഒരു അവസാന ശ്രമം പോലെ ഉണ്ണി കൂടിനിന്നവർക്ക് മുന്നിലേക്ക് ഒരു സംശയമിട്ടു….

“”””ചമ്പച്ചോട്ടിൽ തൈവയ്ക്കാനും ചേട്ടന്റെ ഭാര്യയെ വിവാഹം ചെയ്യാനും മുഹൂർത്തം നോക്കണ്ട എന്നാണല്ലോ……..””””” ഉണ്ണിയുടെ സംശയത്തെ മുളയിലേ നുള്ളി കൊണ്ട് അവളുടെ തള്ള ദേവകി ഞാൻ ഇന്നേവരെ കെട്ടിട്ടില്ലാത്തൊരു പഴംചൊലെടുത്തിട്ടു….. പെഴച്ച തള്ള

“”””അല്ല അപ്പോ ഗൗരിയേച്ചിയുടെ വീട്ടില് അറിയിക്കണ്ടേ””””

‘”””ഏയ്….. അതിന്റെ ആവശ്യമില്ല”””” ഉണ്ണിയുടെ അടുത്ത ഇടംകോല് തട്ടി തെറിപ്പിച്ചത് എന്റെ ഏട്ടൻ എന്ന കാട്ടുപോത്തിന്റെ ഉറച്ച വാക്കുകളാണ്, ഒപ്പം ഉണ്ണിയുടെ തള്ള അവളെ പിടിച്ച് പിച്ചുന്നതും മിണ്ടാതിരിക്കാൻ ആംഗ്യം കാട്ടുന്നതും കണ്ടു…… അതോടെ അവളും എന്നെ ഒരു നോട്ടം നോക്കി, അതിൽ എനിക്ക് അവസാനത്തെ പിടിവള്ളിയും വിട്ട് കൊക്കയിലേക്ക് വീഴുന്നത് പോലെയായി….

പെട്ടെന്ന് ഒരു ശബ്ദം കേട്ട് മുറിയുടെ വാതിൽക്കലേക്ക് നോക്കിയപ്പോൾ കാണുന്നത് അമ്മായി ഏട്ടത്തിയെ അണിയിച്ചൊരുക്കി കൊണ്ടുവരുന്നതാണ്…. ഏട്ടത്തി അവരുടെ ആദ്യവിവാഹത്തിന് ഉടുത്ത അതേ ചുവപ്പ് സാരിയും ഉടുത്തോണ്ടാണ് വന്നത്, തല താഴ്ത്തി ആരുടേയും മുഖത്ത് നോക്കാതെ നിന്ന അവരെ അമ്മായി പിടിച്ച് എന്റെ അടുത്ത് കൊണ്ടുവന്ന് നിർത്തി……

തൊട്ടടുത്ത നിമിഷം ഗോവിന്ദമാമ്മ ഒരു താലി ചരട് കൊണ്ടുവന്ന് എന്റെ കയ്യിൽ തന്നു, കൊളുത്താനുള്ള തീ ശവത്തിനെ തന്നെ ഏൽപ്പിച്ചത് പോലെ….

ഞാൻ വിറയ്ക്കുന്ന കൈകളിൽ താലിമാലയും പിടിച്ചോണ്ട് ചുറ്റുമൊന്ന് നോക്കി, ഉണ്ണിയുടെ മുഖത്ത് മാത്രം സങ്കടം കാണാം… ബാക്കി എല്ലാരുടെ മുഖത്തും ചിരിയാണ്…. എന്റെ ഏട്ടൻ പോത്തിന്റെ മുഖത്ത് പിന്നെ പതിവ്‌ പോലെ പ്രത്യേകിച്ച് ഭാവങ്ങളൊന്നുമില്ല….. കിടക്കയിൽ നിവർന്നു കിടക്കുന്ന അമ്മയെ നോക്കി, കണ്ണിലൂടെ ആനന്താഷുവും ഒലിപ്പിച്ച് കിടക്കുന്നു…..

എല്ലാത്തിനും കാരണക്കാരി….. സാരമില്ല, എന്നെ നൊന്ത് പെറ്റ അമ്മയ്ക്ക് വേണ്ടി ഈ മകൻ ചെയ്യുന്ന ത്യാഗം…… അതാണീ വിവാഹം എന്നോർത്ത് ഞാൻ സമാധാനിച്ചു….

“”””മ്മ്…… കെട്ട്””””” ഏട്ടന്റെ ശബ്ദമുയർന്നു…… അതോടെ എന്റെ കൈകൾ യാന്ത്രികമായി ഏട്ടത്തിയുടെ കഴുത്തിലേക്ക് നീണ്ടു….. ഒരു നിമിഷം ഞാൻ ആ മുഖത്തേക്ക് നോക്കി, കണ്ണുകൾ ഇറുക്കിയടച്ച് നിൽക്കുകയാണ് പാവം…… ഇവിടെ ഞങ്ങൾ രണ്ടുപേർക്കും ശബ്ദമില്ല, എതിർത്തിട്ടും കാര്യമില്ല…..

മനസ്സിൽ ഒരായിരം തവണ മാപ്പിരന്നുകൊണ്ട് ഞാൻ ആ കഴുത്തിൽ താലി ചാർത്തി….. ഏട്ടന്റെ ഭാര്യയായി കയറി വന്ന് എന്റെ ഏറ്റവും അടുത്ത കൂട്ടുകാരിയായി മാറിയവൾ, ഇപ്പോ ഇതാ എന്റെയും ഭാര്യയായി മാറിയിരിക്കുന്നു…… ചെറുപ്പം തൊട്ട് ഞാൻ ഏറ്റവും വെറുത്തതെന്തോ, എന്റെ ജീവിതത്തിൽ സംഭവിക്കരുതെന്ന് ആഗ്രഹിച്ചതെന്തോ…… അതിതാ നടന്നിരിക്കുന്നു….. *****

തുടരും🙏

ഈ കഥ മൂന്ന് ഭാഗങ്ങളുണ്ടാവും, അഭിപ്രായം എന്ത് തന്നെയാണെങ്കിലും അറിയിക്കും എന്ന വിശ്വാസത്തിൽ

സ്നേഹപൂർവ്വം Hyder Marakkar🖤